پەیامی سکرتێرى گشتیى YNDK بە بۆنەی سەری ساڵی بابلی ئاشووری و جەژنەکانى (ئەكیتۆ)

نيسان/أبريل 01, 2021
بەبۆنەی هاتنەوەى سەری ساڵی نوێی بابلی ئاشووری (6771) و جەژنەكانی (ئەكیتۆ)، گەرمترین پیرۆزبایی خۆمان ئاراستەی تەواوى گەلی كلدان سریان ئاشووری لە كوردستان و جیهان دەكەین و، هیڤیدارین ساڵی تازەی ئاشووری بابلی سەرەتایەکى نوێ بێت بۆ چەسپاندنى زیاترى بنەماکانى ئاشتى و برایەتی پێکەوەژیان و گەیشتن بە مافە رەواکانیان و كۆتاییهێنان بە شوێنەوارى ئەو زوڵم نەهامەتى و ناهەقییانە کە لەسایەى تیرۆرو تۆقاندن رووبەڕووى خوشک و برایانى کریستیانمان بوونەوە.
گەلی كلدان سریان ئاشووری ؛ پێکهاتەیەکى رەسەنى ناوچەکەمانن و رۆلێکى کارایان بینیوە لە بیناکردنى شارستانییەتى ناوچەکە، مانەوەو بوونیان لە ناوچەکەدا کلتووورى ناوچەکە دەوڵەمەند و، گیانى پێکەوەژیان قوڵتردەکاتەوە، بۆیە پاراستن و بەرەڤانیکردن لێیان ئەرکێکى نەتەوەیى و نیشتمانى و مرۆییە.
لەو بۆنەیەدا ؛ جارێکى دیکە پیرۆزبایى لە تەواوى گەلی كلدان سریان ئاشووری دەکەین و، هیواى جەژنێکى خۆش و پڕ لە شادییان بۆ دەخوازین.
غەفوور مەخموورى
سکرتێرى گشتیى
یەکێتى نەتەوەیى دیموکراتى کوردستان YNDK
1 / 4 / 2021