میدیا - هەولێر:

پێشنیوەڕۆی ئەمڕۆ ٢٨ / ٧ / ٢٠٢٥، سكرتێری گشتیی YNDK پێشوازی لە کەسایەتیى ناسراوى کوردى ئوردەن بەڕێز عەبدولوەدود کوردى كردو، لەدیدارەكەدا باسیان لە رەوشی کوردانى ئوردەن و دواپێشهات و پەرەسەندنەكانی ناوچەكە كرد.

پێشنیوەڕۆی ئەمڕۆ دووشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، لە بارەگای مەكتەبی سیاسی YNDK لە شاری هەولێر، بە ئامادەبوونى هەڤاڵ (قەهار مەخموورى ئەندامى مەکتەبى سیاسیى YNDK) پێشوازیانكرد له کەسایەتیى ناسراوى کوردى ئوردەن بەڕێز (عەبدولوەدود کوردى سەرۆکى کۆمەڵەى رۆشنبیرى کوردانى ئوردەن), لەدیدارەكەدا باس لە رەوشی کوردانى ئوردەن و چالاکییە رۆشنبیرییەکانیان و رۆڵیان لە ناساندن و پێشخستنى کلتورى کوردى لە کۆمەڵگەى ئوردەن كرا.

لەدوا تەوەری دیدارەكەشدا, جەختكرایەوە سەر پتەوكردنی پەیوەندی برایانەى نێوان هەردوولا.

- جه‌ماوه‌رى دڵسۆزى كوردستان..

- حزب و لايه‌نه‌ سياسييه‌كان و رێكخراوه‌كانى كوردستان....

 وه‌زاره‌تى خوێندنى باڵاى عێراق به بڕيارى ژماره‌ (6496) زمانى كوردى له‌ زانكۆ و ناوه‌نده‌كانى خوێندن، له‌ پارێزگاكانى كه‌ركووك و موسڵ و دياله، قه‌ده‌غه‌كردووه‌ و بڕياره‌كه‌ش گشتاندنى بۆ كراوه‌، به‌مه‌به‌ستى جێبه‌جێكردن.

 ئه‌م بڕياره‌ى خوێندنى باڵاى عێراق دوابه‌دواى سياسه‌تى دژايه‌تيكردن و برسيكردنى خه‌ڵكى كوردستان و ده‌ركردنى ژماره‌يه‌ك له‌ بڕياره‌ له‌لايه‌ن دادگاى فيدڕالى عێراق، ئامانجه‌كه‌شى روون و ئاشكرايه و ‌ داننه‌نانه‌ به‌مافه‌كانى خه‌ڵكى كوردستان و دژايه‌تيكردنى گه‌لى كوردستانه‌ به‌گشتى، ئه‌م سياسه‌ته‌ هى ئه‌مڕۆ نييه‌، به‌ڵكو به‌درێژايى مێژوو حكومه‌ته‌ يه‌ك له‌دواى يه‌كه‌كانى عێراق به‌شێوازى جۆراوجۆر نكوڵييان له‌ مافه‌كانى گه‌لى كوردستان كردووه‌.

 ئه‌م بڕياره‌ى وه‌زاره‌تى خوێندنى باڵاى عێراق نا ياسايى و نا ده‌ستوورييه‌، پێشێلكردنى زه‌قى مادده‌ى چواره‌مى ده‌ستوورى عێراقه‌، كه‌تيايدا زمانى كوردى له‌پاڵ زمانى عه‌ره‌بى به‌ زمانى فه‌رمى ناساندووه‌، ئه‌م بڕياره‌ جگه‌ له ‌شۆڤێنيه‌تى حكومه‌تى عێراق و وه‌زاره‌تى خوێندنى باڵا هيچى تر نييه‌ و بريارێكى ره‌گه‌زپه‌رستانه‌يه‌ دژى خوێنده‌ڤانانى كورد و زمانى به‌كوردى به‌گشتى و پێچه‌وانه‌ى بنه‌ماكانى ده‌وڵه‌تى فيدڕاڵى و  پێكه‌وه‌ژيان و مافه‌كانى مرۆڤه‌.

 ئێمه‌ له YNDK‌ ئه‌م بڕياره‌ بە تەواوى ره‌تده‌كه‌ينه‌وه‌ و دژى دەوەستینەوە، پێويسته‌ له‌ ناوچه‌ داگيركراوه‌كانى باشوورى كوردستان به‌ زمانى كوردى بخوێندرێ و خوێنده‌ڤانانى كورد به‌زمانى دايك بخوێنن و به‌زمانى خۆيان پرسيار بكه‌ن و وه‌ڵامى ‌تاقيكردنه‌وه‌كان بده‌نه‌وه‌، لەم پێناوەدا پێويسته‌ سه‌رجه‌م حزب و لايه‌نه سیاسییە‌كان و ده‌سه‌ڵات يه‌كڕيز و يه‌كهه‌ڵوێست بين و دژى ئه‌م بڕياره‌ بوه‌ستينه‌وه‌ و لێنه‌گه‌ڕێين جێبه‌جێبكرێ.

- مردن و رووڕه‌شى بۆ دوژمنان و داگيركه‌رانى كوردستان.

- سه‌ركه‌وێ ئيڕاده‌ى گه‌لى كوردستان.

                                              مه‌كته‌بى سياسيى

                           يه‌كێتى نه‌ته‌وه‌يى ديموكراتى كوردستان YNDK

                                     26ى ته‌ممووزى 2025ى زايينى

                                     هه‌ولێر- باشوورى كوردستان

میدیا- هه‌ولێر:

مه‌کته‌بی سیاسيی یه‌کێتی نه‌ته‌وه‌یی دیموکراتی کوردستان YNDK پێشوازى له‌ حزبی ديموکراتی کوردستانى ئێران (حدكا) له‌ هه‌ولێر ده‌كات، له‌دانشتنێكی برایانه‌دا گفتوگۆ له‌سه‌ر ره‌وشی كوردستان و ناوچه‌كه‌ كرا.

رۆژی سێشه‌ممه‌ رێكه‌وتی 15-7-2025 شاندێكى حزبی دیموكراتی كوردستانى ئێران-حدكا كه ‌پێكهاتبوو له‌به‌ڕێزان (ئامانج زیبایی، ئه‌ندامى رێبه‌رى و بەرپرسی پێوەندییەکانى هه‌ولێر، مەلا حەسەن واژەیی و حەسەن کاکیلی کادرانی پێوەندییەکان)، سه‌ردانی مه‌کته‌بی سیاسيی یه‌کێتی نه‌ته‌وه‌یی دیموکراتی کوردستان YNDK ده‌كه‌ن و پێشوازیكران له‌لایه‌ن هه‌ڤاڵان (د.شاخه‌وان خالید كارگێڕی مه‌كته‌بی سیاسی و شاكر هاشم ئه‌ندامى مه‌كته‌بى سياسى و فاخر نانه‌كه‌لی ئه‌ندامى سه‌ركردايه‌تى و به‌رپرسى هه‌رێمى هه‌ولێر  و جلال سمایل كارگێڕی مه‌كته‌بی ناوه‌ندی په‌یوه‌ندییه‌كان و ئه‌رسه‌لان كاروانى ئه‌ندامى مه‌كته‌بی ناوه‌ندی په‌یوه‌ندییه‌كان ) له‌ دانیشتنێكدا باس له‌ ڕه‌وشی سیاسی رۆژهه‌ڵاتى كوردستان و هاوهه‌ڵوێستی حزبه‌كان له‌سه‌ر پرسه‌ نیشتمانی و نه‌ته‌وه‌ییه‌كان و يه‌كريزى و يه‌كگوتارى هێز و لايه‌نه‌ سياسييه‌كان له‌ پێناو به‌ديهێنانى مافه‌كانى گه‌لى كوردستان.

هه‌روه‌ها باس له‌زیاتر توندوتۆلكردنی په‌یوه‌ندی برايانه‌ى هه‌ردوولا و سه‌رجه‌م حزب و لایه‌نه‌كانی هه‌موو به‌شه‌كانی كوردستان له‌پێناو يه‌كێتى نه‌ته‌وه‌يى و سه‌ربه‌خۆيى كوردستان كرا.

بەڕێزان/ ئەندامانی مەکتەبی سیاسی و کۆمیتەی سەرکردایەتی و سەرجەم هەرێمەکانی YNDK

سوپاس و پێزانین

بەناوی خۆم و خانەوادەکەمان زۆر سوپاسی هەستی برایانە و هەڵوێستی جوامێرانەی بەڕێزتان دەکەین، کە چ لەڕێگەی پەیوەندی تەلەفۆنیی بەڕێزتان یاخود ئامادەبوونی هەڤاڵان لەپرسەکەمان و ئاراستەکردنی پەیامی هاوخەمیتان بۆکۆچی دوایی (صبيحه صالح مصطفى) ی دایکی ئازیزمان خوالێیخۆشبێت، لەخەمەکانی کەمکردینەوە و ئارامیی و دڵنەوایی پێبەخشین، جارێکی تر سوپاستان دەکەین و نزاکارین لەخوای گەورە پاداشتتان بەچاکە بداتەوە و هەرگیز خەم نەیەتە ڕێتان و نموونەتان زۆربێت بۆخزمەتکردنی کۆمەڵگەی کوردیمان لەکوردستاندا.

جەمیل سنجاوی

لەجیاتی خانەوادەی

خوالێیخۆشبێت (صبيحه صالح مصطفى)

 15/7/2025