میدیا - هەولێر:

 ئێوارەى ئەمڕۆ 22 / 8 / 2023، سكرتێری گشتیی YNDK بەمەبەستى هەواڵپرسین و بەسەرکردنەوە سەردانی بنەماڵەى خوالێخۆشبوو حەمەدەمین حاجى صادق خەزنەیى-ى کرد و، هیواى تەندروستییەکى باشى بۆ خواستن.

 ئێوارەى ئەمڕۆ سێشه‌ممه‌، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بە یاوەرى هەڤاڵان (د. شاخەوان خالید کارگێڕى مەکتەبى سیاسى و شاکر هاشم ساڵح ئەندامى کۆمیتەى سەرکردایەتى و فاخیر نانەکەلى کارگێڕى مەکتەبى ناوەندى پەیوەندییەکانى YNDK)، بەمەبەستى هەواڵپرسین و بەسەرکردنەوە سەردانی دیوەخانى بنەماڵەى خوالێخۆشبوو حەمەدەمین حاجى صادق خەزنەیى-یان کرد و، بەگەرمی لەلایەن بەڕێزان کاک فاروق جەمیل و بنەماڵەکەیان و خزمانى خەزنەوە پێشوازی كران، لەسەردانەكەدا سكرتێری گشتیی YNDK هیواى ساخى و سەلامەتى و تەندروستییەکى باشى بۆ خواستن و باسى لە رۆڵى بنەماڵەکەیان لە کۆمەڵگەى کوردستان کرد، لەبەرامبەردا بەڕێز فاروق جەمیل بەناوى خۆیان و بنەماڵەکەیانەوە وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیى YNDK ی كرد.

میدیا - هەولێر :

 ئێوارەى ئەمڕۆ 22 / 8 / 2023، شاندێکى باڵاى YNDK سەردانی پارتى بونیادى دیموکراتى کوردستان-یان كردو، لەدیدارەكەدا باسيان لە رەوشی سیاسی كوردستان و پتەوكردنی پەیوەندی نێوان هەردوولا كرد.

 ئێوارەى ئەمڕۆ سێشەممە، شاندێکى باڵاى یەكێتی نەتەوەیی دیموكراتی كوردستان YNDK کە پێکهاتبوو لە هەڤاڵان (غەفوور مەخمووری سكرتێری گشتیی YNDK ، د. شاخەوان خالید کارگێڕى مەکتەبى سیاسى و شاکر هاشم ساڵح ئەندامى کۆمیتەى سەرکردایەتى و فاخیر نانەکەلى کارگێڕى مەکتەبى ناوەندى پەیوەندییەکانى YNDK) سەردانی بارەگای پارتى بونیادى دیموکراتى کوردستان-یان كردو، بەگەرمی لەلایەن بەڕێزان (شێخ عەبدوڵڵا حەسەن و سامى ستار سورچى ئەندامانى دەستەى سەرۆکایەتى و حازم محەممەد گەردى و عەبولغەفوور حەمەد و نەوزاد ئەحمەد باڵەکى و عەبدولواحید سورچى ئەندامانى کۆمیتەى سەرکردایەتیى پارت)ەوە پێشوازیكران، لە دیدارێکى برایانەدا سەبارەت بە رەوشی سیاسی كوردستان و دوا پێشهات و گۆڕانكارییەكانی ناوچەكەو زیاتر لێكنزیكبوونەوەی لایەنە سیاسییەكانی كوردستان گفتوگۆیان كردو، جەختیانكردەوە سەر یەكڕیزی و یەكدەنگی لایەنەسیاسییەکان لەو گۆڕانكارییانەی كە دێنە پێشەوەو یەكێتی و یەكدەنگی لایەنە سیاسییە کوردستانییەکانیان لەو گۆڕانكارییانەدا بە فاكتەری سەرەكی پاراستن و چەسپاندنى  مافەكانی گەلی كوردستان وەسفكرد، لەم پێناوەشدا رێکخستنەوەى ناوەندى سیاسى کوردستان و پێکهێنانى چەترێکى هاوبەش بۆ ئەوەى هەموو لایەنە سیاسییەکانى کوردستان لەژێریدا کۆببنەوە وەک چارەسەرییەک بۆ یەکێتى و یەکڕیزى گەلى کوردستان باسى لێوەکرا، هەروەها باسى لەوە کرا کەوا پاراستنى قەوارەى باشوورى کوردستان ئەرکى نیشتمانى و نەتەوەیى و ئەخلاقى هەموو لایەنە سیاسییەکانى کوردستانە.

 هەر لە دیدارەکەدا سەرکردایەتیى پارتى بونیادى دیموکراتى کوردستان، سوپاس و پێزانینی خۆیان بە سكرتێری گشتی و سەركردایەتیی YNDK بەرامبەر ئەو سەردانەو هەڵوێستە نەتەوەیی و نیشتمانییەكانی YNDK سەبارەت بەپرسە نیشتمانییەكان راگەیاند و، جەختیانکردەوە سەر یەکڕیزى و بەیەکەوە کارکردنى هێزو لایەنە سیاسییەکانى کوردستان لەپێناو زیاتر خزمەتکردنى گەلى کوردستان.

  شایانى باسە لە تەوەرى دیدارەدا هەردوو لا جه‌ختیانكرده‌وه‌ سه‌ر پتەوکردنى پەیوەندی برایانەی نێوانیان لەپێناو زیاتر خزمەتكردنی دۆزی رەوای گەلی كوردستان.

میدیا - هەولێر :

ئێواره‌ی ئەمڕۆ 21-8-2023، شاندێكی مه‌كته‌بی سیاسیی YNDK له‌ باره‌گای KNK له‌گه‌ڵ هاوسەرۆکى کۆنگرەى نەتەوەیى کوردستان KNK كۆده‌بێته‌وه‌، لە كۆبوونه‌وه‌كه‌ باسیان لە رەوشی سیاسى كوردستان و یەکێتى نەتەوەیى و یەکڕیزى گەلى کوردستان و هه‌ڵسه‌نگاندنی كۆنفرانسی سه‌د ساڵه‌ی لۆزان و كاره‌كانی KNK له‌ باشووری كوردستان كرد.

شاندێكی مه‌كته‌بی سیاسیی یەكێتی نەتەوەیی دیموكراتی كوردستان YNDK كه‌ پێكهاتبوو له‌هه‌ڤاڵان (د. شاخەوان خالید کارگێڕى مەکتەبى سیاسى و شاكر هاشم ئه‌ندامی سه‌ركردایه‌تی و فاخر نانه‌كه‌لی كارگێڕی مەکتەبى ناوەندى پەیوەندییەکان و ئه‌رسه‌لان كاروانی ئەندامى مەکتەبى ناوەندى پەیوەندییەکانى YNDK ) له‌ باره‌گای KNK له‌ هه‌ولێر، سه‌ردانی )کۆنگرەى نەتەوەیى کوردستانKNK )یان كرد و پێشوازیكران له‌لایه‌ن هه‌ڤاڵان ( زه‌ینه‌ب موراد هاوسەرۆکى KNK و فه‌رهاد ره‌سول و دەنیز هێڤى و هه‌ڤاڵ زیلان ئەندامانى KNK)، لەدیدارەكەدا باس لە رەوشی سیاسی كوردستان و دواپێشهات و گۆڕانكارییەكانی ناوچەكە كراو كاره‌كانی كۆنفرانسی سه‌د ساڵه‌ی لۆزانیان هه‌ڵسه‌نگاند، جەختكرایەوە سەر یەكڕیزی و یەكدەنگی گەلی كوردستان بە تەواوی هێز و لایەنە سیاسییه‌كان و پێكهاته‌كان، تاكه‌ فاكته‌ری سه‌ركه‌وتن یەكێتی نه‌ته‌وه‌یی و یەكدەنگی و هاوهەڵوێستی لایه‌نه‌كانه‌ بۆ پاراستن و چەسپاندنی دەستكەوتەكان و به‌دەستهێنانی ته‌واوی مافەكانی گەلی كوردستان.

هەر لە دیدارەكەدا باس له‌كاره‌كانی KNK له ‌باشووری كوردستان و زیاتر به‌ره‌و‌ پێشبردنی كرا، بۆ ئه‌وه‌ی ببێته‌ چه‌ترێكی نه‌ته‌وه‌یی بۆ حزب و لایه‌نه‌كان و وڵاتپارێزانی كوردستان لە پێناو زیاتر خزمەتكردن و پێشڤەبردنی دۆزی رەوای گەلی كوردستان.

میدیا - هەولێر:

 پێشنیوەڕۆى ئەمڕۆ ٢٠ / ٨ / ٢٠٢٣، سكرتێری گشتیی YNDK پێشوازی لە هەردوو رۆماننووس بەڕێزان (د. کەمال سەعدى و سابیر رەشید) كردو، لەدیدارەكەدا باسیان لە رەوشی رۆشنبیرى كوردستان و رۆڵى نووسەرو رۆشنبیران لە پرۆسەى سیاسیى کوردستان كرد.

 پێشنیوەڕۆى ئەمڕۆ یەکشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسیی YNDK لە شاری هەولێر، بە ئامادەبوونى هەڤاڵان (قەهار مەخموورى ئەندامى مەکتەبى سیاسى و فاخیر نانەکەلى کارگێڕى مەکتەبى ناوەندى پەیوەندییەکانى YNDK)، پێشوازیكرد هەردوو رۆماننووس بەڕێزان (د. کەمال سەعدى و سابیر رەشید)، لە دیدارەکەدا باسیان لە رەوشی رۆشنبیرى كوردستان و رۆڵى نووسەرو رۆشنبیران لە پرۆسەى سیاسیى کوردستان كرد، هەر لەدیدارەکەدا بەڕێزان باسیان لە دوا پڕۆژەکانى نووسینى خۆیان کرد لە بوارى رۆمان کرد.

 سکرتێرى گشتیى YNDK لەلایەن خۆیەوە ئاماژەى بە رۆڵى بەرچاوى بەڕیزان لە بزاڤى رۆشنبیرى کوردستان کرد و دەستخۆشى لە بەڕێزان کردو هیواى تەندروستییەکى باش و تەمەن درێژى و بەردەوامى بۆ خواستن.

میدیا - هەولێر:

 پێشنیوەڕۆى ئەمڕۆ ٢٠ / ٨ / ٢٠٢٣، سكرتێری گشتیی YNDK پێشوازی لە هەردوو کەسایەتیى ناسراوى شارى هەولێر بەڕێزان (نیازى دزەیى و تۆفیق خۆشناو) كردو، لەدیدارەكەدا باسیان لە رەوشی شارى هەولێرو پەیوەندى نێوانیان كرد.

 پێشنیوەڕۆى ئەمڕۆ یەکشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسیی YNDK لە شاری هەولێر، بە ئامادەبوونى هەڤاڵان (قەهار مەخموورى ئەندامى مەکتەبى سیاسى و فاخیر نانەکەلى کارگێڕى مەکتەبى ناوەندى پەیوەندییەکانى YNDK)، پێشوازیكرد هەردوو کەسایەتیى ناسراوى شارى هەولێر بەڕێزان (کاک نیازى شێخ محەممەد مەعروف ئاغاى دزەیى و حاکم تۆفیق خۆشناو)، لە دیدارەکەدا باسیان لە رەوشی شارى هەولێر چۆنیەتى قوڵکردنەوەى پەیوەندییە کۆمەڵایەتییەکان و گیانى پێکەوەژیان لە هەولێر كرد، هەر لەدیدارەکەدا جەختیانکردەوە سەر پتەوکردنى پەیوەندى برایانەى نێوانیان.

 سکرتێرى گشتیى YNDK لەلایەن خۆیەوە ئاماژەى بە رۆڵى بەرچاوى بەڕیزان لە لە بوارى چاکەخوازى و ئاشتیى کۆمەڵایەتى لە شارى هەولێر کرد و دەستخۆشى لە بەڕێزان کردو هیواى تەندروستییەکى باش و تەمەن درێژى و بەردەوامى بۆ خواستن.