Subscribe to this RSS feed
yndk

yndk

سكرتێری گشتیی YNDK ساڵیادى دامەزراندنى بزووتنەوەى دیموکراتى گەلى كوردستان پیرۆز دەكات
کوردستان

سكرتێری گشتیی YNDK ساڵیادى دامەزراندنى بزووتنەوەى دیموکراتى گەلى كوردستان پیرۆز دەكات

آب/أغسطس 26, 2023
0
میدیا - هەولێر:
پێشنیوەڕۆى ئەمڕۆ 26 / 8 / 2023، سكرتێری گشتیی YNDK بەیاوەرى شاندێکى YNDK سەردانی مەکتەبى سیاسیى بزووتنەوەى دیموکراتى گەلى كوردستانی كردو، بەبۆنەى (28)ەمین ساڵیادی دامەزراندنیان پیرۆزبایى لێكردن و هیوای پێشڤەچوون و گەشەسەندن و سەركەوتنی بۆ خواستن.
پێشنیوەڕۆى ئەمڕۆ شەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، به‌یاوه‌ری هه‌ڤاڵان (شاکر هاشم ئەندامى کۆمیتەى سەرکردایەتى و فاخیر نانه‌كه‌لی و جەلال سمایل كارگێڕانی مه‌كته‌بی ناوه‌ندی په‌یوه‌ندییه‌كانی YNDK)، سەردانی بارەگای مەکتەبى سیاسیى بزووتنەوەى دیموکراتى گەلى كوردستان-یان لە شاری هه‌ولێر كردو، بەگەرمی لەلایەن بەڕێزان (مام خدر روسى سكرتێرى بزووتنەوەو نەهرۆ عاڵڵایى و خەلیل مەحموود و قەهار عاڵڵایى ئه‌ندامانی مه‌كته‌بی سیاسی بزووتنەوە)ەوە پێشوازیكران، لەسەردانەكەدا سكرتێری گشتیى YNDK لە وتەیەکى کورتدا بەبۆنەی (28)ەمین ساڵیادی دامەزراندنی بزووتنەوەى دیموکراتى گەلى كوردستان، پیرۆزبایی خۆی و سەركردایەتی YNDK ی بە بەڕێزان سکرتێرو ئەندامانى مەکتەبى سیاسى و سەركردایەتی و کادیرو ئەندامانى بزووتنەوەى دیموکراتى گەلى كوردستان راگەیاند و، هیوای پێشڤەچوون و گەشەكردنى زیاتر و سەركەوتنی بۆ خواستن و، رۆڵى بزووتنەوەى دیموکراتى گەلى كوردستانى لە خەباتى سیاسى و مەدەنى لە کوردستان بەرز نرخاند، هەر لەدیدارەکەدا باس لە رەوشی سیاسی كوردستان و دواپێشڤەچوون و پێشهات و گۆڕانكارییەكانی ناوچەكەو زیاتر لێكنزیكبوونەوەی لایەنە سیاسییەكانی كوردستان كراو، جەختكرایەوە سەر یەكڕیزی و یەكدەنگی گەلى كوردستان لەو گۆڕانكارییانەی كە دێنە پێشەوەو یەكێتی و یەكدەنگی گەلى كوردستان لەو گۆڕانكارییانەدا بەفاكتەری سەرەكی سه‌ركه‌وتنى گەلی كوردستان وەسفكرا.
لەدوا تەوەری دیدارەكەشدا، جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.
مەكتەبی سیاسی YNDK پیرۆزبایی له‌ بزووتنه‌وه‌ی دیموكراتی گه‌لی كوردستان دەكات
کوردستان

مەكتەبی سیاسی YNDK پیرۆزبایی له‌ بزووتنه‌وه‌ی دیموكراتی گه‌لی كوردستان دەكات

آب/أغسطس 25, 2023
0

میدیا -هەولێر

 

مەكتەبی سیاسیی یەكێتی نەتەوەیی دیموكراتی كوردستان YNDK پیرۆزبایی له‌ بزووتنه‌وه‌ی دیموكراتی گه‌لی كوردستان ده‌كات.

مەكتەبی سیاسی YNDK به‌ بۆنه‌ی (28)ه‌مین ساڵیادی دامه‌زراندنیان پیرۆزبایی له‌مەكتەبی سیاسی بزووتنه‌وه‌ی دیموكراتی گه‌لی كوردستان ده‌كات، له‌ په‌یامی پیرۆزباییه‌كه‌ وێرای پیرۆزبایی و سه‌ركه‌وتنیان له‌كاره‌كان، تیایدا‌ هاتووه‌ یەكڕیزی و یەكدەنگی یەكگوتاری سیاسی تەواوی لایەنە سیاسییەكان كوردستان و سەر لە نوێ‌ رێكخستنەوەی نێوماڵی كوردستان له ‌پێناو به‌دیهێنانی ته‌واوی مافه‌كانی گه‌لی كوردستان تاكه‌ رێگه‌ی سه‌ركه‌وتنمانه‌.

 

ده‌قی په‌یامی پیرۆزباییه‌كه‌:

بۆ بەڕێز مه‌كته‌بی سیاسی بزووتنه‌وه‌ی دیموكراتی گه‌لی كوردستان

بابەت / پیرۆزبایی

سڵاوی سەرخۆبوون‌و ئازادی ...

بەبۆنەی(28)ه‌مین ساڵیادی دامەزراندنی بزووتنه‌وه‌كه‌تان (بزووتنه‌وه‌ی دیموكراتی گه‌لی كوردستان) بەناوی خۆمان‌و تەواوی ئەندام‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر پێشڤەچوونتان .

بەڕێزان : بزووتنه‌وه‌كه‌تان (بزووتنه‌وه‌ی دیموكراتی گه‌لی كوردستان) لەماوەی تەمەنی خەبات و تێكۆشانیدا، وەك لایەنێك لە گۆڕەپانی سیاسی باشووری كوردستان جێ‌ پەنجەی لەخەبات دژی داگیركەران و دوژمنانی كوردستان هەبووەو هەموو كات خەباتی كردووە بۆ بەدیهێنانی مافەكانی گەلی كوردستان, ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێزو لایەنەكانی كوردستان و سەر لە نوێ‌ رێكخستنەوەی نێوماڵی كوردستانه‌ بۆ بەدیهێنانی تەواوی مافەكانی گەلەكەمان و پاراستنی دەستكەوتەكانمان.

لەم بۆنەیەتاندا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان و سەرجەم هێز و لایەنەكانی هەموو كوردستان .

 

هەر سەركەوتوو بن .... لەگەڵ رێزماندا.

 

 

مەكتەبی سیاسی

یەكێتی نەتەوەیی دیموكراتی كوردستان YNDK

 

غفور مخموري في ندوة قسم العلاقات العامة للحزب الديمقراطي الكوردستاني: بوحدتنا فقط نستطيع افشال وإحباط المؤامرات
رۆژهەڵاتی ناوەراست

غفور مخموري في ندوة قسم العلاقات العامة للحزب الديمقراطي الكوردستاني: بوحدتنا فقط نستطيع افشال وإحباط المؤامرات

آب/أغسطس 25, 2023
0
میدیا - اربيل:
استضافت شعبة التدريب والموارد البشرية في قسم العلاقات العامة للحزب الديمقراطي الكوردستاني قبل ظهر يوم 24/8/2023 غفور مخموري السكرتيرالعام لـ YNDK لتقديم ندوة حول الاوضاع السياسية في كوردستان ، واستعرض في الندوة الاوضاع السياسية في كوردستان وأهمية وحدة الصف بين الأطراف السياسية في كوردستان.
تمت قبل ظهريوم الأربعاء 24/8/2023 استضافة غفورمخموري السكرتيرالعام لـلإتحاد القومي الديمقراطي الكوردستاني YNDK من قبل شعبة التدريب والموارد البشرية في قسم العلاقات العامة للحزب الديمقراطي الكوردستاني لتقديم ندوة حول الاوضاع السياسية في كوردستان، وكان في استقباله السيد د. جعفر ايمينكي مسؤول قسم العلاقات العامة للحزب الديمقراطي الكوردستاني وتريفة ساليي مسؤولة شعبة التدريب والموارد البشرية والعاملين واعضاء قسم العلاقات العامة لـ PDK، واستعرض غفور مخموري خلال الندوة موضوعاً حول الأوضاع السياسية في كوردستان والعراق و آخر التطورات والمستجدات والتحولات في المنطقة، الى جانب مسائل سياسية اخرى والمشكلات التي تواجه كوردستان، كما طرح الحلول لتلك المشكلات، مؤكداً على وحدة الصف والاجماع بين الأطراف السياسية الكوردستانية في تلك التحولات.
وحول الاوضاع السياسية الكوردستانية قال غفور مخموري: (ان كوردستان والمنطقة تعيش في وضع دقيق وحساس، كما ان شعب كوردستان يمر بمرحلة اكثر مصيرية، ان هذه المرحلة المصيرية تتطلب وحدة قومية واجماعاً وطنياً، والأطراف المشاركة في سلطة جنوب كوردستان في خلاف بينها، ولا تأخذ في الاعتبار المصالح القومية العليا بقدر ما تأخذ في الاعتبار المصالح الحزبية.
إن الوسط السياسي لجنوب كوردستان مشتت ومجزأ، ونعتقد أنه من الضروري التعبير عن آرائنا حول هذه المسألة ؛ فقد مر جنوب كوردستان بالكثير من المد والجزر بعد انتفاضة ربيع 1991.
وتجربة حكم شعب كوردستان فأنها لم تخل من المشاكل، لكنه رغم العوائق استطاعت الوقوف على قدميها، وبطبيعة الحال لا توجد حكومة في العالم تخلو من مشاكل الحكم. لكن المشاكل تختلف من مجتمع لآخر، وهذا يعود إلى مستوى الفهم لنظام الحكم في أي مجتمع.
إن المشاكل والخلافات الحالية في كوردستان لها خلفية سياسية وتاريخية، تعكس واقع الانقسامات السياسية والصراعات بين الأطراف السياسية في كوردستان، لذا فإن حل هذه القضية يعتمد على حل المشاكل والصراعات التاريخية بين الأطراف السياسية، وينبغي ذلك تجاوز الأطراف السياسية لمراحل السنوات الماضية، وتتعامل فيما بينها معاملة عصرية، وتقرأ السياسة العالمية الجديدة بمنظور حديث، وتراعي المصالح القومية والوطنية بدلاً من مراعاة المصالح الحزبية الضيقة.
نحن بحاجة إلى إعادة النظر في كيفية تعاملنا مع بعضنا البعض ومع الأحداث على كافة المستويات، و حل المشاكل يتطلب منا انتقاد نواقصنا ، والنظر إلى النقد باعتباره آلية لدفع العملية السياسية والاجتماعية إلى الأمام، واذا انتقدنا بكل صراحة، فإننا نشخص المشاكل والعيوب ونبحث عن الحلول، وبهذا نتمكن من بناء علاقات سليمة ومجتمع سليم.
يجب على الأطراف المتنازعة في جنوب كوردستان أن تأخذ بعين الاعتبار حساسية الوضع في كوردستان، واحتراماً لدماء الشهداء الطاهرة، وبطولات البيشمركة وصمود الشعب الكوردي عليهم أن تضع خلافاتها جانباً وتعود إلى طاولة الحوار والتفاهم، لأن هذا هو وقت الحوار والتفاهم والمصالحة. ولفت مخموري الى أنه (نستطيع فقط بوحدتنا إحباط مؤامرات الأعداء).
وتحدث غفور مخموري، في سياق تقديمه لموضوع الندوة عن الخلافات بين أربيل وبغداد، والوضع الاقتصادي لكوردستان، وكذلك الوضع المعاشي للشعب، ومسألة كركوك ومخمور وشنكال وغيرها من المناطق المستقطعة عن كوردستان، والمشورة السياسية، وطريقة حكم كوردستان، والعلاقات بين الكورد والولايات المتحدة، والمشاكل التي تواجه كوردستان، فضلا عن طرح سلسلة من الحلول لإعادة تنظيم المركز السياسي لكوردستان وتحسين الوضع السياسي والاقتصادي لكوردستان.
وبعد ان حلل غفور مخموري النقاط، أبدى رأيه حولها، وفي هذا الصدد، عرض حلوله ضمن عدد من النقاط، قائلا: (بعد مناقشتنا للجوانب السياسية لتلك المشاكل التي تواجه كوردستان، فإننا نحتاج ايضاً إلى الحديث عن الحلول، لذلك سنناقش هذه النقاط كبداية لحلها:
اولاً: من أجل إعادة تنظيم الوسط السياسي لكوردستان والتخلص من التشتت والتجزئة التي يعاني منها، لا بد من عقد اجتماع قمة بين جميع القوى والأطراف السياسية في كوردستان، يجب أن نعمل ل"تأسيس المجلس السياسي الكوردستاني" في أقرب وقت ممكن يضم جميع القوى والأطراف السياسية في جنوب كردستان، ويجب أن يكون هذا المجلس بمثابة دعم سياسي للسلطة السياسية في كوردستان ويلعب دوراً استشارياً، ويكون داعماً من خلال مشروع مشترك وأجندة سياسية مشتركة في وقت الأزمات.
ثانياً: عقد مؤتمر تشاوري للخبراء والمختصين لوضع خارطة طريق شاملة لإنقاذ جنوب كوردستان من الأزمة التي يمر بها.
ثالثاً: لاشك انّ اكبر مشكلة في بلادنا هي أن مؤسساتنا ليست منظمة وانها غير ممنهجة والعمل فيها يسير على أساس المزاج الشخصي، ولذلك فإن الأحزاب التي تصل إلى السلطة تتصرف بنفس الطريقة السابقة، وينبغي العمل لتنظيم مؤسسات كوردستان، حتى تصبح حكومة كوردستان حكومة شعب كوردستان، وليست حكومة هذا الحزب أو ذاك.
رابعاً: تعميق روح الأخوة والقبول الآخر في الوسط السياسي الكوردستاني وفي كافة اوساط العمل ومجالات الحياة.
خامساً: بدلا من الأحزاب، على برلمان وحكومة كوردستان كمؤسستين وطنيتين تمثيل الشعب الكوردستاني في كافة المحافل المحلية والإقليمية والدولية كمؤسستين وطنيتين.
سادساً: الاستماع إلى مطالب الشعب الكوردستاني وتحسين وضعه المعيشي.
سابعا: توحيد قوات البيشمركة عملياً وتحسين سبل عيشها.
ثامناً: اعادة تنظيم الأجهزة الأمنية والمخابراتية في مؤسسات قومية ووطنية، بعيداً عن التدخلات الحزبية، وإثرائها بالخبرات والمعدات المتقدمة وبالمختصين والخبراء.
تاسعاً: اشراك كافة الأطراف السياسية في كوردستان في صياغة القرارات السياسية والكف عن تهميش هذا الطرف أو الآخر.
عاشراً: على أطراف المتنازعة التوقف عن التشهير ببعضهم البعض والكف عن الحرب الأعلامية، والتحدث والحوار مع بعضها البعض بلغة العصر والمنطق.
حادي عشر: تأسيس "مجلس استقلال كوردستان" للعمل على تحريك نتائج الاستفتاء وكيفية المضي قدماً نحو استقلال كوردستان، وهذه القضية هي قضية قومية ووطنية ويجب علينا جميعاً التعاون والاتفاق عليها بالأجماع.
ثاني عشر: إقرار الدستور، يجب أن ننظر إلى الدستور كقضية قومية ووطنية، وليس كقضية حزبية، ولكن للأسف أغلب القضايا اصبحت حزبية، وينظر إليها من منظور حزبي. كما أنها وضعت مسألة الدستور في هذا الأطار، وهي خطأ استراتيجي ويجب حلها في أسرع وقت ممكن.
وحول أهمية وجود دستور لكوردستان قال مخموري: (أن الدستور قضية مهمة، لذا يجب أن تحسم الدورة المقبلة لبرلمان كوردستان هذا الموضوع، لأن مشروع الدستور تجاوز مرحلتي الكتابة والتصويت في البرلمان، وبقيت المرحلة الثالثة وهي مرحلة الاستفتاء. الدستور مهم جدا بالنسبة لنا، ولأنه من الناحية القانونية سيكون عاملا في تنظيم وتحديد واجبات وحقوق الأفراد وصياغة مبادئ ونظام حكم البلاد ومأسسة المؤسسات، وكل هذه الأمور مدرجة في "مسودة دستور كوردستان". لذلك، كلما أسرعنا في وضع دستورنا الخاص بنا، كلما كان من الأفضل من انْ نؤخره لأغراض سياسية.
كماهو الحال في جميع أنحاء العالم أنه عندما يتم الاستفتاء على الدستور وحتى الموافقة عليه، يتم تغييره وتعديله وفقًا للظروف المتغيرة. ومن الطبيعي جداً أن يتم تعديل مسودة دستور كوردستان، التي خضعت للاستفتاء ودخلت حيز التنفيذ، وفقاً لحاجات العصر.
نطرح هذه النقاط كخطوة نحو تهدئة الصراع بين أطراف السلطة، لتصبح عاملاً للمصالحة الوطنية والإصلاحات لإنقاذ جنوب كردستان من الأزمات التي تعصف بها، الأمر الذي يتطلب منا جميعاً حسن النية والتعاون والعمل المشترك. نأمل ان نستمع بعضنا الى البعض من اجل وحدة وتضامن شعب كوردستان ومواصلة تعميق روح التآخي والتعايش والقبول الآخر والعمل معاً وان نجد مصالحنا في المصالح القومية والوطنية العليا والعمل على وحدة الصف والموقف، لأننا بوحدة الصف فقط نستطيع افشال واحباط المؤامرات.).
وبعد عرض فحوى الندوة، أجرى المسؤولون وأعضاء وكوادر قسم العلاقات في الحزب الديمقراطي الكوردستاني نقاشاً مكثفاً حول الموضوع، والجدير بالذكر أن الندوة استمرت زهاء ثلاث ساعات.
*سكرتێری گشتیی YNDK سەردانى بەڕێز ئیسماعیل هەمزە دەکات*
کوردستان

*سكرتێری گشتیی YNDK سەردانى بەڕێز ئیسماعیل هەمزە دەکات*

آب/أغسطس 24, 2023
0
میدیا - هەولێر:
ئێوارەى ئەمڕۆ 24 / 8 / 2023، سكرتێری گشتیی YNDK بەمەبەستى بەمەبەستى هەواڵپرسین و بەسەرکردنەوە سەردانی کەسایەتیى ناسراوى دەشتى هەولێر بەڕێز ئیسماعیل هەمزە-ى کرد و، هیواى تەندروستییەکى باشى بۆ بەڕێزیان خواستن.
ئێوارەى ئەمڕۆ پێنجشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، بەمەبەستى هەواڵپرسین و بەسەرکردنەوە لە گوندى شێخ شەروان سەردانی کەسایەتیى ناسراوى دەشتى هەولێر بەڕێز (ئیسماعیل هەمزە)یان کرد و، لەسەردانەكەدا سكرتێری گشتیی YNDK وێڕاى هەواڵپرسین، هیواى ساخى و سەلامەتى و تەندروستییەکى باشى بۆ بەڕێزیان خواست، لەبەرامبەردا بەڕێز (ئیسماعیل هەمزە) وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیىYNDK ی كرد.
*سكرتێری گشتیی YNDK سەردانى بەڕێز شاکر کوردستانى دەکات*
کوردستان

*سكرتێری گشتیی YNDK سەردانى بەڕێز شاکر کوردستانى دەکات*

آب/أغسطس 24, 2023
0
میدیا - هەولێر:
پاشنیوەڕۆى ئەمڕۆ 24 / 8 / 2023، سكرتێری گشتیی YNDK بەمەبەستى هەواڵپرسین و بەسەرکردنەوە سەردانی کەسایەتیى ناسراوى دەشتى هەولێر بەڕێز شاکر کوردستانى-ى کرد، کەوا ماوەیەکە رەوشى تەندروستى باش نییە و، هیواى زووچاکبوونەوەو تەندروستییەکى باشى بۆ خواستن.
پاشنیوەڕۆى ئەمڕۆ پێنجشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، بەمەبەستى هەواڵپرسین و بەسەرکردنەوە لە گوندى شێخ شەروان سەردانی کەسایەتیى ناسراوى عەشیرەتى دەشتى هەولێر (شاکر کوردستانى)یان کرد و، لەسەردانەكەدا سكرتێری گشتیی YNDK وێڕاى هەواڵپرسین، هیواى ساخى و سەلامەتى و زووچاکبوونەوەو تەندروستییەکى باشى بۆ بەڕێزیان خواست، لەبەرامبەردا بەڕێز (شاکر کوردستانى) وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیىYNDK ی كرد.
غەفوور مەخموورى لە سیمینارێکیدا لە بەشى پەیوەندییەکانى پارتى دیموکراتى کوردستان: *به‌یه‌كڕیزیمان ده‌توانین پیلانه‌كان پوچه‌ڵ بكه‌ینه‌وه*
جیهان

غەفوور مەخموورى لە سیمینارێکیدا لە بەشى پەیوەندییەکانى پارتى دیموکراتى کوردستان: *به‌یه‌كڕیزیمان ده‌توانین پیلانه‌كان پوچه‌ڵ بكه‌ینه‌وه*

آب/أغسطس 24, 2023
0

 میدیا - هەولێر :

 پێشنیوەڕۆى ڕۆژى 24 / 8 / 2023، سكرتێری گشتیی YNDK لەلایەن دیسكی راهێنان و سه‌رچاوه‌ مرۆییه‌كانى بەشى پەیوەندى گشتیى پارتى دیموکراتى کوردستان میواندارى کرا بۆ پێشکەشکردنى سمینارێک سەبارەت بە رەوشى سیاسیى کوردستان و، لەسیمینارەکەدا بابەتێکى سەبارەت بە رەوشى سیاسى کوردستان و گرنگى یەکڕیزى نێوان لایەتە سیاسییەکانى کوردستان کرد.

 پێشنیوەڕۆى ڕۆژى چوارشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، لەلایەن لەلایەن دیسكی راهێنان و سه‌رچاوه‌ مرۆییه‌كانى بەشى پەیوەندى گشتیى پارتى دیموکراتى کوردستان میواندارى کرا بۆ پێشکەشکردنى سمینارێک سەبارەت بە رەوشى سیاسیى کوردستان و, بەگەرمی لەلایەن بەڕێزان (د. جەعفەر ئێمینکى بەرپرسى بەشى پەیوەندى گشتیى پارتى دیموکراتى کوردستان و تریفە ساڵەیى بەرپرسى دیسكی راهێنان و سه‌رچاوه‌ مرۆییه‌كان و کارگێڕان و ئه‌ندامانی بەشى پەیوەندى گشتیى PDK)ەوە پێشوازیكران, غەفوور مەخموورى لەسیمینارەکەدا بابەتێکى سەبارەت بە رەوشیى سیاسیى کوردستان و و عێراق و دواپێشڤەچوون و پێشهات و گۆڕانكارییەكانی ناوچەكە و چەند پرسێکى سیاسیى دیکەو ئەو کێشانەى بەرۆکى کوردستانیان کردووە و, خستەرووى چارەسەرى بۆ گرفتەکان پێشکەشکرد و، جەختیکردەوە سەر یەکڕیزى و یەکدەنگى نێوان لایەنە سیاسییەکانى کوردستان لەو گۆڕانکارییانەدا.

 سەبارەت بە رەوشى سیاسیى کوردستان غەفوور مەخموورى وتى:

(کوردستان و ناوچەکە لە رەوشێکى ناسک و هەستیاردان و، گەلى کوردستان بە قۆناخێکى زۆر چارەنووسسازدا دەرباز دەبێت، ئەم قۆناخە چارەنووسسازە پێویستى بە یەکێتى نەتەوەیى و یەکڕیزى نیشتمانى هەیە، لایەنە سیاسییەکانى بەشدار لە دەسەڵاتى باشوورى کوردستان ناکۆکن و ئەوەندەى رەچاوى بەرژەوەندى حیزبى دەکەن نیو ئەوەندە رەچاوى بەرژەوەندى باڵاى نەتەوەیى و نیشتمانى ناکەن.

 ناوەندى سیاسى باشوورى کوردستان پەرش و بڵاو و لێکترازاوە، بە پێویستى دەزانین لەم رووەوە روانینى خۆمان سەبارەت بەم پرسە بخەینەڕوو؛ باشوورى کوردستان لەدواى راپەڕینى بەهارى ١٩٩١ بە کۆمەڵێ هەورازو نشێودا تێپەڕیوە، وەکو ئەزموونى حوکمدارى گەلى کوردستان بێ کێشەو بێ گرفت نەبووە، بەڵام سەرەڕاى ئاستەنگەکان توانیویەتى لەسەر پێى خۆى بوەستێ، بێگومان لە تەواوى جیهاندا حکومەت نیە بێ گرفت و بێ کێشە بێت، بەڵام کێشەو گرفتەکان لە کۆمەڵگایەکەوە بۆ کۆمەڵگایەکى دیکە جیان، ئەوەش دەگەڕێتەوە بۆ ئاستى تێگەشتن لە سیستەمى حوکمدارى لە هەر کۆمەڵگایەکدا.

 کێشە و گرفتەکانى ئێستاى کوردستان باکگراوندێکى سیاسى و مێژووییان هەیە، رەنگدانەوەى واقیعى دووبەرەکى وناکۆکى سیاسى نێوان لایەنە سیاسییەکانى کوردستانن، بۆیە چارەسەرى ئەم پرسە پەیوەستە بە چارەسەرى گرفت و ناکۆکى مێژوویى نێوان لایەنە سیاسییەکانى کوردستان، بۆئەمەش پێویستە لایەنە سیاسییە ناکۆکەکان قۆناخى ساڵانى رابردوو دەربازبکەن و بە شێوازێکى سەردەمیانە مامەڵە لەگەڵ یەکدا بکەن و، بە دیدگایەکى سەردەمییانە سیاسەتى نوێى جیهان بخوێننەوە و لەجیاتى بەرژەوەندى تەسکى حیزبى رەچاوى بەرژەوەندى نەتەوەیى و نیشتمانى بکەن.

 ئێمە لەسەر هەموو ئاستەکاندا پێویستیمان بە بەخۆداچوونەوەیە بۆ چۆنییەتى مامەڵەکردن لەگەڵ یەکتر و لەگەڵ بوویەر و رووداوەکاندا، پێویستە بۆ چارەسەرى کێشەکان رەخنە لە ناتەواوییەکان بگرین و، رەخنە وەک میکانیزمى پێشکەوتنى پرۆسەى سیاسى و کۆمەڵایەتى سەیر بکەین، کە راشکاوانە رەخنەمان گرت؛ کێشە و ناتەواوییەکان دەبینین، کە کێشە و ناتەواوییەکانمان بینى بەدواى چارەسەردا دەگەڕێین، بەمەش دەتوانین پەیوەندییەکى تەندروست و کۆمەڵگایەکى تەندروست بینا بکەین.

 پێویستە لایەنە ناکۆکەکانى باشوورى کوردستان رەچاوى هەستیارى بارودۆخى کوردستان بکەن و، وەکو رێزگرتن لە خوێنى پاکى شەهیدان و قارەمانێتى پێشمەرگە و خۆڕاگرى گەلى کوردستان؛ ناکۆکییەکانیان بخەنە لاوە و بگەڕێنەوە سەر مێزى دیالۆگ و لەیەکترگەیشتن، لەبەرئەوەى سەردەم سەردەمى دیالۆگ و لەیەکترگەیشتن و لەهەڤهاتنە.)، هەروەها مەخموورى وتى: (تەنها به‌یه‌كڕیزیمان ده‌توانین پیلانه‌كانى دوژمنان و ناحەزان پوچه‌ڵ بكه‌ینه‌وه‌‌.).

 غەفوور مەخموورى لە درێژەى پێشکەشکردنى بابەتەکەیدا، سەبارەت بە کێشەکانى نێوان هەولێر و بەغدا و رەوشى ئابوورى کوردستان و ژیان و گوزەرانى خەڵک و پرسى کەرکووک و مەخموورو شنگاڵ و ناوچە دابڕێنراوەکانى دیکەى کوردستان و راوێژى سیاسى و شێوازى حوکمڕانى کوردستان و پەیوەندییەکانى کوردو ئەمریکا و ئەو کێشانەى بەرۆکى کوردستانیان گرتووە، قسەیکردو روانینى خۆى خستەڕوو، هەروەها کۆمەڵێ چارەسەریشى بۆ رێکخستنەوەى ناوەندى سیاسیى کوردستان و باشترکردنى رەوشى سیاسى و ئابوورى کوردستان خستەڕوو.

غەفوور مەخموورى دواى ئەوەى خاڵ بە خاڵى کێشەکانى شیکردەوەو روانینى خۆى خستەڕوو، هاتە سەر خستنەڕووى چارەسەرى و لەم رووەوەش لە چەند خاڵێکدا چارەسەرییەکانى خستەڕوو، وتى: (دواى ئەوەى باسى پرسى و سیاسى و ئەو کێشانەمان کرد کە بەرۆکى کوردستانیان گرتووە، پێویستە باسى لە چارەسەریش بکەین بۆیە ئەو چەند خاڵە وەک سەرەتایەک بۆ چارەسەرى کێشەکان دەخەمەڕوو:

یەکەم : بۆ رێکخستنەوەى ناوەندى سیاسى کوردستان و دەربازکردنى لەو  پەرش و بڵاوییەى کە تێیدایە پێویستە كۆبوونەوەیەكی لووتكە لەنێوان هەموو هێزو لایەنە سیاسییەكانی كوردستان ئەنجام بدەین،  کاربکەین بۆ ئەوەى بەزووترین کات (ئەنجوومەنى سیاسى کوردستان) لە تەواوى هێز و لایەنە سیاسییەکانى باشوورى کوردستان پێکبهێندرێت و، ئەم ئەنجوومەنە وەکو پاڵپشتێکى سیاسى بۆ دەسەڵاتى سیاسى کوردستان لە کاردابێت و رۆڵى راوێژکارى ببینێت و، لە کاتى هاتنەپێشى قەیرانەکاندا بە پرۆژە و کارنامەى هاوبەشى سیاسى هاوکاربێت.

 دووەم : کۆنگرەیەکى راوێژکارى بۆ شارەزا و پسپۆڕان ئەنجامبدرێت، بۆ داڕشتنى نەخشەڕێگایەکى گشتگیر بۆ دەربازکردنى باشوورى کوردستان لەو قەیرانانەى کە تێیکەوتووە.

 سێیەم : بێگومان گەورەترین كێشە لە وڵاتی ئێمەدا ئەوەیە كە دەزگا و دامەزراوەكانی ئێمە سیستەماتیك نین و ئیش و كارەكان لەسەر بنەمای میزاجی شەخسی بەڕێوەدەچن، بۆیە تا ئێستاش ئەو حزبانەی كە دەگەنە دەسەڵات بەهەمان شێوازی پێشوو مامەڵە دەكەن، پێویستە کاربکرێت بۆ سیستماتیکردنى دەزگا و دامەزراوەکانى کوردستان و، دوورخستنەوەى کارى حیزبى لە دەزگاو دامەزراوەکان، بۆئەوەى حکومەتى کوردستان ببێتە حکومەتى خەڵکى کوردستان نەک حکومەتى ئەم حیزب و ئەو حیزب.

 چوارەم : قوڵکردنەوەى گیانى برایەتى و یەکدى قبوڵکردن لە ناوەندى سیاسى کوردستان و تەواوى ناوەندەکانى کار و بوارەکانى ژیاندا.

 پێنجەم : لە جیاتى حزبەکان؛ پێویستە پەرلەمان و حکومەتى کوردستان وەکو دوو دامەزراوەى نەتەوەیى و نیشتمانى نوێنەرایەتى گەلى کوردستان لە تەواوى ناوەندەکانى ناوخۆ و ناوچەکە و جیهان بکەن.

 شەشەم : گوێگرتن لە داخوازییەکانى خەڵکى کوردستان و باشترکردنى ژیان و گوزەرانیان.

 حەوتەم : یەکخستنەوەى هێزەکانى پێشمەرگە بە کردەیى و باشترکردنى ژیان و گوزەرانیان.

 هەشتەم : یەکخستنەوەى دەزگا ئەمنى و هەواڵگرییەکان بەکردەیى و کردنیان بە دامەزراوەى نەتەوەیى و نیشتمانى و دوور لە دەستتێوەردانى حیزبى و، دەوڵەمەندکردنیان بە ئەزموون و ئامێرى پێشکەوتوو و کەسانى پسپۆڕ و شارەزا.

 نۆیەم : بەشدارکردنى تەواوى لایەنە سیاسییەکانى کوردستان لە داڕشتنى بڕیارى سیاسى و وازهێنان لە پەراوێزخستنى ئەم لایەن و ئەو لایەن.

 دەیەم : پێویستە لایەنە ناکۆکەکان واز  لەیەکدى ناشیرینکردن و شەڕى راگەیاندن بهێنن و بە زمانى سەردەم؛ زمانى لۆژیک لەگەڵ یەکدى بدوێن و دیالۆگ بکەن.

 یازدەهەم : پێکهێنانى (بۆردى سەربەخۆیى کوردستان) کەوا کار بکات بۆ جولاندنى ئەنجامى ریفراندۆم و چۆنیەتى هەنگاونان بەرەو سەربەخۆیى کوردستان، ئەم پرسە پرسێکى نەتەوەیى و نیشتمانییە و پێویستە هەموو لایەکمان لەسەرى هاوکار و یەکدەنگ بین.

دوانزەهەم : پەسەندکردنى دەستوور ؛ ئێمە دەبێ وەكو پرسێكی نەتەوەیی و نیشتمانی سەیری دەستوور بكەین، نەك وەك مەسەلەیەكی حزبی، كەبەداخەوە زۆربەی پرسەكان و بابەتەكان بەحزبی كراون و لەدیدگای حزبییەوە تەماشای پرسەكان دەكرێت، پرسى دەستووریشیان خستۆتە ئەم چوارچێوەیە، کە ئەوەش هەلەیەکى ستراتیژییە و پێویستە بەزووترین کات چارەسەر بکرێت.

 هەوەها مەخموورى سەبارەت بە گرنگى هەبوونى دەستوورى کوردستان وتى: (پرسى دەستوور پرسێکى گرنگە بۆیە پێویستە خولى داهاتووى پەرلەمانى کوردستان پرسى دەستوورى کوردستان یەکلابکاتەوە، لەبەئەوەى پرۆژەی دەستوور هەردوو قۆناخی نووسینەوە و قۆناخی دەنگدان لەسەری لە پەرلەمانی تێپەڕاندووە، قۆناخی سێیەم ماوە كە بریتییە لە قۆناخی راپرسى، بوونی دەستوور بۆ ئێمە زۆر گرنگە، لەبەرئەوەی لەرووی یاساییەوە دەبێتە هۆكارێك بۆ رێكخستنەوە و دیاریكردنی ئەرك و مافی تاكەكان و داڕشتنى بنەما و سیستمی بەڕێوەبردنى وڵات و بەدامەزراوەییكردنی دەزگا و دامەزراوەكان، ئەمانەش هەمووى لە (پرۆژەى دەستوورى کوردستان) جێگیرکراون، بۆیە هەتا رۆژێك زووتر ببینە خاوەنی دەستووری خۆمان باشترە لەوەی كە بەهۆی هەندێك مەرامی سیاسییەوە دوایبخەین، لەهەموو دنیادا وایە كاتێك دەستوور ریفۆراندۆمی لەسەر دەكرێ و تەنانەت پەسەندیش دەكرێ، ئەوا بەپێی گۆڕانی بارودۆخەكە گۆڕانگاری تێدادەكرێت و هەموار دەكرێتەوە، زۆر ئاساییە پرۆژەی دەستووری كوردستانیش کە ریفۆراندۆمی لەسەر کرا و کەوتە واری جێبەجێكردنەوە، دواتر بەپێی پێویستی سەردەم هەموار بكرێتەوە.

 ئەم خاڵانە وەکو هەنگاوێک بەرەو هێورکردنەوەى ناکۆکى نیوان لایەنەکانى دەسەڵات دەخەینەڕوو، بۆئەوەى ببێتە فاکتەرێک بۆ لەهەڤهاتن و ئاشتبوونەوەى نیشتمانى و ئەنجامدانى چاکسازى بۆ دەربازکردنى باشوورى کوردستان لەو قەیرانانەى تێیکەوتووە، ئەمەش پێویستى بە نیەت پاکى و هاوکارى و کارى هاوبەشى هەموو لایەکمانە، ئومێد دەکەین هەموو لایەکمان بۆ راستە رێى یەکڕیزى و یەکدەنگى گەلى کوردستان و زیاتر قوڵکردنەوەى گیانى برایەتى و بەیەکەوە ژیان و یەکتر قبوڵکردن و بەیەکەوە کارکردن و گوێ لەیەکترگرتن بگەڕێینەوە و رەچاوى بەرژەوەندى باڵاى نەتەوەیى و نیشتمانى بکەین و بەرژەوەندى خۆمان لە بەرژەوەندى باڵاى گەلى کوردستاندا ببینینەوەو کار بۆ یەکڕیزى یەکهەڵوێستى بکەین لەبەرئەوەى تەنها به‌یه‌كڕیزیمان ده‌توانین پیلانه‌كان پوچه‌ڵ بكه‌ینه‌وه‌‌.).

دوای خستنه‌ڕووی ناوه‌ڕۆكی بابه‌ته‌كه‌, کارگێڕان و ئەندامان و کادیرانى به‌شی په‌یوه‌ندییه‌كانى پارتى دیموکراتى کوردستان گفتوگۆیەکى چڕیان سەبارەت بە بابەتەکە كرد، شایانى باسە سمینارەکە نزیکەى سێ کاتژمێرى خایاند.

سكرتێری گشتیی YNDK و بەرپرسى بەشى پەیوەندى گشتیى PDK کۆدەبنەوە
کوردستان

سكرتێری گشتیی YNDK و بەرپرسى بەشى پەیوەندى گشتیى PDK کۆدەبنەوە

آب/أغسطس 24, 2023
0

میدیا - هەولێر :

 پێشنیوەڕۆى ڕۆژى 24 / 8 / 2023، سكرتێری گشتیی YNDK لەلایەن بەشى پەیوەندى گشتیى پارتى دیموکراتى کوردستان میواندارى کرا بۆ پێشکەشکردنى سمینارێک سەبارەت بە رەوشى سیاسیى کوردستان و، لەدیدارێكدا لەگەڵ بەرپرسى بەشى پەیوەندى گشتیى باسیان لە رەوشی سیاسی كوردستان و ناوچەكەو پەیوەندی نێوان هەردوولا كرد.

 پێشنیوەڕۆى ڕۆژى چوارشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، لەلایەن بەشى پەیوەندى گشتیى پارتى دیموکراتى کوردستان میواندارى کرا بۆ پێشکەشکردنى سمینارێک سەبارەت بە رەوشى سیاسیى کوردستان و, بەگەرمی لەلایەن بەڕێزان (د. جەعفەر ئێمینکى بەرپرسى بەشى پەیوەندى گشتیى پارتى دیموکراتى کوردستان و ژمارەیەک لە  کارگێڕ و ئه‌ندامانی بەشى پەیوەندى گشتیى PDK)ەوە پێشوازیكران, لەدیدارەکەدا باس لە رەوشی سیاسی كوردستان و عێراق و دواپێشڤەچوون و پێشهات و گۆڕانكارییەكانی ناوچەكە كراو, جەختکرایەوە سەر یەکڕیزى و یەکدەنگى نێوان لایەنە سیاسییەکانى کوردستان لەو گۆڕانکارییانەدا.

 لەدوا تەوەری دیدارەكەشدا, جەختكرایەوە سەر پتەوكردنی پەیوەندی برایانەى نێوان هەردوولا لەپێناو زیاتر خزمەتکردنى دۆزى رەواى گەلى کوردستان.

سەرۆک مەسعود بارزانى سوپاسنامەیەک ئاراستەى سکرتێرى گشتیى YNDK دەکات
جیهان

سەرۆک مەسعود بارزانى سوپاسنامەیەک ئاراستەى سکرتێرى گشتیى YNDK دەکات

آب/أغسطس 23, 2023
0
میدیا - هەولێر:
سەرۆک مەسعود بارزانى رێبەرى بزاڤى رزگاریخوازى نیشتمانى کوردستان ، لە وەڵامى پەیامى پیرۆزبایى سکرتێرى گشتیى YNDK بەبۆنەى ١٦ى ئاب ساڵڕۆژى دامەزراندنى پارتى دیموکراتى کوردستان بۆ جەنابیان، سوپاسنامەیەکى ئاراستەى غەفوور مەخمورى سکرتێرى گشتیى یەکێتى نەتەوەیى دیموکراتى کوردستان YNDK کردووە، ئەمەش دەقى سوپاسنامەکەیە :
بەناوى خوداى بەخشندە و میهرەبان
بەڕێز کاک غەفوور مەخموورى سکرتێرى گشتیى یەکێتى نەتەوەیى دیموکراتى کوردستان
سڵاوێکى گەرم ...
بەپێزانینێکى زۆرەوە پەیامى پیرۆزبایى بەڕێزتان بە دەستمان گەیشت کە بە بۆنەى یادى حەفتاو حەفت ساڵەى دامەزراندنى پارتى دیموکراتى کوردستان ئاراستەى ئێمەتان کردبوو، زۆر سوپاستان دەکەم. لەو بۆنەیەدا هیواى سەقامگیرى و تەبایى و ئارامى بۆ خەڵکى خۆشەویستى کوردستان وئومێدى سەرکەوتن بۆ ئێوە دەخوازم.
لەگەڵ رێزمدا.
مسعود بارزانى
17ى ئابى 2023
سكرتێری گشتیی YNDK هیواى تەندروستییەکى باش بۆ تێکۆشەرى ناسراوى ئەهواز بەڕێز شێخ مەحموود بەشارى کەعبى دەخوازێت
رۆژهەڵاتی ناوەراست

سكرتێری گشتیی YNDK هیواى تەندروستییەکى باش بۆ تێکۆشەرى ناسراوى ئەهواز بەڕێز شێخ مەحموود بەشارى کەعبى دەخوازێت

آب/أغسطس 23, 2023
0
میدیا - هەولێر :
ئێوارەى ئەمڕۆ چوارشەممە 23 / 8 / 2023 ، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، لە پەیوەندییەکی تەلەفۆنیدا، لەگەڵ تێکۆشەرى ناسراوى ئەهواز بەڕێز شێخ مەحموود بەشارى کەعبى دامەزرێنەرى بەرەى عەرەبى بۆ رزگارکردنى ئەهواز، لە هەواڵى تەندروستى بەڕێزیانى پرسییەوە و، هیواى ساخى و سەلامەتى بۆ خواست.
سكرتێری گشتیی YNDK لە پەیوەندییە تەلەفۆنییەکەیدا، بەناوى خۆى و هەڤاڵانى YNDK هیواى تەندروستییەکى باشى بۆ بەڕێزیان و سەرکەوتنى بۆ گەلى ئەهواز خواست، لەلایەن خۆیەوە بەڕێز شێخ مەحموود بەشارى کەعبى خۆشحاڵى خۆى بۆ ئەو پەیوەندى و بەسەرکردنەوەیەى سکرتێرى گشتیى YNDK دەربڕى و سوپاسى کردن.
سكرتێری گشتیی YNDK سەردانی بنەماڵەى خوالێخۆشبوو حەمەدەمین حاجى صادق خەزنەیى دەکات
کوردستان

سكرتێری گشتیی YNDK سەردانی بنەماڵەى خوالێخۆشبوو حەمەدەمین حاجى صادق خەزنەیى دەکات

آب/أغسطس 22, 2023
0

 میدیا - هەولێر:

 ئێوارەى ئەمڕۆ 22 / 8 / 2023، سكرتێری گشتیی YNDK بەمەبەستى هەواڵپرسین و بەسەرکردنەوە سەردانی بنەماڵەى خوالێخۆشبوو حەمەدەمین حاجى صادق خەزنەیى-ى کرد و، هیواى تەندروستییەکى باشى بۆ خواستن.

 ئێوارەى ئەمڕۆ سێشه‌ممه‌، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بە یاوەرى هەڤاڵان (د. شاخەوان خالید کارگێڕى مەکتەبى سیاسى و شاکر هاشم ساڵح ئەندامى کۆمیتەى سەرکردایەتى و فاخیر نانەکەلى کارگێڕى مەکتەبى ناوەندى پەیوەندییەکانى YNDK)، بەمەبەستى هەواڵپرسین و بەسەرکردنەوە سەردانی دیوەخانى بنەماڵەى خوالێخۆشبوو حەمەدەمین حاجى صادق خەزنەیى-یان کرد و، بەگەرمی لەلایەن بەڕێزان کاک فاروق جەمیل و بنەماڵەکەیان و خزمانى خەزنەوە پێشوازی كران، لەسەردانەكەدا سكرتێری گشتیی YNDK هیواى ساخى و سەلامەتى و تەندروستییەکى باشى بۆ خواستن و باسى لە رۆڵى بنەماڵەکەیان لە کۆمەڵگەى کوردستان کرد، لەبەرامبەردا بەڕێز فاروق جەمیل بەناوى خۆیان و بنەماڵەکەیانەوە وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیى YNDK ی كرد.

الصفحة 79 من 197