سکرتێرى گشتیى YNDK سەرەخۆشى لە سەرۆکى هەرێمى کوردستان دەکات

میدیا – هەولێر :
  غەفوور مەخموورى سکرتێرى گشتیى یەکێتى نەتەوەیى دیموکراتى کوردستان YNDK پەیامێکى هاوخەمى ئاراستەى بەڕێز نێچیرڤان بارزانى سەرۆکى هەرێمى کوردستان دەکات، بەهۆى کۆچى دوایى پورى بەڕێزیانەوە، ئەمەش دەقى پەیامەکەیە :

    بەڕێز کاک نیچیرڤان بارزانى سەرۆکى هەرێمى کوردستان

   سڵاوێكی گەرم ....
  بەخەم و پەژارەیەكی زۆرەوە هەواڵی كۆچی دوایی خاتوو (نیعمەت خانی كچی حەمەی ئاوڕەحمان ئاغای سلێمانی) پورى بەڕێزتانمان پێگەیشت، بەناوی خۆمان و ئەندامانی مەكتەبی سیاسی و كۆمیتەی سەركردایەتی و تەواوی ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی گەرمی خۆمان ئاراستەی بەڕێزتان و بنەماڵە بەڕێزەكەتان و تەواوى خزمان و کەس و کارى خوالێخۆشبوو دەكەین و خۆمان بە هاوخەمتان دەزانین و، ئومێد دەكەین ئەوە دواناخۆشیتان بێت و لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.
                      
 براتان
غەفوور مەخمووری
 سكرتێری گشتیی
 یەكێتی نەتەوەیی دیموكراتی كوردستان  YNDK
    ١ / ٥ / ٢٠٢٠