yndk
نوێنهری YNDK له ئهوروپا دژی له شكركێشی توركیا بهشداری گردبوونهوهیهك دهكات
حزيران/يونيو 09, 2021میدیا- لاهای هۆڵهندا
مامۆستا فهخرهددین زیارهتی نوێنهری یهكێتی نهتهوهیی دیموكراتی كوردستان YNDK له ئهوروپا، لهگهڵ كۆمهڵهی ههڤكاری پارت و لایهنهسیاسییهكانی كوردستان له شاری لاهای دهوڵهتی هۆڵهندا له رۆژی 7-6-2021 بهشداری گردبوونەوه و رێپێوانێك بوو، له دژی ئهو داگیركاری و لهشكركێشییههی دهوڵهتی توركیا دهیكاته سهر كوردستان و داوا كرا كۆتایی بهو لەشكركێشەی سوپای توركیا بۆ سهر كوردستان بهێندرێت.
ئهوهی جێگهی دڵخۆشی بوو ژمارهیهك هاوڵاتی هۆلهندا لهم رێپێوانه بهشداربوون و ئهوانیش نارهزایییان نیشاندا دژی دهستدریژییهكانی توركیا بۆ سهركوردستان و ئهو وێرانكردن و خاپووركردن و سوتاندن و بهتاڵانبردنهی توركیا دهیكات ئیدانهیان كرد و تیایدا نارهزایهتییهكان گهیشته دهسهلاتی هۆلهندا و ناوهندی بریار بهدهست له ئهوروپا بۆ پێشگرتن لهم سنووربهزاندنهی توركیا دهیكات
غەفوور مەخمووری بۆ كەناڵی ئاسمانی سعودیە 24 : شەڕ چارەسەر نیە، پێویستە کێشە و گرفتەکان لە رێى دیالۆگ چارەسەربکرێن
حزيران/يونيو 07, 2021
- جهماوهری وڵاتپارێزی كوردستان ...
- پارت و لایهنە سیاسییەکانى کوردستان ...
- رێكخراوهكانی كۆمەڵگەى مەدەنى ...
دوای لهشكركێشی توركیا بۆ باشوور و رۆژئاوای كوردستان و داگیركردن و تاڵانكردنی شار و شارۆچكهكان و جینۆسایدکرنى هاوڵاتییانی سڤیل، چهند رۆژێكه سوپای داگیركهری توركیا له باشووری كوردستان جگه له وێرانكردن و چۆڵكردنی گوندهكانی سهر سنوور، دهستیكردووه به وێرانکردنى ژینگەى کوردستان و بڕینهوهی دارودرهخت و سهوزایی باشووری كوردستان، وهكو ئهوهی له رۆژئاوای كوردستان لهشاری عفرین كردی كه لهوێش دهستیكرد به وێرانكردنى شوێنەوارە مێژووییەکان و سوتاندن و بڕینهوهی دارستانهكان و ههڵتهكاندنی ههزاران دار زهیتوون كه بهشێك بوون و له ژینگەى کوردستان و سەرچاوەى داهات و بژێوی هاوڵاتییان.
ئامانجى تورکیا لە لهشكركێشی و وێرانكردن و تێكدانی ژینگهی سهوزی كوردستان، فراوانكردنی بازنەى داگیركردنی كوردستان و، هەوڵدانییەتى بۆ لهباربردن و رووخاندنی ههردوو ئهزموونی باشوور و رۆژئاوای كوردستان، توركیا دهیهوێ كوردستان بخاته ژێر قهلهمڕهوی خۆی و داگیرى بكات و سوپای خۆی تێدا جێگیر بكات، بهرپرسانی توركیا نایشارنهوه ئهوهی له عفرین كردوویانه لهباشووری كوردستانیش دهیكهن، بهپێی ئهزمونهكانیش تورکیا بچێته ههر شوێنی جێی ناهێلێێ بۆ نمونه کاتى خۆى ئەسکەندەرۆنەى داگیرکردو تا ئێستاش دەستبەردارى نەبوو، لهحهفتاكانهوه چۆته ناو بهشێك له قوبرس و نهكشاوهتهوه، توركيا بە درێژایى مێژوو ههموو كات دژی كیان و دهستكهوتی كورد وهستاوهتهوه.
ئێمه لهیهكێتی نهتهوهیی دیموكراتی كوردستان YNDK لهشكركێشی سوپای توركیا بۆ ناو خاكی كوردستان و شههیدكردن و دهربهدهركردنی هاوڵاتییانى سڤیل و وێرانکردنى ژینگەى کوردستان و بڕینهوهی دارودرهخت و سهوزایی خاكی كوردستان بە توندى ئیدانه و مهحكوم دهكهین و، داوا له سهرجهم هێزو لایهنه سیاسییەكان و پەرلەمان و حکومەتى کوردستان دهكهین، درك بهو مهترسیه گهورەیهی هێرش و پهلامارهكانی سوپاسی توركیا بۆ سەر كوردستان بكهن و لهرێگهی رێكخراوە نێودەوڵەتییەکان و كۆمهڵگهی نێودهوڵهتی و نهتهوه یهكگرتووهكان و دهوڵهته بڕیار بهدهستهكانی جیهان، ئهو سنوور بهزاندن و هێرش و پهلامار و وێرانكارییهی توركیا بوهستێنن و، كارێکى وابکەن کە تورکیا خاكی باشوور و رۆژئاوای كوردستان بهجێبهێلێت و كۆتایی بهداگیركاری توركیا بهێنرێت.
- مردن و روورهشی بۆ دوژمنان و داگیركهرانی كوردستان.
- بێته دی كوردستانێكی سهربهخۆ و ئازاد و یهكگرتوو دیموكرات.
مهكتهبی سیاسیی
یهكێتی نهتهوهیی دیموكراتی كوردستان YNDK
3/ 6/2021 ههولێر- باشووری كوردستان
غهفوور مهخمووری بۆROJ NEWS : پێویستە ناکۆکى نێوان لایەنە کوردستانییەکان لەسەر بنەماى دیالۆگ چارەسەر بکرێن
حزيران/يونيو 03, 2021
سكرتێری گشتیی YNDK پێشوازی لە شاندێکى پارتى یەکێتى دیموکرات PYD دەکات
میدیا - هەولێر:
پێشنیوەڕۆى ئەمڕۆ ٢ / ٦ / ٢٠٢١، سكرتێری گشتیی YNDK پێشوازی لە شاندێکى پارتى یەکێتى دیموکرات PYD كردو، لەدیدارەكەدا باسیان لە رەوشی سیاسی كوردستان و ناوچەكە و پەیوەندى نێوان هەردوو لا كرد.
پێشنیوەڕۆى ئەمڕۆ چوارشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسی YNDK لە شاری هەولێر بە ئامادەبوونى هەڤاڵان (قەهار تاهیر ئەندامى مەکتەبى سیاسى و فاخیر نانەکەلى کارگێڕى مەکتەبى ناوەندى پەیوەندییەکانى YNDK) پێشوازیكرد لە شاندێکى پارتى یەکێتى دیموکرات PYD کە پێکهاتبوو لە بەڕێزان (محەممەد نورى ئەسعەد ئەندامى سەرکردایەتى و بەرپرسى نوێنەرایەتیى PYD لە باشوورى کوردستان و مستەفا عوسمان ئەندامى مەکتەبى پەیوەندییەکان و نوێنەرایەتى PYD لە باشوورى کوردستان)، لەدیدارێكى برایانەدا باس لە رەوشی سیاسی باشوورو رۆژئاوای كوردستان و هێرش و هەڕەشەکانى رژێمى تورکیا بۆ سەر باشوورو رۆژئاواى کوردستان و دواپێشڤەچوون و پێشهات و گۆڕانكارییەكانی ناوچەكەو زیاتر لێكنزیكبوونەوەی لایەنە سیاسییەكانی كوردستان كراو، جەختكرایەوە سەر یەكڕیزی و یەكدەنگی كوردان بۆ رووبەڕووبوونەوەى هەڕەشەو هێرشەکانى تورکیا بۆ سەر باشوورو رۆژئاواى وڵات و، هەروەها یەكێتی و یەكدەنگی كوردان لەو گۆڕانكارییانەى کە دێنە پێشەوە بەفاكتەری سەرەكی سهركهوتنى گەلی كوردستان وەسفكرا، هەر لەدیدارەكەدا شاندى میوان سوپاس و پێزانینی خۆیان بە سكرتێری گشتی و سەركردایەتیی YNDK راگەیاند بەرامبەر هەڵوێستە نەتەوەیی و نیشتمانییەكانی YNDK سەبارەت بە رۆژئاوای كوردستان وپرسە نەتەوەییەكان، سكرتێری گشتیی YNDK لەلای خۆیەوە هەموو هاوكاری و پشتیوانییەكی بۆ رۆژئاوای كوردستان راگەیاند و جەختیكردەوە سەر یەكدەنگی و یەكڕیزی لایەنەكان و هیوای پێشڤەچوون و سەركەوتنی بۆ خواستن و گوتی لەسەر هەموو لایەكمانە هاوكارو پشتەڤانی رۆژئاوای كوردستان بین.
لەدوا تەوەری دیدارەكەشدا، جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.
