پەیامى هاوخەمى سکرتێرى گشتیى YNDK بۆ کۆچى دوایى تێکۆشەرى ناسراوى کوردستان خوالێخۆشبوو رەمزى شەعبان

نيسان/أبريل 05, 2021
برای بەڕێزمان جەنابی سەرۆک مەسعود بارزانی
بەڕێزان لە ئەنجوومەنى سەرکردایەتى و مەکتەبى سیاسیى پارتى دیموکراتى کوردستان
سڵاوێكی برایانەی گەرم ...
بەخەم و پەژارەیەکى زۆرەوە هەواڵی کۆچی دوایی تێکۆشەرى ناسراوى کوردستان کاک رەمزی شەعبان ئەندامی ئەنجوومەنی سەركردایەتی و بەرپرسی مەكتەبی کارگێڕى و دارایی پارتی دیموكراتی كوردستان-مان پێگەیشت، کاک رەمزی شەعبان سەرکردەیەکى سادەو خۆنەویست و خۆشەویست بوو، تەواوى تەمەنی خۆی بۆ خەبات و تێکۆشان و خزمەتكردنی گەلی كوردستان تەرخان كردبوو.
بەم هۆی ئەم کۆستە خەمناکەوە بەناوی خۆمان و ئەندامانی مەكتەبی سیاسی و كۆمیتەی سەركردایەتی و ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی خۆمان ئاراستەى جەنابتان و خوشک و برایانمان لە ئەنجوومەنى سەرکردایەتی و مەکتەبى سیاسیى پارتى دیموکراتى کوردستان و خانەوادەى سەربەرزى خوالێخۆشبوو و تەواوى خزمانى دەكەین و خۆمان بە هاوبەشى خەمتان دەزانین و، ئومێد دەكەین ئەوە دواخەم و ناخۆشیتان بێت و، لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.
براتان
غەفوور مەخموورى
سکرتێرى گشتیى
یەکێتى نەتەوەیى دیموکراتى کوردستان YNDK
4 / 4 / 2021