میدیا- هه‌ولیر:

لە هۆڵی رۆشنبیری له‌ شاری هەولێر، بەسەرپەرشتی دەزگای سەتەلایتی کوردستان و سەرۆکایەتی زانکۆی سەڵاحەدین و بەرێوەبەرایەتی گشتی ڕۆشنبیری و هونەری هەولێر، لەڕێوڕەسمێکی شایستەدا به‌رهه‌می " خەوە خەیاڵە "ی هونەرمەند " سرود حاتەم "  بڵاوكرایه‌وه‌ و ڕێز لەهەردوو هونەرمەندی میوزیسیان و ناسراوی شاری مه‌خموور و كوردستان " مامۆستا جەمیل سنجاوی و مامۆستا جەمال جەمیل " گیرا.

رۆژی چوارشه‌ممه‌ رێكه‌وتی 4-9-2024 شاندێكی سه‌ركردایه‌تی یه‌كێتی نه‌ته‌وه‌یی دیموكراتی كوردستان YNDK كه‌ پێكهاتبوو له ‌هه‌ڤاڵان (زیلان سارمه‌می ئه‌ندامی سه‌ركردایه‌تی و سه‌ردار خدر ئه‌ندامی یه‌ده‌گی سه‌ركردایه‌تی و به‌ختیار پاڵانی به‌رپرسی راگه‌یاندنی هه‌رێمی هه‌ولێری YNDK و زنار و یاد كادرانی YNDK)، بەئامادەبوونی بەڕێزان (ئومێد خۆشناو پارێزگاری هەولێر و سەرۆکی زانکۆی سەڵاحەددین و بەڕێوەبەری گشتی ڕۆشنبیری و هونەری هەولێر و هونەرمەندان و نووسەر و ڕۆژنامەڤان و شاعیر و کەسایەتی و بەرپرسانی حزبی و حكومی به‌شدارییان له‌ رێوڕه‌سمی بڵاوكردنه‌وه‌ی به‌رهه‌می (خەوە خەیاڵە)ی هونەرمەند سرود حاتەم  و ڕێزلێنان لەهەردوو هونەرمەندی میوزیسیان و ناسراوی شاری مه‌خموور و كوردستان (مامۆستا جەمیل سنجاوی و مامۆستا جەمال جەمیل) كرد و به‌و بۆنه‌یه‌وه‌ چه‌پكه‌ گوڵ و پیرۆزباییان ئاڕاسته‌كردن و هیوای به‌رده‌وامی و به‌رهه‌می نوێ و سه‌ركه‌وتنی زیاتریان بۆ خواستن.   

میدیا - هەولێر:

 پێشنیوەڕۆى ڕۆژى 4 / 9 / 2024، سكرتێری گشتیی YNDK بەیاوەرى شاندێکى YNDK سەردانی مەکتەبى سیاسیى پارتى پارێزگارانى كوردستان-ى كردو، بەبۆنەى (33)ەمین ساڵیادی دامەزراندنیان پیرۆزبایى لێكردن و هیوای پێشڤەچوون و گەشەسەندن و سەركەوتنی بۆ خواستن.

 پێشنیوەڕۆى ڕۆژى چوارشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، به‌یاوه‌ری هه‌ڤاڵان (د. عەبدوڵڵا عەدۆ و شاکر هاشم ئەندامانى مەکتەبى سیاسى و فاخیر نانه‌كه‌لی ئەندامى کۆمیتەى سەرکردایەتى و بەرپرسى هەرێمى هەولێرو جەلال سمایل کارگێڕى مەکتەبى ناوەندى پەیوەندییەکان و زنار سارمەمى کادیرى YNDK)، سەردانی بارەگای مەکتەبى سیاسیى پارتى پارێزگارانى كوردستان-یان لە شاری هه‌ولێر كردو، بەگەرمی لەلایەن بەڕێزان (نەجات عومەر ئاغاى سورچى سەرۆکى پارت و ئه‌ندامانی مه‌كته‌بی سیاسی و سەرکردایەتیى پارتى پارێزگارانى كوردستان)ەوە پێشوازیكران، لەسەردانەكەدا سكرتێری گشتیى YNDK لە وتەیەکى کورتدا بەبۆنەی (33)ەمین ساڵیادی دامەزراندنی پارتى پارێزگارانى كوردستان، پیرۆزبایی خۆی و سەركردایەتی YNDK ی بە بەڕێزان سەرۆک و ئەندامانى مەکتەبى سیاسى و سەركردایەتی و کادیرو ئەندامانى پارتى پارێزگارانى كوردستان راگەیاند و، هیوای پێشڤەچوون و گەشەكردنى زیاتر و سەركەوتنی بۆ خواستن و، رۆڵى پارتى پارێزگارانى كوردستان لە خەباتى سیاسى و مەدەنى لە کوردستان  بەرز نرخاند، هەر لەدیدارەکەدا باس لە رەوشی سیاسی كوردستان و دواپێشڤەچوون و پێشهات و گۆڕانكارییەكانی ناوچەكەو زیاتر لێكنزیكبوونەوەی لایەنە سیاسییەكانی كوردستان كراو، جەختكرایەوە سەر یەكڕیزی و یەكدەنگی گەلى كوردستان لەو گۆڕانكارییانەی كە دێنە پێشەوەو یەكێتی و یەكدەنگی گەلى كوردستان لەو گۆڕانكارییانەدا بە فاكتەری سەرەكی سه‌ركه‌وتنى گەلی كوردستان وەسفكرا.

 لەدوا تەوەری دیدارەكەشدا، جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.

میدیا – هەولێر:

مه‌كته‌بی سیاسیی یەکێتى نەتەوەیى دیموکراتى کوردستان YNDK بەبۆنەى (33)ه‌مین ساڵیادى دامەزراندنی پارتی پارێزگارانی كوردستان په‌یامی پیرۆزباییان ئاڕاسته‌ ده‌كات. ده‌قی په‌یامی پیرۆزباییه‌كه‌:

بۆ بەڕێز مەكتەبی سیاسیی پارتی پارێزگارانی كوردستان

بابەت / پیرۆزبایی

سڵاوی سەرخۆبوون‌و ئازادی ..

    بەبۆنەی(33)ه‌مین ساڵیادی دامەزراندنی پارتی پارێزگارانی كوردستان بەناوی خۆمان ‌و تەواوی ئەندام‌ و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر پێشڤەچوونتان .

بەڕێزان: پارته‌كه‌تان (پارتی پارێزگارانی كوردستان) هەمیشە چەترێك بووە بۆ كۆكردنەوەی نیشتمانپەروەران و پارێزه‌رانی خاك و وڵات، هەموو كات خەباتی كردووە بۆ بەدیهێنانی مافەكانی گەل و سه‌ربه‌خۆیی كوردستان، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێز و لایەنەكانی كوردستانە بۆ ئه‌نجامدانی هه‌ڵبژاردنێكی پاك و سه‌ركه‌وتوو بۆ خولی شه‌شه‌می په‌ر‌له‌مانی كوردستان و بەدیهێنانی تەواوی مافەكانی نەتەوەكەمان و پاراستنی دەستكەوتەكانمان.

 لەم بۆنەیەتاندا جارێكی  تر جەخت  دەكەینەوە سەر زیاتر توندوتۆڵكردنی پەیوەندی  برایانەی نێوانمان و سەرجەم هێز و لایەنەكانی كوردستان .... هەر سەركەوتوو بن. 

       هەر سەركەوتوو بن .... لەگەڵ رێزماندا.

                        مەكتەبی سیاسیی

       یەكێتی نەتەوەیی دیموكراتی كوردستان YNDK

 ميديا - هەولێر:

 پێشنیوەڕۆى ئەمڕۆ ٣ / ٩ / ٢٠٢٤ ، سکرتێرى گشتیى YNDK ئامادەى پرسەى خوالێخۆشبوو فەریق (عەلى عوسمان مێرگەسۆرى) بوو، پرسە و سەرەخۆشى خۆیان بە بنەماڵەى خوالێخۆشبوو راگەیاند.

 پێشنیوەڕۆى ئەمڕۆ سێشەممە، غەفوور مەخموورى سکرتێرى گشتیى یەکێتى نەتەوەیى دیموکراتى کوردستان بە یاوەرى شاندێکى YNDK کە پێکهاتبوو لە هەڤاڵان ( د. عەبدوڵڵا عەدۆ ئەندامى مەکتەبى سیاسى و فاخیر نانەکەلى و زوبێر عومەر ئەندامانى کۆمیتەى سەرکردایەتیى YNDK)، ئامادەى پرسەى خوالێخۆشبوو پێشمەرگە و تێکۆشەرى ناسراوى کوردستان فەریق (عەلى عوسمان مێرگەسۆرى) بوون، کەوا لە مزگەوتى سەلاحەددین لەشارۆچکەى  پیرمام بەڕێوەدەچوو، ئەمەو شاندى YNDK بەگەرمى لەلایەن بەڕێزان کاک عومەر عوسمان مێرگەسۆرى براى خوالێخۆشبوو و و بنەماڵە و خزمانى خوالێخۆشبوو پێشوازیکران، سکرتێرى گشتیى YNDK بەناوى خۆى و مەکتەبى سیاسى و سەرکردایەتیى YNDK پرسەو سەرەخۆشى و هاوخەمى خۆیانى بە کاک عومەر عوسمان مێرگەسۆرى و بنەماڵەو خزمانى خوالێخۆشبوو راگەیاند و هیواى خواست ئەوە دواناخۆشییان بێت.

 شایانى باسە بەڕێز عومەر عوسمان مێرگەسۆرى بەناوى خۆیان و بنەماڵەکەیان سوپاسى ئامادەبوون و بەسەرکردنەوەى سکرتێرى گشتى و شاندى YNDK یان کرد.

میدیا - هەولێر :
ئێوارەى ئەمڕۆ یەکشەممە، رێکەوتى 1 / 9 / 2024 ، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، لە پەیوەندییەکی تەلەفۆنیدا، پیرۆزبایى لە بەڕێز بێرون عومەر فەتاح سکرتێرى گشتیى بزووتنەوەى چاکسازیى نیشتمانى کرد، بەبۆنەى 10 دەیەمین ساڵیادى راگەیاندنى بزووتنەوەى چاکسازیى نیشتمانى و، هیواى گەشەکردنى زیاتر و پێشڤەچوون و سەرکەوتنى بۆ خواستن.
سكرتێری گشتیی YNDK لە پەیوەندییە تەلەفۆنییەکەیدا، بەبۆنەى 10 دەیەمین ساڵیادى راگەیاندنى بزووتنەوەى چاکسازیى نیشتمانى، پیرۆزبایى خۆى و سەرکردایەتیى YNDKى بە بەڕێزیان و سەرکردایەتى و ئەندامانى بزووتنەوەى چاکسازى نیشتمانى راگەیاند و، هیوای پێشڤەچوونى زیاترو سەرکەوتنى بۆ خواستن، سکرتێرى گشتیى بزووتنەوەى چاکسازیى نیشتمانى لەلایەن خۆیەوە سوپاسى سکرتێرى گشتیى YNDKى کرد بۆ ئەو پەیوەندییە تەلەفۆنییەو گەیاندنى پەیامى پیرۆزبایى YNDK بە بزووتنەوەى چاکسازیى نیشتمانى.
هەر لە پەیوەندییەکەدا جەختیانکردەوە سەر پتەوكردنی پەیوەندی برایانەی نێوان هەردوو لا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.

میدیا – هەولێر

مه‌كته‌بی سیاسیی یەکێتى نەتەوەیى دیموکراتى کوردستان YNDK بەبۆنەى (10)ه‌مین ساڵڕۆژی دامەزراندنی بزوتنه‌وه‌ی چاكسازی نیشتمانی په‌یامی پیرۆزباییان ئاڕاسته‌ ده‌كات. ده‌قی په‌یامی پیرۆزباییه‌كه‌:

بۆ بەڕێز مه‌كته‌بی سیاسیی بزوتنه‌وه‌ی چاكسازی نیشتمانی

بابەت / په‌یامی پیرۆزبایی

سڵاوی سەرخۆبوون‌ و ئازادی ...

بەبۆنەی(10)ه‌مین ساڵڕۆژی دامەزراندنی (بزوتنه‌وه‌ی چاكسازی نیشتمانی) بەناوی خۆمان ‌و تەواوی ئەندام ‌و لایەنگرانی یه‌كێتی نه‌ته‌وه‌یی دیموكراتی كوردستانYNDK، جوانترین پیرۆزباییتان ئاڕاستە دەكەین‌ و خوازیارین ساڵڕۆژی دامەزراندنی ئەمساڵتان هاندەر بێت بۆ زیاتر پێشڤه‌چوونتان.

بەڕێزان: بزوتنه‌وه‌ی چاكسازی نیشتمانی له‌ماوه‌ی (10) ساڵ ته‌مه‌نی وه‌ك بزوتنه‌وه‌یه‌كی نیشتمانی خاوه‌ن هه‌ڵوێست بووه‌ و هه‌میشه‌ كاری بۆ پێكه‌وه‌ژیان و ئاشتی و ته‌بایی كردووه‌، هه‌روه‌ها له‌ قۆناغی ئێستادا كوردستان و عێراق و ناوچه‌كه‌ به‌ ره‌وشێكی ناسك و هه‌ستیاردا ده‌ڕۆن‌، بۆ ده‌ربازكردنی ئه‌م ره‌وشه‌ له‌سه‌ر هه‌موو لایه‌كمان پێویسته‌ كار بۆ یەكڕیزی و تەبایی نێوان سەرجەم هێز و لایەنەكانی كوردستان بكه‌ین، به‌گیانێكی برایانه‌ كار بۆ چارەسەركردنی كێشە و گرفته‌كان بكه‌ین، ئه‌مه‌ش ده‌بێته‌ فاكته‌رێكی گرنگ بۆ بەدیهێنانی تەواوی مافەكانی گەلەكەمان و ئه‌نجامدانی هه‌ڵبژاردنێكی پاك و سه‌ركه‌وتوو.

لەم بۆنەیەتاندا جارێكی  دیكه‌ جەخت  دەكەینەوە سەر زیاتر توندوتۆڵكردنی پەیوەندی  برایانەی نێوانمان و سەرجەم هێز و لایەنەكانی كوردستان.  

             هەر سەركەوتوو بن ... لەگەڵ رێزماندا.

             مەكتەبی سیاسیی

                 یەكێتی نەتەوەیی دیموكراتی كوردستان YNDK

          هه‌ولێر- باشووری كوردستان

  میدیا - هەولێر:

 سەرۆک مەسعود بارزانى رێبەرى بزاڤى رزگاریخوازى نیشتمانى کوردستان، لە وەڵامى پەیامى پیرۆزبایى سکرتێرى گشتیى YNDK بەبۆنەى ١٦ى ئاب ساڵڕۆژى دامەزراندنى پارتى دیموکراتى کوردستان بۆ جەنابیان، سوپاسنامەیەکى ئاراستەى غەفوور مەخمورى سکرتێرى گشتیى یەکێتى نەتەوەیى دیموکراتى کوردستان YNDK کردووە، ئەمەش دەقى سوپاسنامەکەیە :

   بەناوى خوداى مەزن و دلۆڤان

  بەڕێز غەفوور مەخموورى سکرتێرى گشتیى یەکێتى نەتەوەیى دیموکراتى کوردستان

   سڵاوێکى گەرم ...

  بەپێزانینێکى زۆرەوە نامەى پیرۆزبایى بەڕێزتان گەیشت کە بە بۆنەى شازدەى ئاب و حەفتاو هەشتەمین ساڵیادى دامەزراندنى پارتى دیموکراتى کوردستان ئاراستەى ئێمەتان کردبوو، زۆر سوپاستان دەکەم. ئومێدى داهاتوویەکى گەش بۆ گەلى کوردستان و، برایەتى و تەبایى زیاترى نێوان لایەنەکان دەخوازم، هەر سەرکەوتوو بن.

  بمێنن بە خێرو خۆشى.

    مسعود بارزانى

  19ى ئابى 2024

میدیا – ئه‌مسته‌ردام

نوێنه‌ری یه‌كێتی نه‌ته‌وه‌یی دیموكراتی كوردستانYNDK له ‌شاری ئه‌مسته‌ردام له هۆڵه‌‌ندا به‌شداری كۆبوونه‌وه‌ی گشتی هه‌ڤكاری پارت و لایه‌نه‌ سیاسییه‌كانی كوردستان ده‌كات.

ئه‌مڕۆ یه‌كشه‌ممه‌ رێكه‌وتی 25-8-2024 هه‌ڤاڵ فه‌خره‌دین زیاره‌تی نوێنه‌ری یه‌كێتی نه‌ته‌وه‌یی دیموكراتی كوردستان YNDK له‌ ئه‌وروپا، له‌شاری ئه‌مسته‌ردام له‌ وڵاتی هۆ‌ڵه‌ندا به‌شداری كۆبوونه‌وه‌ی گشتی هه‌ڤكاری پارت و لایه‌نه‌ سیاسییه‌كانی به‌ به‌شداری نوێنەری ژماره‌یه‌ك له‌ حزبەکانی هه‌موو به‌شه‌كانی كوردستان ده‌كات.

 له‌كۆبوونه‌وه‌كه‌ گفتوگۆ له‌سه‌ر ره‌وشی سیاسی كوردستان و عێراق و ناوچه‌كه و جیهان‌ و مۆنۆمێنتی هه‌ڵه‌بجه‌ كرا، بۆ ده‌ربازكردنی ئه‌و ره‌وشه‌ی كوردستان و ناوچه‌كه‌ پێیدا تێپه‌ڕ ده‌بێ، جه‌ختكرایه‌وه‌ سه‌ر پێكه‌وه‌ژیان و هه‌ماهه‌نگی و یه‌كریزی و یه‌كگوتاری هێز و لایه‌نه‌ سیاسییه‌كانی كوردستان بۆ به‌دیهێنانی ته‌واوی مافه‌كانی گه‌لی كوردستان و پاراستنی ده‌ستكه‌وته‌كان. 

له‌ته‌وه‌رێكی دیكه‌ كۆبوونه‌وه‌كه‌ كاروچاڵاكی ماوه‌ی رابردووی هه‌ڤكاری هه‌ڵسه‌نگێندرا و له‌ژێر رۆشنایی كاره‌كان به‌رنامه‌ بۆ كاروچاڵاكی داهاتوو  داڕێژرا و كۆبوونه‌وه‌كه‌ 3 كاتژمێری خایاند.

شایانی باسه‌ هه‌ڤكاری پارت و لایه‌نه‌كان به‌رده‌وام له‌سه‌ر پرس و كێشه‌كان و ره‌وه‌ندی كورد له‌ ئه‌وروپا كۆده‌بێته‌وه‌ و هه‌ڵوێستیان سه‌باره‌ت به‌ پرسه‌ گرنگ و هه‌ستیار و نیشتمانی و نه‌ته‌وه‌ییه‌كان زۆر راشكاوانه‌ ده‌خه‌نه‌ڕوو.

میدیا – كه‌ركووك:

شاندێكی هه‌رێمی كه‌ركووكی YNDK سەردانی ناوه‌ندی كه‌ركووكی بزووتنەوەى دیموکراتى گەلى كوردستان ده‌كات، بەبۆنەى (29)ەمین ساڵیادی دامەزراندنیان پیرۆزباییان ئاڕاسته‌ ده‌كه‌ن.

پێشنیوەڕۆى ئەمڕۆ یه‌كشه‌ممه رێكه‌وتی ‌25 / 8 / 2024، ، شاندێكی هه‌رێمی كه‌ركووكی یەكێتی نەتەوەیی دیموكراتی كوردستانYNDK ، كه‌ پێكهاتبوو له‌ هه‌ڤاڵان ( مه‌سعود سه‌عید مه‌حموود و سه‌رمه‌د زوراو ره‌شید كارگێڕانی هه‌رێمی كه‌ركووكی YNDK )، سەردانی بارەگای ناوه‌ندی كه‌ركووكی بزووتنەوەى دیموکراتى گەلى كوردستان-یان لە شاری كه‌ركووك كرد، بەگەرمی لەلایەن بەڕێزان ( سه‌باح شێخ بزێنی به‌رپرسی ناوه‌ند و ژماره‌یه‌ك له‌ كارگێڕ و ئه‌ندامانی ناوه‌ند)ەوە پێشوازیكران، لەسەردانەكەدا هه‌رێمی كه‌ركووكی YNDK بەبۆنەی (29)ەمین ساڵیادی دامەزراندنی بزووتنەوەى دیموکراتى گەلى كوردستان پیرۆزبایی لێكردن، له‌به‌رامبه‌ردا به‌رپرسی ناوه‌ندی كه‌ركووكی بزووتنەوەى دیموکراتى گەلى كوردستان سوپاسی به‌شداری و په‌یامی پیرۆزباییه‌كه‌ی كردن.

هه‌روه‌ها له‌ دیدارەكە، باسی ره‌وشی سیاسی و پارێزگای كه‌ركووك و جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی شاره‌كه.

میدیا - هەولێر:

پێشنیوەڕۆى ئەمڕۆ 25 / 8 / 2024، شاندێكی مه‌كته‌بی سیاسیی YNDK سەردانی مەکتەبى سیاسیى بزووتنەوەى دیموکراتى گەلى كوردستانیان كرد، بەبۆنەى (29)ەمین ساڵیادی دامەزراندنیان پیرۆزباییان لێكردن و هیوای پێشڤەچوون  و سەركەوتنیان بۆ خواستن.

پێشنیوەڕۆى ئەمڕۆ یه‌كشه‌ممه‌، شاندێكی مه‌كته‌بی سیاسیی یەكێتی نەتەوەیی دیموكراتی كوردستانYNDK ، كه‌ پێكهاتبوو له‌ هه‌ڤاڵان (شاکر هاشم ئه‌ندامی مه‌كته‌بی سیاسی و فاخیر نانه‌كه‌لی ئه‌ندامی سه‌ركردایه‌تی و به‌رپرسی هه‌رێمی هه‌ولێر و سه‌ردار خدر ئه‌ندامی یه‌ده‌گی سه‌ركردایه‌تی و جەلال سمایل كارگێڕی مه‌كته‌بی ناوه‌ندی په‌یوه‌ندییه‌كان و غێدان ئه‌نوه‌ر كارگێڕی هه‌رێمی هه‌ولێر)، سەردانی بارەگای مەکتەبى سیاسیى بزووتنەوەى دیموکراتى گەلى كوردستان-یان لە شاری هه‌ولێر كرد، بەگەرمی لەلایەن بەڕێزان (مام خدر روسى سكرتێرى بزووتنەوەو نەهرۆ عاڵڵایى و خەلیل مەحموود و قەهار عاڵڵایى ئه‌ندامانی مه‌كته‌بی سیاسی و ژماره‌یه‌ك له‌ ‌ئه‌ندام و كادرانی بزووتنەوە)ەوە پێشوازیكران، لەسەردانەكەدا مه‌كته‌بی سیاسیی YNDK بەبۆنەی (29)ەمین ساڵیادی دامەزراندنی بزووتنەوەى دیموکراتى گەلى كوردستان پیرۆزبایی لێكردن، له‌به‌رامبه‌ردا مام خدر روسى سكرتێرى بزووتنەوەى دیموکراتى گەلى كوردستان) سوپاسی به‌شداری و په‌یامی پیرۆزباییه‌كه‌ی كردن.

هه‌روه‌ها له‌ دیدارەكە، باسی ره‌وشی سیاسی كوردستان و عێراق و ناچه‌كه‌ كرا و جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.