yndk
پيرۆزبێت سهد و بیست و چوارهمين ساڵيادى دهرچوونى (كوردستان) يهكهم رۆژنامهى كوردى.
نيسان/أبريل 22, 2022
رۆمیۆ ههكاری بۆ ئاژانسی ههواڵی میدیا: چیتر نابێ بێ رێزی بهشكۆی خانهنشینان بكرێ
نيسان/أبريل 22, 2022میدیا- ههولێر
رۆمیۆ هەکاری سەرۆکی لیژنەی کاروباری کۆمەڵایەتی و داکۆکی لە مافی مرۆڤ له لێداوانێكی بۆ ئاژانسی ههواڵی میدیا، رایگهیاند دهبێ مشوری زیاتر له رهوشی خانهنشینان بكرێ، لهم رووهوه پێویسته ههموو هاوكاری و ئاسانكارییهك بۆ خانهنشینان بكرێ بۆ وهرگرتنی مووچهكانیان و چیتر نابێ بێ رێزی بهشكۆی خانهنشیان بكرێ.
ئهمڕۆ 22-4-2022 رۆمیۆ هەکاری ئهندامی پهرلهمانی كوردستان و سەرۆکی لیژنەی کاروباری کۆمەڵایەتی و داکۆکی لە مافی مرۆڤ جارێكی دیكه وهكو لیژنهكه له پهرلهمانی كوردستان بهرگری له خانهنشینانی كوردستان و بهتایبهت خانهنشینانی پارێزگای سلێمانی دهكات و له بارهیهوه له لێداونێكی بۆ ئاژانسی ههواڵی میدیا راگهیاند: سەبارەت بە دووبارە بوونەوەی ئەو دۆخە نەخوازراو بێ رێزیکردنەی بەرامبەر خانەنشینانی ئازیزی ولاتەکەمان دەکرێت لە بەرێوەبەرایەتیەکانی سنووری پارێزگای سلێمانی لە کاتی مووچە وەرگرتندا دهبێ ههڵوهستهی لهسهر بكرێ و نیگەرانی خۆمان دەردەبرین و ئەم بێ رێزیکردنە بەشکۆی خانەنشینان دەبێت کۆتایی پێ بهێنرێت و ئاستێک بۆ ئەم کەمتەرخەمیانە دابنرێت.
له درێژهی لێدوانهكهی ههكاری وتی: لەم رووەوە ئێمە وەکو لیژنەی کاروباری کۆمەڵایەتی و داکۆکی لە مافی مرۆڤ لە پەرلەمانی کورردستان لیژنەی لاوەکی پێکدەهێنین بۆ بەدواداچون و رێکاری پەرلەمانی پێویست دەگرینە بەر بۆ چارەسەرکردنی ئەم شێوازە نارێکەی له دابەشکردنی مووچەی خانەنشینان ههیه ئهوهش بۆ پاراستنی شکۆی ههموو خانهنشینانه و دهمانهوێ بهشێوازێكی رێكوپێك ئاسان خانهنشینهكانیان پێبدرێت.
ئهم ههڵویست و رێكاره پهرلهمانییهی سەرۆکی لیژنەی کاروباری کۆمەڵایەتی و داکۆکی لە مافی مرۆڤ دوای ئهوه دێت، كهژمارهیهك خانهنشین لهكاتی وهرگرتنی مووچهكانیان لهسنووری پارێزگای سلێمانی گیانیان لهدهستدا و گلهیی و گازاندهی خانهنشینان لهم بارهیهوه تهواو نابێ بهردهوام داوا له لایهنی پهیوهندار دهكهن شێوازێكی رێك و ئاسان بۆ وهرگرتنی خانهنشینهكانیان پهیڕهو بكری تا كارهساتی لهم جۆره چهند باره نهبێتهوه.
من پێم وایه پاراستنی مافهكانی تهواوی پێكهاتهكان واتا دهوڵهمهندبوونی كهلتور و پێكهوه ژیان و له ههموو روێكهوه واتا بهرقهرابوونی ئاشتی كۆمهڵایهتی و سیاسی و فهرههنگی . ئهو بهشداربوونهی پێكهاتهكان له حكومهتی ههرێمی كوردستان به دڵنیاییهوه خزمهت به پێكهوه ژیان و تهواوی ئهزموونه سیاسییهكهی ههرێمی كوردستان دهگهیهنێت .
روونیشیكردهوه ، پێم وایه ههموومان پابهندین به روحێكی نیشتیمانییانه خزمهت بهو گهل و نیشتیمانهو ئهو قهوارهیه بكهین نهبوونی سهقامگیری سیاسی ، بوونی كێشه له گهڵ بهغدا و وڵاتانی ئیقلیمی ، هۆكاره بۆ ئهوهی سهركردایهتی سیاسی نهتوانێت ههموو پێكهاتهكان وهك پێویست كۆبكاتهوه وهاووڵاتی به یهك چاو سهیری ئهو پێشهاتانه نهكات .
هۆكاری دیكهش نهبوونی یهكریزی له نێوان حزبه سیاسییهكان ، ههتا ئهوانهی بهشدارن له كاری سیاسی و حكومهت ، ئهوانیش لێرهو لهوێ كێشه دروست دهكهن . نهتهوهكان و پێكهاتهكان پێش كورد ویستی ئهوهیان ههیه دهستوورێك ههبێت و ماف و ئازادیهكان دیاری بكرێت پێشمهرگه به به كردار توانی بهرگری له پێكهاتهكان بكات جگه له بهرگری كردن له خهلكی كورد ، كریستیانهكان ، زۆر جار دهگهرێنهوه ههرێمی كوردستان بهتایبهتی له ناوچهكانی دیكهی ناو عێراق بهتایبهتی له دهشتی نهینهوا چونكه ئهو مامهڵهیهی كه دهكرێن له دههرهوهی ههرێمی كوردستان وهكو پێویست نییه بهرامبهر به كریستیانهكان .
مهكتهبی سیاسی YNDKبهشداری رێوڕهسمی یهكهم ساڵیادی كۆچی دوایی رهمزی شهعبان دهكات
نيسان/أبريل 14, 2022میدیا- ههولێر
ئێوارهی ئهمڕۆ پێنج شهممه رێكهوتی 14/4/2022 بە ئامادەبوونی سكرتێر و ئهندامانی مهكتهبی سیاسی پارتی دیموكراتی كوردستان و پهرلهمانتاران و وهزیر و سكرتێر و نوێنەری حزب و لایەنە سیاسییەكانی كوردستان، لە هەولێر ساڵیادی كۆچی دوایی رهمزی شهعبان ئەندامی ئهنجومهنی سهركردایهتی پارتی دیموكراتی كوردستان بەڕێوەچوو.
له ڕێوڕهسمهكهدا چهندین وتار و ڤیدیۆی دۆكیۆمێنتاری پێشكهش و نمایشكران، كه سهرجهمیان گوزارشت بوون له خهبات و تێكۆشانی خوالێخۆشبوو رهمزی شهعبان، له قۆناغه جیاجیاكانی ژیانی پێشمهرگایهتی و سیاسی و ئیدارییدا.
لهم بۆنهیهدا د.شاخهوان خالید كارگێڕی مهكتهبی سیاسی YNDK بهشداری رێوڕهسمهكه بوو، پهیامی هاوخهمی مهكتهبی سیاسی( YNDK)ی بهمهكتهبی سیاسی پارتی دیموكراتی كوردستان و خانهوادهی رهمزی شهعبان راگهیاند و لهبهرامبهردا سوپاسی هاوخهمی هاوڵوێستی(YNDK) یان كرد.
دهقی پهیامی هاوخهمی YNDK لهرێورهسمهكه پێشكهشكرا:
یامی هاوخهمی مهكتهبی سیاسیYNDK
لهیهكهم ساڵیادی کۆچی دوایی رهمزی شهعبان
بەڕێزان له مەكتەبی سیاسی پارتی دیموكراتی كوردستان
سڵاوی سهرخۆبوون و ئازادی...
لهیهكهم ساڵیادی كۆچی دوایی تێكۆشهری ناسراوی نهتهوهكهمان رهمزی شهعبان ، ئەندامی ئهنجومهنی سهكردایهتی پارتی دیموكراتی كوردستان، جارێكی دیكه پرسە و سەرەخۆشی خۆمان ئاڕاستەی ئێوه و تهواوی ئهندامانی خانهواده و بنهماڵهكهی دەكەین.
خوالێخۆشبوو رهمزی شهعبان ههموو تهمهنی بۆ خهبات و تێكۆشانی گهلهكهی تهرخان كرد بوو لە خێزانێكی كوردپەروەر گۆشكرابوو، بۆیه وهكو پێشمهرگه و سیاسهتمهدارێكی دیار له كوردستان دهركهوتبوو، ههموو كات هه وڵی دهدا بۆ سهرخستنی ئهزموونی كوردستان و بهدیهێنانی تهواوی مافهكانی گهلی كوردستان، بۆیه لهدهستدان و كۆچی دوایی ئهم تێكۆشهره زهرهرێكی گهوره بهر بزاڤی رزگاریخوازی گهلی كوردستان كهوت، لهخوای گهوره نزا دهكهین جێگای خواڵێخۆشبوو بەهەشت بێت و سهبر و ئارامیش بهههموو لایهك ببهخشێت. ... إنا لله وإنا إلیه راجعون .
مەكتەبی سیاسی
یەكێتی نەتەوەیی دیموكراتی كوردستان
YNDK
14-4-2022
میدیا- ههولێر
كۆنگرەی نەتەوەیی كوردستان (KNK) كۆبوونەوەی خۆی بهئامادهبوونی ژمارهیهك له ئهندامان و حزبه سیاسییهكان لە هەولێر سازدهكات.
رۆژی شهممه رێكهوتی 9/4/2022 بهئامادهبوونی ژمارهیهك له ئهندامان و حزبهكان و كهسایهتی و مامۆستایانی زانكۆ، كۆمیتهی باشووری كۆنگرەی نەتەوەیی كوردستان (KNK) له شاری ههولێری باشووری كوردستان كۆبوونهوهیهكیان لهسهر رهوشی سیاسی كوردستان و ناوچهكه و جیهان و ئامادهكاری بۆ بهستنی كۆنگرهیKNK لهم ساڵدا ئهنجامدا.
شاخهوان خالید كارگێڕی مهكتهبی سیاسی یهكێتی نهتهوهیی دیموكراتی كوردستان YNDK لهكۆبوونهوهكهبهشدار بوو، گفتوگۆ لهسهر رهوشی كوردستان و ناوچهكه و جیهان كراو باس لهئامادهكاری بهستنی كۆنگرهیKNK لهئهوروپا و پێكهێانی چهند لیژنهیهك بۆ ئهم مهبهسته كرا، ههروهها باس له رۆلی KNK كرا بۆ ئاشتهوایی و رێكخستنهوهی نێوماڵی كوردستان كه ئهوهش بهیهكریزی و تهبایی سهرجهم هێزو لایهنهكان دهبێت.
غەفوور مەخمووری سكرتێری گشتیYNDK: ئافرەتی كورد هەمیشە لە ئافرەتی نەتەوەكانی دی ئازادتر بووە
نيسان/أبريل 07, 2022
- چەندین ئافرەت لە ژیانی پێشمەرگایەتی و كاری ڕێكخستن و حزبایەتی و سیاسەت ڕۆڵی كارایان بینیوە
- هزرو ئایدیۆلۆژیا هاوردەكان كاریگەری نێگەتیڤیان هەبووە بۆ هێشتنەوەی ئافرەت لەو دۆخەی ئێستا
غەفوور مەخمووری سكرتێری گشتیی یەكێتی نەتەوەیی دیموكراتی كوردستانYNDK، لە دیمانەیەكیدا لەگەڵ گۆڤاری گوڵان، باس لە ڕۆڵ و پێگەی ئافرەتی كورد دەكات و، جەختیش لەوە دەكاتەوە كە باوەڕی تەواوی بە ماف و ئازادییەكانی ئافرەت هەیە، پێداگرییش لەسەر ئەوە دەكات، كە هەتا ئافرەت ئازاد نەبێت لە دەربڕینی خواست و مافەكانی و وەدەستهێنانیان، كۆمەڵگە پێش ناكەوێت و لە دواكەوتووییدا دەمێنێتەوە.
گوڵان: كۆمەڵایەتی
* وەك سكرتێری پارتێكی نەتەوەیی، ئەوەت لا ئاشكرایە هەتا ئافرەت ئازاد نەبیت، نەتەوە ئازاد نابێت، بەڵام لە نووسینەكانت كەم ئەم پرسە گرنگە دەبیندرێت، بۆیە دەپرسین: چ خوێندنەوەیەكتان بۆ پرسی ئازادیی ئافرەتانی كوردستان هەیە؟
- ڕوانین بۆ ئازادیی ئافرەت لە كۆمەڵگەیەكەوە بۆ كۆمەڵگەیەكی دیكە دەگۆڕێت، ئەوەش پەیوەستە بە تێگەیشتن لە بنەما دیموكراتی و ئازادییەكان، ئافرەت لە كۆمەڵگەی كوردستان لە ڕابردوودا لە زۆربەی زۆری بوارەكانی ژیان ڕۆڵێكی كارای هەبووە، بەشدار بووە لە كاركردن و بەڕێوەبردنی ماڵ و پەروەردەكردنی منداڵ و زۆر جاریش ڕۆڵی ڕێبەرایەتی بینیوە، خانزادی سۆران و حەپسەخانی نەقیب نموونەی بەرچاوی ئەو بوارەن، چەندین ئافرەت لە ژیانی پێشمەرگایەتی و كاری ڕێكخستن و حزبایەتی و سیاسەت ڕۆڵی كارایان بینیوە، ئەوە لە ڕابردوودا وا بووە، بەڵام بەداخەوە ئێستا وا نییە، تا ڕاددەیەكی زۆر هەوڵدراوە، ئافرەتان لەسەر بنەمای حزبی بهێنرێنە پێشەوە و كاریان پێ بدرێت، نەك لەسەر بنەمای توانا و لێهاتوویی، ئەمەش كاریگەریی نێگەتیڤانەی هەبووە بۆ سەر كار و خەباتی ئافرەتان، ئێستا لە كۆمەڵگەی كوردستان زۆر ئافرەتی بەتوانا و لێهاتوومان هەیە لە تەواوی بوارەكانی كارگێڕی و بەڕێوەبردن و ڕاگەیاندن و نووسین و بوارەكانی دیكە، بەڵام كە حزبی نین، ئەو بایەخەیان پێ نادرێت، كە بە ئافرەتێكی حزبی دەدرێت، كێشەكانی ئێمە لێرەدایە كەوا حزب كۆنتڕۆڵی هەموو كایەكانی ژیانی كردووە و بە شێوەیەكی دادپەروەرانەش مامەڵە ناكات، ئەوەش زۆربەی حزبەكان دەگرێتەوە، ئەم شێوازە مامەڵەكردنە كارێگەریی خۆی هەبووە بۆ كەمكردنەوەی ڕۆڵی ئافرەت لە كۆمەڵگەدا و زۆر جاریش وای لێهاتووە ئازادییەكانیان پێشێل بكرێت.
من باوەڕی تەواوم بە ماف و ئازادییەكانی ئافرەت هەیە، تا ئافرەت ئازاد نەبێت لە دەربڕینی خواست و مافەكانی و وەدەستهێنانیان كۆمەڵگە پێش ناكەوێت و لە دواكەوتووییدا دەمێنێتەوە، بۆیە پێویستە هەموو لایەكمان هەوڵبدەین و هاوكار بین بۆ وەدەستهێنانی ماف و خواست و ئازادییەكانی ئافرەت، ئەمەش ئەركی دەزگا و دامەزراوەكان و هەموو تاكێكی كۆمەڵگەی كوردستانە.
* كاتێك دێینە سەرباسی بیری نەتەوەیی كوردستان، هەست دەكەین فیكر و خامەی خانمانی كورد لەم پرسە گرنگەدا زۆر سنووردارە و، زۆر كەم لە خانمان لەسەر ئەم پرسە گرنگە دەنووسن، یان بیری لێ دەكەنەوە، ئایا بە ڕای ئێوە ئەمە بۆ ئەوە ناگەڕێتەوە كە لە ناو فەلسەفەی بیری نەتەوەیی كوردستاندا، ئافرەتان هەست ناكەن شوێنی شیاوی خۆیان هەبێت، یان بە دیوێكی دیكەدا ئافرەتان هەست ناكەن لەناو چوارچێوەی بیری نەتەوەییدا فەرامۆش كراون؟
- ئافرەتی كورد لە بواری نووسیندا زۆر كەم كاری لەسەر هزر و سیاسەت كردووە، خامەی ئافرەتی كورد زیاتر خزمەتی زمان و ئەدەبی كوردی كردووە، لە بواری زمانناسی و لێكۆڵینەوەی ئەدەبی و ڕۆمان و شیعر و چیرۆك ڕۆڵێكی بەرچاویان هەیە، بەڵام بۆچی لە بواری هزر و سیاسەتدا خامەكەیان نەخستووەتە كار؟ ئەوەش هۆكاری خۆی هەبووە، كۆمەڵگەی كوردستان كۆمەڵگەیەكی پیاوسالارییە و كەمتر بواری بە ئافرەت داوە كەوا بیربكاتەوە و تێكەڵی كاری سیاسەت بێت، ئەمەش وایكردووە ئافرەتی كورد ڕێگەی خزمەتكردنی بواری كەلتوور بگرێت، لەگەڵ ئەوەشدا دەبووا ئافرەتی ڕچەشكێنمان هەبایە و لەم بوارەدا دەربكەوتبایە.
* كاتێك باسی بیری نەتەوەیی هەر نەتەوەیەك دەكرێت، باس لە زمانی دایك، پەروەردەی دایك دەكرێت، ئەمەش مانای ئەوەیە قوتابخانەی یەكەم بۆ بیری نەتەوەیی ئەو دایكەیە كە ڕۆڵەكەی چۆن پەروەردە دەكات، باشە كە ئەمە گرنگیی ژن بێت بۆ بیری نەتەوەیی، ئایا لەناو بیری نەتەوەیی كوردستانیدا پڕۆژە بۆ ئازادیی ژن دەبێت چۆن بێت؟
- زمان ناسنامەی پاراستنی هەر نەتەوەیەكە، یەكەم قوتابخانەی فێربوونی زمانیش ماڵ و یەكەم مامۆستای فێربوونی زمانیش دایكە، بیری نەتەوەیی كوردی هەمیشە ڕوانین و ڕێزی تایبەتی بۆ ئافرەتن و ماف و ئازادییەكانی هەبووە، بەڵام دەبێ ئەو ڕاستییەش بزانین كەوا تایبەتمەندییەكانی كۆمەڵگەی كوردستان وایكردووە كەوا ئافرەت وەك پێویست پێش نەكەوێت و نەگات بە ماف و ئازادییەكانی، ئەمەش دەگەڕێتەوە بۆ ئەوەی هزرو ئایدیۆلۆژیا هاوردەكان كاریگەری نێگەتیڤیان هەبووە بۆ هێشتنەوەی ئافرەت لەو دۆخەی ئێستا، خاوەن پرۆژەكانی هزرو ئایدیۆلۆژیای هاوردە پشتیوانی و هاوكاریی زۆریان هەبووە، بەڵام هەڵگرانی مەشخەڵی بیری نەتەوەیی زۆر جار ڕێگریان لێ كراوە و كۆسپ و تەگەرە خراوەتە ڕێگەی كارو خەباتیان، بە باوەڕی من پێویستە هەر تاكێكی كورد لە ماڵەوە كەشێكی گونجاو دروست بكات بۆ ئەوەی دایك لەسەر بنەمایەكی كوردانە و كوردستانییانە منداڵەكەی پەروەردە بكات، بۆ ئەمەش حكومەت و ڕاگەیاندنی كوردستان دەتوانن ڕۆڵ ببینن بۆ وشیاركردنەوە لە مەترسیی هزر و ئایدیۆلۆژیا هاوردەكان بۆ سڕینەوەی مۆركی نەتەوەییمان.
* كاتێك سەیری مێژووی نەتەوەكەی خۆمان دەكەین، دەبینین بەراورد بە نەتەوەكانی دیكەی دەوروبەرمان، ژنی كوردستان ئازادییەكی زۆر زیاتری هەبووە و، دەكرا لەو مێژووەوە ئازادیی ژنی كوردستان زیاتر پێناسە بكرایە، بەڵام ئەوەی ئێستا دەیبینین ئەوەیە كە ئەو مێژووە فەرامۆش كراوە، چی بكەین بۆ ئەوەی جارێكی دی مێژووی كوردستان ئازادیی ئافرەت پێناسە بكاتەوە؟
- بێگومان ئافرەتی كورد وەك لە سەرەتاوە باسمان كرد، ڕۆڵێكی كارای لە كۆمەڵگەی كوردستان هەبووە، بەڵێ، ئافرەتی كورد هەمیشە ئازادتر بووە لە ئافرەتی نەتەوەكانی دەوروبەرمان، ئەمەش ئەو كاتە بووە كەوا هزر و ئایدیۆلۆژیا هاوردەكانی ئێستا لە كۆمەڵگەی كوردستان كارا نەبوون، تاكی كورد نەكەوتبووە ژێر كاریگەریی ئەو هزرە ئایدیۆلۆژیا هاوردانە، پێویستە تاكی كورد لەسەر بنەمای باوەڕبەخۆبوون و پەیوەست بە خاك و نیشتمان و كەلتووری نەتەوەییمان پەروەردە و بینابكرێتەوە، ئەمەش دەبێتە سەرەتایەك كەوا جارێكی دیكە ئافرەتی كورد ڕۆڵی كوردانەی خۆی ببینێت و مێژووی كوردستانیش بە شێوەیەكی سەردەمییانە ئازادیی ئافرەتان پێناسە بكاتەوە.
*وەك سیاسەتمەدارێك ئاگاداری ئەوەی خەریكە بە هاوردەكردنی كۆمەڵێك ئایدیۆلۆژیای دەرەكی، جوانیی ژنی كورد بە ناوی ئیسلامەوە دەشوێندرێت و خەسەڵەتی كوردانەی ژنی كورد بزر دەبێت، ئەمە لەكاتێكدا بەشی هەرە زۆری شاعیرانی كورد مەلا و زانایانی ئیسلامی بوون و شیعرەكانیشیان بەشی هەرە زۆری بۆ پیشاندانی جوانی و ئازایەتیی ژنی كورد بووە، ئایا ئەم ئایدیۆلۆژییە هاوردەكراوانە تاچەند سیما و ڕوخسار و جوانی و ئازایەتیی ژنی كوردیان شێواندووە؟ تا چەند ئەم شێواندنە كاریگەری نەرێنی لەسەر بیری نەتەوەییمان دەبێت؟
- زۆر بەداخەوە ئەو هزر و ئایدیۆلۆژیا هاوردانە كاریگەرییەكی زۆر نێگەتیڤیان كردووەتە سەر كۆمەڵگەی كوردستان و گەورەترین قوربانییش ئافرەتی كورد بووە، ئەو هزر و ئایدیۆلۆژیا هاوردانە زۆرترین كاریگەرییان بۆ سەر ئافرەتان هەبووە، ئەمەش بووەتە هۆی ئەوەی زۆر جار شیرازەی خێزانیشیان تێكداوە، كۆمەڵگەی كوردستان لە ڕووی ئایینییەوە زۆربەی زۆری موسڵمانن، لە ڕابردوودا كورد بە ستایلی كوردانە موسڵمان بووە، بەڵام ئێستا هەوڵدەدرێت كورد بە ستایلی توركی و سعودی و ئێرانی موسلمان بێت و تایبەتمەندییە نەتەوەییەكانی بسڕێتەوە، ئەو جلوبەرگ و لەچكەی كەوا ئێستا لەلایەن هەندێ لایەنی ئیسلامی سیاسی كراوەتە مۆدێل بۆ ئافرەتی كورد، زۆر دوورە لە تایبەتمەندی كوردانە و شێواندنی دەستووری جلوبەرگی كوردییە، ئەم جۆرە ستایلە هاوردانە هەموو جوانییەكی ئافرەتی كوردیان شێواندووە، ئەمە لە ڕووی دەرەوە، لە ڕووی ناوەوەش هەوڵدراوە كەوا لە جێی هزری نەتەوەیی و نیشتمانی هزری ئایینی بخرێتە مێشكی تاكەكانی كوردستان، وەك ئەوەی كێشەی ئێمە نەتەوەیی و نیشتمانی نەبێت و كێشەیەكی ئایینی بێت، ئەمەش زۆرترین كاریگەری بۆ سەر ئافرەتان هەبووە و وایكردووە تاكی كوردی شێواندووە و بە مێژووی خۆی نامۆی كردووە، بۆیە پێویستە سنوورێك بۆ ئەو شێواندن و سڕینەوەی مێژوو و تایبەتمەندییە نەتەوەییەكانمان دابنرێت، ئەمەش لە ڕێگەی ڕاگەیاندن و بەرنامەیەكی نیشتمانی دەكرێت.
*سیاسەتمەدارانی كوردستان شانازی بەوە دەكەن، دەستی دایكە شەهیدێك ماچ بكەن بۆ ئەوەی پیشانی بدەن كە ژنێكی قارەمان پیشمەرگەیەكی قارەمانی پەروەردە كردووە، لێرەدا پێویستە بپرسین: چۆن وەبەرهێنان لە كچانی ئێستا بكەین، بۆ ئەوەی ئەو ژنە قارەمانەی لێ بەرهەم بێت؟
- گرنگ ئەوە نییە دەستی دایكە شەهیدێك ماچ بكەیت، گرنگ ئەوەیە دەتوانرێ چی بۆ ئەو دایكە شەهیدە بكرێت كە ئازیزترین كەسی خۆی بەخشیوەتە نیشتمان، گرنگ ئەوەیە ژنە شەهیدێك بە چاوی ڕێزەوە سەیر بكرێت و منداڵەكانی بێناز نەبن، ئێمەی كەی توانیمان ژن و دایك و خوشكی شەهیدان ئاسوودە بكەین و بە چاوێكی یەكسان سەیریان بكەین، ئەو كات دەتوانین وەبەرهێنان لە كچانی ئێستا بكەین بۆ ئەوەی لە داهاتوودا كەسانی قارەمانیان لێ بەرهەم بێت، ئێمە پێویستیمان بەوە هەیە كەوا عەدالەتی كۆمەڵاتی فەراهەم بكەین، بێگومان كۆڵەگەی هەر دەسەڵاتێكیش عەدالەت و یەكسانییە، ئەگەر ئافرەتی كورد هەستی كرد لە كۆمەڵگەدا عەدالەت هەیە و ڕێزی لێ دەگیرێت و بە چاوی یەكسان سەیر دەكرێت، ئەوا هەمیشە خۆی بە سەربەرزو دایكی قارەمانان دەبینێت.
سكرتێری گشتیی YNDKپیرۆزبایى لە سکرتێرو سەرکردایەتیى حزبى شیوعى کوردستان و عێراق دەکات
نيسان/أبريل 02, 2022میدیا - هەولێر :
ئێوارەى ڕۆژى هەینى، رێکەوتى 1 / 4 / 2022 ، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، لە پەیوەندییەکی تەلەفۆنیدا، پیرۆزبایى لە بەڕێز د. كاوە مەحموود سکرتێرى حزبى شیوعى کوردستان کرد، بەبۆنەى 88 هەشتاو هەشتەمین ساڵیادى دامەزراندنى حزبى شیوعى کوردستان و حزبى شیوعى عێراق و، هیواى پێشڤەچوون و سەرکەوتنى بۆ خواستن.
سكرتێری گشتیی YNDK لە پەیوەندییە تەلەفۆنییەکەیدا، بەبۆنەى بەبۆنەى 88 هەشتاو هەشتەمین ساڵیادى دامەزراندنى حزبى شیوعى کوردستان و حزبى شیوعى عێراق، پیرۆزبایى خۆى و سەرکردایەتیى YNDKى بە بەڕێزیان و سەرکردایەتیى حزبى شیوعى کوردستان و عێراق راگەیاند و، هیوای پێشڤەچوونى زیاترو سەرکەوتنى بۆ خواستن، سکرتێرى حزبى شیوعى کوردستان لەلایەن خۆیەوە سوپاسى سکرتێرى گشتیى YNDKى کرد بۆ ئەو پەیوەندییە تەلەفۆنییەو گەیانى پەیامى پیرۆزبایى YNDK بە حزبى شیوعى کوردستان و عێراق.
هەر لە پەیوەندییەکەدا هەردوو لا جەختیانکردەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.
پەیامى غەفوور مەخموورى سكرتێرى گشتیى YNDK بەبۆنەى سەرى ساڵی نوێی بابلی ئاشووری
نيسان/أبريل 01, 2022سەرى ساڵی نوێی بابلی ئاشووری (٦٧٧٢) پیرۆزبێت
بەبۆنەی سەری ساڵی نوێی بابلی ئاشووری (ئەكیتۆ)، گەرمترین سڵاوو جوانترین پیرۆزبایی ئاراستەی تەواوى خوشک و برایانى گەلی (كلدان سریان ئاشووری) لە كوردستان و سەرانسەرى جیهان دەكەین و، هیوادارین ساڵی نوێ ساڵى هێنانى خێرو خۆشی و شادى وچەسپاندنى ئاشتی و برایەتى و یەکسانى بێت لە کوردستان و جیهاندا.
کوردستان بە درێژایى مێژوو لانکى شارستانییەت و مێرگى پێکەوەژیان بووە، گەلی (كلدان سریان ئاشووری) کە بەشێکى سەرەکى پێکهاتە نەتەوەیى و ئایینییەکانى کوردستان و ناوچەکەن، رۆڵێکى کارایان هەبووە لە بنیاتنانى شارستانییەتى مێزۆپۆتامیا و شان بە شانى کوردو نەتەوەکانى دیکەى ناوچەکە کلتورى پێکەوەژیانیان لە میزۆپۆتامیا پەرە پێداوە، لە ئێستاشدا پێویستە وەک هەمیشە پارێزگارى لەکلتورى پێکەوەژیان و چەسپاندنى پرەنسیپەکانى ئاشتى و برایەتى و تەبایى بکەین و، هزرى خۆشەویستى و رێزگرتن و وەکهەڤى بڵاوبکەینەوەو پێشیبخەین.
جارێکى دیکە سەرى ساڵى نوێى بابلى ئاشوورى پیرۆزبێت و هەموو رۆژێکتان جەژن و شادى بێت.
غەفوور مەخموورى
سكرتێرى گشتیى
یەکێتى نەتەوەیى دیموکراتى کوردستان YNDK
1 / 4 / 2022
میدیا- ههولێر
مهكتهبی سیاسی یهكێتی نهتهوهیی دیموكراتی كوردستانYNDK؛ بهبۆنهی (88)همین ساڵیادی دامهزراندنی حزبی شیوعی كوردستان و حزبی شیوعی عێراق، پهیامێك ئاڕاستهی مەکتەبى سیاسی ههردوو حزب دهكات، تیایدا وێڕاى پیرۆزبایی، هیوای سهركهوتنیان بۆ دهخوازێت، ئەمەش دهقی پهیامی پیرۆزباییهكهیە:
بۆ بەڕێز مەكتەبی سیاسی حزبی شیوعی كوردستان و عێراق
بابەت / پیرۆزبایی
سڵاوی سەرخۆبوونو ئازادی ...
بەبۆنەی (88)همین ساڵیادی دامهزراندنی حزبی شیوعی كوردستان و حزبی شیوعی عێراق بەناوی خۆمانو تەواوی ئەندامو لایەنگرانی یەكێتیمانYNDK ، جوانترین پیرۆزبایتان ئاڕاستە دەكەینو خوازیارین ساڵیادی دامەزراندنی ئەمساڵتان هاندەر بێت بۆ زیاتر پێشڤەچوونتان .
بەڕێزان: حزبی شیوعی كوردستان و عێراق لە ماوەی تەمەنی دوور و درێژی خەبات و تێكۆشانیان لهسهر ئاستی كوردستان و عێراق، كاریگەر بوونه لە گۆڕەپانی سیاسی كوردستان و عێراق جێ پەنجەیان لە خەبات و بهرخۆدان دژی داگیركەران و دوژمنان هەبووەو هەموو كات خەباتیان كردووە بۆ بەشمەینەت و مافخوراوان و چینی كرێكاران و هەژاران، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێزو لایەنەكانه بۆ بەدیهێنانی تەواوی مافەكانی گەلەكەمان.
لەم بۆنەیەتاندا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان و سەرجەم هێز و لایەنەكان .
هەر سەركەوتوو بن .... لەگەڵ رێزماندا.
مەكتەبی سیاسی
یەكێتی نەتەوەیی دیموكراتی كوردستان YNDK
31/3/2022
