yndk
میدیا - سۆران
پاشنیوەڕۆى ئەمڕۆ ٢٥ / ١١ / ٢٠٢٢ سکرتێرى گشتیى YNDKبە یاوەرى شاندێکى باڵاى YNDKلە شارى سۆران ئامادەى رێوڕەسمى پرسەى خوالێخۆشبوو (قادر سادق سەید) بوون، پرسەو سەرەخۆشى خۆیان و سەرکردایەتى YNDKیان بە بنەماڵەى خوالێخۆشبوو راگەیاند.
پاشنیوەڕۆى ئەمڕۆ هەینى، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بەیاوەری هەڤاڵان (د. شاخەوان خالید کارگێڕى مەکتەبى سیاسى و قەهار تاهیر ئەندامی مەكتەبی سیاسی و شاکر هاشم ئەندامی كۆمیتەی سەركردایەتی YNDK، لە شارى سۆران ئامادەى رێوڕەسمى پرسەى خواڵێخۆشبوو قادر سادق سەید کارگێڕى هەرێمى سۆرانى یەكێتی نەتەوەیی دیموكراتی كوردستان YNDKبوون و، بەگەرمى لەلایەن بەڕێزان بنەماڵەو خزمانى خوالێخۆشبوو و هەڤاڵ پاڵە گەردى بەرپرسى هەرێمى سۆرانى یەكێتی نەتەوەیی دیموكراتی كوردستان YNDK و کارگێڕ و ئەندامانى هەرێمى سۆرانى YNDK پێشوازیکران، سکرتێرى گشتیی YNDK پرسەو سەرەخۆشى و هاوخەمى خۆیان و سەرکردایەتیى YNDK یان بە بنەماڵەى خوالێخۆشبوو راگەیاند و هیوایان خواست ئەوە دواناخۆشى بنەماڵە بەڕێزەکەیان بێت.
بنەماڵەى خوالێخۆشبوو خۆشحاڵى خۆیان بۆ ئەو بەشدارى و بەسەرکردنەوە و هاوخەمییەى سکرتێرى گشتیى YNDKو شاندى سەرکردایەتى YNDK دەربڕى و سوپاسیان کردن.
غفور مخموري في الاجتماع الموسع للأحزاب الكوردستانية: يجب محو آثار الأدارتين ونجعل من كوردستان منطقة واحدة ومن الحكومة الكوردستانية حكومة موحدة وقوية
تشرين2/نوفمبر 25, 2022
پەیامى هاوخهمی مهكتهبی سیاسیی YNDKبهبۆنهی كۆچی دوایی مامۆستا (قادر صادق سید) كارگێڕی ههرێمی سۆرانی یهكێتی نهتهوهیی دیموكراتی كوردستانYNDK
تشرين2/نوفمبر 25, 2022بهڕێزان بهرپرس و كارگێر و ههڤاڵانی ههرێمی سۆرانیYNDK
بهرێزان بنهماڵه و خزمان و كهسوكاری خوالێخۆشبوو مامۆستا (قادر صادق سید)
بەخەم و پەژارەیەكی زۆرەوە هەواڵی كۆچی دوایی مامۆستا (قادر صادق سید) كارگێڕی ههرێمی سۆرانیYNDK رادهگهیهنین كه بهجهڵتهی مێشك كۆچی دوایی كرد، بەناوی خۆمان و ئەندامانی مەكتەبی سیاسی و كۆمیتەی سەركردایەتی و تهواوی ئەندامانی یەكێتی نەتەوەیی دیموكراتی كوردستان YNDK پرسە و سەرەخۆشی خۆمان ئاڕاستەى بەڕێزتان و خانەواده و تەواوى خزمان دەكەین، كۆچی دوایی مامۆستا (قادر صادق سید) دڵتهنگ و خهفهتباری كردین لهبهر ئهوهی مامۆستا كهسێكی ناسراو و چاڵاكی ههرێمی سۆرانی YNDK بوو ، لە یەزدانی مەزن نزا دهكهین دڵنەوایی و ئارامی بە هەموو لایەكمان ببەخشێت و خوالێخۆشبوویش بخاتە بەر رەحمەتی دلۆڤانی خۆی و به بهههشتی شاد بكات...... انا لله وانا الیه راجعون.
مهكتهبی سیاسی
یەكێتی نەتەوەیی دیموكراتی كوردستان YNDK
25/11/2022
میدیا - دوکان :
ئەمڕۆ پێنجشەممە 24ی تشرینی دووەمی 2022 ، غەفوور مەخموورى سکرتێرى گشتیى یەکێتى نەتەوەیى دیموکراتى کوردستان YNDK لەسەر بانگهێشتی بافڵ جەلال تاڵەبانی سەرۆکی یەکێتیی نیشتمانیی کوردستان لە ھاوینەھەواری دوکان لە ماڵی مام جەلال تاڵەبانى، بەشدارى کۆبوونەوەی لوتکەی لایەنە سیاسییەکانی ھەرێمی کوردستانى کرد، ئامانج لە کۆبوونەوەکە خورتکردنى دیالۆگی نیشتمانی بوو بۆ یەکڕیزی بۆ چارەسەرکردنی کێشەکان لە باشوورى کوردستان و عێراق و، گفتوگۆکردن لەسەر دوایین گۆڕانکاری و پێشھاتە سیاسی و ئابووری و ئەمنییەکانی کوردستان و عیراق و ناوچەکە بوو.
لە کۆبوونەوەکەدا غەفوور مەخموورى سکرتێرى گشتیى YNDK روانینى YNDK ى خستەڕوو و وتى : (پێویستە هەموو لایەکمان کاربکەین کەوا شوێنەوارى دوو ئیدارەیى نەهێلین و هەموو کوردستان بکەین بە یەک زۆن و حکومەتى کوردستان بکەین بە حکومەتێکى یەکگرتوو و بەهێز کەوا ئیدارەى هەموو کوردستان بکات و، خاوەن یەک لەشکرى یەکگرتوو بین بۆ ئەمەش پێویستە بە زووترین کات هێزى پێشمەرگەى کوردستان یەکبخرێتىەوە، هەروەها پێویستە هێزەکانى پۆلیس و دەزگاکانى ئاسایش و دەزگا هەواڵگرییەکان یەکبخرێنەوەو لەژێر رکێفى حکومەتدابن نەک حزبەکان، هەروەها پێویستە هەموو لایەکمان کاربکەین بۆ داڕشتنەوەى پرۆژەى دەستوورى کوردستان، ناکرێ تا سەر بێ دەستوور بمێنینەوە.).
هەروەها مەخموورى بۆ چارەسەرکردنى پرسى دارایى و کۆکردنەوەى داهاتەکانى کوردستان وتى: (پێویستە حکومەتى کوردستان سندوقى داهاتى نەتەوەیى دابمەزرێنێت و هەموو داهاتەکانى کوردستان، داهاتى نەوت و سنوورەکان و داهاتەکانى ناوخۆ بهێنرێنەوە ئەو سندوقەو حکومەتى کوردستان بەپێى پێویستى ناوچەکانى کوردستان سەرفیان بکات و بیانخاتە خزمەتى گەلى کوردستان.).
سکرتێرى گشتیى YNDK سەبارەت بە چارەسەرکردنى گرفت و کێشەکانى نێوان کوردستان و عێراق وتى: (کێشەى ئێمە لەگەڵ عێراق کێشەیەکى نەتەوەیى و نیشتمانییە نەک کێشەیەکى حزبى بۆیە پێویستە شاندى کوردستان لەگەڵ عێراق لە گفتوگۆدابن نەک شاندى حزبى و هەر حزبە کە بە تەنها روو لە بەغدا دەکات ئەوە کارێکى هەلەیەو پێویستە راستبکرێتەوە.)، سەبارەت بە داواى عێراق بۆ هێنانى هێزى عێراقى بۆ سەر سنوورەکان، مەخموورى وتى : (گەڕانەوەى هێزى عێراق بۆ سەر سنوورەکان هەرەشەیە بۆ سەر ئەمنییەتى کوردستان و نابێت بەو داوایەى عێراق رازى بین.).
شایانى باسە لە کۆبوونەوەکەدا جەخت لە توندوتۆڵکردنی پەیوەندی نێوان ھێزو لایەنە کوردستانییەکان کرایەوەو بەپێویست زانرا ھەنگاوی کرداری خێرا بۆ چارەسەرکردنی کێشەکان بنرێت، بەشدارانى کۆبوونەوە ھاوڕابوون لەسەر زەمینەخۆشکردن بۆ فراوانکردن و بەردەوامی کۆبوونەوەی لایەنە سیاسییەکانی کوردستان و، پەرەپێدانی پەیوەندییەکان و یەکخستنی ھێزو تواناکان دوور لە تێڕوانینی حزبی بەمەبەستی چارەسەرکردنی ئەو کێشانەی رووبەڕووی واقیعی کوردستان و عیراق بۆتەوە، بۆ ئەوەى بتوانین بەسەر تەحەددییەکاندا زاڵبین.
لە بەشێکی دیکەى کۆبوونەوەی ھاوینەھەواری دوکان، كۆی لایەنەکان جەختیانکردەوە لە بەردەوامی دیالۆگی لایەنە سیاسییەکان بە ئامانجی گەیشتن بە پرۆژەیەکی ھاوبەشی کوردستانى بۆ یەکڕیزی نیشتمانی.
كۆبوونەوەكە هەڵوەستەی جددی لەسەر خراپی و نالەباری ژیان و گوزەرانی خەڵک كرد و، روونکرایەوە کە ژیان و دۆخی خەڵک گەیشتۆتە ئەو ئاستەی ھەموو لایەنە سیاسییەکان ھەنگاوبنێن و ھاوکاربن بۆ چارەسەرکردنی کێشەکان و باشترکردنی ژیانی ھاوڵاتییان و ھەرێمی کوردستان لەڕووی ئابووری و سیاسی و ئەمنییەوە.
تۆڕی هاوبهشی رێكخراوهكانی ئافرهتان سهردانی سكرتێری گشتی یهكێتی ئافرهتانی كوردستان دهكهن
تشرين2/نوفمبر 23, 2022میدیا- ههولێر
ئهمڕۆ چوارشهممه رێكهوتی 23-11-2022 تۆری هاوبهشی رێكخراوهكانی ئافرهتانی كوردستان بهمهبهستی تاووتوێكردنی پرسی ئافرهتان و پیرۆزبایی سهردانی (د.ڤیان سلێمان) سكرتێری گشتی یهكێتی ئافرهتانی كوردستان دهكهن.
ئارهزوو جهبار سكرتێری بزووتنهوهی ئافرهتانی نهتهوهیی كوردستانBANK بهشدار بوو، مهبهستی سهردانیهكه پیرۆزبایی بوو له (د.ڤیان سلێمان) بهبۆنهی سهركهوتنی چواردهمین كۆنگرهی پارتی دیموكراتی كوردستان و بهدهستهێنانی پۆستی ئهندامی كۆمیتهی ناوهندی لهلایهن بهرێزیانهوه، ئهمهش ئهوه دهگهیهنێ ئافرهتان له گۆرهپانهكه رۆلیان زیاتر بووه و ئافرهتان به یهكسانی دهتوانن بهشدار بن لهبهڕێوهبردن و داهێنان، لهبهرامبهردا (د.ڤیان سلێمان) سكرتێری گشتی یهكێتی ئافرهتانی كوردستان سوپاسی رێكخراوهكانی نێو تۆڕی هاوبهشی رێكخراوهكانی ئافرهتانی كرد و ئاماژهی بهوه كرد ههمووان بهیهكهوه دهتوانن داكۆكیكاری مافهكانی ئافرهتان بن و له داهاتوو زیاتر بهیهكهوه كاردهكهن بۆ رووبهرووی دیاردهی توندوتیژی دژ بهئافرهتان و كهمكردنهوه و نههێشتنی ههموو جۆره كوشتن و توندوتیژییهك له دژی ئافرهتان.
سكرتێری گشتیی YNDK یەکگرتنەوەى کۆمەڵەى شۆڕشگێڕى زەحمەتکێشانى کوردستانی ئێران پیرۆز دەكات
تشرين2/نوفمبر 23, 2022
میدیا - هەولێر:
پێشنیوەڕۆی ئەمڕۆ 22 / 11 / 2022، سكرتێری گشتیی YNDK سەردانی دیوانى پارێزگاى هەولێر-یان كردو، سەبارەت بە رەوشى پارێزگاى هەولێر لەگەڵ پارێزگارى هەولێر گفتوگۆیان کرد و، وێڕای دەستخۆشى و پیرۆزبایی هیوای سەركەوتن و پێشڤەچوونی زیاتریان بۆ پارێزگارى هەولێر خواست.
پێشنیوەڕۆی ئەمڕۆ سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بەیاوەری هەڤاڵان (قەهار تاهیر سەعید ئەندامى مەکتەبى سیاسى و شاکر هاشم ئەندامی کۆمیتەى سەرکردایەتى و بەرپرسى هەرێمى هەولێرو فاخیر نانەکەلى کارگێڕى مەکتەبى ناوەندى پەیوەندییەکانى YNDK)، سەردانی دیوانى پارێزگاى هەولێر-یان كردو، بەگەرمی لەلایەن بەڕێز (ئومێد خۆشناو پارێزگارى هەولێر) پێشوازی كران، لە سەردانەكەدا سكرتێری گشتیی YNDK وێڕاى دەستخۆشى لە شێوەى کارکردنى پارێزگارى هەولێر پیرۆزبایی لێکردن و هیوای سەركەوتن و پێشڤەچوونی زیاتری بۆ خواستن، هەروەها سەبارەت بە رەوشى شارى هەولێر سەرنج و روانینى YNDKى خستەڕوو و داواى کرد کەوا هەوڵبدرێت هیچ دیوارێک لە نێوان پارێزگارو دانیشتوانى هەولێر نەبێت، لەبەرامبەردا پارێزگارى هەولێر وتى بەدڵنیاییەوە هەوڵدەدەم کەوا لە خزمەت تەواوى خەڵکى هەولێر دابم، هەروەها سوپاسی ئەو سەردانە و هەڵوێستەكانی سكرتێری گشتی و سەركردایەتیی YNDK ی سەبارەت بە پرسە نەتەوەیى و نیشتمانییەکان كرد.
شایانى باسە لە کۆتایى دیدارەکەدا جەختیانكردەوە سەر پتەوكردن و پێشخستنی پەیوەندییەكانی نێوان هەردوو لا لە پێناو زیاتر خزمەتكردنی گەلی كوردستان.
پەیامى هاوخەمى سکرتێرى گشتیى YNDK بۆ کەس و کارى قوربانیانى کارەساتى شارى دهۆک
تشرين2/نوفمبر 22, 2022
میدیا- ههولێر
مهكتهبی سیاسی یەكێتی نەتەوەیی دیموكراتی كوردستان YNDK پێشوازی له شاندێكی پارتى دیموکراتى گەلانHDP دهكات، لەدیدارەكەدا باس لە رەوشی سیاسی كوردستان و ناوچهكه و پتەوكردنی پەیوەندی نێوان ههردوولا كرا.
ئهمڕۆ دووشهممه رێكهوتی 21-11-2022 شاندێكی پارتى دیموکراتى گەلانHDP كه پێكهاتبوو له( ههڤاڵ ناهیده و ههڤاڵ حیكمهت و ههڤاڵ عبدالرحمن له نوێنهرایهتی HDP له ههولێر) ، سهردانی مهكتهبی سیاسی YNDK یان كرد، پێشوازی كران لهلایهن ههڤاڵان ( د. شاخەوان خالید کارگێڕى مهكتهبی سیاسی و فاخر نانهكهلی و جهلال سمایل كارگێرانی مهكتهبی ناوهندی پهیوهندییهكان ).
له دیدارەکەدا باس لە رەوشی سیاسی كوردستان و دوا پێشهات و گۆڕانكارییەكانی ناوچەكە و ئیدانهی هێرشكاری و سنوور بهزاندن و هێرشی درۆنی و مووشهكی ئێران و توركیا بۆ سهر باشوور و رۆژئاوای وڵات و بهشهكانی دیكهی كوردستان كرا، ههروهها جەختكرایەوە كرایهوه سهر زیاتر لهیهك نزیكبوونەوەی لایەنە سیاسییەكانی كوردستان بۆ یەكڕیزی و یەكدەنگی كوردان بۆ پاراستن و پهدیهێنانی مافهكانی گهلی كوردستان.
لەدوا تەوەری دیدارەكەشدا باس لە پتەوكردن و پێشڤەبردنی پەیوەندی نێوان هەردوولا و تهواوی لایهنه سیاسییهكان كرا لەپێناو زیاتر خزمەتكردنی دۆزی رەوای گەلهكهمان و سهربهخۆیی كوردستان.
بزووتنهوهی ئافرهتانی نهتهوهیی كوردستانBANK بهشداری كۆبوونهوهی تۆڕی رێكخراوهكانی ئافرهتان دهكات
تشرين2/نوفمبر 21, 2022میدیا- ههولێر
ئهمڕۆ دووشهممه رێكهوتی 21-11-2022 تۆری هاوبهشی رێكخراوهكانی ئافرهتانی كوردستان له كۆبوونهوهكیان رهوشی ئافرهتان و ئهو توندوتیژییهی لهدژیان دهكرێ تاووتوێ دهكهن.
لهم بارهیهوه خاتوو( ئارهزوو جهبار- سكرتێری بزووتنهوهی ئافرهتانی نهتهوهیی كوردستانBANK ) كه له كۆبوونهوهكه بهشدار بوو به میدیای راگهیاند: "ئهمڕۆ ژمارهیهك له رێكخراوهكانی ئافرهتان لهشاری ههولێر كۆبوونهوه بۆ تاوتوێكردنی پرسی نههێشتنی توندوتیژی دژی ئافرهتان و چارهسهركردنی پرسی ژنكوژی و نههێشتنی ئهو دیارده قێزهوهنه".
ههروهها وتی "توندوتیژی دژی ئافرهتان بهربهستێكی گهورهیه لهبهردهم بهرهوپێشچوونی ئافرهتان ، له كاتێكدا تێبینی دهكهین توندو تیژی دژ بهئافرهتان بهردهوامی ههیه و ئافرهتان به بیانووی جۆراوجۆر دهكوژرێن، بۆیه پێویسته ئافرهتان و رێكخراوهكان رووبهرووی ئهم دیاردهیه و توندوتیژییه ببنهوه لهپێناو نههێشتنی ههموو جۆره كوشتن و توندوتیژییهك له دژی ئافرهتان"
