بۆبەڕێز کاک غەفوور مەخمووری سکرتێری گشتیى یەکێتی نەتەوەیی دیموکراتی کوردستان

 سڵاوێکى گەرم ...

 بەبۆنەی بەستنی کۆنگرەی شەشەمینی YNDK ، گەرمترین پیرۆزبایی ئاڕاستەی بەڕێزتان و ئەندامانی مەکتەبی سیاسی و سەرکردایەتی و تەواوی ئەندامان و لایەنگرانی YNDK دەکەم، توانیتان بەسەرکەوتوویی کۆنگرە ببەستن لەپێناو نوێبونەوەدا، بۆیە غەفوورمەخمووری وەک سەرکردەیەکی کاریزمای کورد هەڵگری ئاڵای نەتەوەیی لەباشووری کوردستان هەمیشە پێشەنگ و بوێر بووە لەگەیاندنی دەنگی کورد بەجیهان و، دۆستەکانی گەلەکەمان و، یەکێتی نەتەوەیی دیموکراتی کوردستانیش خاوەن مێژوو و هەڵوێستی نەگۆڕ بووە لەسەر پێداگیری لەبەرەوپێشەوەبردنی دۆزی ڕەوای گەلەکەمان و داکۆکیکارێکی سەرسەختی خەبات بوونە لەوچەند سالەی تەمەنی خۆیدا، هەمیشە بەگیانێکی پێشمەرگانە، لەتێکۆشان بوونە لەپێناو پاراستن و پێشخستنی ئەزموونی هەرێمی کوردستان وەک بەشی دایک لە ناسیونالیزمی کوردیدا، هەمیشە مکوڕبوونە بەڕوحیەتی نەتەوەخوازی مۆدێرن و ئاشتیخوازی لە پێخمەت دۆزی ڕەوای کورد لەهەموو بەشەکانی کوردستاندا، بۆیە ڕۆڵتان و بەردەوامیتان بەڕێزدەنرخێنین، جەماوەری کوردستان بەگشتی هیوای زۆرى لەسەر ئێوەیە ، دووبارە پیرۆزباییتان لێدەکەم، سەرکەوتن بۆخەباتی پیرۆزی نەتەوەخوازییە لەپێناو یەکێتی نەتەوەی کوردو گەیشتنە ئامانجی پیرۆز کە سەروەری نەتەوەییە.

  لەگەڵ رێزمدا.

برات

شوکرمحەممەد هەرکی

نڤیسکارو چالاکوانی سیاسی نەتەوەیی

18 / 11 / 2023 باسرمە

  براى به ڕێزم كاك غەفوور مەخمووری

  سکرتێری گشتیی یەکێتی نەتەوەیی دیموکراتی کوردستان

  بەڕێزان ئەندامانی کۆنگرەی شەشەمی یەکێتی نەتەوەیی دیموکراتی کوردستان ..

  بەبۆنەی بەستنی شەشەم کۆنگرەی یەکێتی نەتەوەیی دیموکراتی کوردستان، گەرمترین پیرۆزبایی ئاراستەى بەڕێزتان دەکەم و هیوای سەرکەوتن بۆ کۆنگرەکەتان دەخوازم.

 هیوادارم بڕیارو ڕاسپاردەکانی کۆنگرەکەتان، لە خزمەتی پاراستنی قەوارەی دەستووری هەرێمی کوردستان و یەکڕیزی و تەبایی نێوان هێزو لایەنە کوردستانییەکان و پەرەپێدانی بەیەکەوەژیانی ئاشتییانەی نێوان پێکهاتە جیاوازەکان و داکۆکیکردن بێت لە مافەکانی گەلی  کوردستان و دەسکەوتە نیشتمانییەکان .

 وەك ئەوەى پيشمەرگەيەكى بەتوانا بووى بۆ بەرگریكردن له خاك و نيشتمان و هەروەها له پەرله مانى كوردستان له رابردوودا هەردەم بەرگريت لە سنوورى قەزاى مەخموورو سنوورەكەى ده كرد و جيگاى دەستت دياربوو درێخيت نەكرد.

لەگەڵ ڕێزمدا.

     حاجى فاضل باجلان

 سەرۆکی هۆزى باجەلان له كوردستان / عيراق

2023/11/12

میوانانى بەڕێزو خۆشەویست

 هەڤاڵانی وڵاتپارێز ... ئەندامانی شەشەم كۆنگرەی یەكێتیمان YNDK ...

  خوشكانی ئازیز ... برایانی بەڕێز ...

  بەگەرمی بەخێرهاتنی هەموو لایەكتان دەكەین و، هیوای سەركەوتن بۆ شەشەم كۆنگرەی YNDK و،  ئێوەی بەڕێزو خۆشەویست دەخوازین.

 شەشەم كۆنگرەمان لەژێر دروشمی (یەکڕیزى و یەکدەنگى و پاراستنى دەسکەوتەکانى گەل و ئازادى و سەربەخۆیى کوردستان) دەبەستین، بێگومان یەکڕیزى و یەکدەنگى لایەنە سیاسى و پێکهاتەکانى گەلى کوردستان فاکتەرى سەرەکى چەسپاندن و پاراستن و پێشڤەبردنى دەسکەوتەکانى گەلى کوردستانە، کە بریتین لە سەرۆکایەتى و پەرلەمان و حکومەتى هەرێمى کوردستان و دەزگاو دامەزراوەکانیان، ئەمەش دەبێتە هەنگاوێکى گرنگ بۆ بەدیهێنانى ئازادى و سەربەخۆیى کوردستان.

  بەڕێزان : ئێمە لە کاتێکدا شەشەم کۆنگرەمان دەبەستین کەوا جیهان و ناوچەکە و کوردستان بە رەوشێکى ئاڵۆزو ناسک و هەستیاردا تێدەپەڕن، لەلایەک شەڕى روسیا و ئۆکرانیا و لەلایەکى دیکە شەڕى ئیسرائیل و بزووتنەوەى حەماس و هەروەها هەروەها پیلان و هەڕەشەو هێرشى داگیرکەرانى کوردستان دژ بە گەلى کوردستان، ئەمانە هەر هەموویان کاریگەرییان بۆ سەر کوردستان هەیە، بۆیە پێویستە هەموو لایەکمان کاربکەین بۆ داڕشتنى کارنامەیەکى نەتەوەیى و نیشتمانى بۆ چۆنییەتى مامەڵەکردن و خۆگونجاندن لەگەڵ ئەو ئەگەرو پێشهاتانەى کە دێنەپێشەوەو کاریگەرییان بۆ سەر پرسى کوردستان هەیە.

 بەڕێزان ... لەناو ئەو ئاڵوگۆڕییانەدا باشوورى کوردستان لە رەوشێکى سیاسى زۆر ناسک و هەستیاردایە، ناوەندى سیاسیى کوردستان پەرش و بڵاوو لێکترازاوە، لایەنە سیاسییە دەسەڵاتدارەکان لە ناکۆکى و ململانێى بەردەوامدان، ئەم رەوشە نیگەرانییەکى زۆرى دروستکردووە، بۆیە بە پێویستی دەزانین كە بەزووترین كات ناوەندى سیاسى و ناوماڵی كوردستان رێك و یەكبخرێتەوە، بۆ ئەمەش پێکهێنانى چەترێکى هاوبەش کە تەواوى هێزو لایەنە سیاسییەکانى کوردستان بگرێتەخۆ بەگرنگ دەزانین، ئەمەش دەبێتە فاکتەرێکى بەهێز بۆ ئەوەى کەوا هەموو لایەنە سیاسییەكان لەسەر پرسە نەتەوەیی و نیشتمانییەكاندا هاودەنگ و هاوهەڵوێست بن، بەتایبەت لەم قۆناخە هەستیارو چارەنووسسازەدا، كەوا داگیرکەرانى کوردستان لە هەموو لایەكەوە هەڕەشە لە کوردستان دەکەن.

 ئەوەتا تا ئێستاش هیچ گۆڕانکارییەگى پۆزەتیف لە سیاسەت و هەڵسوکەوتى دەسەڵاتدارانى عێراق بۆ نزیکبوونەوە لەگەڵ کوردستان رووینەداوە و، دژایەتیکردنى خواستەکانى گەلى کوردستان لەلایەن دەسەڵاتدارانى عێراق بەردەوامە، ئەم رەوشەی كەوا ئێستا عێراق پێیدا گوزەر دەكات بەرەنجامی عەقلیەتی تاكڕەوی و دكتاتۆرییەتە كە حكومەتی تائیفى و مەزهەبى لە ساڵانی رابردوو و لە ئێستادا هۆكاری هێنانە ئارای ئەم عەقلیەت و رەوشە نەخوازراوە بوون، بە باوەڕی ئێمەو بەپێی ئەزموونی كورد لەگەڵ رژێمەكانی پێشووی عێراق دەگەینە ئەو راستییەی كەوا متمانە بە دەسەڵاتدارانی عێراق نەكەین، بێگومان دەسەڵاتدارانى ئێستاى عێراق دەیانەوێ هەمان سیاسەتى هەلەى حکومەتەکانى پێشووى عێراق دووبارە بکەنەوە، روانینى دەسەڵاتى ئێستاى عێراق هەمان روانینى دەسەڵاتەکانى پێشووە، ئەمەش ئەو راستییە دەسەلمێنێت کەوا عەقلیەتى دەسەڵاتدارى عێراقى چەقبەستووەو ناگۆڕێت و، روانینى زۆربەیان هەمان روانینى حکومەتەکانى رابردووە بۆ چارەسەرى پرسى کورد ! زۆربەى دەسەڵاتدارانى عێراق لۆژیکى خۆبەزلزانین و سەربازى دەخەنە پێش لۆژیکى دیالۆگ و لەیەکترگەیشتن، لە رەوشێکى وادا پێویستە هێزە سیاسییەکانى کوردستان کار بۆ یەکڕیزى و یەکدەنگى بکەن و کاربکەن بۆ ئەوەى وەک یەک تیم مامەڵە لەگەڵ هێزە عێراقییەکان بکەن، نەک وەک ئەم حیزب و ئەو حیزب، یەکگرتووییمان پێگەى کوردستان بەهێز دەکات و نزیکمان دەکاتەوە لە وەدەستهێنانى خواستەکانمان.

 بەڕێزان ... عێراق تا ئێستا ئامادە نییە ماددەى 140 جێبەجێ بکات و دەستبەردارى ناوچە داگیرکراوەکانى باشوورى کوردستان بێت و شایستە داراییەکانى کوردستان بدات، لە هەمان کاتدا بەردەوامە لەسەر جێبەجێکردنى سیاسەتى (برسیکردنى خەڵکى کوردستان)، عێراق بەم هەڵسوکەوتانەى دەیەوێت رێ لە پێشکەوتنەکانى باشوورى کوردستان بگرێت و قەوارەى هەرێمى کوردستان لاواز بکات، جێگەى داخە کەوا هەندێ لایەن لە کوردستان هاوکارى عێراقن لە جێبەجێکردنى ئەم پیلانە دژ بە خەڵکى کوردستان، بێگومان ئەڕکى هەموو لایەکمانە دژى ئەو پیلان و هەوڵانەى عێراق و هاوکارانیان بوەستینەوەو پارێزگارى لە دەستکەوتەکانى گەلى کوردستان بکەین کە خۆى لە قەوارەى سیاسى و دەستوورى هەرێمى کوردستان دادەبینێتەوە، پاراستن و پێشخستنى قەوارەى هەرێمى کوردستان ئەرکى نەتەوەیى و نیشتمانى و ئەخلاقى تەواوى لایەنە سیاسییەکانى کوردستانە، بۆیە پێویستە هەموو لایەکمان لەو پێناوەدا کاربکەین.

 خوشکان ... برایان ...

 سەرەڕاى ئەم هەڕەشانەى عێراق، لە لایەکى دیکەوە رژێمى داگیرکەرى تورکیا بەردەوام ناوچە سنوورییەکان تۆپباران دەکات و خەڵکى سڤیل ئاوارەو شەهید دەکات، هەروەها ئێران بەردەوامە لە هەڕەشەکانى بەرامبەر باشوورى کوردستان، ئێمە تەواوى دەستدرێژییەکانى داگیرکەران بۆ سەر کوردستان بە توندى ئیدانەو مەحکووم دەکەین و، داوا لە کۆمەڵگەى نێودەوڵەتى دەکەین لەم رووەوە تەنیا سەیرکەر نەبن و هەڵوێستیان هەبێت و بێدەنگ نەمێنن، ئەم پیلان و هەڕەشانەى لەسەر گەلى کوردستان و ئەزموونەکەى بەڕێوەدەچێت، پیلانێکى ناوچەیى بەرنامە بۆ دارێژراوى گەورەیە دژ بە گەلەکەمان، ئەم پیلانانە دەمێکە کاریان لەسەر دەکرێت و هەوڵى جێبەجێکردنیان دەدرێت، بێگومان یەکڕیزى و یەکدەنگیمان کاریگەرترین چەکن بۆ رووبەڕووبوونەوەو هەڵوەشاندنەوەو پوچەڵکردنەوەى ئەم پیلانانە و هەوڵە نەزۆکەکانى دوژمنان و ناحەزانمان، بۆیە پێویستە هەموو لایەکمان کار بۆ یەکڕیزى و یەکدەنگى و پاراستنى دەسکەوتەکانى گەلى کوردستان بکەین.

 ئێمە وەک YNDK ئەنجامدانى چاکسازییەکى گشتگیر لە تەواوى بوارەکانى بەڕێوەبردنى کوردستان بەپێویست دەزانین و، پشتیوانى لە هەنگاوەکانى حکومەتى هەرێمى کوردستان دەکەین بۆ سیستماتیکردن و بە دامەزراوەییکردنى دەزگاو دامەزراوەکانى کوردستان و، داواکارین حکومەتى کوردستان تەواوى دەزگاو دامەزراوەکانى کوردستان بەشێوەیەکى سەردەمییانە سیستماتیک بکات و، ببێتە حکومەتێکى یەکگرتوو بۆ هەموو خەڵکى کوردستان، بۆ ئەمەش پێویستە شوێنەوارى دوو ئیدارەیى نەهێلدرێت و حکومەت لەسەر هەموو ئاستەکاندا یەکبگرێتەوەو یەکبخرێتەوە، هەموو لایەکمان چاوەڕوانین کەوا حکومەتى کوردستان هەنگاوى باش بنێت بۆ‌ پێشکەشکردنى خزمه‌تگوزارى زیاترو نه‌هێشتنی گه‌نده‌ڵی و نادادپه‌روه‌ری كۆمه‌ڵایه‌تی و سیاسى و ئابوورى و حزب حزبێنه‌ و نایه‌كسانی، هەروەها پێویستە حکومەتى کوردستان ئاوڕی زیاتر له‌ فه‌رمانبه‌ران و مامۆستایان و خانه‌نشینان و خانه‌واده‌ی شه‌هیدان و خاوه‌ن پێداویستی تایبه‌ت و موچەخۆران بداته‌وه‌ و مووچه‌كانیان له‌كاتی خۆيدا بۆ خەرج بکات و كاربكات بۆ باشتركردنی ژیان و گوزه‌رانی خه‌ڵكی كوردستان، لەهەمان کاتدا پێویستە کار بکات بۆ ئەوەى لەساڵى داهاتوودا (2024) لەو کاتەى کە دیاریکراوە هەڵبژاردنێکى پاک و دوور لە ساختەکارى لە کوردستان ئەنجامبدرێت، هه‌وره‌ها پێویستە حکومەتى کوردستان لە دانوستانەکانى لەگەڵ عێراق كار بۆ گه‌ڕاندنه‌وه‌ی كه‌ركووك و مه‌خموور و هه‌موو ئه‌و شوێنانه‌ بكات كه‌ به‌پیلانێكی نه‌گریس كه‌وتنه‌ بنده‌ستی سوپای داگیرکەرى عێراق، لە قۆناخى ئێستاشدا پێویستە داوا لە حکومەتى عێراق بکات کەوا زیاتر خزمەتى ناوچە دابڕێنراوەکان (داگیرکراوەکان)ى کوردستان بکات و خزمەتگوزارى تەواویان پێبگەیەنێت و ئارامى و ئاسایشى ئەو ناوچانە بپارێزێت.

 بەڕێزان: لێرەدا نامانەوێت زیاتر لەسەر رەوشى سیاسى کوردستان و ناوچەکەو جیهان بوەستین، لەبەرئەوەى لە راپۆرتى سیاسیى شەشەم کۆنگرەى YNDK بەدرێژى لەسەر ئەو بابەتانەو زۆر بابەتى دیکە و کێشەکان وەستاوین و شرۆڤەمان کردووەو چارەسەریشمان خستۆتەڕوو کە دواتر بۆ راى گشتیى بڵاوى دەکەینەوەو هەموو لایەک دەیبینن.

  هەموو لایەک بەخێربێن سەرچاوان ... بە ئامادەبوونتان سەربڵندین.

 - بێتەدى کوردستانێکى سەربەخۆو ئازادو یەکگرتوو دیموکرات.

 - سڵاوو لە بەرخودان و خۆڕاگرى گەلى کوردستان لە باشوورو باکوورو رۆژهەڵات و رۆژئاواى کوردستان.

 - نەمرى و سەربەرزى بۆ شەهید سەربەست مەحموود و تەواوى شەهیدانى رێى سەرخۆبوون و ئازادى کوردستان و، سڵاوو لە کەس و کارو خانەوادە سەربەرزەکانیان.

- بژى کورد ... بژى کوردستان.

ـ ئامادەبووانى بەڕێز ... ئەندامانی شەشەم كۆنگرەی یەكێتیمان YNDK

ـ هێژایان ...

 بەبۆنەی بەستنی شەشەم كۆنگرەی یەكێتیمان (یەکێتى نەتەوەیى دیموکراتى کوردستان YNDK) پیرۆزبایی لەخۆمان ئێوەی بەڕێز دەكەین و بەخێرهاتنی كوردانە و دەستخۆشی هەڤاڵانە لەهەموو لایەکتان دەكەین، ئێمە لە لێژنەی ئامادەكاری شەشەم كۆنگرەی YNDK كە لەلایەن سەركردایەتیی YNDK دیاریكراین و راسپاردراین، بەوپەڕی بەرپرسیارییەتی تاوەكو ئەمڕۆ ئەڕكەكانی سەرشانمان بەجێگەیاندووەو بەهاوكاری هەموو هەڤاڵان توانیمان سەرجەم پێداویستی و ئامادەكارییەكانی كۆنگرە تەواو بكەین، لە ئێستاوە ئەرك و كارەكانی دیكەی كۆنگرەكەمان دەخەینە ئەستۆی ئێوەی بەڕێز و دڵسۆز. 

  - خوشكان ... برایان: ئەندامانی شەشەم كۆنگرەی یەكێتمان YNDK:

 ئەوەی بەلامانەوە زۆر گرنگە ئێمە سەركەوتووانە كارەكانی لیژنەی ئامادەكارمان بەجێگەیاندووە، ئێستاش ئەو ئەركە مێژووییە دەكەوێتە ئەستۆی ئێوە تاوەكو لە كۆنگرەكەمان لەخۆبردووانە كارەكانی كۆنگرە رابپەڕێنین و، بەوپەڕی بەرپرسیاریەتی هەرچی ئەڕكە لەسەر شانمان دڵسۆزانە بەجێیبگەیەنین و، پێویستە لە كۆنگرەدا بە گیانێكی هەڤاڵبەدانەو ئازادانە و بۆێرانە گفتۆگۆ بكەین و، بە گڕوتینەوە بەشدارییەكی چالاكانە لە هەموو دانیشتەكانی كۆنگرەدا بكەین، تاوەكو بتوانین كۆنگرەكەمان بكەینە كۆنگرەی بنیادنانەوەی YNDK و بەرنامەیەكی سەردەمییانە و مۆدێرن بۆ كارو خەباتی داهاتووی YNDK دابڕێژین، بۆ ئەوەی YNDK لەداهاتوو چالاكانەتر بپرێژێتە سەر مەسەلە و پرسە نیشتمانى و نەتەوەییەكانمان و لە گۆڕەپانی سیاسی كاریگەرتر بەدیار بكەوێت، لەبەر ئەوە پێویستە پەیمان بدەین هەموو لایەكمان كار بۆ سەرخستن و سەركەوتنی شەشەم كۆنگرەی YNDK بكەین و، ئەم كۆنگرەیە بكەینە نموونەی كۆنگرەكانی پێشوومان و، لە كۆتایی كۆنگرەدا بڕیار لەسەر بڕیار و راسپاردەی گرنگ بدەین كە هەموویان ببنە خاڵی وەرچەرخان بۆ داهاتووی گەشی YNDK و نەتەوەكەمان.

 بێگومان ئەمەش بەوە دەبێت بەشدارییەكی چالاكانە و راستەقینەی گفتوگۆ و دانیشتنەكانی كۆنگرە بکەین و بە گیانێكی وەرزشی هەموو رەخنە و ئاكامەكان وەربگرین و بە گیانی هەڤاڵبەندی و ورەبەرزی و گڕوتینەوە یەكێتمان YNDK بەرەو قۆناخێكی نوێ‌ و پڕشنگدار ببەین كە ئەمە داخوازی و ئاواتی هەموو لایەكمانە.

 بەڕێزان: كۆنگرە وێستگەی هەڵوەستەكردنی نێوان دوو كۆنگرەیە و تیایدا كارەكان زۆر بەوردی شەن و كەودەكرێت و لەژێر رۆشنایی دیاریكردنی كێماسییەكان و خاڵە پۆزەتیڤەكان كارنامەی نوێ‌ دادەنرێت و، ئەو گۆڕانكارییانەی كە لە رۆژهەڵاتی ناوەڕاستدا روویانداوەو ئێستاش بەردەوامن  بەهۆیەوە كۆمەڵێك وڵاتی دیكتاتۆر رژێمەكانیان لەلایەن گەلەكانیانەوە رووخێندران و دەسەڵات كەوتەوە دەست جەماوەرەكانیان، ئومێد دەكەین بەهاری كوردیش بەڕێوە بێت و هەموو بەشەكانی كوردستان لەدەست رژێمە داگیركەرەكانی كوردستان رزگاریان بێت.

 لەكۆتاییدا هیوای سەرخستنی كۆنگرەكەمان دەكەینە ئامانج و هەر بژین و سەركەوتوو بێت شەشەم كۆنگرەی (YNDK)

- بێتەدی كوردستانێكی سەربەخۆو ئازادو یەكگرتوو و دیموكرات.

- مردن و روورەشی بۆ داگیركەرانی كوردستان

- نەمری و سەربەرزی بۆ شەهید سەربەست مەحموود و گشت شەهیدانی رێی ئازادی و سەربەخۆیی كوردستان .

لێژنەی ئامادەكاری شەشەم كۆنگرەى YNDK

11 / 11 / 2023 هەولێر - کوردستان

 الأخ العزيز المناضل غفور مخموري السكرتير العام للاتحاد القومي الديمقراطي الكوردستاني المحترم

 الأخوة مندوبو المؤتمر ...

 تحية طيبة وبعد  ...

  بمناسبة انعقاد المؤتمر السادس لحزبكم المناضل يسرني ان أتقدم لشخصكم الكريم والى جميع أعضاء ومؤازي حزبكم ( الاتحاد القومي الديمقراطي الكوردستاني  YNDK ) بأحر التهاني والتبريكات ، متمنين الموفقية لدوركم النضالي لما فيه خير وخدمة لشعبنا الكوردي وقضيته العادلة .

وتفضلوا بقيول فائق الاحترام والتقدير لكم ولكافة اعضاء حزبكم الموقر.

أخوكم

دلاور زنكي

13/11/2023م 

قامشلو روزافاي كوردستان

ـ بەڕێزان ئەندامانی شىەشەم كۆنگرەی یەكێتیمان یەكێتی نەتەوەیی دیموكراتی كوردستان YNDK

   ـ خوشكان.... برایان

 سەرەتا پیرۆزبایی بەستنی شەشەم كۆنگرەی یەكێتیمان (یەکێتى نەتەوەیى دیموکراتى کوردستان YNDK)، لە خۆم و ئێوەی بەڕێز دەكەم و، هیوای سەركەوتن بۆ كۆنگرەكەمان دەخوازم، یەكێتی نەتەوەیی دیموكراتی كوردستان YNDK بە بەستنی شەشەم كۆنگرەی خۆی پێ‌ دەنێـتە قۆناخێكی نوێ‌ و ئاسۆیەكی گەش چاوەڕێی دەكات و، هەڤاڵانمان لە شارو شارۆچكەكانی كوردستان بە نوێنەرایەتی خۆیان ئەندامەكانیان بۆ شەشەم كۆنگرەی YNDK رەوانە كردووە،  بۆیە هەر لەو شار و شارۆچکانەو لەو شوێنانەی لێوەی هاتوون تا هۆڵی كۆنگرە بەخێرهاتنی یەكەیەكەتان دەكەین.

 هەڤاڵان: بەستنی شەشەم كۆنگرە بۆ YNDK خاڵی وەرچەرخانە لەبەر ئەوەی كوردستان و ناوچەكە بە قۆناخێكی زۆر هەستیاردا تێپەڕدەبن، بۆیە دەبێ‌ هەموومان بە لێپرسراویەتییەوە مامەڵە لەگەڵ ئەو رەوشە نوێیەدا بكەین و هەموو هەوڵێكمان بخەینە گەڕ بۆ سەرخستنی كۆنگرەكەمان و بڕیارو راسپاردەكانی شەشەم كۆنگرەمان بكەینە هۆكاری پێشڤەچوونی زیاتری یەكێتیمان YNDK و خزمەتكردنی نەتەوەكەمان.

 بەڕێزان، ئەندامانی شەشەم كۆنگرەی YNDK: ئەم كۆنگرەیە تەنیا بۆ YNDK گرنگی نییە، بگرە بۆ تەواوى کوردستان گرنگە، لەبەرئەوەی YNDK دان بە سنووری کێشراوو وەهمیی نێوان بەشەكانی كوردستاندا دانانێت و كار و خەباتی لەسەر ئاستی كوردستانی مەزنە و خەمخۆری هەموو بەشەكانی وڵاتە، لەبەر ئەوە ئەم كۆنگرەیە بۆ هەموو تاكێكی كورد لە دەرەوە و ناوەوەى كوردستان بەگشتی گرنگی دەبێـت، بۆیە دەبێ‌ پرسە نیشتمانى و نەتەوەییەكان زۆر بەوردی شەن و كەو بكەین، تاوەكو نەتەوەكەمان لە قۆناخێكەوە بەرەو قۆناخێكی دیكە ببەین و بە هەموو لایەكمان لەم كۆنگرەیەماندا كار بۆ بنیاتنانەوە و داڕشتنی بەرنامەی نوێ‌ و سەردەمیانە بۆ كارو خەباتی داهاتووی یەكێتمان YNDK بكەین ... دووبارە هەموو لایەكتان بەخێربێن سەرچاوان.

- بێتەدی كوردستانێكی سەربەخۆو ئازادو یەكگرتوو و دیموكرات.

- نەمری و سەربەرزی بۆ شەهید سەربەست مەحموود و سەرجەم شەهیدانی كوردستان.

- بژی كورد و كوردستان ... بژی YNDK .

- سەركەوتوو بێت شەشەم كۆنگرەی یەكێتیمان  YNDK .

میدیا - هەولێر:

پێشنیوەڕۆى ڕۆژى ١٤ / ١١ / ٢٠٢٣ سكرتێری گشتیی YNDK ئامادەی رێوڕەسمی نۆیەمین ساڵیادى شەهیدبوونى فەرماندە محەممەد باوە بوو، بەم بۆنەیەوە جارێکى دیکە سەرەخۆشى خۆى و سەرکردایەتیى YNDK بە بنەماڵەى خوالێخۆشبوو راگەیاند.

پێشنیوەڕۆى ڕۆژى سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بەیاوەرى هەڤاڵان قەهار مەخموورى ئەندامى مەکتەبى سیاسى و فاخیر نانەکەلى ئەندامى کۆمیتەى سەرکردایەتیى YNDK) لەسەر بانگهێشتی بنەماڵەى شەهید محەممەد باوە ئامادەی رێوڕەسمی نۆیەمین ساڵیادى شەهیدبوونى فەرماندە محەممەد باوە بوو، كە لە گوندى یارمجە لە دەشتى شەمامک سەر بە پارێزگاى هەولێر بەڕێوەچوو، سكرتێری گشتی و شاندى YNDK بەگەرمی لەلایەن بنەماڵەو کەس و کارو خزمانى شەهید محەممەد باوە پێشوازی كران، لەڕێوڕەسمەكەدا سكرتێری گشتی YNDK جارێکى دیکە هاوخەمى و سەرەخۆشى خۆی و سەركردایەتی YNDK ی بە بنەماڵەى شەهید و لەڕێی ئەوانیشەوە بە خزم و کەس و کارى شەهید راگەیاند و هیوای خواست کە ناخۆشى دیکە نەبینن، ئەمەو بنەماڵەو کەس و کارو خزمانى شەهید محەممەد باوە، خۆشحاڵی خۆیان بە ئامادەبوونی سكرتێری گشتیی YNDK لەڕێوڕەسمەكەدا راگەیاندو سوپاسی هەڵوێست و ئامادەبوونیان كرد.