میدیا – هەولێر:

مه‌كته‌بی سیاسیی یەکێتى نەتەوەیى دیموکراتى کوردستان YNDKبەبۆنەى (22)ه‌مين ساڵیادى دامەزراندنی پارتی  يه‌كێتى دیموكراتیPYD، په‌یامی پیرۆزباییان ئاڕاسته‌ ده‌كات، له‌ په‌یامه‌كه‌ هیواى سەرکەوتن و پێشڤەچوونیان بۆ ده‌خوازێ و لەم قۆناغەی ئەمڕۆمان یەكریزی و تەبایی سەرجەم هێز و لایەنەكانی كوردستان گرنگه‌، بۆ بەدیهێنانی تەواوی مافەكانی گەلی كوردستان و پاراستنی ده‌سكه‌وته‌كان و هەنگاونان بەرەو سەربەخۆیی كوردستان .

ده‌قی په‌یامی پیرۆزباییه‌كه‌:

بۆ بەڕێز پارتی يه‌كێتى دیموكراتیPYD

بابەت / په‌یامی پیرۆزبایی

سڵاوی سەرخۆبوون‌و ئازادی ...

     بەبۆنەی (22)ه‌‌مین ساڵیادی دامەزراندنی پارته‌كه‌تان (پارتی  يه‌كێتى دیموكراتیPYD) بەناوی خۆمان ‌و تەواوی ئەندام ‌و لایەنگرانی یەكێتیمانYNDK، جوانترین پیرۆزبایيتان ئاڕاستە دەكەین ‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر به‌ره‌و پێشچوونی پارته‌كه‌تان.

بەڕێزان: پارته‌كه‌تان (پارتی  يه‌كێتى دیموكراتیPYD)  لەماوەی (22) ساڵ تەمەنی خەبات و تێكۆشانی وەك لایەنێك توانیویەتی كەسانی نیشتمانپەروەر و وڵاتپارێز لەدەوری خۆی كۆبكاتەوە، ئەمەش وایكردووە پارته‌كه‌تان كاریگەر بێت و جێ په‌نجه‌ی له‌گۆڕه‌پانی خه‌بات لە رۆژئاوای كوردستان  و سوریا و ناوچه‌كه‌ دیار بێت، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێز و لایەنەكانی كوردستانە، بۆ بەدیهێنانی تەواوی مافەكانی گەلی كوردستان و پاراستنی ده‌سكه‌وته‌كان و هەنگاونان بەرەو سەربەخۆیی كوردستان، لەم بۆنەیەتاندا جارێكی  تر جەخت  دەكەینەوە سەر زیاتر   توندوتۆڵكردنی پەیوەندی  برایانەی نێوانمان .

        هەر سەركەوتوو بن . لەگەڵ رێزماندا.

                                مەكتەبی سیاسیی

یەكێتی نەتەوەیی دیموكراتی كوردستان YNDK

20/9/2025ى زایینی

هه‌ولێر- باشووری كوردستان