ميديا - اربيل:

 وجّه غفور مخموري السكرتير العام للاتحاد القومي الديمقراطي الكوردستاني YNDK باسمه وباسم المكتب السياسي واللجنة القيادية للاتحاد القومي الديمقراطي الكوردستاني YNDK برقية تعزية الى الرئاسة المشتركة وقیادە حزب الاتحاد الدیمقراطي PYD وعائلة الفقيد المناضل صالح مسلم عضوالهيئة الرئاسية لحزب الاتحاد الديمقراطي، وفيما يأتي نص البرقية:

   الرئاسة المشتركة لحزب الاتحاد الديمقراطي PYD

  الأخوة والأخوات الأعزاء في قيادة حزب الاتحاد الديمقراطي

  عائلة الفقيد المناضل صالح مسلم الأكارم

    تحية اخوية وبعد ...

 ببالغ الحزن والأسى تلقينا نبأ وفاة المناضل الكوردستاني الفقيد صالح مسلم (أبو ولات) عضو الهيئة الرئاسية لحزب الاتحاد الديمقراطي PYD، وهو رمز الشخصية الوطنية المناضلة من اجل قضية شعبه ووطنه، لقد كان الفقيد أخاً عزيزاً لنا، ومن خلال علاقاتنا الأخویة به، مثالاً للوطني المناضل، والانسان المخلص لقضية شعب كوردستان، وعمل طيلة حياته على تقوية أواصر العلاقات الأخوية بين الأحزاب الكوردستانية، رحيل الفقيد خسارة كبيرة للأمة الكوردية وعموم شعب كوردستان، وخاصة في هذه الظروف الحساسة والصعبة، نظرا لدوره الكبير في إحلال السلم وترسيخ التعايش وقبول الآخر ونشر روح التسامح في المنطقة، وتحقيق وحدة الصف بين مكونات شعب غربي كوردستان وسوریا، سيبقى الفقيد خالدا في ضمير الأمة الكوردية، ونتمنى أن تتحقق أمانيه في ترسیخ  التسامح والسلم والأمان.

  باسمي وباسم المكتب السياسي واللجنة القيادية للاتحاد القومي الديمقراطي الكوردستاني YNDK، نقدم لكم احر تعازينا القلبية، نعزيكم بمصابكم الجلل كما ونعزي جميع العائلة الكريمة ونشارككم ألمكم وحزنكم، نبتهل الى الله العظيم ان يتغمده برحمته ويجعل مثواه الجنة وأن يلهمكم الصبر والسلوان.

اخوكم

غفور مخموري

السكرتير العام

للاتحاد القومي الديمقراطي الكوردستاني YNDK

 12 / 3 / 2026

په‌یامی هاوخه‌می مه‌كته‌بی سیاسیی YNDK به‌بۆنه‌ی كۆچی دوایی ره‌وانشاد(ساڵح موسليم)

بەڕێزان هاوسەرۆک و ده‌سته‌ى سه‌رۆكايه‌تى پارتی یەکێتی دیموکراتی PYD

كەسوكار و بنه‌ماڵه‌ و هه‌ڤاڵانى ره‌وانشاد(ساڵح موسليم)

به‌خه‌م و په‌ژاره‌وه‌‌ هەواڵی كۆچی دوایی تێكۆشه‌ر و سیاسه‌تمه‌دارى گه‌وره‌ی كوردى رۆژئاواى كوردستان به‌ڕێز (ساڵح موسليم)مان پێگه‌یشت و كۆچى دوايى ئه‌و خه‌باتكار و سه‌ركرده‌يه‌ له‌ناخه‌وه‌ خه‌فه‌تبارى كردين و لە دەستدانی زیانێكی گەورەیە بۆ هەموو لایەکمان.

 هه‌ڤاڵ (ساڵح موسليم) ئەندامی دەستەی سەرۆکایەتی پارتی یەکێتی دیموکراتیPYD، بەدرێژايى ژيانى له سەنگەرى خه‌بات و تێكۆشان و به‌رگری نه‌ته‌وه‌یی بووه، وه‌ك سیاسه‌تمه‌دار و هاوسه‌رۆك و تێكۆشه‌رێك خزمه‌تی زۆری دۆزی ره‌وای نه‌ته‌وه‌كه‌مان و رۆژئاواى كوردستانى كردووه‌، له‌به‌ر ئه‌وه‌ وه‌ك سه‌ركرده‌يه‌كى ديار و سه‌نگين له‌ سه‌ر ئاستى كوردستان و ناوچه‌كه‌ و جيهان ناسراو و باوكى شه‌هيد (شه‌ڕڤان)ه‌‌ كه‌ لە ساڵی (2013)دا لە شەڕی دژی داعش شەهید بوو، بەم بۆنە خەمناکەوە بەناوی مه‌كته‌بی سیاسیی و كۆمیته‌ی سه‌ركردایه‌تی و سه‌رجه‌م ئه‌ندامانی YNDK، پرسە و سەرەخۆشی له‌ خۆمان و بنەماڵە تێکۆشەرەکەیان و پارتی یەکێتی دیموکراتیPYD  و تێکرای کەسوکار و دۆستان و هه‌ڤاڵان و هاوبیرانى ده‌كه‌ین، له خوای گەورە نزا ده‌كه‌ین سه‌بر و ئارامی به ‌هه‌موو لایه‌ك ببه‌خشێت و رۆحى كۆچكردووش شاد و ئارام بێت.  

مه‌كته‌بی سیاسیی

یه‌كێتی نه‌ته‌وه‌یی دیموكراتی كوردستانYNDK

12-3-2026ى زايينى

هه‌ولێر- باشووری كوردستان

بنەماڵەى سەربەرزى شەهیدان ..

- خەڵکی خۆڕاگری مەخموور ..

- حزب و لایەنە سیاسیيەکانى دەڤەرى مەخموور ..

(35) ساڵ بەر لەئەمڕۆ، لە بەرەبەیانی (12)ی ئاداری ساڵی (1991) دا، خەڵکی مەخموور هاوشان لەگەڵ پێشمەرگە قارەمانەکانی کوردستان راپەڕین و، لەماوەیەکی کەمدا توانرا مەخموور لە تەواوی دامودەزگا داپڵۆسێنەرەکانی رژێمی بەعسى رووخاو پاک بکرێتەوە.

راپەڕینی (12)ی ئادارى مێژوویى دەڤەرى مەخموور، سەلمێنەرى ئەو راستییە بوو، کە سەرسەخترین رژێمی داگیرکەر، وێڕاى سیاسەتەکانی (بەعەرەبکردن و بەعسیکردن و ئەنفال و راگواستنی زۆرەملێ..)، نەیتوانى سیمای کوردستانی بوونى مەخموور بسڕێتەوە و لەدەرفەتێکدا خەڵک و پێشمەرگەی کوردستان چۆکیان بەرژێمدا دا.

- هاوشاریانی ئازیز و خۆڕاگری مەخموور..

ئێمە لەکاتێکدا دواى (35) ساڵ یادى ئەم رۆژە پیرۆزە دەکەینەوە، هێشتا ناوچەکە لەبەردەم کێشەگەلێکی سیاسی و ئابووری و ناسەقامگیری ئاسایش و هێمنی دایە. کە چارەسەریان ئەستەم بووە. ئەمەش بەهۆى دوولەتبوونى سنووری کارگێڕی ناوچەکە، کە بەشێکی لەژێر سایەى پێشمەرگەی کوردستانە و بەشێکى ترى سوپای عێراق تێیدا باڵا دەستە، ناسەقامگیری دەڤەرەکەمان هاوشان لەگەڵ ناوچە دابڕێنراوەکانى ترى کوردستان، بەهۆى مانەوەى ئەو ناوچانەیە لەنێو دوو بەرداشى ئیدارى و نەگەڕاندنەوەیانە بۆ سەر ئیدارەى حکومەتى کوردستان .

- جەماوەری ئازادیخواز، هێز و لایەنە سیاسییەکانى دەڤەرى مەخموور...

هەروەک چۆن لەپێشوودا (دادگاى فیدراڵى عێراق) بەکاردەهێنرا بۆ زۆرێک لە بڕیارى دژ بەخەڵک و حکومەتى کوردستان، بۆ ئەم مەبەستە ئێمە لە هەرێمى قەرەچووغی YNDK بەمافى رەواى خۆمان و خەڵکى ناوچە دابڕێندراوەکانى کوردستانى دەزانین، کە بانگەوازێک بۆ هەموو لایەنە سیاسیەکانی کوردستان و پەرلەمانتارانى کورد لەبەغدا و حکومەتى کوردستان دەکەین، بەهەموو لایەک کار بکرێت بۆ :-

- تۆمارکردنى سکاڵا لەسەر حکومەتى عێراق لە (دادگاى فیدراڵى عێراق) دا، بەمەبەستى فەرامۆشکردنی ماددەى (140)ى دەستوورى عێراق و جێبەجێنەکردنی ئەو ماددە دەستووریيە، کە بڕیار بوو تا ساڵى 2007 تەواوى قۆناغەکانى بێتە جێبەجێکردن .

-لەسەر مێزی گفتوگۆ لەپێکهێنانی حکومەتی نوێی عێراقدا، یەکێک لەداوا سەرەکیەکانی کورد لەبەرنامەی حکومەتی نوێی عێراقدا، جێبەجێکردنی ماددەی (140)ی دەستووری عێراق و گەڕاندنەوەی ناوچە دابڕێندراوەکان بێت بۆ سەر کارگێڕی حکومەتی کوردستان.

ئاشکرایە ئەم پرسەش بە یەکدەنگی و یەک هەڵوێستی هێز و لایەنە سیاسییەکانی کوردستان لەسەر پرسە نەتەوەیی و نیشتمانیيەکاندا، ئەنجامى ئەرێنى دەبێت .

- لەسەر ئاستی ناوچەکەدا، جەخت دەکەینەوە لەسەر پێویستی دوورخستنەوەی هێزی سەربازی لەنێو شارو رێکخستنەوەی بازگەی سەرەکی سوپای عێراق لەمەخموور، کە بگونجێ لەگەڵ فەراهەمکردنی پێداویستییە بنچینەییەکانی خەڵک، و کارئاسانی تەواو بۆ گواستنەوەی کەلوپەل لەهەولێرەوە بۆ مەخموور بکرێت .

هەر بەم بۆنەیەوە ئێمە لە هەرێمی قەرەچووغی یەکێتی نەتەوەیی دیموکراتی کوردستان YNDK، پیرۆزبایی لەتەواوی خەڵکى مەخموور و دەوروبەری دەکەین، هیوادارین ئەم بۆنە ببێتە هەوێنی ئازادی پارچەکانی تری کوردستان و یەکرێزی و تەبایی و رێکخستنەوەی نێوماڵی کوردی .

- بێتەدی کوردستانێکی سەربەخۆو ئازادو یەکگرتوو و دیموکرات .

- نەمری و سه‌ربه‌رزی بۆ شەهیدانی ئازادیی مەخموورو تەواوی شەهیدانی رێی سەرخۆبوون و ئازادی کوردستان.

- مردن و رووڕه‌شی بۆ دوژمنان و داگیركه‌رانی كوردستان.

‌ هەرێمی قەرەچووغی

یەکێتی نەتەوەیی دیموکراتی کوردستان YNDK

مەخموور (12)ی ئاداری 2026

- خەڵكی بەئەمەك و دڵسۆزی شاری هەولێری پایته‌خت...

- هێز و لایه‌نه‌ سیاسیيه‌‌كانی كوردستان....

 (35) ساڵ به‌ر له‌ئه‌مڕۆ جه‌ماوه‌ری شاری هه‌ولێر به‌ سەرجەم پێكهاته‌كانيه‌وه‌، بەرامبەر بە رژێمی بەعسی دیكتاتۆر و فاشى، یەك دەنگ و یەك دەست راپەڕین، سەرباری دڕندەیی و وەحشیگەری رژێمی بەعسى رووخاو، بەڵام یەكڕیزی خەڵكی كوردستان و لایەنە سیاسییەكان و گیان فیدایی پێشمەرگەی كوردستان و ئیڕادەی لەبن نەهاتووی رۆڵه‌ و جەماوەری شاری هەولێر، توانرا لە ماوەیەكی كورتدا دەزگا داپلۆسێنەرەكانی به‌عس لەناوببردرێن و هه‌ولێر ئازاد بكرێت.

رۆژی سەركەوتنی مەزنی خەڵكی راپەڕیوی شاری هەولێر هاوكاته‌، لەگەڵ یادی رێككەوتننامەی (11)ی ئاداری ساڵی (1970) كە حكومەتی ئەوسای عێراق دانی بەمافه‌ رەواكانی خەڵكی كوردستان نا، به‌ڵام له‌دوایی په‌شیمان بۆوه‌‌ و هیچ به‌ندێكی نێو رێككه‌وتننامه‌كه‌ى‌ جێبه‌جێ نه‌كرد.

 ئێمە له‌كاتێكدا یادی راپەڕین و رزگاری شاری هه‌ولێر دەكەینەوە، كوردستان و عێراق و ناوچه‌كه‌ و جیهان به‌قۆناغێكی هه‌ستیاردا تێپه‌ڕ ده‌بێت، به‌تایبه‌ت گۆڕانكارييه‌كانى رۆژهه‌ڵاتى ناوه‌ڕاست، له‌ شه‌ڕى نێوان ئه‌مريكا و ئيسرائيل و ئێران كه ‌ته‌واوى ناوچه‌كه‌ى كوڵاندووه‌، هه‌روه‌ها ئه‌و كێشه‌ و گرفتانه‌ی نێوان هه‌ولێر و به‌غدا و نه‌ناردنی شایسته‌ داراییه‌كانی هه‌رێمی كوردستان، باری ئابووری خه‌ڵكی كوردستانى قورس كردووه‌، له‌هه‌مان كاتدا سه‌ركۆنه‌ى ئه‌و په‌لامار و هێڕشه‌ درۆنانه‌ ده‌كه‌ين، كه له‌لايه‌ن گرووپه‌ چه‌كداره‌كانى عێراق ‌ده‌كرێته‌ سه‌ر پارێزگاى هه‌ولێر و پێويسته‌ حكومه‌تى عێراق ئه‌گه‌ر خۆى رێگه‌ خۆشكه‌ر نه‌بێ سنوورێك بۆ ئه‌و پێشێلكارييانه‌ دابنێ و هێرشه‌كان رابگرێت، بۆیه‌ پێویسته‌ هه‌وڵی چاره‌سه‌ركردنی ئه‌و كێشانه‌ به‌شێوه‌ی بنه‌ڕه‌تی بدرێت.

 له‌م یاده‌ مه‌زنه‌دا داوا له‌سه‌رجه‌م لايه‌نه‌ سياسييه‌كان ده‌كه‌ين، يه‌كريز و يه‌كهه‌ڵوێست بن و به‌گيانى راپه‌ڕين كار بۆ يه‌كێتى نه‌ته‌وه‌يى بكه‌ن، بۆ ئه‌وه‌ى به‌هه‌موو لايه‌كمان وه‌ك چۆن پێكه‌وه‌ راپه‌ڕينمان كرد و باشوورى كوردستانمان رزگار كرد، ئه‌مڕۆش به‌هه‌مان گيانى پێكه‌وه‌يى و خه‌بات و تێكۆشان و به‌رخۆدان، پارێزگارى له ‌ده‌ستكه‌وته‌كانى راپه‌ڕين بكه‌ين و ته‌واوى مافه‌كانى گه‌لى كوردستان به ‌ده‌ست بهێنين.  

- سڵاو بۆ گیانی پاكی شەهیدانی كوردستان بە تایبەت شەهیدانی ڕاپەڕین و رزگاری شاری هەولێری پايته‌خت.

- بێته‌دی كوردستانێكی سه‌ربه‌خۆ و ئازاد و یه‌كگرتوو و دیموكرات.

هه‌رێمی هه‌ولێری

     یه‌كێتی نه‌ته‌وه‌یی دیموكراتی كوردستان YNDK

11ی ئاداری 2026ى زایینی

هه‌ولێر- باشوورى كوردستان

-كەسوكار و بنەماڵەی سەربەرزی شەهیدان....

-جەماوەری راپەڕیوی دەڤەری سۆران....

-حزب و لایەنە سیاسيیەكانی كوردستان....

(35) ساڵ بەری ئەمڕۆ، لە رۆژێكی دیرۆكی، جەماوەری وڵاتپارێزی شاری سۆران و دیانا و رواندز و دەوروبەری بووە هاودەنگی شار و دێیە راپەڕیوەكانی دیكەی باشووری كوردستان بە خوێنی سێ‌ رۆڵەی قارەمان و فیداكار دەڤەرەكەمان لە سەربازگەكانی بەعس پاككرانەوە كە ئەوانیش شەهیدان (باقی بارزانی ,تاهیر عەبدوڵا و شاكر ئەحمەدخان) بوون.

راپەڕینی ساڵی 1991 شێوازێكی كاریگەر و گونجاو هاوچەرخی خەباتی نەتەوەكەمان بوو دژ بە داگیركاری و لە پێناو دامەزراندنی دەسەڵاتێكی نەتەوەیی و نیشتیمانی لە باشووری كوردستاندا، راپەڕین سەلماندییەوە كە ئیڕادەی دلێری نەتەوەكەمان بەهێزتر و مەزنترە لە پلانی داگیركاران و نیشانیدا كە یەكبوونی نەتەوەكەمان كلیلی هەموو سەركەوتنێكە، هەمدیس راپەڕینی بەهاری 1991 لە واری نێودەوڵەتیش رەهەند و دووراییەكی نێودەوڵەتی زۆر مەزنی بە كێشەكەمانی بەخشی و خستیەوە نێو لێدوان و گفتوگۆ گەرمەكانی ناوەندە سیاسی و راگەیاندنەكانی جیهان و وەك گەورەترین كێشەی نەتەوەی لە جیهان خۆی نواند.

ئێمە لە هەرێمی سۆرانی یەكێتی نەتەوەیی دیموكراتی كوردستانYNDK لە كاتێكدا (35)ەمین ساڵیادی راپەڕینی دەڤەرەكەمان تەواوی شار و دێیەكانی باشووری كوردستان پیرۆزدەكەین، لەهەمان كاتدا هیوادارین یەكبوونی رێزەكانی گەلەكەمان بگەڕێتەوە سەردۆخی رۆژانی راپەڕین و کۆتایی بە کێشە و گرفتەکان بهێنین و بە هەموو لایەکمان نێو ماڵی کوردستان یەکبخەینەوە و بۆ ئەوەی لە باررودۆخە پڕ ئاڵۆزەکان پڕ ئاڵنگاری و شەڕدا ئامادەکاری تەواومان هەبێت و بە گیانێکی نیشتیمانیانە مامەڵە لەگەڵ پێشهات و گۆڕانکاریەکان بکەین.، ئەمساڵ كە یادی راپەڕین دەكەینەوە رۆژهەڵاتی ناوەڕاست لەبەردەم كۆمەڵێك گۆڕانكاری و پێشهات مەزن دایە شەڕی (ئەمریکا و ئیسڕائیل /ئێران) کە تەواوی ناوچەکەی تەنیوە و بە روخانی ڕژێمی داگیرکاری ئێران ، ڕەوشی ڕۆژهەڵاتی کوردستانیش بەرەو پێشەوە هەنگاو دەنێت و لە شوێنی کۆماری دیموکراتی کوردستان لە مەهاباد دەسەڵاتێکی تری کوردی لەو پارچەیەی کوردستان دێتە ئاراوەو کە ئومێدی هەموو کورد و کوردستانیەکە و، ئێمە بە ئومێدەوە دەڕوانینە ئەو گۆڕانكاریيانە و بە هیوای ئەوەی كە لە هەردوو پارچەی كوردستان برایەكانمان بە مافی نەتەوەیی و سیاسی خۆیان بگەن و پشتیوانی هەر كوردێكین لە هەر پارچەیەكی وڵات بێت.

• بێتەدی کوردستانێکی سەربەخۆ و ئازاد و یەکگرتوو دیموکرات

هه‌رێمی سۆرانى

يه‌كێتى نه‌ته‌وه‌يى ديموكراتى كوردستان YNDK

2026-3-10                                          

• ئافره‌تانی دڵسۆزی كوردستان...
• رێكخراوه‌كانی ئافره‌تانی كوردستان و جیهان....

٨ی مارس ڕۆژی خه‌بات و قوربانیدانی ئافره‌تانه‌ بۆ ده‌سته‌به‌ركردنی مافه‌كانیان له‌ هه‌موو جیهان، له‌م رۆژه‌دا ئافره‌تان هه‌ستانه‌ سه‌رپێ دژی چه‌وساندنه‌وه‌ و زه‌وتكردنی مافه‌كانیان و ده‌نگیان هه‌ڵبڕی بۆ یه‌كسانی و دادپه‌روه‌ری له‌پێناو ژیانێكی سه‌ربه‌رز، ئه‌م ڕۆژه‌ بۆ ئافره‌تان  ڕۆژی یه‌كده‌نگی و هاوبه‌شی جیهانییه‌ بۆ زیاتر به‌ده‌ستهێنانی مافه‌كانیان و هێنانه‌كایه‌ی یه‌كسانی به‌تایبه‌ت له‌و وڵاتانه‌ی تا ئێستاش ئافره‌تان به‌جۆره‌ها شێواز دووچاری چه‌وساندنه‌وه‌ و توندوتیژی ده‌بنه‌وه‌، له‌م ڕۆژه‌دا ئافره‌تانى جیهان به‌ شێوازی جیاواز داواكاری و ناڕه‌زایه‌تییه‌كانیان ده‌خه‌نه‌ڕوو، جه‌خت له‌ به‌رده‌وامیی خه‌بات و تێكۆشانیان ده‌كه‌نه‌وه‌ له‌ پێناو به‌دیهێنانی جیهانێكی ئارام بۆ خۆیان كۆمه‌ڵگه‌كه‌ی تێیدا ده‌ژین كه‌ دوور بێ له‌ هه‌ڕه‌شه‌ و مه‌ترسی توندوتیژی له‌سه‌ریان.

جێگه‌ی ئاماژه‌پێكردنه‌ له‌م قۆناغه‌ى ئه‌مڕۆماندا پرسی ئافره‌ت پێشكه‌وتنی باش و به‌رچاوی به‌خۆیه‌وه‌ دیوه‌و وایكردووه‌ كه‌ ئافره‌ت له ‌كوردستان ڕۆڵی باش و به‌رچاویان هه‌بێ له‌ ده‌زگاكانی حكومه‌ت و كاری رێكخراوه‌یی و حزبی، به‌ڵام جێگه‌ی داخه‌ تا ئێستاش توندو تیژی دژ به‌ئافره‌تان هه‌ر ماوه و ژن كوشتن هه‌رماوه‌ و مێینه‌ له‌ تۆڕه‌ كۆمه‌ڵایه‌تیه‌كان دووچاری هه‌ڕه‌شه‌ و توندوتیژی ده‌بنه‌وه‌، به‌مه‌ش تاوانی ئه‌لیكترۆنی له‌دژیان زۆر زیادی كردووه‌، هه‌روه‌ها پێويسته‌ هه‌وڵه‌كان چڕبكه‌ينه‌وه‌ بۆ رێگريكردن له‌ ده‌ركردنى ئه‌و ياسايانه‌ى رێگه‌ به‌ به‌شوودانى كچان له‌ته‌مه‌نى زوودا ده‌دات، ئه‌مه‌ش جێگه‌ى نيگه‌رانيمانه‌ و به‌هه‌موو شێوه‌يه‌ك ره‌تيده‌كه‌ينه‌وه‌، نابێ‌ كچ له‌ ته‌مه‌نى بچووك و خوار ته‌مه‌نى ياسايى‌ به‌شوو بدرێ و پێويسته‌ كچان له‌و ته‌مه‌نه‌ زه‌مينه‌ى خوێندن و فێربوونيان بۆ فه‌راهه‌م بكرێت.  

ئێمه‌ له‌بزووتنه‌وه‌ی ئافره‌تانی نه‌ته‌وه‌یی كوردستان BANK ئه‌م رۆژه‌ له‌خۆمان و ئافره‌تانی كوردستان و جیهان پیرۆز ده‌كه‌ین و به‌رده‌وام ده‌بین له‌كاری رێكخراوه‌یی خۆمان له‌گه‌ڵ سه‌رجه‌م رێكخراوه‌كانی ئافره‌تان له‌ باشووری كوردستان بۆ باشتركردنی ره‌وشی ئافره‌تان و نه‌هێشتنی توندی تیژی له‌ دژیان و كار ده‌كه‌ین بۆ گۆڕین و هه‌مواركردنی هه‌موو ئه‌و یاساییانه‌ی دژی ئافره‌تانن بۆ به‌دیهێنانی ته‌واوی مافه‌كانی ئافره‌تان و به‌هه‌موو شێوه‌يه‌ك ئه‌و ياسايانه‌ ره‌تده‌كه‌ينه‌وه‌ كه‌ هه‌وڵى ده‌رچوواندنى ده‌كرێ و مافه‌كانى مێيينه‌ پێشێل ده‌كات،كار ده‌كه‌ين بۆ ئه‌وه‌ى ئافره‌تان پارێزراو بن و چیتر دووچاری توندوتیژی و كوشتن و سوتاندن نه‌بنه‌وه‌. * سه‌ركه‌وتوو بێت خه‌باتی نه‌پساوه‌ی ئافره‌تان له‌پێناو یه‌كسانی.

                                 بزووتنه‌وه‌ی ئافره‌تانی نه‌ته‌وه‌یی كوردستانBANK

                                8ی مارس/ 2026

میدیا – هه‌ولێر:
مه‌كته‌بی سیاسی یه‌كێتی نه‌ته‌وه‌یی دیموكراتی كوردستان YNDKله‌ هه‌ولێر، به‌شداری پرسه‌ى هاوڕێ حه‌ميد مه‌جيد موسا سكرتێرى ئه‌نجومه‌نى ناوه‌ندى پێشووى حزبی شیوعی ده‌كات.

پاش نيوه‌ڕۆى ئه‌مڕۆ شه‌ممه‌، رێكه‌وتى 7-3-2026 شاندێكی مه‌كته‌بی سیاسی YNDKكه‌پێكهاتبوو له‌هه‌ڤاڵان( د.شاخه‌وان خالید كارگێڕی مه‌كته‌بی سیاسیYNDK و شاكر هاشم ئه‌ندامى مه‌كته‌بی سیاسیYNDK ) به‌ئاماده‌بوونی هاوڕێ رائد فه‌همى سكرتێرى حزبى شيوعى عێراقى و هاوڕێ ئه‌بو كاروان سكرتێری ئه‌نجومه‌نی ناوه‌ندی حزبی شیوعی و ئه‌ندامانی مه‌كته‌بی سیاسی و ئه‌نجومه‌نى ناوه‌ندى حزبی شیوعی و  ژماره‌یه‌ك له‌ ئه‌ندامانيان و كه‌سوكار و خانه‌واده‌ و هاوسه‌نگه‌ر و هاوڕێیانی، به‌شداری پرسه‌ى هاوڕێ حه‌ميد مه‌جيد موسا سكرتێرى ئه‌نجومه‌نى ناوه‌ندى پێشووى حزبی شیوعی ده‌كه‌ن.

شاندی YNDK ‌ پرسه‌ و سه‌ره‌خۆشیان له‌ سكرتێر و ئه‌ندامانى حزبی شیوعی كوردستان و عێراق و بنه‌ماڵه‌ی خواڵێخۆشبوو كرد، له‌به‌رامبه‌ردا ئه‌بو كاروان سكرتێری ئه‌نجومه‌نی ناوه‌ندی حزبی شیوعی كوردستان سوپاسی په‌یامی هاوخه‌مى و به‌شداری شاندی(YNDK)یان له‌ پرسه‌كه‌ كرد ‌ ‌.

     - جه‌ماوه‌ری خۆڕاگرى كوردستان ...                  

     - كه‌سوكار و بنەماڵەی سەربەرزی شه‌هیدانی كوردستان ...

    - حزب و لایه‌نه‌ سیاسییەکان و رێكخراوه‌كانی كوردستان...

    ئه‌مڕۆ یادی (35) ساڵه‌ی راپه‌ڕینه‌ جه‌ماوه‌رییه‌كه‌ی 5ی ئاداری ساڵی 1991ى باشوورى كوردستان ده‌كه‌ینه‌وه‌، له‌م رۆژه‌ مێژووییەدا، جه‌ماوه‌ری باشووری کوردستان له‌ رانیه‌وه‌ ده‌ستی به‌ ڕاپه‌ڕین كرد، له‌ماوه‌یه‌كی كورتدا گڕى راپه‌ڕین هه‌موو شار و شارۆچكه‌‌کانى باشووری كوردستانی گرته‌وە، به‌هۆيه‌وه‌ كوردستان له‌ به‌عسییه‌‌كان پاككرایه‌وه‌‌ و مژده‌ی ئازادی و سه‌ركه‌وتنی گه‌لی كوردستان به‌سه‌ر زولم و سته‌م و چه‌وساندنه‌وه‌ و دیكتاتۆرییه‌تى به‌عسدا راگە‌یەنرا، له‌م رۆژه‌دا‌ گه‌لی كوردستان به‌ هه‌موو دونیای راگه‌یاند کەوا داگیركاری و ژێرده‌سته‌یی قبوڵناكات و هه‌ر كاتێ ده‌رفه‌ت له‌باربێت راپه‌ڕین و شۆڕش ده‌كات و كوردستان ده‌كاته‌ گۆڕستانی داگيركه‌ران و دوژمنان.

  ئه‌مساڵ یادی راپەڕین له‌ قۆناغێكى هه‌ستياردا دەکەینەوە، كه‌ كوردستان و عێراق و ناوچه‌كه‌ و جیهان له‌به‌رده‌م كۆمه‌ڵێك گۆڕانگاريدان، شه‌ڕى ئه‌مريكا و ئيسڕائيل له‌گه‌ڵ ئێران و شه‌ڕی ڕوسیا و ئۆکرانیا و گۆڕانکاری دیکەی ناوچەکە هاوکێشەی هێز دەگۆڕن،  لەو گۆڕانکارییانەدا کورد بێ رۆڵ نابن، به‌تايبه‌ت لەم کاتەدا دوای گۆڕانکارییەکانی رۆژئاوای کوردستان و بانگه‌واز و هه‌وڵه‌كانى ئاشتى ‌نێوان باکووری کوردستان و توركيا، لێک نزیکبوونەوەی لایەنە سیاسییەكانی ڕۆژهەڵاتی کوردستان، ئامانە هەموو وا دەکەن کەوا کورد ژمارەیەک بەهێزبێت لەنێو هاوکێشە سیاسییەکانی ناچەکەدا، بۆیە پێویستە هەموو لایەکمان کار بۆ یەکڕیزی بکەین و بەهاری ئەمساڵ بکەینە بەهاری کوردان.

 سەرەڕای ئەو پێشهات و گۆڕانکارییانە، حكومه‌تی عێراق به‌رده‌وامه‌ له‌ كێشه‌ دروستكردن بۆ حكومه‌ت و خه‌ڵكی كوردستان، ئه‌م سياسه‌تانه‌ى حكومه‌تى عێراق له‌ دژی كوردستان هه‌موویان بريارى سیاسین و نادەستوورین، له‌لايه‌كى ديكه‌وه‌ میلیشیا و گروپه‌ چه‌كداره‌كانى عێراق به‌رده‌وام به‌دڕۆن ژێرخان و بنكه‌ و پێگه‌ گرنگه‌كانى كوردستان ده‌كه‌نه‌ ئامانج و بۆردومانيان ده‌كه‌ن و هه‌وڵى تێكدانى بارى ئاسايشى كوردستان ده‌ده‌ن، له‌ رەوشێكی وادا پێویسته‌ به‌زووترین كات ده‌سه‌ڵاتی سياسیى كوردستان له‌گه‌ڵ سه‌رجه‌م لایه‌نه‌ سیاسييه‌كان کۆببێتەوە، بۆ ئەوەی بە پشتبه‌ستن به‌جه‌ماوه‌رى خۆڕاگرى كوردستان و، بە یەکدەنگى و یه‌كهه‌ڵوێستی رووبه‌ڕووى ئه‌و هه‌ڕه‌شانه‌ ببينه‌وه‌، ئەمەش دەبێتە باشترین وه‌ڵام بۆ پووچه‌ڵكردنه‌وه‌ى پیلانەکانى دوژمنان و داگیركه‌ران.

  لەهەمان کاتدا؛ خوازیارین هەموو لایەکمان ئه‌م یاده‌ بکەینه‌ هه‌وێنی یه‌كگوتاری لایه‌نه‌ سیاسییه‌كان و كۆتایی به‌ كێشه‌ و گرفته‌كان بهێنین و به‌هه‌موو لایه‌كمان نێوماڵی كوردستان رێكبخه‌ینه‌وه و كاربكه‌ين بۆ پێكهێنانى ئه‌نجوومه‌نێكى سياسى سه‌رتاسه‌رى كورستانى کە تەواوی لایەنە سیاسییەكانی کوردستان بگرێتەخۆ، بۆ ئه‌وه‌ى له‌و بارودۆخه‌ ئاڵۆز و پڕ ئاڵنگاری و شه‌ڕه‌‌دا ئاماده‌كارى ته‌واومان هه‌بێ‌ و بە گیانێکی کوردستانییانە مامەڵە لەگەڵ پێشهات و گۆڕانکارییەکان بکەین و پارێزگارى له‌ده‌ستكه‌وته‌كانى راپه‌ڕين بكه‌ين، به‌تایبه‌ت له‌كاتی ئێستادا کە دوژمنان و داگیركه‌رانی كوردستان هه‌موو هه‌وڵێكیان خستۆته‌گه‌ڕ بۆ‌ دژایه‌تیكردنی گه‌لی كوردستان و له‌باربردنی ئه‌زموون و حوكمڕانییه‌كانى، ئه‌وه‌ى‌ له‌ناوچه‌كه‌ش‌ رووده‌دات به‌رده‌وامى ده‌بێت، بۆیە پێویستە ئێمه‌ش بۆ ئه‌و گۆڕانكارييانه‌ ئاماده‌بين و كوردستان له‌ هه‌موو به‌شه‌كانى لەژێر دەستی داگیرکەرانی وڵات رزگار و ئازاد بكه‌ين و هه‌نگاو  به‌ره‌و سه‌ربه‌خۆيى كوردستان بنێين.

 - نەمری و سه‌ربه‌رزی بۆ شەهیدانی رێی سەرخۆبوون و ئازادی کوردستان.

 - مردن و رووڕه‌شی بۆ دوژمنان و داگیركه‌رانی كوردستان.

                        مه‌كته‌بی سیاسیی

                               یه‌كێتی نه‌ته‌وه‌یی دیموكراتی كوردستان YNDK

                           14ی ره‌شه‌مێی 2725ى كوردی

                          5ی ئاداری 2026ى زایینی