میدیا – عه‌نكاوه‌

مەكتەبی سیاسیی یەكێتی نەتەوەیی دیموكراتی كوردستانYNDK، سه‌ردانی پارتی ئه‌نجوومه‌نی نه‌ته‌وه‌یی كه‌لدان له‌ عه‌نكاوه‌ ده‌كات، وێڕای پیرۆزبایی به‌ستن و سه‌ركه‌وتنی كۆنگره‌ی پارتی ئه‌نجوومه‌نی نه‌ته‌وه‌یی كه‌لدان، گفتوگۆ ده‌رباره‌ی بارودۆخی سیاسی كوردستان و عێراق و ناوچەكە كرا.

رۆژی پێنج شه‌ممه‌ رێكەوتی 7/7/2022، شاندێكی مەكتەبی سیاسی YNDK  كه‌ پێكهاتبوو له‌ هەڤاڵان ( د.شاخەوان خالید كارگێڕی مەكتەبی سیاسی و جه‌لال سمایل كارگێڕی مه‌كته‌بی ناوه‌ندی په‌یوه‌ندییه‌كان و محمد تاهیر ئه‌ندامی مه‌كته‌بی ناوه‌ندی په‌یوه‌ندییه‌كان) سه‌ردانی پارتی ئه‌نجوومه‌نی نه‌ته‌وه‌یی كه‌لدان ده‌كه‌ن، له‌لایه‌ن به‌ڕێزان( جنان جبار بویا سه‌رۆكی پارت و سه‌ركردایه‌تی و ژماره‌یه‌ك له‌ئه‌ندامانی پارته‌كه‌) پێشوازیكران، له ‌دانیشتنه‌كه‌دا شاندی YNDK پیرۆزبایی به‌ستن و سه‌ركه‌وتنی (كۆنگره‌ی دامه‌زراندن) و هه‌ڵبژاردنی سه‌رۆك وئه‌ندامانی سه‌ركردایه‌تی پارته‌كه‌ی لێكردن و له‌به‌رامبه‌ردا سه‌رۆكی پارتی ئه‌نجوومه‌نی نه‌ته‌وه‌یی كه‌لدان سوپاسی شاندی YNDKكرد له‌ به‌رامبه‌ر سه‌ردانی و ئاڕاسته‌ كردنی په‌یامی پیرۆزباییان، ئه‌مه‌و له‌ دانیشتنه‌كه‌دا گفتوگۆ لە باره‌ی رەوشی سیاسی كوردستان و عێراق و ناوچەكه‌ كراو جەختكرایەوە سەر یەكڕیزی و یەكدەنگی گوتاری سیاسی سه‌رجه‌م پێكهاته‌ و لایەنە سیاسییەكان كوردستان.

لەدوا تەوەری دیدارەكەشدا باس لە پتەوكردنی پەیوەندی برایانەی نێوان هەردوولا و تەواوی هێزو لایەنە سیاسییەكان كرا.

ده‌قی راپۆرته‌كه‌:

راپۆرتێك لەسەر بەشداری كردنی شاندی یەكێتی پەرلەمانتارانی كوردستان لە كۆنگرەی پێنجەمی

 پارتی دیموكراتی گەلان HDP كە لە ئەنقەڕەی پایتەختی توركیا لە رێكەوتی (3/7/2022) بەڕێوەچوو

تێبینی/ بەداوای لێبووردنەوە بۆ ئەو هەڵە چاپیەی روویداوە لە دوو لە بەروارە ئاماژەبۆكراوەكانی راپۆرتەكەمان لە بڵاوكردنەوەی یەكەمیدا، بۆیە بۆ دووەم جار بڵاوی دەكەینەوە بە راست كرنەوەی هەڵەكان. سوپاس بۆ تێبینی دوو لە خوێنەرانی بەڕێزی راپۆرتەكەمان.

لەسەر بانگهێشت كردنی فەرمی یەكێتی پەرلەمانتارانی كوردستان لەلایەن پارتی دیموكراتی گەلان (HDP) بۆ بەشداری كردنی كۆنگرەی پێنجەمی پارتەكەیان لە (3/7/2022) لە ئەنقەڕەی پایتەخی توركیا، لەسەر راسپاردەی دەستەی باڵا، شاندێكی یەكێتیەكەمان كە پێكهاتبوو لە ئەندامانی دەستەی باڵا (عبدالرحمن علی كوردە، بەرپرسی پەیوەندیەكان‌و كاردۆ محمد پیرداود، سەرۆكی لیژنەی یاسایی)، بەشداری كۆنگرەكەمان كرد. لە بەرواری (1/7/2022)، رۆژی یەكەمی گەیشتنمان بۆ ئەنقەرە، لەلایەن لیژنەی پێشوازی لە میوانەكان، لە فرۆكەخانە پێشوازی كراین. دواتر لە شوێنی نیشتەجێبوونماندا لەلایەن پەرلەمانتارو بەرپرسی پەیوەندیەكانی (HDP) بەڕێز (فەلەكناس) پێشوازی شاندەكەمان كرا. دواتر بەیەكەوە سەردانی پەرلەمانی توركیامان كردوو لەلایەن بەرپرسانی ئەو پارتە، سەرۆك‌و جێگری سەرۆكی فراكسیۆن‌و هەندێ‌ لە ئەندامانی پەرلەمانی پارتەكە‌و ستافی كاری فراكسیۆنەكە، پێشوازی گەرممان لێكرا. لە دیدارەكاندا باس لە رەوشی گشتی پارتەكەیان‌و ئاستەنگەكانی بەردەمیان‌و فشاری زۆری دەسەڵات‌و (AK) پارتی لەسەریان لەگەڵا رەوشی گشتی ناوچەكە، بابەتی باس‌و گفتوگۆكانمان بوو. یەكێك لەو خاڵە گرنگانەی كە باسیان لێوە دەكرد، بابەتی هەوڵدان بۆ هەڵوەشاندنەوەی پارتەكەیان بوو لەلایەن دەسەڵات‌و (AK) پارتی‌و هاوكارانی كە لەوانەیە لە مانگی (تشرینی دووەمی 2022)، ئەو هەنگاوە رووبدات وەك بەرنامەی بۆ داڕێژراوە. وەك لە قسەكانیاندا بۆمان دەركەوت، ئەوانیش خۆیان ئامادە كردووە‌و بژاردەی تریان لەبەردەستدایە بۆ ئەم پێشهاتە چاوەڕوانكراوەیە كە كاری جددی لەسەر كراوە.

لە رۆژی دووەمی گەیشتنمان لە (2/7/2022)، لەگەڵا میوانەكانی تری هاتبوون بۆ بەشداری كە بریتی بوون لە زۆرێك لە میوانانی ووڵاتانی ئەوروپی‌و عەرەبی، كە پەرلەمانتارو نوێنەرانی حزبە یەساری‌و كەسایەتی‌و لایەن‌و رێكخراوی جۆراوجۆربوون، لە كوردستانی باشوور جگە لە ئێمە (ی.پ.ك)، نوێنەرانی (حزبی شیوعی كوردستان، حزبی زەحمەتكێشان، یەكێتی نەتەوەیی دیموكراتی كوردستان، بزووتنەوەی دیموكراتی گەلی كوردستان)‌و سەرۆكی بزووتنەوەی رزگاری دیموكراتی كوردستان بووین، لەلایەن پەرلەمانتاران‌و بەرپرسانی (HDP)ەوە لە ئێوارەخوانێكدا پێشوازی كراین. ئەوەی هەموولایەكمان ئاگادارین كە فشار‌و ئاستەنگێكی زۆر هەیە لەسەر كوردەكانی باكوور‌و نوێنەرایەتیەكانیان بەتایبەت لەسەر (HDP). بۆیە زۆر دڵخۆش بوون بە بەشداری ئەو دۆستانەیان لەگەڵیاندا، بۆ نیشاندانی پشتگیری‌و هاوسۆزی بۆ خەبات‌و تێكۆشانیان، وە بە گرنگ پێناسەو هەڵسەنگاندیان بۆكرد، بۆ بەهێزكردنی ئیرادە‌و نیشاندانی بە نەیارەكانیان كە تەنیانین، بەتایبەت لەم باروودۆخە هەستیارەی ئەوان تێیدانە‌و چاویان لە دۆستەكانیانە كە پشتگیریان بكەن. زۆر بە پەرۆشەوە بوون بۆ دۆستەكانی باشووریان‌و چاوەڕوانی زیاتریان دەكرد لە ئامادەبوونیان.

لەرۆژی (3/7/2022)، رۆژی بەستنی كۆنگرەكەیان كە لە ستادیۆمێكی گەورەی ئەنقەڕە بەڕێوەچوو وە شوێنی كۆنگرەكە بە چەند بازنەیەكی ئەمنی پۆلیس‌و بەرپرسانی توركیا لە هەموولایەكەوە تەوق كرابوو، بەڵام لەلایەن ئێمەوە، دیاردەیەكی نامۆ هەست پێنەكرا لە بێڕێزی كردن بە شاندی میوانەكانیان‌و بەشێوەی پرۆتۆكۆڵا لە دەرگایەكی تایبەتدا ئێمەیان بردین بۆ شوێنەكە، كە لە شوێنی دیاریكراوی تایبەتدا لەناو هۆڵەكە، جێگامان بۆ دەست نیشان كرابوو بە ناوەكانمانەوە. كۆنگرەكەیان وەك كەرنەڤاڵێكی نەتەوەیی‌و نیشتیمانی خۆی نیشاندەداو بەشداریەكی بەرچاو لە ئەندامان‌و لایەنگرانی پارتەكەیان ئامادەبوون. بەڵام ئەوەی تێبینی دەكرا، ژمارەی ئەمجارەی بەشدارانی كۆنگرە كەمتر بوو لە چاو ژمارەی بەشدارانی كۆنگرەی چوارەمی پێشووتریان كە لە (3/2/2020) ئەنجامیاندابو‌و كە یەكێتیەكەمان بە شاندێكەوە بەشداری تێداكردبوو. لەوانەیە باروودۆخی خراپی ئابووریەكە‌و هەروەهاش فشاری زۆری لەسەریان، هۆكاربووبن بۆ كەمكردنەوەی بەشداربوونی جەماوەرەكەیان تیایدا. ئەمەو جگە لە میوانە بیانیەكان، چەندین پارت‌و كۆمەڵە‌و لایەنی جەماوەری‌و رێكخراوەیی توركیاش میوانداری كرابوون‌و بەشداربوون. لە كۆنگرەكەدا، چەندین ووتار پێشكەش كران لەلایەن بەرپرسانی كۆنگرەو پارتەكە كە تیایدا داكۆكیان دەكردەسەر، ئاشتی‌و پێكەوەژیان‌و چارەسەری ئاریشەكان بە گفتوگۆ. هەروەهاش ئەوەی تێبینی دەكرا، نە ئەوان‌و نە بەشدارانی تری كۆنگرەكە، لە ووتارو دروشم‌و هوتافەكانیاندا، سڵیان لە بەكارهێنانی هیچ دەستەواژەیەك نەدەكردەوە وەك ناوهێنانی بەڕێزان (عبدالله ئۆجەلان‌و صلاح دەمیرتاش‌و گیراوەكانیان)‌و بەكارهێنانی ووشەی (فاشیزم‌و ... هتد). ئەمەو وێنەیەكی گەورەی عبدالله ئۆجەلان بەناو هۆڵی كۆبوونەوەكەدا بۆ یەكجار سووڕێندرایەوە دواتریش بەجیا پەرچەمی كوردستان. لە بڕگەیەكیشدا ناوی هاوسەرۆكەكان (پەروین بوڵدان‌و مدحت سانجار)‌و دەستەی سەرۆكایەتی‌و نوێنەرانی شارو شارۆچكەكانیان كە پێشتر بڕیاریان لەسەردرابوو، پەسند كران. ئەمەو لە دوا بڕگەشدا، بۆ رێزگرتن لە میوانە بیانیەكان، ناوی بەشداران خوێندرایەوەو چەندین شاند، ووتاری پشتگیری كردنیان پێشكەش كرد. دواتر وێنەیەكی بەیەكەوەیی گیرا كە شاندی یەكێتی پەرلەمانتارانی كوردستان بە تایبەت لەگەڵا هاوسەرۆكەكانیان بۆ ئەم مەبەستە پێشوازی كراین.

لەدوا بڕگەی سەردانەكەشماندا، ئێوارەخوانێك بۆ میوانە بیانیەكان رێكخرابوو كە لەلایەن هاوسەرۆكەكان‌و چەند پەرلەمانتارێك‌و بەرپرسانی ئەو پارتەوە پێشوازی كراین. لەلایەن زۆرێك لە ئامادەبووانەوە بە شاندی ئێمەشەوە بە تایبەت، پشتگیری‌و سەرنج‌و تێبینیەكانی خۆیانیان بۆ بەرپرسانی ئەو پارتە خستەڕوو. 

میدیا - هەولێر

مەكتەبی سیاسیی یەكێتی نەتەوەیی دیموكراتی كوردستان YNDK به‌مه‌به‌ستی پیرۆزبایی سه‌ردانی حزبی شیوعی كوردستان ده‌كات.

رۆژی پێنجشه‌ممه‌ رێكەوتی 30/6/2021، شاندێكی مەكتەبی سیاسی YNDK  كه‌ پێكهاتبوو له‌ هه‌ڤاڵان( د. شاخه‌وان خالید كارگێڕی مه‌كته‌بی سیاسی و جه‌لال سمایل سلێمان كارگێڕی مه‌كته‌بی ناوه‌ندی په‌یوه‌ندییه‌كان و ئه‌رسه‌لان سابیر عبدالله و محمد تاهیر ئه‌ندامانی مه‌كته‌بی په‌یوه‌ندییه‌كان)، به‌‌بۆنه‌ی (29)ساڵه‌ی راگه‌یاندنی حزبی شیوعی كوردستان له‌ مێژووی خه‌باتی (88) ساڵه‌ی دامه‌زراندنیان، سه‌ردانیكردن و پێشوازیكران له‌ لایه‌ن ( د.كاوه‌ محمود سكرتێری حزبی شیوعی و ژماره‌یه‌ك له‌ ئه‌ندامانی مه‌كته‌بی سیاسی و سه‌ردایه‌تی حزبی شیوعی كوردستان)، وێڕای پیرۆزبایی له‌حزبی شیوعی كوردستان  باس له‌ كێشەكانی نێوان حكومەتی كوردستان و عێراق كراو، جەختكرایەوە سەر یەكڕیزی و یەكدەنگی و یەكگوتاری سیاسی تەواوی لایەنە سیاسییەكان كوردستان و سەر لە نوێ‌ رێكخستنەوەی نێوماڵی كوردستان له ‌پێناو به‌دیهێنانی ته‌واوی مافه‌كانی گه‌لی كوردستان و پاراستنی ئه‌زموونه‌كه‌ی.

لەدوا تەوەردا‌ جه‌ختكرایه‌وه‌ سه‌ زیاتر پتەوكردنی پەیوەندی برایانەی نێوان هەردوولا.  

میدیا - هەولێر

مەكتەبی سیاسی یەكێتی نەتەوەیی دیموكراتی كوردستانYNDK، به‌بۆنه‌ی (29)ساڵه‌ی راگه‌یاندنی حزبی شیوعی كوردستان له ‌مێژووی خه‌باتی (88) ساڵه‌ی دامەزراندنیان په‌یامی پیرۆزباییان ئاڕاسته‌ ده‌كات و هیوای سه‌ركه‌وتنی زیاتر بۆ حزبی شیوعی كوردستان ده‌خوازێ و له‌پیامه‌كه‌ هاتووه‌ یه‌كریزی و ته‌بایی سه‌رجه‌م حزبی و لایه‌نه‌كان ‌زامنی به‌ده‌ستهێنانی مافه‌كانی گه‌لی كوردستان و پاراستنی ده‌ستكه‌وته‌كانه‌.

ده‌قی په‌یامی پیرۆزباییه‌كه‌:

بۆ بەڕێز مەكتەبی سیاسی حزبی شیوعی كوردستان

بابەت / په‌یامی پیرۆزبایی

سڵاوی سەرخۆبوون‌و ئازادی ...

     بەبۆنەی(29)ساڵه‌ی راگه‌یاندنتان له ‌مێژووی خه‌باتی (88) ساڵه‌ی دامەزراندنی حزبتان (حزبی شیوعی كوردستان) بەناوی خۆمان‌و تەواوی ئەندام‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر پێشڤەچوونتان .

بەڕێزان: حزبتان (حزبی شیوعی كوردستان) لەماوەی تەمەنی خەبات و تێكۆشانیدا، وەك لایەنێك لە گۆڕەپانی سیاسی باشووری كوردستان جێ‌ پەنجەی لەخەبات دژی داگیركەران و دوژمنانی كوردستان هەبووەو هەموو كات خەباتی كردووە بۆ بەدیهێنانی مافەكانی گەلی كوردستان، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێزو لایەنەكانی كوردستانە بۆ بەدیهێنانی تەواوی مافەكانی گەلەكەمان و پاراستنی دەستكەوتەكانمان.

 لەم بۆنەیەتاندا جارێكی  تر جەخت  دەكەینەوە سەر زیاتر توندوتۆڵكردنی پەیوەندی  برایانەی نێوانمان و سەرجەم هێز و لایەنەكانی هەموو كوردستان .

هەر سەركەوتوو بن .... لەگەڵ رێزماندا.

مەكتەبی سیاسی

یەكێتی نەتەوەیی دیموكراتی كوردستان YNDK

30-6-2022ی زایینی

 میدیا- هه‌ولێر
  مه‌كته‌بی سیاسی یه‌كێتی نه‌ته‌وه‌یی دیموكراتی كوردستانYNDK؛ پێشوازی له‌ شاندێكی بزووتنه‌وه‌ی دیموكراتی گه‌لی كوردستان  ده‌كات، سەبارەت بە رەوشی سیاسی كوردستان و عێراق و پەیوەندی برایانەی نێوان هەردوولا و چەند پرسێكی دیكە گفتوگۆیان كرد .
كاتژمێر 4:30ی ئێواره‌ی رۆژی سێشەممە رێكه‌وتی 28-6-2022، شاندێكی مه‌كته‌بی سیاسی یەكێتی نەتەوەیی دیموكراتی كوردستانYNDK كە پێكهاتبوو لە هەڤاڵان (د. شاخەوان خالید کارگێڕى مەکتەبى سیاسى و شاکر هاشم ئەندامی كۆمیتەی سەركردایەتی و جه‌لال سمایل کارگێڕى مەکتەبى ناوەندى پەیوەندییەکان و ارسلان صابر عبدالله ئه‌ندامی په‌یوه‌ندییه‌كان)، پێشوازییان له‌ شاندێكی بزووتنه‌وه‌ی دیموكراتی گه‌لی كوردستان كرد، كه‌ پێكهاتبوو  له‌ هاوڕێیان (قهار محمد ئه‌ندامی مەکتەبى سیاسى و به‌رپرسی په‌یوه‌ندییه‌كان و مامۆستا خالد حسن و سالار محمد ئه‌ندامانی مه‌كته‌بی په‌یوه‌ندییه‌كان).
 لەدیدارێکه‌دا باس لە رەوشی سیاسی كوردستان و دواپێشڤەچوون و پێشهات و گۆڕانكارییەكانی ئه‌قلیمی و ناوچەكە و یەكڕیزی و یەكدەنگی گەلی كوردستان و تەواوی هێزو لایەنە سیاسى و پێكهاتەكان كرا بۆ پاراستن و چەسپاندنی دەستكەوتەكان و به‌دەستهێنانی مافەكانی گەلی كوردستان‌، هەر لە دیدارەكەدا هەردوولا هاوڕابوون کەوا ناوەندى سیاسى کوردستان پەرش و بڵاوەو پێویستى بەرێکخستنەوە هەیە بۆ زیاتر خزمه‌تكردنی جه‌ماوه‌ری كوردستان.
لەدوا تەوەری دیدارەكەشدا جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.