میدیا - هەولێر

مەكتەبی سیاسیی یەكێتی نەتەوەیی دیموكراتی كوردستان  YNDK، سه‌ردانی مەكتەبی سیاسیی پارتی چاكسازی توركمان له ‌شاری هه‌ولێر ده‌كات، ویڕای پیرۆزبایی (18) ساڵه‌ی دامه‌زراندنی پارتی ناوبراو، گفتوگۆ لەسەر بارودۆخی سیاسی كوردستان و عێراق و ناوچەكە و پرسی گرفته‌كان و میكانیزمی ده‌ربازبوون كرا.

ئه‌مڕۆ پێنج شه‌ممه‌ رێكەوتی 27/4/2023، شاندێكی مەكتەبی سیاسی YNDK كه‌ پێكهاتبوو له‌ هەڤاڵان ( د.شاخەوان خالید كارگێڕی مەكتەبی سیاسی و شاكر هاشم ئه‌ندامی سه‌ركردایه‌تی و جه‌لال سمایل كارگێڕی مه‌كته‌بی ناوه‌ندی پەیوەندییەكان و ئه‌رسه‌لان كاروانی و محه‌مه‌د تاهیر ئه‌ندامانی مه‌كته‌بی ناوه‌ندی پەیوەندییەكان) سه‌ردانی مەكتەبی سیاسی پارتی چاكسازی توركمانیان له‌ شاری هه‌ولێر كرد، له‌لایه‌ن به‌ڕێزان ( عه‌بدولقادر بازرگان سه‌رۆكی پارت و مونا قه‌هوه‌جی جێگری سه‌رۆكی پارت و ژماره‌یه‌ك له‌ئه‌ندامانی مه‌كته‌بی سیاسی و سه‌ركردایه‌تی پارتی چاكسازی توركمان) پێشوازیكران، شاندی YNDK پیرۆزبایی ( 18 ) ساڵه‌ی دامه‌زراندنی پارتی چاكسازی توركمانی له سه‌رۆك و جێگر و ئه‌ندامانی پارته‌كه‌ كرد، به‌م بۆنه‌وه‌یه‌وه‌ په‌یامی پیرۆزباییان ئاڕاسته‌كردن و له‌به‌رامبه‌ردا سوپاسی هه‌ڵوێست و پیرۆزبایی شاندی ( YNDK)یان كرد،هه‌روه‌ها له‌دانیشتنه‌كه‌ باس لە رەوشی سیاسی كوردستان و عێراق و ناوچەكە كرا.

لەدوا تەوەری دیدارەكەشدا باس لە پتەوكردنی پەیوەندی برایانەی نێوان هەردوولا و تەواوی هێزو لایەنە سیاسیەكانی كوردستان لەپێناو پاراستنی ئه‌زموونه‌كه‌مان و  زیاتر خزمەتكردنی گەلی كوردستان كرا.

میدیا - هەولێر

مەكتەبی سیاسی YNDK به‌ بۆنه‌ی (18)ه‌مین ساڵیادی دامه‌زراندنیان پیرۆزبایی له‌ مه‌كته‌بی سیاسیی پارتی چاكسازی توركمان ده‌كات و هیوای سه‌ركه‌وتنی زیاتریان بۆ ده‌خوازێت.

ده‌قی په‌یامی پیرۆزباییه‌كه‌:

بۆ بەڕێز مەكتەبی سیاسی پارتی چاكسازی توركمان

بابەت / په‌یامی پیرۆزبایی

سڵاوی سەرخۆبوون‌و ئازادی ...

بەبۆنەی(18)ه‌مین ساڵیادی دامەزراندنی پارتەكەتان (پارتی چاكسازی توركمان) بەناوی خۆمان‌و تەواوی ئەندام‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر گەشەكردنی پارتەكەتان.

بەڕێزان : پارتەكەتان (پارتی چاكسازی توركمان) لەماوەی تەمەنی خەباتی وەك لایەنێكی كاریگەر، توانیویەتی ببێتە چەترێك بۆ كۆكردنەوەی كەسانی نیشتمانپەروەر لەدەوری خۆی، هەموو كاتێكیش هەڵگری پەیامی ئاشتی‌و برایەتی‌و پێكەوە ژیانی سەرجەم نەتەوەو ئایینەكان بووە لەكوردستاندا، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێزو لایەنەكانی كوردستانە بەسەرجەم پێكهاتەو نەتەوەكانیەوە لەپێناو بەدیهێنانی تەواوی مافەكانی گەلی كوردستان.

لەم بۆنەدا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان .

دووبارە ساڵیادتان پیرۆز … هەر سەركەوتوو بن .

مەكتەبی سیاسی

یەكێتی نەتەوەیی دیموكراتی كوردستان YNDK

27-4-2023

الأخ العزيز السيد فرهاد محمد رئيس تحرير مجلة گولان

أعزائي أعضاء هیئە التحریر والصحفیین والعاملین فی المجلة

تحية وتقدير

نهنئكم بمناسبة الذكرى التاسعة والعشرين لصدور العدد الأول من مجلة گولان ونأمل أن تكون گولان كما كانت شجاعة وصادقةً ورائدةً.

  لقد قدمت گولان طوال 29 عاماً من عمرها خدمات جليلة في مجال حرية الرأي وتعميق روح التعايش ونشر الفكر القومي والوطني، وحاولت عبر كتاباتها وتحليلاتها كشف مخططات الأعداء ومخاطرها للمجتمع الكوردستاني، و كذلك التصدي لها بالقلم والكلمة. لذلك يمكننا القول إن گولان كانت حصناً منيعاً للدفاع عن إنجازات شعب كوردستان وأدت مهامها الكبيرة رغم امكانياتها المحدودة.

  وفي نفس الوقت يمكننا القول أنها لعبت دور مركز كبير للبحوث السياسية والفكرية والاقتصادية والإدارية والاجتماعية، لذلك يجب توسيع گولان وتحويلها إلى مؤسسة قومية بأسم (مركز گولان للبحوث والمتابعة السياسية)، لأنها فعلاً لعبت هذا الدور، واستطاعت بناء علاقات واسعة مع الباحثين والمحللين في المجالات السياسية و الأقتصادية و الأمنية والثقافية والأجتماعية والأدارية، على الصعيد الداخلي والعربي والعالمي.

وأخيرا، نهنئكم مرة اخرى ونتمنى لكم دوام التقدم والنجاح.

  مع فائق الاحترام..

  اخوكم

غفور مخموري

السكرتير العام للاتحاد القومي الديمقراطي الكوردستاني YNDK

22-4-2023

میدیا - هەولێر:

 سكرتێرى گشتیى YNDK بەبۆنەى (29) ساڵ تێپەڕبوون بەسەى دەرچوونى یەکەم ژمارەى گۆڤارى (گوڵان) لە پەیامێکدا پیرۆزبایى لە سەرنووسەرو دەستەى نووسەران و رۆژنامەنووسانى گۆڤارى (گوڵان) دەکات و هیواى سەرکەوتنى زیاتریان بۆ دەخوازێت.

 غەفوور مەخموورى سکرتێرى گشتیى یەکێتى نەتەوەیى دیموکراتى کوردستان YNDK ، لە پەیامێکدا بەبۆنەى بيست و نۆیەمین ساڵیادی دەرچوونی یەکەم ژمارەى گۆڤاری (گوڵان) پیرۆزبایى لە بەڕێزان فەرهاد محەممەد سه‌رنووسه‌ر و ئەندامانى دەستەى نووسەران و رۆژنامەنووسان و کارمەندانى گۆڤارى گوڵان دەکات و، رۆڵى گۆڤارى گوڵان لە پرسە نەتەوەیى و نیشتمانییەکان بەرز دەنرخێنێت و، هیوا دەخوازێت کەوا گۆڤارى گوڵان ببێتە دامەزراوەیەکى نیشتمانى، ئەمەش دەقى پەیامەکەیە:

 براى به‌ڕێزمان کاک فەرهاد محەممەد سه‌رنووسه‌رى گۆڤاری (گوڵان)ى ئازیز

بەڕێزان ئەندامانى دەستەى نووسەران و رۆژنامەنووسان و کارمەندانى گۆڤارى گوڵان

‎

 سڵاو و ڕێز ...

‎ بەبۆنەی (29) بيست و نۆیەمین ساڵیادی دەرچوونی یەکەم ژمارەى گۆڤاری (گوڵان)ى ئازیز، جوانترین پیرۆزبایی ئاراستەی ئێوەی بەڕێزو خۆشەویست دەکەین و، هیوادارین (گوڵان) وەک هەمیشە بوێر و هەقگۆ و پێشەنگ بێت.

 بێگومان گۆڤارى گوڵان ؛ لەماوەى (29) ساڵ تەمەنى خۆیدا خزمەتێکى زۆرى بوارى ئازادى بیرو ڕا و قوڵکردنەوەى گیانى پێکەوەژیان و بڵاوکردنەوەى هزر و هۆشیارى نەتەوەیى و نیشتمانى کردووە، بەردەوام هەوڵیداوە بە نووسین و شرۆڤەکانى پیلانى دوژمن و ناحەزانى گەلى کوردستان ئاشکرا بکات و مەترسییەکانى بۆ کۆمەڵانى خەڵکى کوردستان بخاتەڕوو و، رووبەڕووى هەڕەشەکان ببێتەوە، دیارە کە چەکى ئەو رووبەڕوونەوەیەى گوڵان پێنووس و وشە بووە، بۆیە دەتوانین بڵێین (گوڵان) هەمیشە سەنگەرێکى قایمى بەرەڤانیکردن لە دەستکەوتەکانى گەلى کوردستان بووە.

 (گوڵان) ؛ بە ئیمکانیاتێکى کەمەوە ئەرکێکى گەورەى راپەڕاندووەو کارى مەزنى ئەنجامداوە، لەهەمان کاتدا دەتوانین بڵێین رۆڵى سەنتەرێکى گەورەى لێکۆڵینەوەى سیاسى و هزرى و ئابوورى و کارگێڕى و کۆمەڵایەتى گێڕاوە، بۆیە پێویستە گۆڤارى گوڵان فراوانتر بکرێت و بکرێتە دامزراوەیەکى نەتەوەیى بەناوى (سەنتەرى لێکۆڵینەوە و بەداوداچوونى سیاسیى گوڵان)، لەبەرئەوەى بەهەق ئەو رۆڵەى گێڕاوە و، توانیویەتى پەیوەندییەکى فراوان لەگەڵ لێکۆڵەر و شرۆڤەکارانى بوارى سیاسى و ئابوورى و ئەمنى و کلتورى و کۆمەڵایەتى و کارگێڕى و دەوڵەتدارى لەسەر ئاستى ناوخۆ و وڵاتانى عەرەبى و بیانى دروستبکات.

‎ لە کۆتاییدا؛ جارێکى دیکە پڕ بە دڵ دەستخۆشى و پیرۆزباییاتان لێدەکەین و بە گەرمى دەستى ماندووبوونتان دەگوشین و هیوای بەردەوامی و پێشڤەچوون و سەرکەوتنى زیاترتان بۆ دەخوازین.

لەگەڵ رێزو خۆشەویستى زۆرمان بۆ هەموو لایەکتان.

 براتان

غەفوور مەخموورى

سکرتێرى گشتیى

یەکێتى نەتەوەیى دیموکراتى کوردستان YNDK

  22 / 4 / 2023

میدیا- هه‌ولێر

به‌بۆنه‌ی (29)ه‌مین ساڵیادی ده‌رچوونی گۆڤاری  گوڵان،  رۆژنامه‌ی میدیا و ئاژانسی هه‌واڵی میدیا په‌یامی پیرۆزبایی ئاڕاسته‌ی سه‌رنووسه‌ر و ده‌سته‌ی نوسه‌ران و ستافی گۆڤاری گوڵان ده‌كات.

  ده‌قی په‌یامی پیرۆزباییه‌كه‌‌:

بەڕێز كاك فه‌رهاد محه‌مه‌د سەرنووسەری گۆڤاری گوڵان...

به‌ڕێزان دەستەی نووسەران و ستافی گۆڤاری گوڵان....

به‌ بۆنه‌ی ( 29)ەمین ساڵیادی دەرچوونی گۆڤاری (گوڵان)، جوانترین و رازاوه‌ترین پیرۆزباییتان ئاڕاسته‌ ده‌كه‌ین و  هیوای سه‌ركه‌وتن و پێشكه‌وتنی زیاتر بۆ ئێوه‌ و گۆڤاره‌كه‌تان ده‌خوازین.

به‌ڕێزان: گۆڤاری گوڵان هه‌میشه‌ پێشه‌نگی گۆڤاره‌كانی كوردستان بووه‌ و له‌ساته‌ سه‌خته‌كان توانیویه‌تی درێژه‌ به‌كاری رۆژنامه‌نووسی خۆی بدات و توانیویه‌تی ببێته‌ مینبه‌رێكی ئازاد بۆ ده‌نگی حه‌ق و بڵاوكردنه‌وه‌ی نووسین و بابه‌ته‌ جۆراو جۆره‌كانی هه‌موو ره‌وت و هزره‌ جیاوازه‌كانی كوردستان و تائێستاش هه‌ر به‌رده‌وامه‌ له‌سه‌ر كاری پیشه‌یی و رۆژنامه‌گه‌ری و رۆژ له‌دوای رۆژ پێشكه‌وتنی زیاتر به‌خۆیه‌وه‌ ده‌بینێت.  
هیوادارین گۆڤارەکەتان لەسەر ڕێچکەی پیشەیی و بابه‌تییانه‌ی خۆی به‌رده‌وام بێت ... هەر سەرکەوتوو بن بۆ زیاتر به‌ره‌و پێشبردنی ره‌وتی رۆژنامه‌گه‌ری كوردستان.

رۆژنامه‌ی میدیا

ئاژانسی هه‌واڵی میدیا

22ی نیسانی 2023ی زایینی