Subscribe to this RSS feed
yndk

yndk

سەرۆک بارزانی: دوژمن هەڵەبجەی كیمیاباران كرد بەڵام ئازادیخوازیی گەلی كوردستان هەر زیندوو مایەوە
کوردستان

سەرۆک بارزانی: دوژمن هەڵەبجەی كیمیاباران كرد بەڵام ئازادیخوازیی گەلی كوردستان هەر زیندوو مایەوە

آذار/مارس 16, 2022
0

ئه‌مڕۆ چوارشەممە 16ـی ئاداری 2022، سەرۆک مەسعود بارزانی لە یادی سی و چوارساڵەی کیمیابارانکردنی هەڵەبجە دا پەیامێکی لە تویتەر بڵاوکردەوە.
دەقی پەیامی سەرۆک بارزانی:

 دوژمن هەڵەبجەی كیمیاباران كرد بەڵام ئازادیخوازیی گەلی كوردستان هەر زیندوو مایەوە. لە یادی سی و چوارساڵەی شەهیدكردنی هەڵەبجەدا دووپاتیدەکەینەوە كە ئیرادەی گەلی كوردستان لە چەكی كیمیایی و فڕۆكە و مووشەك بەهێزترە.

 

البلاغ الختامي لإجتماع اللجنة القيادية للاتحاد القومي الديمقراطي الكوردستاني YNDK
رۆژهەڵاتی ناوەراست

البلاغ الختامي لإجتماع اللجنة القيادية للاتحاد القومي الديمقراطي الكوردستاني YNDK

آذار/مارس 16, 2022
0
عقدت اللجنة القيادیة للإتحاد القومي الديمقراطي الكوردستاني YNDK يوم الأثنين 14/3/2022 بأشراف الأخ غفورمخموري السكرتير العام لـ YNDK اجتماعه الأعتيادي في مقر المكتب السياسي لـ YNDK بمدينة أربيل، وجرى خلال الإجتماع بحث الأوضاع السياسية لكوردستان والعراق والمنطقة والعمل النضالي لـ YNDK.
جنوب كوردستان: جنوب كوردستان يعاني اوضاعاً سياسية حساسة، حيث الوسط السياسي لكوردستان مشتت ومبعثر، والأطراف السياسية الحاكمة مستمرة في نزاعاتها وصراعاتها، لقد أحدثت الأوضاع مزيداً من القلق، لذا نجد من الضرورة أن يتم بأسرع وقت تنظيم وترتيب البيت الكوردستاني والوسط السياسي، ومن اجل ذلك نرى من الأهمية بمكان أنّ يتم تشكيل (المجلس السياسي الكوردستاني) ليضم عموم القوى والأطراف الكوردستانية، وهذا يصبح عاملاً ليجعل كل القوى السياسية متفقةً وذات كلمة موحدة حول المسائل القومية والوطنية، لاسيما في هذه المرحلة الحساسة والمصيرية، حيث يقوم محتلو كوردستان من كل الجهات بتهديد كوردستان، وكما هو معلوم من جهة، يقوم النظام التركي بقصف المناطق الحدودية بصورة مستمرة ما يؤدي ذلك الى تهجير واستشهاد المواطنين العزل، ومن جهة أخرى فإن ايران تواصل اطلاق تهديداتها ضد جنوب كوردستان، وآخر تهديدها والذي برأينا لن يكون النهائي، هو قصف اربيل بالصواريخ، ومن جانبنا ندين ونشجب بشدة هذا العمل الأرهابي وكل اعتداءات المحتلين على كوردستان، وندعو المجتمع الدولي أنْ لايكون متفرجاً فقط ، بل يكون لديه موقف ولن يبقى صامتاً ازاء هذا الأعتداء، إنّ هذه المخططات والتهديدات التي تواجه شعب كوردستان وتجربته، هي مؤامرة إقلیمیة مبرمجة وكبيرة ضد شعب كوردستان، حيث ان هذه المؤمرات تحاك منذ فترة ليتم تنفيذها، ومما لاشك فيه إنّ وحدة الصف والكلمة هي أقوى سلاح لمواجهة وتفكيك وافشال تلك المؤمرات والمحاولات اليائسة لأعدائنا.
حول اسلوب ادارة كوردستان: نحن كـــ YNDK نجد من الضروري اجراء اصلاحات عامة في كل المرافق الأدارية في كوردستان، ونطالب حكومة اقليم كوردستان أن تنظم عموم المؤسسات والأجهزة في كوردستان بشكل عصري، لتصبح حكومة موحدة لكل شعب كوردستان، ومن اجل ذلك ينبغي ازالة آثار الأدارتين وتنظيم الحكومة على كل المستويات، ونحن بأنتظار أنْ تتخذ حكومة كوردستان الخطوات البناءة لتقديم مزيد من الخدمات ومكافحة الفساد واللاعدالة الأجتماعية والسياسية والأقتصادية والتحزب واللامساواة، كما على حكومة كوردستان ايلاء الأهتمام الأكثر بالموظفين والمعلمين والمتقاعدين وعوائل الشهداء و ذوي الأحتياجات الخاصة وصرف رواتبهم في مواعيدها، والعمل من اجل تحسين الأوضاع المعيشية لشعب كوردستان، كما عليها العمل من اجل اعادة كركوك ومخمور وكافة المناطق التي احتلها الجيش العراقي المحتل وفق مخطط مشؤوم وخبيث، وفي المرحلة الحالية يجب مطالبة الحكومة العراقية أن تقدم خدمات أكثر للمناطق المستقطعة من كوردستان، وايصال كافة الخدمات الأساسية اليها، وتحافظ على سلامة وأمن تلك المناطق.
حول تعامل الحكومة مع الأحزاب والقوى السياسية الكوردستانية: يجب على حكومة كوردستان أنْ تتعامل مع عموم القوى والأطراف السياسية الكوردستانية معاملة مساواة وعادلة وصحية، ومن اجل ذلك من الممكن انشاء هيئة (بورد) خاص ليصبح نقطة علاقات بين الحكومة والأحزاب والأطراف السياسية الكوردستانية.
شمال كوردستان: نحن في YNDK نعرب عن دعمنا لنضال الشمال، وندين كافة الأعتداءات التي تشنها دولة تركيا المحتلة على البرلمانيين الكورد والبلديات والنشطاء المدنيين، انّ هذه الأعتداءات التركية تثبت هذه الحقيقة بأنّ تركيا تقف ضد كل أشكال النضال المدني والبرلماني والسياسي في شمال كوردستان، كما انّ السياسة العدائية لتركيا تثبت الحقيقة بأنها تقف ضد كل مطالب ومكاسب شعب كوردستان، سواء كانت في أي جزء من كوردستان، ندعو المجتمع الدولي الى أنْ لايقف مكتوف الأيدي ازاء هذه الأعتداءات التركية، بالرغم من الصعوبات التي تواجه نضال شعبنا في الشمال، فإنّ النضال مستمر وقد حقق تقدماً مميزاً، نحن سعداء بتقدم نضال شعبنا في هذا الجزء من البلاد، نتمنى أنْ يكون هذا عاملاً رئيساً لمزيد من التقدم والنصر والوصول الى حقوق شعبنا المشروعة.
شرق كوردستان: نحن كـ YNDK نثمن عالياً جهود تقارب الأطراف السياسية في هذا الجزء من البلاد، ونرى أنّ عمل عموم القوى والأطراف السياسية في شرق البلاد من اجل جمع قواها وطاقاتها أمراً مهماً، وتشكيل جبهة سياسية واسعة فيما بينها، تضم كل القوى والأطراف السياسية في الشرق، لتكون مستعدة لأي إحتمالات أو مستجدات التي قد تحدث على صعيد المنطقة، وفي الوقت ذاته نبعث بتحياتنا واحترامنا الى المعتقلين السياسيين في المعتقلات الإيرانية ونثمن عالياً نضالهم وصمودهم، وندعو المجتمع الدولي ومنظمات حقوق الأنسان السعي الى المحافظة على أرواح الناشطين في المعتقلات الإيرانية، والضغط على النظام الإيراني ليكّف عن اعدام الشباب والناشطين الكورد.
غرب كوردستان: نحن كــ YNDK نعلن مرة اخرى دعمنا لنضال وكفاح غرب كوردستان ونثمن عالياً تقدم وانتصارات غرب كوردستان، ونرى من الأهمية أنْ تكون عموم القوى والأطراف السياسية في هذا الجزء من البلاد موحدة وذات موقف موحد والعمل معاً والأبتعاد عن الصراعات الحزبية، وأن تمارس الكوردايتي بدل العمل الحزبي، وتراعي المصلحة القومية والنأي عن أية اضطرابات والخلافات، وفي الوقت ذاته ندين كل الهجمات والأعتداءات التي تشنها الدولة التركية المحتلة ضد غرب كوردستان وندعو المجتمع الدولي الى اتخاذ موقف ازاء الدولة التركية.
المؤتمر القومي الكوردستاني: نحن كــ YNDK نؤكد مرة أخرى على عقد مؤتمر قومي كوردستاني بمشاركة عموم القوى والأطراف السياسية في كوردستان الكبرى، نحن نعتبرعقد المؤتمر القومي الكوردستاني في هذا الوقت الحساس مهمة قومية ووطنية، وننظر اليه كخطوة لتوحيد صفوف وكلمة شعب كوردستان على صعيد كوردستان الكبرى.
الذكرى السنوية لتأسيس YNDK: يدخل YNDK في نوروز هذا العام ذكرى تأسيسه السابعة والعشرين، لقد ولد وأُعلن YNDK كتنظيم قومي وجماهيري على الساحة السياسية والثقافية الكوردستانية في نوروز عام 1995، وأصبح مبشراً لجمع وتربية وتوجيه ذوي الفكر القومي المشترك و حماة الوطن والوطنيين نحو العمل والنضال، إنّ YNDK تمكن في الفترة القصيرة لعمله ونضاله من الظهور بسبب عمله المتواصل في الخدمة والعمل من اجل استقلال كوردستان، كما استطاع التأثير على المسائل القومية والسياسية، واذ نحتفل هذا العام بالذكرى السابعة والعشرين لولادته، نعاهد شعب كوردستان كما كنا دائماً أنْ نكون في خندق الجماهير وندافع عن حقوقها المشروعة والمتعلقة بأهدافها ومبادئها القومية والوطنية.
العراق: يرى YNDK إنه لم يطرأ اي تغيير ايجابي في سياسة ومواقف السلطات العراقية للتقارب مع كوردستان، حيث معاداة هذه السلطات لتطلعات وطموحات شعب كوردستان مستمرة، وإنّ الظروف التي يمر بها العراق حالياً هي ثمرة العقلية الفردية والدكتاتورية للحكومة الطائفية والمذهبية خلال السنوات المنصرمة والتي كانت سبباً لهذه العقلية والأوضاع الشاذة، في إعتقادنا ووفق تجربة الكورد مع الأنظمة العراقية السابقة نتوصل الى حقيقة وهي أنّنا لايمكن أنْ نثق بالسلطات العراقية، ولاشك أن السلطات الحالية تريد اعادة ذات السياسة الخاطئة للحكومات العراقية السابقة، نظراتها هي ذات نظرات السلطات السابقة، وهذا يؤكد حقيقة وهي أنّ عقلية السلطات العراقية جامدة ولاتتغير، وأنّ وجهات نظر الكثير منهم هي وجهات نظر الحكومات السابقة ذاتها لحل القضية الكوردية، الكثير من المسؤولين العراقيين يقدمون منطق الغرور والعسكرة على منطق الحوار والتفاهم، لقد مرت فترة على انتخاب البرلمان العراقي الجديد، ولكن الصراعات بين الأطراف السياسية حالت دون انتخاب رئيس الجمهوریة حتى الآن وكذلك عدم تشكيل الحكومة الجديدة، وفي هكذا أوضاع على القوى السياسية الكوردستانية السعي لتوحيد الصفوف والكلمة، والعمل كفريق واحد في التعامل مع القوى العراقية وليس كأحزاب منفردة، إنَّ وحدتنا سوف تعزز موقعنا الكوردستاني وتقرّبنا من تحقيق طموحاتنا.
أوضاع المنطقة: يعتقد YNDK أن الشرق الأوسط يمر بأوضاع حساسة ومعقدة وأمام مستجدات يومية، ولاسيما بعد هجمات روسيا على اوكرانيا، لاشك إنّ لهذه الحرب التأثير على الأوضاع السياسية للمنطقة والعالم، وسيكون لهذه المستجدات والأحداث وقعها على الأوضاع الحالية في كوردستان والحركات التحررية للمنطقة، وللأسف نحن كشعب كوردستان ليس لدينا برنامج قومي ووطني لكيفية التعامل مع المستجدات بسبب الصراعات السياسية بين الأطراف السياسية.
ينبغي علينا كشعب كوردستان وفي هكذا أوضاع صياغة برنامج عمل قومي ووطني لكيفية التعامل مع المستجدات والأحداث، كما على اخوتنا في الأجزاء الأخرى من كوردستان توحيد صفوفهم وتعزيز عملهم ونضالهم وأنْ يخطوا نحو الحرية والأنعتاق، وفي الوقت ذاته نرى أنه من الممكن الأستفادة من التحولات التي تحدث للعمل من أجل حرية واستقلال كوردستان.
عمل و نضال YNDK: وفي المحور الأخير للإجتماع جرى بحث عمل ونضال YNDK في الفترة الماضية و تقييمها، وتم وضع برنامج عمل جديد لعمل ونضال YNDK، هذا واختتم الأجتماع برنامج عمله بكل نجاح.
اللجنة القيادية
للإتحاد القومي الديمقراطي الكوردستاني YNDK
14/3/2022 اربيل- جنوب كوردستان
راگەیاندنی كۆتایی كۆبوونەوەی كۆمیتەی سەركردایەتيی یەكێتی نەتەوەیی دیموكراتی كوردستان YNDK
کوردستان

راگەیاندنی كۆتایی كۆبوونەوەی كۆمیتەی سەركردایەتيی یەكێتی نەتەوەیی دیموكراتی كوردستان YNDK

آذار/مارس 15, 2022
0
ڕۆژى دووشەممە 14 / 3 / 2022 كۆمیتەی سەركردایەتيی (یەكێتی نەتەوەیی دیموكراتی كوردستان YNDK) بەسەرپەرشتی هەڤاڵ غەفوور مەخمووری سكرتێری گشتیی YNDK، لە بارەگای مەكتەبی سیاسی YNDK لە شاری هەولێر، كۆبوونەوەی ئاسایی خۆی ئەنجامدا، لە كۆبوونەوەكەدا گفتوگۆ لەسەر بارودۆخی سیاسی كوردستان و عێراق و ناوچەكە و كارو خەباتی YNDK كرا:
باشووری كوردستان : باشوورى کوردستان لە رەوشێکى سیاسى زۆر ناسک و هەستیاردایە، ناوەندى سیاسیى کوردستان پەرش و بڵاوو لێکترازاوە، لایەنە سیاسییە دەسەڵاتدارەکان لە ناکۆکى و ململانێى بەردەوامدان، ئەم رەوشە نیگەرانییەکى زۆرى دروستکردووە، بۆیە بە پێویستی دەزانین كە بەزووترین كات ناوەندى سیاسى و ناوماڵی كوردستان رێك و یەكبخرێتەوە، بۆ ئەمەش پێکهێنانى (ئەنجوومەنى سیاسیى کوردستان) کە تەواوى هێزو لایەنە سیاسییەکانى کوردستان بگرێتەخۆ بەگرنگ دەزانین، ئەمەش دەبێتە فاکتەرێک بۆ ئەوەى کەوا هەموو لایەنە سیاسییەكان لەسەر پرسە نەتەوەیی و نیشتمانییەكان یەكدەنگ و یەكهەڵوێست بن، بە تایبەت لەم قۆناخە هەستیارو چارەنووسسازەدا، كەوا ئێستا داگیرکەرانى کوردستان لە هەموو لایەكەوە هەڕەشە لە کوردستان دەکەن، ئەوەتا لە لایەک رژێمى تورکیا بەردەوام ناوچە سنوورییەکان تۆپباران دەکات و خەڵکى سڤیل ئاوارەو شەهید دەکات، لە لایەکى دیکەوە ئێران بەردەوامە لە هەڕەشەکانى بەرامبەر باشوورى کوردستان، دوا هەڕەشەیان؛ کە باوەڕى ئێمە دوا هەڕەشە نابێت، موشەکباران کردنى هەولێر بوو ، ئێمە ئەو کارە تیرۆریستییە و تەواوى دەستدرێژییەکانى داگیرکەران بۆ سەر کوردستان بە توندى ئیدانەو مەحکووم دەکەین و، داوا لە کۆمەڵگەى نێودەوڵەتى دەکەین لەم رووەوە تەنیا سەیرکەر نەبن و هەڵوێستیان هەبێت و بێدەنگ نەمێنن، ئەم پیلان و هەڕەشانەى لەسەر گەلى کوردستان و ئەزموونەکەى بەڕێوەدەچێت، پیلانێکى ناوچەیى بەرنامە بۆ دارێژراوى گەورەیە دژ بە گەلى کوردستان، ئەم پیلانانە دەمێکە کاریان لەسەر دەکرێت و هەوڵى جێبەجێکردنیان دەدرێت، بێگومان یەکڕیزى و یەکدەنگیمان کاریگەرترین چەکن بۆ رووبەڕووبوونەوەو هەڵوەشاندنەوەو پوچەڵکردنەوەى ئەم پیلانانە و هەوڵە نەزۆکەکانى دوژمنان و ناحەزانمان.
سەبارەت بە شێوازى بەڕێوەبردنى کوردستان : ئێمە وەک YNDK ئەنجامدانى چاکسازییەکى گشتگیر لە تەواوى بوارەکانى بەڕێوەبردنى کوردستان بەپێویست دەزانین و، داواکارین حکومەتى کوردستان تەواوى دەزگاو دامەزراوەکانى کوردستان بەشێوەیەکى سەردەمییانە سیستماتیک بکات و، ببێتە حکومەتێکى یەکگرتوو بۆ هەموو خەڵکى کوردستان، بۆ ئەمەش پێویستە شوێنەوارى دوو ئیدارەیى نەهێلدرێت و حکومەت لەسەر هەموو ئاستەکاندا یەکبخرێتەوە، هەموو لایەکمان چاوەڕوانین کەوا حکومەتى کوردستان هەنگاوى باش بنێت بۆ‌ پێشکەشکردنى خزمه‌تگوزارى زیاترو نه‌هێشتنی گه‌نده‌ڵی و نادادپه‌روه‌ری كۆمه‌ڵایه‌تی و سیاسى و ئابوورى و حزب حزبێنه‌ و نایه‌كسانی، هەروەها پێویستە حکومەتى کوردستانە ئاوڕی زیاتر له‌ فه‌رمانبه‌ران و مامۆستایان و خانه‌نشینان و خانه‌واده‌ی شه‌هیدان و خاوه‌ن پێداویستی تایبه‌ت بداته‌وه‌ و مووچه‌كانیان له‌كاتی خۆيدا بۆ خەرج بکات و كاربكات بۆ باشتركردنی ژیان و گوزه‌رانی خه‌ڵكی كوردستان، هه‌وره‌ها پێویستە كار بۆ گه‌ڕاندنه‌وه‌ی كه‌ركووك و مه‌خموور و هه‌موو ئه‌و شوێنانه‌ بكات كه‌ به‌پیلانێكی نه‌گریس كه‌وتنه‌ بنده‌ستی سوپای داگیرکەرى عێراق، لە قۆناخى ئێستاشدا پێویستە داوا لە حکومەتى عێراق بکات کەوا زیاتر خزمەتى ناوچە دابڕێنراوەکان (داگیرکراوەکان)ى کوردستان بکات و خزمەتگوزارى تەواویان پێبگەیەنێت و ئارامى و ئاسایشى ئەو ناوچانە بپارێزێت.
سەبارەت بە مامەڵەکردنى حکومەت لەگەڵ حزب و هێزە سیاسییەکانى کوردستان: پێویستە حکومەتى کوردستان بەشێوەیەکى یەکسان و دادپەروەرانە مامەڵەیەکى تەندروست لەگەڵ تەواوى هێزو لایەنە سیاسییەکانى کوردستان بکات، بۆ ئەم مەبەستەش دەکرێ بۆردێکى تایبەت دروست بکرێت کە ببێتە خاڵى پەیوەندى نێوان حکومەت و حزب و لایەنە سیاسییەکانى کوردستان.
باكووری كوردستان : ئێمە لە YNDK پشتیوانی خۆمان بۆ خەباتى باکوور رادەگەیەنین و، ئیدانەى تەواوى ئەو دەستدرێژیانەى دەوڵەتى داگیرکەرى تورکیا دەکەین کەوا دەیکاتە سەر پەرلەمانتارانى کورد و شارەوانییەکان و چالاکوانە مەدەنییەکان، ئەو دەستدرێژییانەى تورکیا ئەو راستییە دەسەلمێنن کەوا تورکیا دژى هەرجۆرە خەباتێکى مەدەنى و پەرلەمانى و سیاسییە لە باکوورى کوردستاندا، سیاسەتى دوژمنانەى تورکیا بەرامبەر گەلى کوردستان ئەو راستییە دەسەلمێنێت کەوا تورکیا دژى هەر داواو دەسکەوتێکى گەلى کوردستانە جا لە هەر بەشێکى کوردستان بێت، داوا لە كۆمەڵگای نێودەوڵەتی دەكەین بەرامبەر ئەو دەستدرێژییانەى تورکیا بیدەنگ نەمێنن، سەرەڕاى ئاستەنگەکانى بەردەم خەباتى نەتەوەکەمان لە باکوور، خەبات بەردەوامەو پێشڤەچوونى بەرچاویش وەدیهاتوون، خۆشحاڵین بەپێشڤەچوونەكانی خەباتی نەتەوەكەمان لەو بەشەی وڵات و, هيوادارين ببێتە فاكتەری سەرەكی پێشڤەچوون و سەركەوتنی زیاتر و گەیشتن بە مافە رەواکانى نەتەوەکەمان.
رۆژهەڵاتی كوردستان : ئێمە وەک YNDK هەوڵەكانی لەیەكدی نزیكبوونەوەی لایەنە سیاسیەكانی ئەو بەشەی وڵات بەرز دەنرخێنین و, بە گرنگی دەبینین كە تەواوی هێزو لایەنە سیاسییەكانی رۆژهەڵاتی وڵات كار بكەن بۆ كۆكردنەوەی هێزو تواناكانیان و، بەرەیەكی سیاسی بەرفراوان کە تەواوى هێزو لایەنە سیاسییەکانى رۆژهەڵات بگرێتەخۆ لە نێوان خۆیاندا پێكبهێنن، بۆئەوەی ئامادە بن بۆ هەر ئەگەرو پێشهاتێک كە لەسەر ئاستی ناوچەكەدا دێنە پێشەوەو روودەدەن، لەهەمان كاتدا سڵاوو رێز دەنێرین بۆ زیندانييانی سیاسی لە زیندانەكانی ئێران و خەبات و بەرخودانیان بەرز دەنرخێنین و، داوا لە کۆمەڵگاى نێودەوڵەتى و رێكخراوەكانی مافی مرۆڤ دەكەین كەوا هەوڵبدەن گیانی چالاکوانان لە زیندانەکانى ئێران لە مردن رزگار بكەن و، پاڵەپەستۆ بخەنە سەر رژێمى ئێران کەوا چیتر گەنج و چالاکوانانى کورد لە سێدارە نەدات.
رۆژئاوای كوردستان : ئێمە وەک YNDK جارێكی دیكە پشتیوانی خۆمان بۆ خەبات و تێکۆشانى رۆژئاوای كوردستان رادەگەیەنین و، پێشڤەچوون و سەرکەوتنەکانى رۆژئاواى کوردستان بەرز دەنرخێنین و، بە گرنگی دەزانین تەواوی هێزو لایەنە سیاسییەكانی ئەو بەشەی وڵات یەكڕیزو یەكدەنگ بن و بەیەكەوە كاربكەن و خۆیان لە ململانێی حزبایەتی بەدوور بگرن و، لەجیاتی حزبایەتی كوردایەتی بكەن و بەرژەوەندی نەتەوەیی لەبەرچاو بگرن و خۆیان لەهەر گرژی و ناكۆكییەك بپارێزن، لەهەمان کاتدا تەواوى هێرش و پەلامارو دەستدرێژییەکانى دەوڵەتى داگیرکەرى تورکیا بۆ سەر رۆژئاواى کوردستان ئیدانە دەکەین و داوا لە کۆمەڵگاى نێودەوڵەتى دەکەین کەوا لە بەرامبەر تورکیادا هەڵوێست وەربگرن.
كۆنگرەی نەتەوەیی كوردستان :ئێمە وەک YNDK جارێکى دیکە جەختدەكەینەوە سەر بەستنی كۆنگرەی نەتەوەیی كوردستان بەبەشداری تەواوی هێزو لایەنە سیاسییەكانی كوردستانی مەزن, بەستنی كۆنگرەی نەتەوەیی كوردستان لەم كاتە هەستیارەدا بەئەركێكی نەتەوەیی و نیشتمانی دەزانین و، وەک هەنگاوێك بۆ یەكڕیزی و یەكدەنگی گەلی كوردستان لەسەر ئاستی كوردستانی مەزن لێیدەڕوانین.
ساڵیادى دامەزراندنى YNDK : نەورۆزى ئەمساڵ YNDK پێدەنێتە 27 بیست و حەوتەمین ساڵیادى دامەزراندنى خۆى، YNDK وەكو رێکخستنێكی نەتەوەیی و جەماوەری لە گۆڕەپانی سیاسی و كلتوری كوردستان لە نەورۆزى 1995 لەدایكبوو و راگەیاندراو بووە موژدەبەخش بۆ کۆکردنەوەو پەروەردەکردن و ئاراستەکردنى هاوبیرانی نەتەوەیی و وڵاتپارێزان و نیشتمانپەروەران بۆ کارو خەبات، YNDK لەماوەیەكی كورتی تەمەنى کارو خەباتیدا توانی بەدیاربكەوێ و بەهۆی كاری بەردەوامی لەسەر خزمەتكردن و كاركردن بۆ سەربەخۆیی كوردستان، كاریگەری لە سەر پرسە نەتەوەیی و سیاسییەكان دروست بكات، ئەمساڵیش کەوا یادى (27)ەمین ساڵەى لەدایکبوونى خۆى دەکاتەوە، پەیمان بە گەلى کوردستان دەدا وەک هەمیشە لە سەنگەرى جەماوەردا بێت و داکۆکى لەمافە رەواکانیان بکات و پەیوەیست بێت بە ئامانج و پرەنسیپە نەتەوەیى و نیشتمانییەکانى.
عێراق : YNDK پێیوایە تا ئێستاش هیچ گۆڕانکارییەگى پۆزەتیف لە سیاسەت و هەڵسوکەوتى دەسەڵاتدارانى عێراق بۆ نزیکبوونەوە لەگەڵ کوردستان رووینەداوە، دژایەتیکردنى خواستەکانى گەلى کوردستان لەلایەن دەسەڵاتدارانى عێراق بەردەوامە، ئەم رەوشەی كەوا ئێستا عێراق پێیدا گوزەر دەكات بەرەنجامی عەقلیەتی تاكڕەوی و دكتاتۆرییەتە كە حكومەتی تائیفى و مەزهەبى لە ساڵانی رابردوو و لە ئێستادا هۆكاری هێنانە ئارای ئەم عەقلیەت و رەوشە نەخوازراوە بوون، بە باوەڕی ئێمەو بەپێی ئەزموونی كورد لەگەڵ رژێمەكانی پێشووی عێراق دەگەینە ئەو راستییەی كەوا متمانە بە دەسەڵاتەكانی عێراق نەكەین، بێگومان دەسەڵاتدارانى ئێستاى عێراق دەیانەوێ هەمان سیاسەتى هەلەى حکومەتەکانى پێشووى عێراق دووبارە بکەنەوە، روانینى دەسەڵاتى ئێستاى عێراق هەمان روانینى دەسەڵاتەکانى پێشووە، ئەمەش ئەو راستییە دەسەلمێنێت کەوا عەقلیەتى دەسەڵاتدارى عێراقى چەقبەستووەو ناگۆڕێت و، روانینى زۆربەیان هەمان روانینى حکومەتەکانى رابردووە بۆ چارەسەرى پرسى کورد ! زۆربەى دەسەڵاتدارانى عێراق لۆژیکى خۆبەزلزانین و سەربازى دەخەنە پێش لۆژیکى دیالۆگ و لەیەکترگەیشتن، ماوەیەکە پەرلەمانى نوێى عێراق هەڵبژێردراوە، بەڵام ململانێى نێوان لایەن سیاسییەکان وایکردووە، کەوا تا ئێستاش سەرۆکى کۆمار هەڵنەبژێردرێت و حکومەتى نوێش پێکنەهێنرێت، لە رەوشێکى وادا پێویستە هێزە سیاسییەکانى کوردستان کار بۆ یەکڕیزى و یەکدەنگى بکەن و کار بکەن بۆ ئەوەى وەک یەک تیم مامەڵە لەگەڵ هێزە عێراقییەکان بکەن، نەک وەک ئەم حیزب و ئەو حیزب، یەکگرتوویمان پێگەى کوردستان بەهێز دەکات و نزیکمان دەکاتەوە لە وەدەستهێنانى خواستەکانمان.
رەوشی ناوچەكە : YNDK پێیوایە رۆژهەڵاتی ناڤین لە رەوشێكی پڕ ناسك و هەستیارو ئاڵۆزدایەو رۆژ بە رۆژ ئەگەرو پێشهاتی نوێ‌ دێنە پێشەوە، بە تایبەت دواى هێرشى روسیا بۆ سەر ئۆکرانیا، بێگومان ئەو شەڕە کاریگەرى کردۆتە سەر رەوشى سیاسى ناوچەکەو جیهانیش، ئەو ئەگەرو پێشهاتانە كاریگەری خۆیان دەبێت بۆ سەر رەوشى ئێستاى کوردستان و بزاڤە رزگاریخوازەكانی ناوچەكە، بەداخەوە ئێمەى گەلى کوردستان بەهۆى ململانێى سیاسیى نێوان لایەنە سیاسییەکان بەرنامەیەکى نەتەوەیى و نیشتمانیمان نیە بۆ چۆنیەتى مامەکردن لەگەڵ پێشهاتەکاندا، پێویستە ئێمە وەکو گەلى كوردستان لە رەوشێکى وادا کارنامەیەکى نەتەوەیى و نیشتمانى دابڕێژین بۆ چۆنییەتى مامەڵەکردن لەگەڵ پێشهات و رووداوەکاندا، هەروەها پێویستە برایانمان لە بەشەكانی دیكەی كوردستان ریزەکانى خۆیان یەکبخەن و كارو خەباتی خۆیان خورت بكەن و بەرەو رزگاری و ئازادی هەنگاو بنێن، لە هەمان كاتدا وای دەبینین كەوا دەكرێ لە ئەنجامى ئەو گۆڕانکارییانەى کە دێنە پێشەوە سوود وەربگرین بۆ كاركردن بۆ ئازادى و سەربەخۆیی كوردستان.
کارو خەباتى YNDK : لە دوا تەوەری كۆبوونەوەكەدا باس لە كاروخەباتی YNDK لەماوەی رابردوودا كراو، دوا هەڵسەنگاندنى کارو خەباتى ماوەى رابڕدوو، كارنامەیەكى نوێ بۆ كارو خەباتی داهاتووی YNDK دانرا، ئەمەو كۆبوونەوەكە سەركەوتووانە كۆتایی بە كارنامەی خۆی هێنا.
كۆميته‌ى سه‌ركردايه‌تيى
یەكێتی نەتەوەیی دیموكراتی كوردستان YNDK
14 / 3 / 2022 هەولێر - باشووری كوردستان
پەیامى غەفوور مەخموورى سکرتێرى گشتیى YNDK سەبارەت بە موشەکبارانکردنى هەولێر
جیهان

پەیامى غەفوور مەخموورى سکرتێرى گشتیى YNDK سەبارەت بە موشەکبارانکردنى هەولێر

آذار/مارس 13, 2022
0

جەماوەرى وڵاتپارێزو خۆڕاگرى کوردستان ...

 - هێزو لایەنە سیاسییەکانى کوردستان ...

 - بنەماڵەو کەس و کارى سەربەرزى شەهیدانى کوردستان ...

زۆر بەداخەوە بەرەبەیانى ئەمڕۆ یەکشەممە رێکەوتى 13 / 3 / 2022 ، جارێکى دیکە شارى هەولێر کەوتەوە بەر پەلاماری ترسنۆکانەی تیرۆریستان و چەند شوێنێک کرانە ئامانج موشەکباران کران، ئەو هێرشەى دوژمنانى کوردستان تاوانێکە دژ بە تەواوى گەلى کوردستان و مرۆڤایەتی، ئەو کردەوە تیرۆریستییانەى ناحەزان و دوژمنانى کوردستان زۆر بە توندى ئیدانەو مەحکووم دەکەین و رەتیدەکەینەوە، دوژمنان دەبێ باش ئەوە بزانن کەوا هەولێر وەک هەمیشە بە خۆڕاگرى دەمێنێتەوەو چۆک بۆ خواستەکانیان دانادات، ئەو کارە تیرۆریستییە هەولێر رووگەش و دوژمنانى تیرۆریستیش رووڕەش دەکات.

  بە ئامانج گرتنى هەولێر لەم کاتە ناسکەدا، کە تەواوى عێراق و ناوچەکەو جیهانیش لە رەوشێکى ئاڵۆزدان، هەوڵێکە بۆ زیاتر ئاڵۆزکردنى رەوشى سیاسى کوردستان وعێراق، بۆیە پێویستە هەموو لایەکمان بۆ رووبەڕووبوونەوەى ئەو هەڕەشانە بە زووترین کات ناوەندى سیاسیى کوردستان کە پەرش و بڵاوە رێکبخەینەوە و، کار بۆ یەکدەنگى و یەکڕیزى هێزو لایەنە سیاسییەکان و گەلى کوردستان بکەین، بەمەش یەکڕیزى و یەکدەنگیمان دەبنە باشترین وەڵام بۆ دوژمنانى تیرۆریست و ناحەزانى کوردستان.

 - سەرکەوێ خواستى رەواى گەلى کوردستان

 - سەرشۆڕى و رووڕەشى بۆ تیرۆریستان و دوژمنانى کوردستان.

 - نەمرى و سەربەرزى بۆ شەهیدانى کوردستان.

 

 

غەفوور مەخموورى

سکرتێرى گشتیى

یەکێتى نەتەوەیى دیموکراتى کوردستان YNDK

13 - 3 - 2022

سڵاو لە جەماوەری خۆڕاگری مەخموور و قەراج و گوێڕ و كەندیناوە
کوردستان

سڵاو لە جەماوەری خۆڕاگری مەخموور و قەراج و گوێڕ و كەندیناوە

آذار/مارس 12, 2022
0
بە بۆنەی سی و یەكەمین ساڵیادی راپەڕینی جەماوەری دەڤەری مەخموور لە دژی زولم و زۆری دەزگا گڵاوو سەركوتكەرەكانی رژێمی لەناوچووی بەعسی فاشی و، ئازادکردنی مخموور، جوانترین و گەرمترین پیرۆزبایی و سڵاو و رێزو خۆشەویستیم ئاراستەی جەماوەری خۆڕاگری ئەو دەڤەرە دەكەم و ، هیوای پێشڤەچوون و سەركەوتنیان بۆ دەخوازم و، ئومێد دەكەم یەكدەنگ و یەكڕیز بن بۆ وەدەستهێنانی خواستەكانیان و زیاتر خزمەتكردنی دەڤەرەكە.
بێگومان مەخموور بە دریژایی مێژوو مەزڵووم بووەو لە سەرەتاییترین خزمەتگوزاری بێبەش بووە، ئەوەش دەگەڕێتەوە بۆ ئەوەی کەوا بەردەوام خەڵکی غەوارە کراونەتە بەرپرس لەو شارەو خەڵکە رەسەنەکەی مەخموور پەراوێز خراون، ناکرێ مەخموور لەسەر دەریایەک نەوت بێت و نەخۆشخانەیەکی سەردەمییانە و پڕۆژەیەکی ئاودێری و خزمەتگوزارییەکانی دیکەی نەبێت و وەک گوندێکی وێران بێتە بەرچاو ، پێویستە ئەوانەی خۆیان بە بەرپرسی ئەو شارە دەزانن و لەسەر حیسابی خەڵکی مەخموور بوونەتە خاوەن هەموو شتێک ئاوڕێکی خیرا لە مەخموور و خەڵکەکەی بدەنەوەو خزمەتیان بکەن و ناتەواوییەکانی مەخموور تەواوبکەن.
لەگەڵ سڵاوو رێزو خۆشەویستی دووبارەم بۆ تەواوی جەماوەری دەڤەری مەخموور.
هەمیشە تەندروست و شادو سەرکەوتووبن.
دڵسۆزتان
غەفوور مەخمووری
سکرتێری گشتیی
یەکێتی نەتەوەیی دیموکراتی کوردستان YNDK
‌‌‌12 . 3 . 2022
به‌رز و شكۆدار بێت یادی(31)ساڵه‌ی راپه‌ڕینی شاری هه‌ولێر
کوردستان

به‌رز و شكۆدار بێت یادی(31)ساڵه‌ی راپه‌ڕینی شاری هه‌ولێر

آذار/مارس 11, 2022
0

- كەسوكاری شەهیدان و پێشمەرگە قارەمانەكانی كوردستان.

-خەڵكی بەئەمەك و دڵسۆز و نیشتمانپەروەری هەولێری پایته‌خت.

 (31) ساڵ به‌ر له‌ئه‌مڕۆ لە رۆژی 11/3/1991  جه‌ماوه‌ری شاری هه‌ولێر له‌گه‌ڵ هێزی پێشمەرگەی كوردستان و سەرجەم پێكهاته‌كان بەرامبەر بە رژێمی بەعسی دیكتاتۆری رووخاو یەك دەنگ و یەك دەست راپەڕین، سەرباری دڕندەیی و وەحشیگەری رژێمی بەعس، بەڵام یەكڕیزی خەڵكی كوردستان و لایەنە سیاسییەكان لە ژێر چەتری بەرەی كوردستانی و گیان فیدایی هێزی پێشمەرگەی كوردستان و ئیڕادەی لەبن نەهاتووی جەماوەری شاری هەولێر، توانرا لە ماوەیەكی كورتدا دەزگا داپلۆسێنەرەكانی به‌عس لەناوببردرێن و تەواوی هه‌ولێری پایته‌خت ئازاد بكرێت.

رۆژی سەركەوتنی مەزنی خەڵكی راپەڕیوی شاری هەولێر هاوكاته‌، لەگەڵ یادی رێككەوتننامەی (11)ی ئاداری ساڵی (1970) كە حكومەتی ئەوسای عێراق دانینا بە مافه‌ رەواكانی خەڵكی كوردستان به‌ڵام له‌دوایی په‌شیمان بوویه‌وه‌ و هیچ به‌ندێكی له‌ رێككه‌وتننامه‌كه‌ جێبه‌جێنه‌كرد.

 ئێمە له‌وكاته‌دا یادی سەركەوتنەكانی راپەڕین و رزگاری شاری هه‌ولێر و باشووری كوردستان دەكەینەوە، كوردستان و عێراق و ناچه‌وكه‌ و جیهان به‌قۆناغێكی هه‌ستیاردا تێپه‌ڕ ده‌بێت، به‌تایبه‌ت شه‌ڕی رووسیا له‌دژی ئۆكراینا و هه‌وڵدان بۆ داگیركردنی ئه‌و وڵاته‌ سه‌ر له‌به‌ری هاوكێشه‌ نێوده‌وڵه‌تییه‌كان ده‌گۆڕێ و كاریگه‌ری له‌سه‌ر ره‌وشی رۆژهه‌ڵاتی ناوه‌راستیش ده‌بێت. هه‌روه‌ها ئه‌و كێشه‌ و گرفتانه‌ی نێوان هه‌ولێر و به‌غدا باری ئابووری و بازاری په‌كخستووه‌، بۆیه‌ پێویسته‌ هه‌وڵی چاره‌سه‌ركردنی ئه‌و كێشه‌یه‌ به‌شێوه‌ی بنه‌ڕه‌تی بدرێت، ئه‌وه‌ش به‌یه‌كریزی و یه‌كگوتاری سه‌رجه‌م لایه‌نه‌ ساسییه‌كانی باشووری كوردستان ده‌بێت.  

له‌و یاده‌ مه‌زنه‌دا داوا له‌سه‌رۆكایه‌تی هه‌رێم و په‌رله‌مان و حكومه‌تی كوردستان ده‌كه‌ین،  زیاتر ژیان و بژێوی خانەوادەی سەربەرزی شەهیدان و پێشمەرگەكان و فه‌رمانبه‌ر و مامۆستا و مووچه‌خۆرانی شاری هه‌ولێر و باشووری كوردستان به‌گشتی باش بكرێت، بۆ زیاتر خزمەتكردن خەڵك و چەسپاندنی عەدالەتی كۆمەڵایەتی و دروست كردنی متمانە لەنێوان حكومەت و خەڵكی كوردستان.

- سڵاو بۆ گیانی پاكی شەهیدانی كوردستان بە تایبەت شەهیدانی ڕاپەڕین و دەستی تیرۆرستانی داعش و شەهیدانی رزگاری شاری هەولێری خۆشەویست.

- بێته‌دی كوردستانێكی سه‌ربه‌خۆ و ئازاد و یه‌كگرتوو دیموكرات.

 

 

هه‌رێمی هه‌ولێر

یه‌كێتی نه‌ته‌وه‌یی دیموكراتی كوردستانYNDK

11ی ئاداری 2022ی زایینی

سكرتێری گشتیی YNDK پیرۆزبایى لە سکرتێرو سەرکردایەتیى حزبى زەحمەتکێشانى کوردستان دەکات
کوردستان

سكرتێری گشتیی YNDK پیرۆزبایى لە سکرتێرو سەرکردایەتیى حزبى زەحمەتکێشانى کوردستان دەکات

آذار/مارس 08, 2022
0

میدیا - هەولێر :
 پێشنیوەڕۆى ئەمڕۆ سێشەممە 8 / 3 / 2022 ، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، لە پەیوەندییەکی تەلەفۆنیدا،  پیرۆزبایى لە بەڕێز بەڵێن عەبدوڵڵا  سکرتێرى حزبى زەحمەتکێشانى کوردستان کرد بەبۆنەى هەڵبژاردنەوەى سکرتێرى حزب و سەرکەوتنى یانزەمین کۆنگرەى حزبى زەحمەتکێشانى کوردستان و، هیواى سەرکەوتنى بۆ خواستن.
 سكرتێری گشتیی YNDK لە پەیوەندییە تەلەفۆنییەکەیدا، بەبۆنەى سەرکەوتنى کۆنگرەى یانزەمى حزبى زەحمەتکێشانى کوردستان و هەڵبژاردنى سەرکردایەتیى نوێى حزبى زەحمەتکێشانى کوردستان پیرۆزبایى خۆى و سەرکردایەتیى  YNDKى بە بەڕێزیان وەک سکرتێرو بەڕێزان سەعد خالید جێگرى سکرتێرو بەهمەن حوسێن بەرپرسى ئەنجوومەنى گشتى و سەرکردایەتیى هەڵبژێردراوى حزبى زەحمەتکێشانى کوردستان راگەیاند و، هیوای زیاتر پێشڤەچوون و سەرکەوتنى بۆ حزبى زەحمەتکێشانى کوردستان خواست، سکرتێرى حزبى زەحمەتکێشانى کوردستان لەلایەن خۆیەوە سوپاسى سکرتێرى YNDKى کرد بۆ ئەو پەیوەندییە تەلەفۆنییەو گەیانى پەیامى پیرۆزبایى YNDK بە حزبى زەحمەتکێشانى کوردستان.
  هەر لە پەیوەندییەکەدا هەردوو لا جەختیانکردەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.

به‌رز و شكۆدار بێت ٨ی مارس ڕۆژی جیهانیی ئافره‌تان
جیهان

به‌رز و شكۆدار بێت ٨ی مارس ڕۆژی جیهانیی ئافره‌تان

آذار/مارس 08, 2022
0
  • ئافره‌تانی به‌ئه‌مه‌ك و دڵسۆزی كوردستان...
  • رێكخراوه‌كانی ئافره‌تانی كوردستان و جیهان....

٨ی مارس ڕۆژی خه‌بات و قوربانیدانی ئافره‌تانه‌ بۆ ده‌سته‌به‌ركردنی مافه‌كانیان له‌ جیهان، له‌م رۆژه‌دا ئافره‌تان هه‌ستانه‌ سه‌رپێ دژی چه‌وساندنه‌وه‌ و زه‌وتكردنی مافه‌كانیان ده‌نگیان هه‌ڵبڕی بۆ یه‌كسانی و دادپه‌روه‌ری له‌پێناو ژیانێكی یه‌كسان. به‌گشتی ئه‌م ڕۆژه‌ بۆ ئافره‌تان  ڕۆژی یه‌كده‌نگی و هاوبه‌شی جیهانییه‌ بۆ زیاتر به‌ده‌ستهێنانی مافه‌كانیان و هێنانه‌كایه‌ی یه‌كسانی  هه‌لومه‌رجی باشتره‌ بۆ به‌ره‌و پێشبردنی ره‌وشی ئافره‌تان به‌تایبه‌ت له‌و وڵاتانه‌ی تا ئیستاش ئافره‌تان به‌جۆره‌ها شێواز دووچاری چه‌وساندنه‌وه‌ و توندوتیژی ده‌بنه‌وه‌، له‌م ڕۆژه‌دا ژنانی جیهان به‌ شێوازی جیاواز داواكاری و ناڕه‌زایه‌تییه‌كانیان ده‌خه‌نه‌ڕوو، جه‌خت له‌ به‌رده‌وامیی خه‌بات و تێكۆشانیان ده‌كه‌نه‌وه‌ له‌ پێناو به‌دیهێنانی جیهانێكی ئارام بۆ خۆیان كۆمه‌ڵگه‌كه‌ی تێیدا ده‌ژین كه‌ دوور بێ له‌ هه‌ڕه‌شه‌ و مه‌ترسی توندوتیژی له‌سه‌ریان. كێشه‌ی ئافره‌تان له‌جیهان تا ئێستا جێگه‌ی دڵخۆشی نیه‌ چونكه‌ تا ئێستاش ئافره‌تان به‌ ته‌واوی به‌مافه‌كانیان نه‌گه‌یشتوون .

جێگه‌ی ئاماژه‌پێكردنه‌ ئه‌و یاسا و بڕیارانه‌ی له‌ ساڵانی رابردوو له په‌رله‌مانی كوردستان ده‌رچوونه‌ یان هه‌مواركراون و كابینه‌كانی حكومه‌تی هه‌رێمی كوردستانیش جێبه‌جێیان كردووه‌، هه‌مووی له‌پێناو به‌رژه‌وه‌ندیی ئافره‌تاندا بووه‌،‌ به‌هۆیانه‌وه‌ پرسی ئافره‌ت پێشكه‌وتنی باش و به‌رچاوی به‌خۆیه‌وه‌ دیوه‌و وایكردووه‌ كه‌ ئافره‌ت له ‌كوردستان ڕۆڵی باش و به‌رچاویان هه‌بێ له‌ ده‌زگاكانی حكومه‌ت و كاری رێكخراوه‌یی و حزبی، به‌ڵام جێگه‌ی داخه‌ تا ئێستاش توندو تیژی دژ به‌ئافره‌تان هه‌ر ماوه و ژن كوشتن له‌ باشووری كوردستان زۆربووه‌ و خه‌ریكه‌ ده‌بێته‌وه‌ دیارده‌،‌  بۆیه‌ ئامانجی ئێمه‌ كاركردنی به‌رده‌وامه‌ بۆ پێشكه‌وتنی زیاتر له‌پێناو به‌دیهێنانی یه‌كسانی و دادپه‌روه‌ری له ‌به‌شداریكردنمان  له‌ماف و ئه‌ركه‌كان‌، به‌پشت به‌ستن و په‌یڕه‌وكردنی پره‌نسیپه‌كانی مافی مرۆڤ و دیموكراسی وه‌ك چۆن له‌ په‌یماننامه‌ و رێككه‌وتننامه‌ نێوده‌وڵه‌تییه‌كاندا هاتووه‌.

ئێمه‌ له‌بزووتنه‌وه‌ی ئافره‌تانی نه‌ته‌وه‌یی كوردستان BANK ئه‌م رۆژه‌ له‌خۆمان و ئافره‌تانی كوردستان و جیهان پیرۆز ده‌كه‌ین، وه‌كو پێشتر به‌رده‌وام ده‌بین له‌كاری رێكخراوه‌یی خۆمان له‌گه‌ڵ سه‌رجه‌م رێكخراوه‌كانی ئافره‌تان له‌هه‌رێمی كوردستان بۆ باشتركردنی ره‌وشی ئافره‌تان و نه‌هێشتنی توندی تیژی له‌دژیان و كار ده‌كه‌ین بۆ گۆڕین و هه‌مواركردنی هه‌موو ئه‌و یاساییانه‌ی دژی ئافره‌تانن و هه‌وڵده‌ده‌ین نه‌ك ئه‌و رۆژه‌ ته‌نیا له‌ هه‌شتی مارس گرنگی به‌ چاككردنی ره‌وشی ئافره‌تان بدرێت، به‌ڵكو هه‌موو رۆژه‌كان كار بۆ به‌دیهێنانی ته‌واوی مافه‌كانی ئافره‌تان بكه‌ین تاوه‌كو ئافره‌تان پارێزراو بن چیتر دووچاری توندو تیژی و كوشتن و سه‌تاندن نه‌بنه‌وه‌.

  • سه‌ركه‌وتوو بێت خه‌باتی نه‌پساوه‌ی ئافره‌تان له‌پێناو یه‌كسانی.

                                                                     بزووتنه‌وه‌ی ئافره‌تانی نه‌ته‌وه‌یی كوردستانBANK

                                                  8ی مارس 2022ی زایینی

سكرتێری گشتیی YNDK پێشوازى لە هاوبیرانى نەتەوەیى هاوڕێ باخەوان و هەژار کامەلا دەكات
کوردستان

سكرتێری گشتیی YNDK پێشوازى لە هاوبیرانى نەتەوەیى هاوڕێ باخەوان و هەژار کامەلا دەكات

آذار/مارس 08, 2022
0
میدیا - هەولێر :
پێشنیوەڕۆى ڕۆژى ٧ / ٣ / ٢٠٢٢، سكرتێری گشتیی YNDK پێشوازی لە هاوبیرانى نەتەوەیى هاوڕێ باخەوان و هەژار کامەلا كردو، لەدیدارەكەدا باسیان لە رەوشی سیاسی و رۆشنبیریى كوردستان كرد.
پێشنیوەڕۆى ڕۆژى دووشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسیی YNDK لە شاری هەولێر، پێشوازیكرد لە هەردوو هاوبیرى نەتەوەیى نووسەرو رۆشنبیران بەڕێزان (هاوڕێ باخەوان و هەژار کامەلا)، لەدیدارێکى برایانەدا باسیان لە رەوشى سیاسى و رۆشنبیرى کوردستان کرد و، جەختیانكردەوە سەر ئەوەى کەوا رۆشنبیران دەتوانن رۆلى کارا ببینن لە بڵاوکردنەوەى هزرى نەتەوەیى و نیشتمانى و وشیارکردنەوەى تاکەکانى کۆمەگە بۆ خۆشویستنى کوردستان و پاراستنى، هەروەها یەكڕیزی و یەكدەنگی گەلى كوردستان بە تەواوى پێکهاتە نەتەوەیى و ئایینییەکان و لایەنە سیاسییەکان بۆ رووبەڕووبوونەوەى مەترسییەکانى سەر کوردستان بەفاكتەری سەرەكی سه‌ركه‌وتنى گەلی كوردستان وەسفكرا.
لەدوا تەوەری دیدارەكەشدا، جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.
غەفوور مەخموورى لە کۆنگرەى پێنجەمى پارتى گەشەپێدانى تورکمان: بانگ لە لایەنە سیاسییەکانى باشوورى کوردستان دەکەین رەچاوى هەستیارى بارودۆخى کوردستان بکەن و لەیەکدى نزیکببنەوە
رۆژهەڵاتی ناوەراست

غەفوور مەخموورى لە کۆنگرەى پێنجەمى پارتى گەشەپێدانى تورکمان: بانگ لە لایەنە سیاسییەکانى باشوورى کوردستان دەکەین رەچاوى هەستیارى بارودۆخى کوردستان بکەن و لەیەکدى نزیکببنەوە

آذار/مارس 08, 2022
0
میدیا - هەولێر:
پێشنیوەڕۆى ڕۆژى ٧ / ٣ / ٢٠٢٢، سکرتێرى گشتیى YNDK لەسەر بانگهێشتى پارتى گەشەپێدانى تورکمانى ئامادەى رێوڕەسمى کردنەوى کۆنگرەى پێنجەمى پارتى گەشەپێدانى تورکمان بوو، کە لە هوتێلى هەولێرى نێودەوڵەتى (شیراتۆن) لە شارى هەولێرى پایتەخت بەڕێوەچوو، لە وتارێکیدا داوایکرد کەوا لایەنە سیاسییەکانى کوردستان کار بۆ یەکڕیزى و یەکدەنگى بکەن و لەجیاتى بەرژەوەندى حیزبى بەرژەوەندى نەتەوەیى و نیشتمانى لەبەرچاو بگرن.
پێشنیوەڕۆ ڕۆژى دووشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، بەیاوەرى هەڤاڵ شاکر هاشم ئەندامى کۆمیتەى سەرکردایەتیى YNDK ئامادەى رێوڕەسمى کردنەوى کۆنگرەى پێنجەمى پارتى گەشەپێدانى تورکمان بوون، کەوا لە هوتێلى هەولێرى نێودەوڵەتى (شیراتۆن) لە شارى هەولێرى پایتەخت بەڕێوەچوو، نوێنەرانى پەرلەمان و حکومەتى کوردستان و نوێنەرانى حیزبە کوردستانییەکان ئامادەى کۆنگرەکە بوون.
غەفوور مەخموورى سکرتێرى گشتیى YNDK کە بە نوێنەرایەتى YNDK ئامادەى کۆبوونەوەکە بوو، لە وتەیەکیدا وێڕاى پیرۆزبایى و هیواى سەرکەوتن خواستن بۆ کۆنگرەکە، روانینى YNDK ى سەبارەت بەڕەوشى سیاسى کوردستان خستەڕوو و، وتى: (کوردستان و ناوچەکەو جیهانیش لە بارودۆخێکى زۆر هەستیاردان، لە داهاتووى نزیکدا کۆمەڵێ ئەگەرو پێشهاتى نوێ دێنە پێشەوە، لە رەوشێکى وا هەستاردا بەداخەوە بارودۆخى ناوخۆیى کوردستان باش نییەو پەیوەندى نێوان حیزبەکان لە ئاستێکى خراپدایە، بۆ دەربازکردنى ئەم رەوشە نالەبارە پێویستە هەموو لایەکمان بەرژەوەندى نەتەوەیى و نیشتمانى لەبەرچاو بگرین و کاربۆ یەکێتى نەتەوەیى و یەکڕیزى نیشتمانى بکەین و، جلى تەنگى حزبایەتى فڕێبدەین جلە کوردایەتى و کوردستان بپۆشین، ئەم بارودۆخە لە هەموو لایەکمان دەخوازێ کەوا نزیکى یەکدى بین و، نەخشە رێگایەک بۆ دەربازبوون لە قەیرانەکان دابڕێژین.).
ئەمەش دەقى وتارەکەى غەفوور مەخموورى سکرتێرى گشتیى YNDK ه:
براى بەڕێز کاک محەممەد سەعدەددین ئیلیخانلى سەرۆکى پارتى گەشەپێدانى تورکمانى ...
بەڕێزان نوێنەرانى هێزو لایەنە سیاسییەکانى کوردستان ...
بەڕێزان ئەندامانى کۆنگرەى پێنجەمى پارتى گەشەپێدانى تورکمان ...
خوشکان ... برایان ... ئامادەبووانى بەڕێز ... میوانانى خۆشەویست ...
رۆژتان باش ...
بەناوی خۆمان و كۆمیتەی سەركردایەتی و مەكتەبی سیاسی و تەواوی هەڤاڵانی یەكێتی نەتەوەیی دیموكراتی كوردستان YNDK, بەبۆنەی بەستنی کۆنگرەى پێنجەمى پارتى گەشەپێدانى تورکمان جوانترین پیرۆزباییتان ئاراستە دەكەین و هیوای سەركەوتنتان بۆ دەخوازین، ئومێد دەکەین کۆنگرەى پێنجەمتان وێستگەیەکى گرنگى کاروخەباتتان بێت لەپێناو پێشەچوون و گەشەکردنى زیاترى پارتەکەتان.
بەشدارى پێکهاتە نەتەوەیى و ئاینییەکانى کوردستان لە پرۆسەى سیاسیى کوردستاندا وێنەیەکى جوانى سەردەمییانە نیشاندەدات، کوردستان وەک مێرگێک بۆتە شوێنى هەموو رەنگ و روانینێک، بۆتە مێرگى پێکەوەژیان، ئەمەش وایکردووە، هەموو لایەکمان شانازى بەو پێکەوەژیانەى کوردستان بکەین، بێگومان ئێمەى کوردستانى بە تەواوى پێکهاتە نەتەوەییەکانمانەوە لە رابردوودا رۆڵێکى کارامان هەبوو لە بنیاتنانى شارستانییەتى میزۆپۆتامیا، ئەگەر بوارى زیاترمان بۆ بڕەخسێت دەتوانین لە ئێستاو داهاتوودا رۆلێکى کارا بگێڕین لە بینیاتنانى کۆمەڵگایەکى سەردەمیانەو مۆدێرن.
بەشدارى تورکمان و (کلدان و سریان و ئاشوورى) لە پرۆسەى سیاسى و دەزگاو دامەزراوەکانى کوردستان، وێنەیەکى جوانى سەردەمییانەیە، پێویستە ئەو خوشک و برایانەمان گوزارشت لە ویست و خواستى پێکهاتەکانیان بکەن و لە هەڵبژاردنى نوێنەرەکان خاوەن ئیرادەو بڕیارى خۆیان بن.
خوشکان ... برایان ...
بەستنى کۆنگرەى پێنجەمى پارتى گەشەپێدانى تورکمان لە کاتێدایە کە بایەخ و گرنگى خۆى هەیە، کوردستان و ناوچەکەو جیهانیش لە بارودۆخێکى زۆر هەستیاردان، لە داهاتووى نزیکدا کۆمەڵێ ئەگەرو پێشهاتى نوێ دێنە پێشەوە، لە رەوشێکى وا هەستاردا بەداخەوە بارودۆخى ناوخۆیى کوردستان باش نییەو پەیوەندى نێوان حیزبەکان لە ئاستێکى خراپدایە، بۆ دەربازکردنى ئەم قۆناخەو ئەم رەوشە نالەبارە پێویستە هەموو لایەکمان بەرژەوەندى نەتەوەیى و نیشتمانى لەبەرچاو بگرین و کار بۆ یەکێتى نەتەوەیى و یەکڕیزى نیشتمانى بکەین، ئەم بارودۆخە لە هەموو لایەکمان دەخوازێ کەوا نزیکى یەکدى بین و، نەخشە رێگایەک بۆ دەربازبوون لە قەیرانەکان دابڕێژین، بۆیە پێویستە لە نزیکترین کاتدا کار بکەین بۆ ئەنجامدانى کۆبوونەوەیەکى فراوان بۆ تەواوى هێزو لایەنە سیاسییەکان بۆ ئەوەى لە کۆبوونەوەکەدا نەخشە رێگایەک بۆ دەربازبوون لە قەیرانەکان دابڕێژین.
خوشکانى ئازیز ... برایانى بەڕێز:
ئێمە لە کوردستان هەموومان لەناو یەک کەشتى داین، بەداخەوە هەندێ لایەن دەستیانداوەتە ئەوەى کەوا پارچە پارچە لە کەشتییەکە بکەنەوە و لەناو ئەو کەشتییەدا کەشتى بچوکتر دروستبکەن، بێئاگان لەوەى کەوا لەگەڵ کەڵین خستنە کەشتییە گەورەکە و ژێر ئاوکەوتنى ؛ کەشتییە بچوکەکانیش ژێر ئاو دەکەون، واتە هەموو لایەکمان زیانمەند دەبین، بۆیە ئەڕکى هەموو لایەکانە دەست بەو کەشتییەوە بگرین و بیپارێزین و بەرەو کەنارێکى ئارامى ببەین.
ئێمە وەکو یەکێتى نەتەوەیى دیموکراتى کوردستان YNDK ؛ لێرەوە جارێکى دیکە بانگ لە هەموو لایەنە سیاسییەکانى باشوورى کوردستان دەکەین، کەوا رەچاوى هەستیارى بارودۆخى کوردستان بکەن و، وەکو ریزگرتن لە خوێنى پاکى شەهیدان و قارەمانێتى پێشمەرگە و خۆڕاگرى گەلى کوردستان؛ ناکۆکییەکانیان بخەنە لاوە و، جلى تەنگى حزبایەتى فڕێبدەین جلە کوردایەتى و کوردستانى بوون بپۆشین.
لەپێناو قوڵکردنەوەى گیانى یەکدى قبوڵکردن و رەتکردنەوەى خۆسەپاندن و قۆرخکارى لە ناوەندى سیاسى کوردستان و بەشداریکردنى تەواوى لایەنە سیاسییەکان لە داڕشتنى بڕیارى سیاسى و وازهێنان لە پەراوێزخستنى ئەم لایەن و ئەو لایەن و، بۆ رێکخستنەوەى ناوەندى سیاسى کوردستان و دەربازکردنى لەو پەرش و بڵاوییەى کە تێیدایە جارێکى دیکە پێشنیارى پێکهێنانى (ئەنجوومەنى باڵاى سیاسى کوردستان) دەکەین، کەوا ئەنجوومەنیک بێت لەتەواوى هێزو لایەنە سیاسییەکانى باشوورى کوردستان پێکبهێندرێت و، ئەم ئەنجوومەنە وەکو پاڵپشتێکى سیاسى بۆ پرۆسەى سیاسى کوردستان لە کاردابێت و رۆڵى راوێژکارى ببینێت و، لە کاتى هاتنەپێشى قەیرانەکاندا بە پرۆژەو کارنامەى هاوبەشى سیاسى هاوکاربێت بۆ دەربازکردنى قەیرانەکان.
لە کۆتاییدا جارێکى دیکە هیواى سەرکەوتن بۆ کۆنگرەکەتان دەخوازین و ئومێد دەکەین کۆنگرەکەتان بە بڕیارو راسپاردەى نیشتیمانییانە پارتەکەتان بەرەو گەشەکردن و گەشانەوەى زیاتر ببات .
لەگەڵ رێزى دووبارەماندا ... هەر بژین و سەرکەوتووبن و کوردستان ئاوەدان.
غەفوور مەخموورى
سکرتێرى گشتیى
یەکێتى نەتەوەیى دیموکراتى کوردستان YNDK
٧ / ٣ / ٢٠٢٢
الصفحة 119 من 197