حەز و ئارەزووە تایبەتەكانی هونەرمەندان

كانون1/ديسمبر 06, 2019

هونەرمەندان زۆ جار لە كاتی چاو پێكەوتنەكانیان بەدەر لە كاری هونەری نایەنەوێت تیشك بخرێتە سەر ژیانی تایبەتیەنەوە، بەڵام لەم كاتەدا هەندێك لە هونەرمەندا تایبەت لە ڕێگەی ڕۆژنامەی هەولێرەوە باس لە حەز و ئارەزووە تایبەتەكانی خۆیان دەكەن.

خانمە هونەرمەند "دڵنیا ڕەزازی" زۆر حەزی لە سەیركردنی فیلم و كتێبخوێندنەوەیە و وەرزشكردنیش بووەتە بەشێك لە ژیانی.
ئاوازدانەر "هەڵكەوت زاهیر" یاریزانێكی باشی تێنسی سەر زەویە و دەڵێت: گۆرانیبێژ "ناسلی" بە یەكێك لە ڕكابەرە بەهێزەكانی خۆم دەزانم لەم یاریەدا، هەروەها زۆر هۆگری خوێندنەوەی كتێبە ئاینیەكانە و مادە كحوولیەكانیش ناخواتەوە
"پەرواس حوسێن" زۆر شارەزایەكی باشی لە ئەسپسواری هەیە و دەیشڵێت: لە داهاتوودا بەردەوام دەبم لەسەر یاریی ئەسپسواری.
دینا: حەفتەی 3 جار بۆ سەیركردنی فیلم ڕوو لە سینەماكان دەكا و حەزیشی لە كۆكردنەوەی كەلوپەلی كلاسیكە.
"گۆران ساڵح" حەزی لە بەخێوكردنی باڵندەی ماڵییە، مریشك و كەڵەشێر و كۆتر و بولبوول، بەڵام تاوەكو ئێستا بەهۆی نەبوونی شوێنێكی تایبەت لە ماڵەكەیدا هیچ كام لەم باڵندانەی نیە، هاوكات ئارەزووی لێخوڕێنی ئۆتۆمبێلە خێر او تایبەتەكانی نمایشكردنی هەیە و سەیری زۆربەی یاریە دووگۆڵیەكانیش دەكات.

 

سه‌رچاوه‌: مالپه‌ری هه‌ولێر: كارۆخ مەلائەسعەد - هه‌ولێر