yndk
پەیامى سەرەخۆشى سکرتێرى گشتیى YNDK بۆ بنەماڵەى خوالێخۆشبوو (جەوهەر کوێخا عەلى مەلاقەرە)
كانون1/ديسمبر 09, 2020
غفور مخموري يعزي عائلة الفقيد المناضل والمفكر (الإمام الصادق المهدي) وقيادة حزب الأمة القومي السوداني
تشرين2/نوفمبر 28, 2020ميديا - اربيل:
وجّه غفور مخموري السكرتير العام للاتحاد القومي الديمقراطي الكوردستاني YNDK باسمه وباسم المكتب السياسي واللجنة القيادية للاتحاد القومي الديمقراطي الكوردستاني YNDK برقية تعزية الى قیادة حزب الأمة القومي السوداني وعائلة الفقيد المناضل (الإمام الصادق المهدي رئيس حزب الأمة القومي السوداني)، وفيما يأتي نص البرقية :
اختي العزيزة المناضلة د. مريم المنصورة الصادق المهدي نائب رئيس حزب الأمة القومي السوداني
الرفاق الأعزاء في المكتب السياسي والهيئة المركزية لحزب الأمة القومي السوداني
تحية اخوية وبعد ...
ببالغ الحزن والأسى تلقينا نبأ وفاة القائد والمفكر السوداني الذي سطر بنضاله تاريخاً ومسيرة والدكم الفاضل المناضل (الإمام الصادق المهدي رئيس حزب الأمة القومي السوداني) وهو رمز الشخصية الثورية المناضلة من اجل قضية شعبه ووطنه، باسمي وباسم المكتب السياسي واللجنة القيادية للاتحاد القومي الديمقراطي الكوردستاني YNDK، نقدم لكم احر تعازينا القلبية، نعزيكم بمصابكم الجلل كما ونعزي العائلة الكريمة وجميع اعضاء ومؤيدي حزب الأمة القومي السوداني، ونشارككم ألمكم وحزنكم، نبتهل الى الله العظيم ان يتغمده برحمته ويجعل مثواه الجنة وأن يلهمكم الصبر والسلوان.
انا لله وانا اليه راجعون.
اخوكم
غفور مخموري
السكرتير العام
للاتحاد القومي الديمقراطي الكوردستاني YNDK
27 / 11 / 2020
سكرتێری گشتیی YNDK پێشوازى لە شاندى باڵاى کۆنگرەى نەتەوەیى کوردستان KNK دەكات
تشرين2/نوفمبر 26, 2020غەفوور مەخموورى : پێویستە گرژییەکان لە رێگەى دیالۆگەوە چارەسەربکرێن و هەموو لایەکمان هەوڵى یەکڕیزى و لەهەڤهاتن بدەین
ئەحمەد قەرەمووس : ئامانجمان ئەوەیە کەوا بتوانین رۆڵ بگێڕین بۆ چەسپاندنى ئاشتى و دوورکەوتنەوە لە شەڕ
میدیا - هەولێر :
پێشنیوەڕۆى ئەمڕۆ ٢٦ / ١١ / ٢٠٢٠، سكرتێری گشتیی YNDK پێشوازی شاندى باڵاى کۆنگرەى نەتەوەیى کوردستان KNK كردو، لەدیدارەكەدا باسیان لە رەوشی سیاسى كوردستان و یەکێتى نەتەوەیى و یەکڕیزى گەلى کوردستان كرد.
پێشنیوەڕۆى ئەمڕۆ پێنجشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسیی YNDK لە شاری هەولێر، بەئامادەبوونى هەڤاڵان (قههار تاهير سهعيد ئەندامی مەكتەبی سیاسی و فاخیر نانەکەلى كارگێڕى مەکتەبى ناوەندى پەیوەندییەکان و جەلال سمایل ئەندامى مەکتەبى ناوەندى پەیوەندییەکانى YNDK) پێشوازیكرد لە شاندى باڵاى کۆنگرەى نەتەوەیى کوردستان KNK کە پێکهاتبوو لە بەڕێزان (ئەحمەد قەرەمووس هاوسەرۆکى KNK و ئاسیا عەبدوڵڵا و زەینەب مستەفا ئەندامانى کۆنسەى رێڤەبەرى KNK)، لەدیدارەكەدا هاوسەرۆکى KNK ئامانجى سەردانەکەیانى بۆ باشوورى کوردستان خستەڕوو وتى : (ئامانجى ئێمە وەکو شاندى KNK لە سەردانمان بۆ باشوورى کوردستان بۆئەوەیە کەوا بتوانین رۆڵ بگێڕین بۆ چەسپاندنى ئاشتى و دوورکەوتنەوە لە شەڕو راوێژێکى نەتەوەیى لەم رووەوە بێنینە ئارا.)، سکرتێرى گشتیى YNDK وێڕاى بەخێرهاتنکردنى شاندى میوان دەستخۆشى ئەو سەردان و دەستپێشخەرییەى لە شاندى KNK کردو هیواى سەرکەوتنى بۆ خواستن و وتى : (ئێمە وەکو YNDK باوەڕمان وایە کەوا پێویستە گرژى و ناکۆکى نێوان لایەنە سیاسییەکانى کوردستان لەسەر بنەماى دیالۆگ و لەیەکترگەیشتن چارەسەربکرێن، لەبەرئەوەى شەڕ جگە لە ماڵوێرانى سوودێکى دیکەى نیە و لە ئەنجامدا بە سوودى دوژمن و زیانى گەلى کوردستان تەواو دەبێت، بۆیە پێویستە هەموو لایەکمان هەوڵى یەکریزى و لەهەڤهاتن بدەین.)، لە تەوەرێکى دیکەى دیدارەکەدا باس لە رەوشی سیاسی هەر چوار بەشى كوردستان و دواپێشڤەچوون و پێشهات و گۆڕانكارییەكانی ناوچەكە كراو, جەختكرایەوە سەر یەكڕیزی و یەكدەنگی گەلی كوردستان بە تەواوی هێزو لایەنە سیاسى و پێكهاتەكانییەوە بۆ پێشوازیكردن لەو ئەگەرو پێشهات و گۆڕانكارییانەی كە كە لەسەر ئاستی ناوچەكەدا دێنە پێشەوەو یەكێتی و یەكدەنگی و هاوهەڵوێستی لەو گۆڕانكارییانەدا بە فاكتەری سەرەكی پاراستن و چەسپاندنی دەسكەوتەكان و وەدەستهێنانی زیاتری مافەكانی گەلی كوردستان وەسفكرا, هەر لە دیدارەكەدا هاوسەرۆکى KNK سوپاس و پێزانینی خۆیانی بە سكرتێری گشتی و سەركردایەتیی YNDK راگەیاند سەبارەت بە هەڵوێستەكانی YNDK لە پرسە نەتەوەیى و نیشتمانییەكاندا. لەدوا تەوەری دیدارەكەشدا, جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.
نوێنهری YNDK بهشداری كۆنفرانسی راوێژ بۆ پهرهپێدانی دیالۆگی ناوخۆیی دهكات
تشرين2/نوفمبر 21, 2020میدیا - ههولێر
یهكێتی پهرلهمانتارانی كوردستان و كۆنگرەی نەتەوەیی كوردستان (KNK) كۆنفرانسی راوێژ بۆ پهرهپێدانی دیالۆگی ناوخۆیی به بهشداری ژمارهیهك حزب و لایهن و كهسایهتی و سیاسهتوان و پهرلهمانتار و رۆشنبیر و ئهكادیمی ساز دهكات.
رۆژی شهممه رێكهوتی 21-11-2020 به بهشداری ژمارهیهك حزب و لایهن و كهسایهتی و سیاسهتوان و پهرلهمانتار و رۆشنبیر و ئهكادیمی له رێگهی بهرنامهی زووم بهشێوهی ئۆنلاین یهكێتی پهرلهمانتارانی كوردستان و كۆنگرەی نەتەوەیی كوردستان (KNK) كۆنفرانسی راوێژ بۆ پهرهپێدانی دیالۆگی ناوخۆیی سازدهكهن، لهم كۆنفراسه شاخهوان خالید كارگێڕی مهكتهبی سیاسی یهكێتی نهتهوهیی دیموكراتی كوردستان YNDK به شێوهی ئۆنلاین بهشدار بوو.
لهم كۆنفرانسه گفتوگۆ لهسهر رهوشی سیاسی كوردستانی مهزن و ناوچهكه و ئاشتهوایی نێوان لایهنهكان كرا، بهشداربووان له كۆنفرانسهكه به وتهو پێشنار و سهرنج و وتارهكانیان بهشداربوون و كۆنفرانسهكه لهكاتژمێر 11ی پێش نیوهڕۆ تا 8:30 شهو بهردهوام بوو به سروودی ئهی رهقیب كۆتایی بهكارهكانی هێنرا، بۆ ئهم مهبهسته شاخهوان خالید وتاری مهكتهبی سیاسی یهكێتی نهتهوهیی دیموكراتی كوردستان ( YNDK)ی خوێندهوه:
دهقی وتاری مهكتهبی سیاسی یهكێتی نهتهوهیی دیموكراتی كوردستانYNDK:
بهرێزان له لێژنهی ئامادهكاری كۆنفرانسی راوێژ بۆ پهرهپێدانی دیالۆگی ناوخۆیی
خوشكان ....برایان
سڵاوی سهرخۆبوون و ئازادیتان لێبێت....
بهناوی خۆمان و سكرتێرى گشتیى و مهكتهبی سیاسیی و سهركردایهتی یهكێتی نهتهوهیی دیموكراتی كوردستان YNDK بهبۆنهی بهستنی كۆنفرانسی راوێژ بۆ پهرهپێدانی دیالۆگی ناوخۆیی جوانترین و گەرمترین پیرۆزبایی لهخۆمان و ئهندامانی كۆنفرانس دهكهین و خوازیارین بهسهركهوتوویی دوور له ههموو فشار و به بهرگێكی كوردانهی راستهقینه گفتوكۆ لهسهر رهوشی كوردستانی مهزن و ئاشتهوایی و رێكخستنهوهی نێوماڵی كورد بكهین.
لهم قۆناغهدا گفتوگۆی نێوان لایهنهكانی ههموو بهشهكانی كوردستان زۆر گرنگ و پێویسته، بهڵام بهر لهههر شتێ پێویسته دیالۆگ دوور بێ له بهرگی حیزبایهتی و بهبهرگێكی نیشتمانی و نهتهوهیی دوور له بهرژهوهندی حیزبایهتی و بهرهچاوكردنی بهرژهوهندی باڵای گهلی كوردستان گفتوگۆ لهسهر پرسەکان بكهین و كێماسییهكان چارهسهربكهین و ههنگاوی كردهیی بۆ ئاشتهوایی و یهكێتی نهتهوهیی و سهربهخۆیی كوردستان بنێین.
ئهمڕۆ لهسهر ئاستی نێوخۆیی كێشه و گرفتی زۆر لهنێوان لایهنهكانی ههر بهشێك و له لایهكی دیكه له نێوان لایهنهكانی بهشهكانی دیكه ههیه و بووهته هۆی ئهوهی ههنگاو بۆ یهكێتی نهتهوهیی و كۆنگرهی نهتهوهیی ئهستهم بێت ههندێ جاریش باس له ههڵگیرسانی شهڕی ناوخۆ لهلایهن لایهنه كوردییهكان دهكرێ كه بهههموو شێوهیه و بهههموو لایهكمان دهبێ بهری لێبگرین و شهڕ لهنێوان لایهنهكان روونهدات، چونكه زهرهرمهندی یهكهم نهتهوهكهمان و دوژمنان و داگیركهران سوودی لێوهردهگرن، لهبهر ئهوه بارودۆخى ناوخۆیى کوردستان باش نییە و پەیوەندى نێوان پارچەکانى کوردستان و حیزبەکان لە ئاستێکى خراپدایە، و ناکۆکن و ئەوەندەى رەچاوى بەرژەوەندى حیزبى دەکەن نیو ئەوەندە رەچاوى بەرژەوەندى باڵاى نەتەوەیى و نیشتمانى ناکەن، بۆیه پێویستە رەچاوى بەرژەوەندى نەتەوەیى و نیشتمانى له پیشهوهی ههنگاوهكان بێ و بگەڕێینەوە سەر مێزى دیالۆگ و لەیەکترگەیشتن بۆ چارەسەرکردنى کێشەو گرفتەکان و رزگاربوونمان لە قەیرانەکاندا. بۆ ئەوەى بەهەموو لایەک دەستکەوتەکانى باشوور و رۆژئاوا بپارێزین و بهههموومان پێشیان بخەین پێویستە هاوکار و پشتیوانى یەکتر بین.
بۆ دەربازکردنى ئەم رەوشە نالەبارە و رێکخستنەوەى ناوەندى سیاسى کوردستان و داڕشتنى ستراتیژێکى نەتەوەیى، پێویستە هەموو لایەکمان بەرژەوەندى نەتەوەیى و نیشتمانى لەبەرچاو بگرین و کار بۆ یەکێتى نەتەوەیى و یەکڕیزى نیشتمانى بکەین و پێویستە لە نزیکترین کاتدا کار بکەین بۆ بەستنی كۆنگرەیەكی نەتەوەیی سەرتاسەرى بۆ تەواوی هێزو لایەنە سیاسییەكانی ههموو بهشهكانی كوردستان، ئەمەش ئەركێكی نەتەوەیی و نيشتمانى بەپەلەی ئەم قۆناخەی خەباتى بزاڤی رزگاریخوازی نیشتمانی كوردستانە، لەبەرئەوەی بەستنی ئەم كۆنگرەیە لەم كاتەدا خزمەتێكی زۆر بە دۆزی رەوای گەلی كوردستان دەگەیەنێت بۆ داڕشتنی ستراتیژییەتێكی نەتەوەیی یەكگرتوو بۆ كوردستان و داڕشتنی كارنامەیەكی گونجاو بۆ ئەم قۆناخەی خەبات لەهەر پارچەیەكی كوردستاندا، بۆ ئەمەش پێویستە رەچاوی تایبەتمەندی پارچەكانی كوردستان بكرێت و پێویستە هەموو لایەكمان لەم پێناوەدا كاربكەین و دوای نەخەین و بیكەین بە چەترێكی نەتەوەیی و لەوێوە بە یەكدەنگی كار بۆ دامەزراندنی دەوڵەتی كوردستان بكەین, لەبەرئەوەی تاكە چارەسەری پرسی كورد دامەزراندنی دەوڵەتی كوردستانە و, بێ دامەزراندنی دەوڵەت بۆ گەلی كوردستان زۆر زەحمەتە رۆژهەڵاتی ناڤین هێمنی و ئارامی بەخۆیەوە ببینێت.
ئێمە له یهكێتی نهتهوهیی دیموكراتی كوردستان YNDK وەك هەمیشە و جارێکى دیکە پشتیوانی خۆمان بۆ خەبات و تێكۆشانی نەتەوەكەمان لەهەموو بەشەكانی كوردستان رادەگەیەنين, هەروەها لێرەوە بانگ لە تەواوى لایەنە ناکۆکەکانى کوردستان دەكەین كەوا كێشەو گرژی نێوانيان لەسەر بنەمای دیالۆگ و لەیەکترگەیشتن چارەسەربكەن، لەبەرئەوەی سەردەم سەردەمی دیالۆگ و لەیەكترگەیشتنە و زۆربەی كێشەكانی دونیایش لەسەر مێزی دیالۆگ چارەسەركراون و یەكلایی كراونەتەوە.
لەكۆتاییدا جارێكی دی هیوای سەركەوتن بۆ كۆنفرانسی راوێژ بۆ پهرهپێدانی دیالۆگی ناوخۆیی دەخوازین، ئومێد دەکەین گفتوگۆکانی سهركهوتووانه ئامانجی خۆی بپێكی و لێژنهیهك لهم كۆنفرانسه پێك بهێنرێت و سهردانی حزب و لایهنهكان بكات بۆ ئهوهی ئهگهری شهڕی خۆكوژی دووربخهینهوه و ئاشتی و تهبایی و برایهتی بكهینه سهره رمی كارهكانمان.
- نهمری و سهربهرزی بۆ شههیدانی رێی سەرخۆبوون و ئازادی كوردستان.
_ مردن و روو رهشی بۆ دوژمنان و داگیركهرانی كوردستان.
- بێته دی كوردستانێكی سهربهخۆ و ئازاد و یهكگرتوو دیموكرات.
مهكتهبی سیاسیی
یهكێتی نهتهوهیی دیموكراتی كوردستان YNDK
21-11-2020- ههولێر – باشووری کوردستان
میدیا - ههولێر
شاندێكی بزاڤی ئاشتی ناوخۆیی(بان) سهردانی YNDK دهكات و تاووتوێی رهوشی سیاسی كوردستان و ناوچهكه و ئاشتهوایی نێوان لایهنه كوردستانییهكان دهكهن .
رۆژی پێنج شهممه رێكهوتی 19/11/2020 شاندێكی بزاڤی ئاشتی ناوخۆیی(بان) كهپێكهاتبوو له بهرێزان ( د.عبدالقادر مجید جێگری سهرۆكی بزاڤی ئاشتی ناوخۆیی و عارف رهمهزان ئهندامی دهستهی سهرۆكایهتی بزاڤی ئاشتی ناوخۆیی ) سهردانی YNDK دهكهن و پیشوازیكران لهلایهن ههڤاڵان( شاخهوان خالید كارگێری مهكتهبی سیاسی YNDK و قههار تاهیر ئهندامی مهكتهبی سیاسی و شاكر هاشم ئهندامی سهركردایهتی و فاخیر نانهكهلی و جهلال سمایل كارگێڕانی مهكتهبی ناوهندی پهیوهندییهكان) لهدانیشتنهكه گفتوگۆ لهسهر رهوشی سیاسی كوردستان و ناوچهكه و جیهان كرا، لهم بارهیهوه شاندی بزاڤی ناوخۆ نامهیهكی كراوهیان ئاڕاستهی سكرتێری گشتی YNDK كرد سهبارهت به دهستپێشخهری بۆ ئاشتهوایی نێوان لایهنهكان.
لهم بارهیهوه شاخهوان خالید سوپاسی ئهو نامهیهی كرد و رایگهیاند: " بارودۆخی ئێستای كوردستان ههستیاره داگیركهران و دوژمنانی كوردستان به رێگهی جیاواز دژایهتی گهلی كوردستان و مافهكانمان دهكهن، بۆیه دهبێ ههموو لایهنهكان لهههموو بهشهكانی كورد یهكریز و یهكدهنگ بین و بهرهنگاری ئهو دژایهتی و دوژمنایهتی و داگیركارییه ببینهوه، ههروهها پێویسته حزب و لایهنهكانی كوردستانی كێشهكان بهگفتوگۆ و دیالۆگ چارهسهر بكهن و بهههموو لایهكمان پارێزگاری لهدهستكهوتهكانی گهلی كوردستان له باشوور و رۆژئاوای وڵات بكهین و بهرگی حیزبایهتی لهبهربكهینهوهو ههموومان پێشمهرگه و شهڕڤانی ئهو وڵاته بین بۆ سهرخستن و ئاواكردنی كوردستان و لهم بارهیهوه لهگهڵ بزاڤی ئاشتی ناوخۆیی(بان) و سهرجهم ئهو لایهنه ئاشتیخوازانه پاڵپشت و هاوكار دهبین و هههاههنگی دهكهین بۆ نههێشتنی ئهگهری شهڕی ناوخۆیی و چارهسهركردنی كیشهكان به رێگهی دیالۆگ و ئاشتی و دانیشتن ".
سەرۆك بارزانی، بە بۆنەی كۆچی دوایی د. فرسەت سۆفی، پارێزگاری هەولێر، پەیامێكی هاوخەمیی بڵاو كردەوە و رایگەیاند، لەدەستدانی گەنجێكی دڵسۆزی وەك د. فرسەت، خەسارەتێكی گەورەیە، كوڕێكی خۆم لەدەست دا.
ئەمەی خوارەوە دەقی پەیامەكەیە:
بە ناوی خودای بەخشندە و میهرەبان
هەواڵی كۆچی دوایی د. فرسەت سۆفی پارێزگاری هەولێر، زۆر خەمبار و دڵتەنگی كردم. خوالێخۆشبوو د. فرسەت سۆفی نموونەی لێهاتوویی و دڵسۆزی و دەستپاكی و، كادیرێكی نیشتیمانپەروەر و چالاك بوو كە لە ماوەیەكی كەمدا توانی خۆی بسەلمێنێ و جێگەی خۆی لەناو دڵی جەماوەردا بكاتەوە. لەدەستدانی گەنجێكی دڵسۆزی وەك د. فرسەت، خەسارەتێكی گەورەیە، كوڕێكی خۆم لەدەست دا.
سەرەخۆشی لە خۆمان و خانەوادە و كەسوكاری خوالێخۆشبوو د. فرسەت و هەموو هاوكارانی لە حكوومەت و پارێزگا و تەواوی خەڵكی شاری هەولێر دەكەم و لە خودای گەورە داواكارم جێگەی بەهەشت بێت و سەبر و ئارامی بە هەموو لایەك ببەخشێت.
انا للە و انا الیە راجعون
مەسعوود بارزانی
18ـی تشرینی دووەمی 2020
پەیامى سەرەخۆشى سکرتێرى گشتیى YNDK بۆ بنەماڵەى خوالێخۆشبوو (د. فرسەت سۆفى) پارێزگارى هەولێر
تشرين2/نوفمبر 18, 2020
پاراستنى باشوورى کوردستان ئەرکى نەتەوەیى و نیشتمانى و ئەخلاقى هەموو لایەکمانە
تشرين2/نوفمبر 17, 2020
نووسینى : غەفوور مەخموورى*
دەروازە
کوردستان و ناوچەکە لە رەوشێکى ناسک و هەستیاردان و، گەلى کوردستان بە قۆناخێکى زۆر چارەنووسسازدا دەرباز دەبێت، ئەم قۆناخە چارەنووسسازە پێویستى بە یەکێتى نەتەوەیى و یەکڕیزى نیشتمانى هەیە، بەداخەوە ماوەیەکە بارودۆخى ناوخۆیى کوردستان باش نییە و پەیوەندى نێوان پارچەکانى کوردستان و حیزبەکان لە ئاستێکى خراپدایە، لایەنە سیاسییەکانى بەشدار لە دەسەڵاتى باشوورى کوردستان ناکۆکن و ئەوەندەى رەچاوى بەرژەوەندى حیزبى دەکەن نیو ئەوەندە رەچاوى بەرژەوەندى باڵاى نەتەوەیى و نیشتمانى ناکەن، لایەنەکانى رۆژئاواى کوردستان کێشەیان هەیە و رێکناکەون، لە باکوورى کوردستان لە لایەک رژێمى تورکیا پرۆسەى ئاشتى بە بنبەست گەیاندووە و لەیەکى دیکەوە لایەنە سیاسییەکانى باکوور ناکۆکن، هەماهەنگى نەتەوەیى بۆ پشتیوانى و هاوکارى یەکدى وەکو پێویست نابینرێت، لە رۆژهەڵاتى کوردستانیش سەرەڕاى هەوڵەکان بۆ یەکگرتن و یەکدەنگى، یەکڕیزى و هەماهەنگى و کارنامەیەکى هاوبەش نییە، بۆ دەربازکردنى ئەم رەوشە نالەبارە پێویستە هەموو لایەکمان بەرژەوەندى نەتەوەیى و نیشتمانى لەبەرچاو بگرین و کار بۆ یەکێتى نەتەوەیى و یەکڕیزى نیشتمانى بکەین، بێگومان ئەم بارودۆخەى کوردستان لە هەموو لایەکمان دەخوازێ کەوا نزیکى یەکدى بین، بۆیە پێویستە لە نزیکترین کاتدا کار بکەین بۆ ئەنجامدانى کۆبوونەوەیەکى فراوان بۆ تەواوى هێزو لایەنە سیاسییەکان و بۆئەوەى لە کۆبوونەوەکەدا نەخشە رێگایەک بۆ دەربازبوون لە قەیرانەکان دابڕێژین.
پاراستنى باشوورى کوردستان ئەڕکى نەتەوەیى ونیشتمانى و ئەخلاقى هەموو لایەنە سیاسییەکانى کوردستانە
باشوورى کوردستان کە جێى ئومێدى هەموو کوردستانییانە، لەدواى راپەڕینى بەهارى ١٩٩١ بە کۆمەڵێ هەورازو نشێودا تێپەڕیوە، وەکو ئەزموونى حوکمدارى گەلى کوردستان بێ کێشەو بێ گرفت نەبووە، بەڵام سەرەڕاى ئاستەنگەکان توانیویەتى لەسەر پێى خۆى بوەستێ، بێگومان لە تەواوى جیهاندا حکومەت نیە بێ گرفت و بێ کێشە بێت، بەڵام کێشەو گرفتەکان لە کۆمەڵگایەکەوە بۆ کۆمەڵگایەکى دیکە جیان، ئەوەش دەگەڕێتەوە بۆ ئاستى تێگەشتن لە سیستەمى حوکمدارى لە هەر کۆمەڵگایەکدا.
سەرەڕاى هەموو کیشە و گرفتەکان پێشڤەچوونەکانى باشوور بەردەوامن، لە زۆر لاوە هەوڵدەدرێت گرفت و کێشەى زیاتر بۆ باشوور دروستبکرێت، لەلایەک هەڕەشەو هەڵوێستەکانى حکومەتى عێراق کەوا رۆژانە هەوڵدەدات خواستى خۆى بسەپێنێتە سەر حکومەتى کوردستان، دوا دژایەتى عێراقییەکان بە (سوننە و شیعەوە) بۆ گەلى کوردستان سیناریۆ و شانۆگەرییەکەى پەرلەمانى عێراق بوو لە بەرەبەیانى ١٢ - ١١ - ٢٠٢٠ کە دەنگیاندا بۆ تێپەڕاندنى یاساى وەرگرتنى قەرزو کورتهێنانى بوودجە، لەلایەکى دیکەوە هەرەشەو پاڵەپەستۆى وڵاتانى ناوچەکە و ناکۆکى ناوخۆیى نێوان لایەنە سیاسییەکان ئەمانە هەموو وایانکردووە کە باشوورى کوردستان رووبەڕووى کۆمەڵێ قەیران ببێتەوە، بۆ دەربازکردنى ئەم رەوشەى باشوور پێویستە هەموو هێزو لایەنەکان هاوکاربن و بەرژەوەندى نەتەوەیى و نیشتمانى رەچاوبکەن و لەڕێى دیالۆگ و لەیەکترگەیشتنەوە چارەسەرى ئەو گرفتانە بکەن کە دێنە پێشەوە، بێگومان بۆئەمەش راوێژێکى نەتەوەیى و نیشتمانى راشکاوانە پێویستە.
باشوورى کوردستان ؛ سەرەڕاى قەیران و گرفتەکان بۆتە ماڵێک بۆ کوردستانییان و، لەهەمان کاتدا بۆتە پەناگەیەکى ئارام بۆ تەواوى تێکۆشەران و ئازادیخوازان و لایەنە سیاسییەکانى پارچەکانى دیکەى کوردستان، ئەمەش وادەکات کە بەرەڤانیکردن و پاراستنى باشوورى کوردستان ببێتە ئەرکێکى نەتەوەیى و نیشتمانى و ئەخلاقى تەواوى هێزو لایەنە سیاسییەکانى هەر چوار پارچەى کوردستان و تەواوى کوردستانییان، لەسەر هەموو لایەکمانە لەسەر ئاستى کوردستانى مەزن هەوڵبدەین پارێزگارى لەو بەشە ئازادکراوەى کوردستان بکەین و هاوکارو پشتیوانى بین.
لە باشووری وڵاتدا دەسەڵاتێكی كوردستانی هەیە و هەموو كورد بەچاوی ئومێدەوە لێیدەڕوانن، بۆیە پێویستە لەسەر ئاستی نەتەوەیی و نیشتمانی هەموو لایەک هاوکار و پشتیوان بین و خەبات بكەین بۆ پاراستن و چەسپاندن و پێشڤەبردن و سیستماتیككردنی دەزگاو دامەزراوەكانی باشووری كوردستان، لێرەوە بانگ لە هەموو لایەنە کوردستانییەکان دەکەین، کەوا هاوکاربن و رەچاوى هەستیارى بارودۆخى کوردستان بکەن و، وەکو ریزگرتن لە خوێنى پاکى شەهیدان و قارەمانێتى پێشمەرگە و خۆڕاگرى گەلى کوردستان؛ لە هاتنە پێشى هەر ناکۆکییەکدا ؛ ناکۆکییەکانیان لەسەر مێزى دیالۆگ و لەیەکترگەیشتن چارەسەر بکەن، لەبەرئەوەى سەردەم سەردەمى دیالۆگ و لەیەکترگەیشتن و لەهەڤهاتنە، نەک سەردەمى پەنابردنە بەر هەڕەشەو توندو تیژى.
هەموو لایەک ئەوە دەزانین کەوا هیچ کۆمەڵگایەک بێ کێشەو گرفت نیە، کوردستانیش وەک هەر کۆمەڵگایەکى زیندوو کۆمەڵێ کێشەو گرفتى هەن، کێشەو گرفتەکانى کوردستان باکگراوندێکى سیاسى و مێژووییان هەیە، رەنگدانەوەى واقیعى دووبەرەکى وناکۆکى سیاسى نێوان لایەنە سیاسییەکانى کوردستانن، بۆیە چارەسەرى ئەم پرسە پەیوەستە بە چارەسەرى گرفت و ناکۆکى مێژوویى نێوان لایەنە سیاسییەکانى کوردستان، بۆئەمەش پێویستە لایەنە سیاسییە ناکۆکەکان هەوڵى جددى بدەن بۆ چارەسەرکردنى کێشەکانى نێوانیان لەسەر بنەماى لەیەکترگەیشتن و، بە دیدگایەکى سەردەمییانە سیاسەتى نوێى جیهان بخوێننەوە و لەجیاتى بەرژەوەندى تەسکى حیزبى رەچاوى بەرژەوەندى نەتەوەیى و نیشتمانى بکەن.
پێویستە PKK رەچاوى تایبەتمەندى باشوورى کوردستان بکات و رێز لە یاسا و رێساکانى بگرێت
مایەى نیگەرانى هەموو لایەکمانە کەوا ماوەیەکە گرژى کەوتۆتە نێوان دوو هێزى سەرەکى باشوورو باکوورى کوردستان (پارتى دیموکراتى کوردستان و پارتى کرێکارانى کوردستان PKK )، ئەمەش وایکردووە شەقامى کوردستانى نیگەران کردووە، PKK کەوا بانگەشەى پێكەوەژیان و ئاشتی و تەبایی و دیموكراتی و پاراستنی یەكڕیزی گەل و سەرجەم هێزو لایەنەكانی كوردستان پێویستە ئەمڕۆ لەهەموو كاتێك زیاتر لەپێناو یەكڕیزی و یەكدەنگی گەلی كوردستان و لایەنە سیاسییەكانی تێبكۆشێت و رەچاوى رەوشى باشوورى کوردستان بکات، بەتایبەت لەم رەوشە هەستیارەی ئەمڕۆ كە كوردستان و ناوچەكە پێیدا تێپەڕ دەبن, پێویستە هەموومان بە گیانی برایەتی و تەبایی و بەیەك گوتاری سیاسی یەكگرتوو لەسۆنگەی هەستكردن بە بەرپرسیاریەتییەوە بەرەنگاری هەرەشەو مەترسییەکان و هەموو كۆسپ و تەگەرەكانی بەردەم پێشکەوتنى حکومەت و پەرلەمانى کوردستان ببینەوەو هەنگاوبنێین بەرەو یەکڕیزى و کارى کوردانە، بۆ ئەمەش پێویستە PKK رێز لە یاساو رێساو بڕیارەکانى حکومەتى کوردستان بگرێت و، خۆى بەدوور بگرێت لە هەر کارێک کە کیشە بۆ باشوورى کوردستان دروست بکات، پێویستە PKK رەچاوى تایبەتمەندى باشوورى کوردستان بکات و ئەو راستییە لەبەرچاو بگرێت کە حکومەت و پەرلەمانى کوردستان بەرپرسیارێتى خەڵکى کوردستانیان لەسەر شانە و، لەهەمان کاتدا کۆمەڵێ ئیلتیزاماتى ناوچەیى و نێوەدەوڵەتییان هەیە و لەپێناو پاراستن و زامنکردنى ژیان و گوزەرانى خەڵکى کوردستان ناکرێ دەستبەرداریان بن، دەکرێت هەموو ئەو گرژى و گرفتانەى کە هەن، بە دیالۆگ و لێکتێگەیشتن؛ بەبێ پەنابردنە بەر هێرشکردن بۆ سەر یەکدى چارەسەر بکرێن، وەک ئاماژەمان پێدا سەردەم سەردەمى دیالۆگ و لێکتێگەیشتنە، بارودۆخى کوردستانیش بارودۆخێکى زۆر هەستیار و ناسکە، لە لایەک هەرەشەى وڵاتانى دەوروبەرمان لەسەرە، لە لایەکى دیکەوە قەیرانى ئابوورى و ناعەدالەتى و کۆمەڵێ قەیرانى دیکەى ناوخۆییمان وایکردووە ژیان و گوزەرانى خەڵکى کوردستان ئاڵۆز و زەحمەت بێت، لەهەمان کاتدا تیرۆریستانى داعش خۆیان رێکخستۆتەوەو رۆژانە هەڕەشە لە ناوچە دابڕێنراوەکانى کوردستان دەکەن و فرسەت دێنن و هێرش دەکەنە سەر ئەو ناوچانە، هەروەها بڵاوبوونەوەى ڤایرۆسى کۆرۆنا وەک کارەساتێکى مرۆیى رووبەڕووى کۆمەڵگاى مرۆڤایەتیى بۆتەوە، سەرەڕاى ئەمانە وەک بۆ هەموو لایەکمان روونە تا ئێستاش کێشەکانى نێوان کوردستان و عێراق چارەسەرنەکراون، بۆیە ناکرێت لە رەوشێکى وادا کێشە و قەیرانى دیکە بۆ باشوورى کوردستان دروستبکرێت، پێویستە سەرکردایەتى PKK بە هەستکردن بە بەرپرسیارێتى نەتەوەیى و نیشتمانى مامەڵە لەگەڵ رەوشى باشوورى بکەن و لە پەیامەکانى پارتى دیموکراتى کوردستان بگەن، کەوا بەردەوام جەختدەکاتەوە سەر ئەوەى کەوا هەموو لایەک پارێزگارى لە رەوشى باشوورى کوردستان بکەن و، رەچاوى تایبەتمەندى پارچەکانى کوردستان بکرێت و، بۆ کارى نەتەوەیى هاوکارو پشتیوانى یەکدى بن.
پەیمانێکى نەتەوەیى بۆ تەحریم و تەجریمکردنى شەڕى کورد و کورد
لە رەوشێکى وادا و بۆ خاوکردنەوەى گرژییەکان و رێگرتن لە توندو تیژى و شەڕ بۆ یەکلاییکردنەوەى کێشەکان داڕشتنی پەیمانێکى نەتەوەیی زۆر پێویستە، لەبەرئەوەی تا ئێستا نەخۆشی گەورەی كوردان یەكدی قبوڵنەكردنە، بۆیە پێویستە پەیمانێكی نەتەوەیی دابڕێژرێت و لەو پەیمانەدا پرەنسیپە نەتەوەییە سەرەكییەكان دیاربكرێن و هەموو لایەكیش پەیمانبدەن كە پێیەوە پابەندبن و، رەچاوى تایبەتمەندى هەر بەشێکى کوردستان بکەن و لایەنە سیاسییەکان دەست نەخەنە کاروبارى بەشەکانى کوردستان و هەر لایەنەو گۆڕەپانى خەباتى خۆى بناسێت و، لە کارى نەتەوەییدا هاوکارو پشتیوانى یەکدى بن، هەروەها خاڵی سەرەكیش لەو پەیماننامەیەدا پێویستە تەحریم و تەجریمكردنی شەڕی كوردو كورد واتە (كورد كوشتن) بێت و، پێویستە شەڕی كوردو كورد وەكو خیانەتی نەتەوەیی سەیر بكرێت، هەروەها لە پەیمانی نەتەوەییدا پێویستە لایەنە سیاسییەكانی كوردستان پەیمان بە كورد بدەن كەوا لە كاتی كێشە و ململانێی حزبی پەنا بۆ چەك نەبەن و لەڕێی دیالۆگ كێشەكانیان یەكلایی بكەنەوە، بێگومان بوونى پەیمانێکى نەتەوەیی لەم شێوەیە لەنێوان هەموو لایەنە سیاسییەكانی كوردستان سەرەتایەك دەبێت بۆ چارەسەركردنی ئەم نەخۆشی یەكدی قبوڵنەكردنە و زۆر نەخۆشی دیكەش، لەبەرئەوەی زۆر جار كە مرۆڤ لەیەكدی دوور دەبێت و لەڕێی كەسی سێیەمەوە شتی پێدەگات، شتەکان وەک خۆیان بە دروستی ناگەن، زۆر لە لایەنە سیاسییەكانی كوردستانیش وان، بەڵام ئەگەر پەیمانێکى نەتەوەیى هەبوو هەموو لایەنەكان پێیەوە پابەند بوون متمانەش دەگەڕێتەوە نێوان لایەنەکان و وردە وردە تەمی گومانەكانیش دەڕەونەوەو خەمی نەتەوەیی و كاری نەتەوەییش وادەكات لە یەكدی نزیكببینەوەو گیانی یەكدی قبوڵكردنیشمان زیاتر بێت.
پێکهێنانى (ئەنجوومەنى باڵاى سیاسیى کوردستان)
پێویستە لەسەر هەموو ئاستەکاندا بەخۆماندابچینەوەو سوود لە هەڵەکانى رابردوومان وەربگرین و کاربکەین بۆ رێکخستنەوەى ناوەندى سیاسى و ناوماڵى کوردستان و یەکخستنى بڕیارى سیاسیمان لەم پێناوەشدا پێویستە (ئەنجوومەنى باڵاى سیاسیى کوردستان) پێکبهێنین و هەموو لایەنە سیاسییەکانى کوردستان لە چوارچێوەى ئەو ئەنجوومەنەدا کۆببینەوەو هیچ لایەک پەراوێز نەخرێت و، لەوێوەوە هەموو لایەک کار بۆ یەکڕیزى و یەکدەنگى بکەین و بەیەکگرتوویى بڕیار لەسەر پرسە چارەنووسسازەکان بدەین، لەبەرئەوەى هێزى ئێمە لە یەکڕیزى و یەکدەنگیماندایە، هەر کاتێ یەکڕیزو یەکدەنگ بووبین بەهێزبووین ؛ هەر کاتێکیش پەرش و بڵاوبووبین بێهێز بووین وەک ئێستا، بۆیە پێویستە لەم پێناوەدا هەموو لایەکمان هاوکارو پشتیوانى یەکدى بین و لەپێناو گەلى کوردستان جلى تەنگى حزبایەتى باڤێژین جلى کوردایەتى لەخۆ کەین، شانۆگەرییەکى رۆژى ١٢ - ١١ - ٢٠٢٠ ى پەرلەمانى عێراق ئەوەى بەدەرخست کە عەرەبى عێراق بە سوننە و شیعەوە وەک هەمیشە هەموو لە دژى کورد یەکدەگرن و یەکدەنگن، ئەى باشە ئێمەى کورد بۆ یەکنەگرین بۆ بەگژداچوونەوەى ئەو سیاسەتە شۆڤێنییەى عەرەبى عێراق ؟ هەموو لایەکمان بۆ یەکڕیزى و یەکدەنگى و هاوهەڵوێستى کاربکەین، ئەگەر ئەوەمان نەکرد خۆمان زیانمەند دەبین، بۆیە بۆ ئەنجامدانى ئەم کارە ئەمڕۆ گرنگە و سبەى درەنگە.
دەزگاکانى راگەیاندن پێویستە لە خزمەتى خەڵکى کوردستاندا بن نەک کارکردن بۆ بێڕێزیکردن و ناوزڕاندنى یەکدى
گەلى کوردستان لە ماوەى رابردوودا و تا ئێستاش زەحمەتییەکى زۆرى کێشاوە و قوربانییەکى زۆرى داوە، بە هەزاران لە رۆڵەکانى گەلى کوردستان لەپێناو خاک و خەڵکى کوردستان گیانى خۆیان بەخشیوە، ئەو زەحمەتى و قوربانییانە بۆ ئەوە نەبووە، لایەنە سیاسییەکان لەبەر بەرژەوەندى خۆیان پشت لەو گەلە وڵاتپارێزە بکەن و رووبەڕووى ئەو هەموو قەیران و زەحمەتییانەى بکەنەوە، گەلى کوردستان بە تەواوى پێکهاتە نەتەوەیى و ئاینییەکانەوە شایانى رێزگرتن و خزمەتکردنى زیاترە، لەسەر هەموو لایەکمانە بەو ئاراستەیە کاربکەین و خزمەتى زیاترى گەلەکەمان بکەین، بۆ ئەوەى گیانى شەهیدان و ویژدانى خۆمان ئاسوودە بکەین.
ئەم رەوشەى ئێستاى کوردستان لە هەموو کاتێک زیاتر یەکڕیزى و یەکدەنگى و بەیەکەوە کارکردنمان لێدەخوازێت، بۆیە پێویستە لایەنە سیاسییە ناکۆکەکان بگەڕێنەوە سەر مێزى دیالۆگ و لەوێوە چارەسەرى کێشەکانیان بکەن، و ناوەندى سیاسیى کوردستان رێک و یەکبخەنەوە، نەک لە راگەیاندنەوە پەنا بۆ بێڕێزیکردن بە یەکدى ببەن، هەڵمەتى راگەیاندن پێویستە لە خزمەتى بارودۆخى ئێستاى کوردستاندا بێت، نەک بۆ بێڕێزیکردن و ناوزڕاندنى یەکدى، پێویستە هەرچى زووە ئەو هەڵمەتى راگەیاندنەى کە هەیە رابگیرێت و بخرێتە خزمەت چۆنییەتى قوڵکردنەوەى گیانى برایەتى و بەیەکەوە کارکردن.
پێویستە هەموو لایەکمان خەمێکى جدى لە ژیان و گوزەرانى خەڵکى کوردستان بخۆین و نەخشە رێگایەکى کوردستانییانە بۆ چۆنییەتى دەربازبوون لە قەیرانەکان دابڕێژین و کارى لەسەر بکەین، با خەمى هەموو لایەکمان خەمى خاک و خەڵک بێت نەک خەمى دەسەڵات و گیرفان.
*سکرتیرى گشتیى یەکێتى نەتەوەیى دیموکراتى کوردستان YNDK
میدیا - ههولێر
كۆنگرەی نەتەوەیی كوردستان (KNK) كۆبوونەوەی خۆی بهئامادهبوونی هاوسهرۆك و ژمارهیهك له ئهندامانی لە هەولێر سازدهكات.
رۆژی شهممه رێكهوتی 14/11/2020 شاندێكی كۆنسهی كۆنگرەی نەتەوەیی كوردستان (KNK) كه له ئهوروپا هاتبوونه باشووری كوردستان پێكهاتبوون له ههڤاڵان ( ئهحمهد قهرهمووس هاوسهرۆكی KNK و ئاسیا عهبدوڵڵا و مهروان حهسهن) بهئامادهبوونی ژمارهیهك له ئهندامانی كۆنگرەی نەتەوەیی كوردستان (KNK) له شاری ههولێری باشووری كوردستان كۆبوونهوهیهكیان لهسهر رهوشی سیاسی كوردستان و ناوچهكه و جیهان ئهنجامدا، لهم كۆبوونهوهیهدا شاخهوان خالید كارگێڕی مهكتهبی سیاسی یهكێتی نهتهوهیی دیموكراتی كوردستان YNDK بهشدار بوو.
لهكۆبوونهوهكه گفتوگۆی لهسهر رهوشی كوردستان و ناوچهكه و جیهان كرا، ههروهها باس له رۆلی KNK كرا بۆ ئاشتهوایی و لهم بارهیهوه شاندی هاتوو سهردانی دهزگا فهرمی و هێز و لایهنهكان دهكات بۆ ئهوهی ئهگهری شهڕی ناوخۆ نهمێنی و نێوماڵی كوردستان بهیهكریزی و تهبایی رێكبخرێتهوه بۆ ئهوهی دهستهكهوكانی گهلی كوردستان بهگشتی پارێزراو بێت.
لهكۆبوونهوهكهدا شاخهوان خالید رایگهیاند: " بارودۆخی ئێستای كوردستان ههستیاره داگیركهران و دوژمنانی كوردستان به رێگهی جیاواز دژایهتی گهلی كوردستان و مافهكانمان دهكهن، بۆیه دهبێ ههموو لایهنهكان لهههموو بهشهكانی كورد یهكریز و یهكدهنگ بین و بهرهنگاری ئهو دژایهتی و دوژمنایهتی و داگیركارییه ببینهوه،ههروهها لهرێگهی پهرلهمانی كوردستان و پهرلهمانی عێراق و پهرلهمانهكانی ئهوروپا و كۆمهڵگهی نێودهوڵهتی ئهو پێشێلكارییانه بوهستێندرێت. ههروهها پێویسته حزب و لایهنهكانی كوردستانی كێشهكان بهگفتوگۆ و دیالۆگ چارهسهربكهن و بهههموو لایهكمان پارێزگاری لهدهستكهوتهكانی گهلی كوردستان لهباشوور و رۆژئاوای وڵات بكهین و بهرگی حیزبایهتی لهبهربكهینهوهو ههموومان پێشمهرگه و شهڕڤانی ئهو وڵاته بین بۆ سهرخستن و ئاواكردنی كوردستان" .
سەرۆك بارزانی: زۆر بەداخەوە جارێكی تر لایەنەكانی عێراق بە شیعە و سوننەوە خەنجەریان لە پشتی گەلی كوردستاندا
تشرين2/نوفمبر 12, 2020له پهیامێكدا سهرۆك بارزانی ڕایگهیاند: زۆر بەداخەوە جارێكی تر لایەنە سیاسییەكانی عێراق بە شیعە و سوننەوە لە ئەنجوومەنی نوێنەرانی عێراق خەنجەریان لە پشتی گەلی كوردستان دا و، بودجە و ڕزقی خەڵكی كوردستانیان وەك كارتێك بۆ گوشارهێنان بۆ هەرێمی كوردستان بەكار هێنایەوە
دهقی پهیامهكه:
بەناوی خودای بەخشندە و میهرەبان
زۆر بەداخەوە جارێكی تر لایەنە سیاسییەكانی عێراق بە شیعە و سوننەوە لە ئەنجوومەنی نوێنەرانی عێراق خەنجەریان لە پشتی گەلی كوردستان دا و، بودجە و ڕزقی خەڵكی كوردستانیان وەك كارتێك بۆ گوشارهێنان بۆ هەرێمی كوردستان بەكار هێنایەوە.
ئەوە لە حاڵێكدایە كە لە ماوەی ڕابردوو چەندین جار ڕێككەوتن لە نێوان حكوومەتی هەرێم و حكوومەتی عێراقی فیدڕاڵ ئیمزا كراوە، بەڵام ڕێككەوتنەكان جێبەجێ نەكراون. ئێمە ئەو یاسایەی ئەنجوومەنی نوێنەرانی عێراق كە بە بێ ڕەچاوكردنی بنەماكانی شەراكەت و ڕێككەوتنەكان دەری کردووە، بە بابەتێكی سیاسی و بۆ گوشارهێنان لەسەر هەرێم و سزادانی خەڵكی كوردستانی دەبینین كە پێچەوانەی بنەماكانی شەراكەت و تەوافوق و هاوسەنگیی نێوان پێكهاتەكانی عێراقە و جۆرێكە لە تەنگپێهەڵچنین و شەڕفرۆشی. دەریشكەوت كە ئەوان پێشوەختە بڕیاری خۆیان لەسەر دژایەتیكردنی هەرێم داوە و هەمیشە بەو لۆژیكە مامەڵە لەگەڵ دەستوور و ڕێككەوتنەكان و ماف و داواكارییەكانی گەلی كوردستان دەكەن.
لێرەدا پێزانینم هەیە بۆ یەكدەنگیی نوێنەرانی كوردستان لە بەغدا كە بە هەڵوێستێكی هاوبەش دژی ئەو یاسایەی ئەنجوومەنی نوێنەرانی عێراق وەستانەوە و ئەو هەڵوێستەیان جێگەی سوپاس و دەستخۆشییە. داواش لە سەرۆكایەتیی هەرێم و پارلەمان و حكوومەت دەكەم كە لەگەڵ نوێنەرانی كوردستان لە بەغدا و لایەنە سیاسییەكانی هەرێم، پێكەوە لەسەر ئەم بابەتە كۆببنەوە و بگەنە بڕیارێكی هاوبەش. بڕیارێك بدەن كە لە ئاست بەرپرسیارێتی بێت بۆ چارەسەركردنی كێشەكان و لە هەمانكاتیشدا كەرامەتی میللەتەكەمان بپارێزرێت و سنوورێك بۆ ئەو ڕەفتارانە دابنێت كە مەبەست لێی سزادانی گەلی كوردستانە.
مەسعود بارزانی
12ـی تشرینی دووەمی 2020