yndk
ناوەندی هاوکاریی حیزبەکانی رۆژههڵاتی کوردستان داوای بایكۆتكردنی ههلبژاردنهكانی ئێران دهكات
أيار 07, 2021میدیا-ههولێر
ناوەندی هاوکاریی حیزبەکانی کوردستانی ئێران داوا لە خەڵکی ئازادیخوازی ئێران و بە تایبەت کوردستان دەکات کە هەڵبژاردنەکانی سەرۆککۆماری و شۆرای شار و دێیەکان تەحریم بکەن و بە بەشداری نەکردنی خۆیان و چۆڵ ڕاگرتنی سندووقەکانی دەنگدان، ئەم هەڵبژاردنە بکەنە رێفراندۆمی دەنگی "نا" بە کۆماری ئیسلامی و هەموو جەنایەت و گەندەڵیەکانی
دهقی راگهیاندراوهكه :
شوێنەکانی دەنگدان لە کوردستان دەبێ لە هەموو ئێران چۆڵتر بێ
ڕاگەیاندنی ژمارە ١ی ناوەندی هاوکاریی حیزبەکانی کوردستانی ئێران
لە سەر بە نێو هەڵبژاردنەکانی کۆماری ئیسلامی ئێران
گەلانی ستەملێکراوی ئێران!
ئازادیخوازان!
خەڵکی خۆڕاگری کوردستان!
کۆماری ئیسلامیی ئێران لە مانگی جۆزەردانی ساڵی ١٤٠٠ی هەتاوی بۆ جارێکیتر شانۆی بە ناو هەڵبژاردنەکانی خۆی بەڕێوە دەبات. ئەمە لە کاتێکدایە کە بارودۆخی ئابووری، سیاسی و کۆمەڵایەتیی ئێران لە خراپترین ئاستی خۆی لە مێژووی نگریسی کۆماری ئیسلامیدایە. مودیرییەتی ناکارامە و نابەرپرسانەی ئابووریی وڵات، گەندەڵی لە ڕادە بەدەری بەرپرسانی ئەم ڕێژیمە و ئابڵۆقە ئابووریەکان، ئێرانی ژێر دەسەڵاتی کۆماری ئیسلامی هێناوەتە لێواری هەڵدێرەوە. ئەو دۆخە رۆژ لە دوای رۆژ لە لایەن چین و توێژە جیاوازەکان و لەوانە خەڵکی هەژار و مافخوراوی ئێرانەوە زیاتر هەستی پێ دەکرێ. لە سیاسەتی ناوخۆیی و دەرەکیدا کاربەدەستانی کۆماری ئیسلامی درێژە بە قوماری لەپێشڕا دۆڕاوی خۆیان دەدەن و کایە لەسەر گیان و ماڵ و ژیانی خەڵکی ئێران دەکەن و بە درێژەدان بە سیاسەتی چەوتی ناوکی و دەستێوەردان لە کاروباری وڵاتانی ناوچەکە و بگرە هەموو جیهان، وڵاتانی دنیایان لەگەڵ خۆیان کردۆتە دوژمن و لە ناوخۆشدا رۆژ لە دوای رۆژ ئاڵقەی یارانی رێبەری کۆماری ئیسلامی و نزیکانی دەسەڵات بەرتەسکتر دەبێتەوە. گرتن، ئێعدام و تێرۆر، ئەشکەنجە و تۆقاندن بەشێکی دانەبڕاوە لە شێوازی حکوومەتداریی ئەم ڕێژیمە.
لەو ناوەدا کۆماری ئیسلامی ئێران هەر جارە دەورێکی نوێ لە شانۆگەری هەڵبژاردنەکان دەخاتە بەرچاوی کۆمەڵگای جیهانی و خەڵکی ئێران، هەڵبژاردن چ بۆ مەجلیسی شۆرای ئیسلامی یان شۆرای شارەکان و چ بۆ سەرۆک کۆماری لە ئێراندا بێت هیچ پێوەندییەکی بە هەڵبژاردنی ئازاد بە شێوەی باو لە دنیای ئازاد و وڵاتانی دیموکراتیکدا نیە و تەنیا شانۆیەکە بۆ ڕازاندنەوەی ڕواڵەتی دەسەڵاتێکی دیکتاتۆر و سەرکوتکەر. لە هەمان کاتدا کۆماری ئیسلامی بە وەڕێخستنی ئەو شانۆگەرییانە هەوڵی داوە خەڵکێکی زۆرتر ڕابکێشێت بەرەو سندووقەکانی دەنگدان و ئەو بابەتە وەک پشتیوانیی خەڵک بۆ نیزامی سیاسی لە قەڵەم بدا و بە بیروڕای گشتیی دنیای دەرەوە و بەشێک لە خەڵکی ناوخۆی بفرۆشێتەوە.
ناوزڕاندن و شەڕی دەسەڵات گەیشتۆتە لووتکەی خۆی و دامودەزگا ئەمنی و سەربازییەکانی کۆماری ئیسلامی هەر ڕۆژە کەلێنێکی تازەیان تێدەکەوێت. نفووزی وڵاتانی دەرەکی تا قووڵایی ئەمنی و سەربازی و ئۆپەراسیۆنە یەک لە دوای یەکەکانی وەک تەقاندنەوەی شوێنەکانی بەرهەمهێنانی ئۆرانیۆم تا بردنە دەرەوەی سەدان و هەزاران بەڵگەی مەحرەمانەی دەوڵەتی تا ئاستێک کە هەموو نهێنییە سەربازی و دەوڵەتییەکان ئاشکرا کراوە و ئیتر شتی شاراوەی بۆ نەماوەتەوە.
لە لایەکی دیکەوە رێژەی ئەو خەڵکەی هێشتا متمانەیان بە حکوومەت ماوە لە خوارترین ئاستی خۆی لە هەموو مێژووی کۆماری ئیسلامیدایە. سەرکوتی خۆپێشاندانەکانی ساڵەکانی ١٣٩٦ و ١٣٩٨، درۆ و فریوکاری لە هەمبەر خستنەخوارەوەی فرۆکەی نەفەر هەڵگری ئۆکراینی لە ڕێکەوتی ١٨ی بەفرانباری ١٣٩٨ لە سەر تاران، خەمساردییان لە هەمبەر پەرەسەندنی ڤیرووسی کۆویدی ١٩ و زەرەر و زیانی گیانی و ماڵی و ئابووری لە خەڵکی هەژار ئیتر جێگایەکی بۆ متمانە و دڵخۆشی بە پڕۆپاگەندەی دەوڵەتی و حکوومی بۆ بەشداری لە هەڵبژاردن نەهێشتۆتەوە. لە ئاخرین ڕاپرسییەک کە تەلەڤزیۆنی ڕێژیم بڵاوی کردۆتەوە دەڵێ تەنیا سی لە سەدی خەڵک لە هەڵبژاردنەکاندا بەشداری دەکەن. هەرچەند ئەو ئامارگیرییانەش وەک زۆر شتی دیکە لە وڵاتێکی دیکتاتۆری و کەش و هەوایەکی داخراودا بەرێوە چووە و ناتوانێ هەموو ڕاستییەکان نیشان بدات و وێدەچێ رێژەی بەشداری لە هەڵبژاردنەکاندا زۆر کەمتر لەوە بێ، بەڵام خۆی لە خۆیدا ئەوە دانپێدانانێکی سەرنجڕاکێشە کە لە زمانی دامودەزگا دەوڵەتییەکانەوە دەبیسترێ.
خەڵکی خەباتکاری کوردستان!
ئاستی ناڕەزایەتیی خەڵک تا دێ، ڕوو لە هەڵکشانە و خەڵک بە تەواوی لەو ڕێژیمە بێ هیوا بوونە و ئەو نارەزایەتییە جەماوەرییە ئیتر تەنیا تایبەتمەندیی نەتەوە بندەستەکانی ئێران نیە و هەموو چین و توێژێکی کۆمەڵگای ئێرانی گرتۆتەوە. ناڕەزایەتییەکانی ئەم ساڵانەی ڕابردوو، کە خەڵک لە سەر موحتاج بوون بە نانی شەوی خۆیان دەریان بڕیوە ئەو ڕاستییە دەردەخات کە تا چ ڕادەیەک کۆماری ئیسلامی و دەسەڵاتدارانی بێکیفایەت و نابەرپرسن لە ئاست ژیان و بژێوی خەڵکدا.
دیارە بارودۆخی کوردستان تا ڕادەیەکی بەرچاو خراپترە لە هەموو بەشەکانی دیکەی ئێران. خەڵکی کورد جیا لە هەڵاواردنی ئابووری کە بە سەریاندا سەپاوە و کەوتوونەتە ژێر گوشارێکی زیاتر، لە هەموو بوارەکانی دیکەشدا هەر لە ژێر گوشار و هەڵاواردندان. لەبیرمان ناچێتەوە کە سەرۆک کۆمارەکانی پێشوو هەر جارەو بە دروشمێکی نوێ و بەڵێنی جۆراوجۆر هەوڵیان داوە خەڵک بهێننە سەر سندووقەکانی دەنگدان و دواتریش وەڵامیان بۆ خەڵکی تێکۆشەری کوردستان گوللـە و پەتی سێدارە و زیندان بووە.
ناوەندی هاوکاریی حیزبەکانی کوردستانی ئێران دوای لێکدانەوە و لێکۆڵینەوەی بارودۆخی ئێستای ئێران و ناوچەکە بەو ئاکامە گەیشت کە بەشداریی خەڵک لەو هەڵبژاردنەشدا هەر وەک جارانی پێشوو هیچ دەسکەوتێکی بۆ خەڵک تێدا نابێت و تەنیا دەبێتە کەرەستەی پرۆپاگەندەی کۆماری ئیسلامی بۆ نیشاندانی ئەوەی کە لە نێو خەڵکدا ڕەوایی هەیە. لەوە زۆرتر بەشداریی خەڵک لەم هەڵبژاردنەشدا دەبێتە یامەتیدەر و پاساودەری سەرکوتی زیاتر، ئەشکەنجەی زیاتر و ئیعدامی زیاتر لە جاران و مۆری تەئیدێک لەسەر کردەوەکانی کۆماری ئیسلامی.
ناوەندی هاوکاریی حیزبەکانی کوردستانی ئێران داوا لە خەڵکی ئازادیخوازی ئێران و بە تایبەت کوردستان دەکات کە هەڵبژاردنەکانی سەرۆککۆماری و شۆرای شار و دێیەکان تەحریم بکەن و بە بەشداری نەکردنی خۆیان و چۆڵ ڕاگرتنی سندووقەکانی دەنگدان، ئەم هەڵبژاردنە بکەنە رێفراندۆمی دەنگی "نا" بە کۆماری ئیسلامی و هەموو جەنایەت و گەندەڵیەکانی.
لە ڕوانگەی ئێمەوە تەنیا دەنگنەدانی تاکەکان بەس نییە، بەڵکوو هەموو تاکێکی کۆمەڵگا دەبێ ببێتە تریبۆنی نا بۆ هەڵبژاردن و هەموو لایەک وێکڕا، بکەوینە خۆ بۆ تەحریمی چالاک هەڵبژاردنەکانی ئەو دەورەیەی کۆماری ئیسلامی و بە تەواوی پووچەڵبوونی ڕەوایی ڕێژیم بۆ هەموو جیهان ئاشکرا بکەین و بسەلمێنین.
ناوەندی هاوکاریی حیزبەکانی کوردستانی ئێران
١٧ی گوڵانی ١٤٠٠ی هەتاوی
٧ی مەی ٢٠٢١ زایینی
مێژووی كورد پڕه له داستانی بهرخۆدان و خهبات و تێكۆشان له پێناو بهدهستهێنانی ماف و ئازادییهكان، بهڵام هیچ كات ئهو ماف و ئازادییانه بێ یهكریزی و گیانی تهبایی نههاتوونهته دی، بۆیه له قۆناغی ئهمڕۆمان گهلی كوردستان له ههموو كات زیاتر پێویستی بهو یهككریزی و گیانی تهبایی و پێكهوهژیانه ههیه.
یهكریزی كۆكردنهوهی هێز و تواناكانه
لهم قۆناغهی ئهمڕۆی رۆژههڵاتی ناوهڕاست و جیهان پێیدا تێپهڕ دهبیت، گهلی كوردستان بههۆی پیلانی دوژمنان و داگیركهران كهلێن و درزی لهنێو دروست بووه و بههۆی كهسانی خیانهتكار و ههڵپهرست و بهرژهوهند پهرست یهكریزمان تێكدهدهن و دووچاری پاشا گهردانی دهبینهوه و سێرهی تهماشاكردنمان لهنێو ئارمانجی مافهكانمان لهدهست دهدهین. بهپیێچهوانه چهندهی گهلی كوردستان به حزب و لایهنهكان و هێزه سیاسییهكان لهیهك نزیك ببووین توانیمانه مافهكانمان بهدهست بهێنین.
یهكریزی یهكگوتاری یهكههڵوێستی
ههرێمی كوردستان ههمیشه بهوه جوان بووه كهفره نهتهوه و ئایین و مهزههب و هزر و ئایدیای جیاوازه، هیچ كاتێك یهكێك لهو نهتهوانه مافی ئهوانی دیكهی پێشێل نهكردووه، بۆیه كوردستان بۆته نمونهیهكی جوانی پێكهوهژیان له ههموو جیهان، ههرگیز داوای ئهوه نهكراوه لایهنه نیشتمانی و نهتهوهیی و دیموكرات و عهلمانی و ئیسلامییهكان له یهك حزب یهكبگرن، خۆی ئهوه ههر نابێ لهبهر جیاوازی هزر و بیركردنهوهیان، بهڵام خۆ ئهویان پێدهكریت له كاتی هاتنه پێشی رووداوێك و پرسێك، یهككریز و یهكههڵوێست و تهبا بن، بهكاری بهكۆمهڵ بهیهكهوه شانی بدهنه بهر و بهقازانج بۆ گهلی كوردستانی بگهڕێننهوه.
دوژمنان بۆ دژایهتیمان یهكریزن
بهدرێژایی مێژوو دوژمنان و داگیركهرانی كوردستان به جیاوازی بیركردنهوه و دهولهت و مهزههبیان جیاوازییان ههبووه و كۆك نهبوونه، ههمیشه لهشهڕ و پێشێلكاری لهدژی یهكتر و خاك و سنوور بهزاندن و شهڕدابوونه و ناكۆكیان گهیشتۆته رادهی ئهوهی به چهندین دهیه نهتوانن بهیهكهوهش بۆ چارهسهركردنی ناكۆكییهكانیان دابنیشن، بهڵام كاتێ باس دێته سهر دژایهتیكردنی كورد و كوردستان ئهوا بهزووترین كات لهسهر مێزی بازنهیی وهك بڵێیی چارهنووس و بیركردنهوهیان یهكه، دادهنیشن و یهكریز دهبن بۆ پیلان داڕشتن و لێدانی گهلی كوردستان و لهناوبردنی شۆڕش و راپهڕینهكانی، بۆیه دهبێ سهرجهم پێكهاته و حزب و لایهنه سیاسییهكان درك بهوه بكهن دوژمنمان زۆره ههمیشه كاردهكهن بۆ لهباربردنی ئهزموون و دهستهكهوتهكانی گهلی كوردستان.
ئهزموونهكانی یهكریزیمان
لهراپهڕینی ساڵی 1991 لهبهر ئهوه جهماوهری كوردستان لهپشت پیشمهرگه و بهرهی كوردستانی بوو سهرجهم حزب و لایهنهكان یهكریزبوون بۆ لهناوبردنی رژێمی بهعس، ئهوهبوو كاتێ راپهرین له5ی ئاداری ئهمساڵه له رانیه چهخماخهیدا لهماوهیهكی زۆر كورتدا سهرجهم شار و شارۆچكهكانی باشووری كوردستان ئازادكران و رژێمی بهعس وهدهرنرا، ههروهها لهو كاتهی هاوپهیمانان پاڵپشتی گهلی كوردستان و عێراقیان كرد بۆ رووخانی رژێمی بهعس لهو ساتهش حزب و لایهنهكان یهكریزبوون و تهواوی ناوچه داگیركراوهكانی باشووری كوردستان و عێراق لهژیر چنگی رژێمی بهعسی رووخاو ئازادكران، ههروهها شهڕی داعش كه جهماوهر و حزبهكان پاڵپشتی پیشمهرگه بوون، بۆیه پێشمهرگه توانی خاكی كوردستان له داعش پاك بكاتهوه و كۆتایی بهحوكم و دهسهلاتیان بهێنێت، دوایین یهكریزی ئهمساڵ بوو كهسهرجهم حزب و لایهنهكان و فراكسیۆنه كوردییهكان له پهرلهمانی عێراق یهكریز و یهكگوتار بوون، بۆیه توانرا بهشه بودجهی ههرێمی كوردستان لهناو بودجهی عێراق بۆ ساڵی 2021 بچهسپێنن و ئهمانه و دهیان و سهدان نمونهی دیكه كهبهیكریزی سهركهوتوو بووینه.
بۆ یهكریز نین
هۆكاری سهرهكی ناكۆكی ههندێ لایهن، بهتایبهت ئێستا له سۆشیال میدیا بهدهیان دهفتهر دۆلار خهرج دهكرێ بۆ دژایهتیكردن، ههندێ له كهسایهتی و حزبهكان بۆ یهكتری شكاندن و له كهداركردن ئهم كاره به بهرنامه دهكهن، كه بهڕاستی كارێكی زۆر نهشیاوه و جگه لهزهرهر هیچ قازانجێكی نییه، ههروهها كورسی و دهسهلات و بهرژهوهندی كهسی و یهكترقبولنهكردن و خزمایهتی و مهحسوبیهت ههموو هۆكارن بۆ تهبا نهبوونمان.
یهكریزی تهنیا بۆ روبهڕوبوونهوهی دوژمن نییه
یهكریزی گهلی كوردستان و حزبهكان ئهوانهی لهناو پهرلهمان و حكومهتن، ئهوانهشی له دهرهوهن، كه یهكریز بن تهنیا بۆ روبهڕوبونهوهی دوژمنانی گهلهكهمان نییه، بهڵكو یهكریزمان بۆ ئهو بهرنامهیهی كابینهی نۆیهمی حكومهتی كوردستان ههڵیگرتووه بۆ چاكسازی و ئاشكراكردنی گهندهلكاران و بهسزا گهیاندینان، بۆیه دهكرێ یهكریز بین بۆ زیاتر خزمهتگوزاری و نههێشتنی تاوان و گهڕاندنهوهی كهركووك و ههموو ناوچهدابڕێندراوهكان بۆ سهر ئیدارهی حكومهتی كوردستان. لهبهر ئهوه گرنگه یهكریز بین لهسهر ئاستی ناوخۆ، له بهغدا، له دهرهوه ههتاكو مافهكانمان بهدهستبهێنین و لهدهرهوه بههێز بین و پاڵپشتی بۆ كیان و ئهزموونهكهمان له رووی نێودهوڵهتییهوه زیاد بكهین.
چیبیكهین تا یهكریز بین
پێویسته بهزووترین كات ناو ماڵی كوردستان رێك بخهینهوه و ناكۆكی و كێشهكان لهسهر مێزی گفتۆگۆ بهدیالۆگ چارهسهر بكهین و چیتر یهكتری نهشكێنین و هێلی سووری پیرۆزییهكانی گهلی كوردستان پیشێل نهكهین، بهگهڕانهوه بۆ بهرهی جهماوهر دهتوانین دهستكهوتهكانمان بپارێزین و گرنگیدانی زیاتر به كاروباری هاووڵاتییان و فهرمانبهران و مامۆستایان و خانهوادهی شههیدان و خاوهن پێداویستی تایبهت و پێشمهرگه، ههروهها چاكسازی راستهقینه بكهین ئهو ههنگاوه چاكسازییهی حكومهت دهستی پێكردووه تهواوی بكات و گهندهلكاران بدرێنه دادگا و ئهوانهی كار بۆ بهرژهوهندی كهسی دهكهن و سامانی ئهو ولاته ههڵدهلوشن بهسزا بگهیهنرێن و بهرژهوهندی گشتی بخهینه سهر بهرژوهوهندی كهسی و حزبی. ههروهها بهزووترین كات ئهو ههلمهتی یهكتر شكاندن و ناوزڕاندنهی لهسۆشیال میدیا ههیه رابگیرێ و پهیماننامهی شهرهف واژۆ بكرێ چیتر پهنا بۆ ئهو جۆره كاره نهشیاوانه نهبردرێ و بهستنی كۆنگرهیهكی نهتهوهیی كوردستانی به بهشداری ههموو لایهك بۆ داڕشتنی ستراتیژی نهتهوهیی لهپێناو روبهڕوبوونهوهی پیلانی دوژمنان و داگیركهرانی كوردستان.
پهیامی هاوخهمی سكرتێری گشتی YNDK بۆ پارتی كرێكاران و رهنجدهرانی كوردستان بهبۆنهی كۆچی مامۆستا ڕەسووڵ قهڵادزهیی
نيسان/أبريل 30, 2021براى بەڕێزمان كاك باپیر کامەلا سکرتێرى گشتیى پارتى کرێکاران و رەنجدەرانى کوردستان
بەڕێزان ئەندامانى مەکتەبى سیاسى و ئهنجومهنی سهركردایهتیی پارتى کرێکاران و رەنجدەرانى کوردستان
خانەوادەى خوالێخۆشبوو (مامۆستا ڕەسووڵ قەڵادزەیی)
سڵاوێكی برایانەی گەرم ...
بەخەم و پەژارەیەکى زۆرەوە هەواڵی کۆچی دوایی تێکۆشەرى ناسراو کاک (ڕەسووڵ عومەر ڕەسووڵ) ناسراو بە (مامۆستا ڕەسووڵ قەڵادزەیی) ئهندامی ئهنجومهنی سهركردایهتی پارتی كرێكاران و رهنجدهرانی كوردستان-مان پێگەیشت، (مامۆستا ڕەسووڵ قەڵادزەیی) کەسایەتییەکى دڵسۆزو بە ئەزموونى خەباتى کوردایەتى بوو، خۆی بۆ خەبات و تێکۆشان و خزمەتكردنی گەلی كوردستان تەرخان كردبوو، بەناوی خۆمان و ئەندامانی مەكتەبی سیاسی و كۆمیتەی سەركردایەتی و ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی خۆمان ئاراستەى جەنابتان و خوشک و برایانمان لە پارتى کرێکاران و رەنجدەرانى کوردستان و، خانەوادەى سەربەرزى خوالێخۆشبوو و تەواوى خزمانى دەكەین و خۆمان بە هاوبەشى خەمتان دەزانین و، ئومێد دەكەین ئەوە دواخەم و ناخۆشیتان بێت و، لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.
براتان
غەفوور مەخموورى
سکرتێرى گشتیى
یەکێتى نەتەوەیى دیموکراتى کوردستان YNDK
1 / 5 / 2021
غەفوور مەخموورى : پێویستە کرێکاران و رەنجدەرانى کوردستان بایەخى تەواویان پێبدرێت
نيسان/أبريل 30, 2021لە پەیامیکیدا بەبۆنەى رۆژى جیهانى کرێکارانەوە:
غەفوور مەخموورى : پێویستە کرێکاران و رەنجدەرانى کوردستان بایەخى تەواویان پێبدرێت و ژیانێکى شایستەتریان بۆ دابینبکرێت
میدیا - هەولێر:
غەفوور مەخموورى سکرتێرى گشتیى یەکێتى نەتەوەیى دیموکراتى کوردستان ؛ بەبۆنەى رۆژى جیهانى کرێکارانەوە لە پەیامیکیدا وێڕاى پیرۆزبایى لە کرێکاران و رەنجدەران، داواى ژیانێکى شایستەتریان بۆ دەکات و، لەهەمان کاتدا داوا دەکات کەوا لە کوردستان (یاساى بیمەى بێکارى) بەشێوەیەکى سەردەمییانە دابڕێژرێت و پەسەند بکرێت و بخرێتە وارى جێبەجێکردنەوە، بۆ ئەوەى کرێکاران و رەنجدەران سوودى لێببینن و، لە رێى ئەم یاساوە کار بۆ پاراستنى مافەکانیان بکرێت. ئەمەش دەقى پەیامەکەیە :
بەرزو پیرۆزبێت رۆژی جیهانیی کرێکاران و رەنجدەران
بە بۆنەی يەکی ئايار رۆژی جیهانیی کرێکاران و رەنجدەرانەوە، پڕ بەدڵ پیرۆزبایى لە تەواوى کرێکاران و رەنجدەرانى کوردستان و هەموو جیهان (ئافرەتان و پیاوان) دەکەین و رێزو خۆشەویستى خۆمانیان پێڕادەگەیەنین و، هیوای شادى و سەرکەوتنيان بۆ دەخوازین.
ئومێد دەکەین کرێکاران و رەنجدەرانى کوردستان کەوا بنیاتنەرى وڵاتن بایەخى تەواویان پێبدرێت و ژیانێکى شایستەتریان بۆ دابینبکرێت و رەنج و ماندووبوونیان لەبەرچاو بگیرێت، لەهەمان کاتدا داوادەکەین کەوا لە کوردستان (یاساى بیمەى بێکارى) بەشێوەیەکى سەردەمییانە دابڕێژرێت و پەسەند بکرێت و بخرێتە وارى جێبەجێکردنەوە، بۆ ئەوەى کرێکاران و رەنجدەران سوودى لێببینن و، لە رێى ئەم یاساوە کار بۆ پاراستنى مافەکانیان بکرێت.
لەگەڵ رێزو خۆشەویستی دووبارەمان بۆ تەواوى کرێکاران و رەنجدەرانى کوردستان و جيهان.
غەفوور مەخموورى
سکرتێرى گشتیى
یەکێتى نەتەوەیى دیموکراتى کوردستان YNDK
١ / ٥ / ٢٠٢١
رسالة الشكر من ممثل ديوان الأكراد وعائلة الهشلمون الآيوبي في فلسطين الى السكرتير العام للاتحاد القومي الديمقراطي الكوردستاني YNDK
نيسان/أبريل 27, 2021
میدیا - هەولێر
مەكتەبی سیاسیی یەكێتی نەتەوەیی دیموكراتی كوردستان YNDK پیرۆزبایی له پارتی چاكسازی توركمان دهكات.
مەكتەبی سیاسی YNDK به بۆنهی (16)مین ساڵیادی دامهزراندنیان پیرۆزبایی لهمەكتەبی سیاسی مهكتهبی سیاسیی پارتی چاكسازی توركمان دهكات:
دهقی پهیامی پیرۆزباییهكه:
بۆ بەڕێز مەكتەبی سیاسی پارتی چاكسازی توركمان
بابەت / پهبامی پیرۆزبایی
سڵاوی سەرخۆبوونو ئازادی ...
بەبۆنەی(16)همین ساڵیادی دامەزراندنی پارتەكەتان (پارتی چاكسازی توركمان) بەناوی خۆمانو تەواوی ئەندامو لایەنگرانی یەكێتیمانYNDK، جوانترین پیرۆزبایتان ئاراستە دەكەینو خوازیارین ساڵیادی دامەزراندنی ئەمساڵتان هاندەر بێت بۆ زیاتر گەشەكردنی پارتەكەتان.
بەڕێزان : پارتەكەتان (پارتی چاكسازی توركمان) لەماوەی تەمەنی خەباتی وەك لایەنێكی كاریگەر، توانیویەتی ببێتە چەترێك بۆ كۆكردنەوەی كەسانی نیشتمانپەروەر لەدەوری خۆی، هەموو كاتێكیش هەڵگری پەیامی ئاشتیو برایەتیو پێكەوە ژیانی سەرجەم نەتەوەو ئایینەكان بووە لەكوردستاندا، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێزو لایەنەكانی كوردستانە بەسەرجەم پێكهاتەو نەتەوەكانیەوە لەپێناو بەدیهێنانی تەواوی مافەكانی گەلی كوردستان.
لەم بۆنەدا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان .
دووبارە ساڵیادتان پیرۆز … هەر سەركەوتوو بن .
مەكتەبی سیاسی
یەكێتی نەتەوەیی دیموكراتی كوردستان YNDK
25 -4-2021
پيرۆزبێت سهد و بیست و سێیهمين ساڵيادى دهرچوونى (كوردستان) يهكهم رۆژنامهى كوردى
نيسان/أبريل 23, 2021
لە یادی 123ساڵەی رۆژنامەگەری کوردیدا، سەندیکای رۆژنامەنووسانی کوردستان راگهیاندراوێكی بڵاو كردهوه و رایدهگهێنێت: حكومهت رێو شوێنی پێویست بگرێته بهر بۆ ئامادهكردنی پێداویستییهكانی ئهكتیڤ كردنی یاسای بهدهستهێنانی زانیاری، هاوکات پرۆژهی دروستكردنی گوندی هاوچهرخی میدیاكاران له ههموو پارێزگاكانی ههرێم بچێتە بواری جێبەجێکردنەوە.
دهقی راگهیاندراوهكهی سهندیكای رۆژنامهنووسانی كوردستان:
123 ساڵیادی رۆژنامهگهریی كوردی 23 ساڵیادی دامهزراندنی سهندیكای رۆژنامهنووسانی كوردستان پیرۆزبێت
(22)ی نیسان كه هاوكاته لهگهڵ دهرچوونی یهكهمین ژمارهی رۆژنامهی(كوردستان) رۆژی رۆژنامهگهریی كوردی و ئهمساڵیش 123 ساڵ بهسهر ئهو رۆژه پڕ شكۆیه و (23) ساڵ بهسهر دامهزراندنی سهندیكای رۆژنامهنووسانی كوردستان تێدهپهرێت” كه ههردوو بۆنهكه له خزمهت پیشهی رۆژنامهگهریی و ئازادی كاری میدیا و بهدیهێنان و گهرهنتی كردنی ژیان و گوزهرانی باشتر بۆ هاوپیشهكانمان، واتاو گرنگی خۆی ههیه، ئهم یادكردنهوه بهخۆشحاڵیهوه هاوكاته لهگهڵ پرۆژه یاسای به فهرمی ناساندنی رۆژی رۆژنامهگهریی كوردی له پهرلهمانی كوردستان.
ئهم دوو یاده، یهكهمین بهردی بناغهی پیشهی رۆژنامهگهریی و دامهزراندنی یهكهمین ئۆرگانی سهندیكای پیشهیی له مێژووی گهلی كوردستاندا ئیلهام بهخشه بۆ زیاتر بهرقهراربوونی دیموكراسی و باشتركردنی ژیان و گوزهرانی رۆژنامهنووسان، خوازیارین چیتر رۆژنامهنووسان نهگیرێن و پێشێلكاری بهرامبهریان بوهستێت و یاسای ژماره 35ی ساڵی 2007 وهكو خۆی جێبهجێ بكرێت.
ئهمساڵیش كه ئهم یاده بهرز رادهگرین، بۆ دووهمین ساڵه جیهان و كوردستان هێشتا بهدهست ڤایرۆسی كۆرۆناوه دهناڵێنن و جێی خۆیهتی لێرهدا پڕبهدڵ سوپاسی ههموو ئهو كهناڵ و میدیاكارانه بكهین، وهكو خهمخۆری هاوڵاتیان له خزمهت بهرژهوهندی گشتی و هاوكاری كهرتی تهندروستی و هێزهكانی ناوخۆ بوون، خوازیاری تێپهراندنی ئهو بارودۆخهو سهلامهتی گشت لایهك بهتایبهت رۆژنامهنووسانین، رێز له خهباتی پیشهیی و نیشتمانیان دهگرین، ئهنجوومهنی سهندیكای رۆژنامهنووسان، هیواخوازهو جهخت دهكاتهوه كه ئهمساڵیش گهر رهوشی كۆرۆنا به سهلامهتی تێپهرێت، كۆنگرهی ئاسایی خۆی ببهستێ و تا ههموو رۆژنامهنووسان به تایبهت ئهوانهی له كۆنگرهی رابردوو به هۆی بۆچوونی سیاسیانهوه بهشداری كۆنگرهیان نهكرد، بهشداربن تاوهكو سهندیكا بههێزتر بكهن.
ئهنجوومهنی سهندیكا دهستخۆشی له خۆڕاگری ستافی لق و نووسینگه و لیژنهكانی داكۆكی و وهرزشی و خانمان و ئۆفیسی سهلامهتی پیشهیی دهكات” وێرای ئاستهنگ و گرفتی زۆر بهڵام له ئهرك و كارهكانیان بهردهوام بوون.
لهرووی پیشهییهوه، سهندیكا داوا له میدیاكاران دهكات، ئیلتیزام به بهڵێننامهی شهرهفی كاری رۆژنامهنووسیهوه بكهن لهرووی ئیتیك و پاراستنی بهرژهوهندی باڵای ههرێمی كوردستان، داواش له ناوهندهكانی میدیا دهكات، برگهی(حهوتهم)ی ماددهی (حهوتهم)ی یاسای رۆژنامهگهریی به ئهنجامدانی گرێبهست لهگهڵ رۆژنامهنووسان جێ بهجێ بكهن، ههروا داوادهكات ماڵپهرهكانی ههواڵ و زانیاری پێگهكانیان له سهندیكا تۆمار بكهن، تۆمار نهكردنیان بهڵگهی نا شهفافی و نا سهربهخۆیی ئهو پێگه ئهلیكترۆنیانه دهسهلمێنێ، كه تائێستا خۆیان تۆمار نهكردووه.
ههروا ئهنجوومهنی سهندیكا سهرنجی داوه، زۆر جار له ئاگابوون یان بێ ئاگایی بێ پاساوێكی پیشهیی، سیفهتی رۆژنامهنووسی به خهڵكانێكهوه دهلكێنرێ، كه رۆژنامهنووس نین، كه ئهمهیان به هیچ كڵۆجێك خزمهتی ئایندهی دیموكراسی و پرۆسهی ئازادی میدیا و بهرژهوهندی ههرێمی كوردستان ناكات و جهخت دهكهینهوه رۆژنامهنووسی پیشهیی، له ههموو دونیادا بهپێی پێوهره نێودهوڵهتیهكان و دهقه یاساییهكان دیار و ئاشكران كه كێ رۆژنامهنووسه.
ئهنجوومهنی سهندیكای رۆژنامهنووسان، به ئاماژه كردن به دیداری نێوان بهرێز سهرۆكی حكومهتی ههرێمی كوردستان و ئهنجوومهنی سهندیكا له رێكهوتی 1/3/2021 جهخت لهسهر دهقی یاداشتنامهی خۆی دهكاتهوه و داواكارین:.
* لیژنهی داكۆكی له رۆژنامهنووسان، كه بهشێكی فهرمی سهندیكای رۆژنامهنووسانه، ههرشهش مانگ جارێك و ساڵانهش راپۆرتی كۆتایی ساڵ بهزمانهكانی كوردی و عهرهبی و ئینگلیزی بڵاودهكاتهوه، سهندیكا داوا دهكات، حكومهتی ههرێمی كوردستان لیژنهیهكی به دواداچوون پێكبهێنێت، ئهنجامی راپۆرتهكان له پرێس كۆنفراسێكدا بخرێته روو.
* حكومهت رێو شوێنی پێویست بگرێته بهر بۆ ئامادهكردنی پێداویستییهكانی ئهكتیڤ كردنی یاسای ژماره 11ی ساڵی 2013 بهدهستهێنانی زانیاری.
* حكومهتی ههرێم لیژنهیهكی تایبهت له ستافی حكومهت، لهگهڵ پسپۆرانی میدیا و سهندیكای رۆژنامهنووسانی كوردستان پێكبهێنێ، تابتوانرێ ئهو بۆچوون و رێوشوێنانهی سهندیكا پێشنیاری كردون، بكرێنه پرۆژهی گهڵاڵه كراو به تایبهت له ریفورمكردنی یاسای ژماره 13 ساڵی 2001 خانهنشینی رۆژنامهنووسانی كوردستان، هاریكاربێت له چارهسهری كێشهی خانهنشینی رۆژنامهنووسان وهكو باقی توێژو پیشهكانی تر.
* پێداچوونهوه بكرێت به بریارو رێنوێنیهكانی وهزارهتی دارایی سهبارهت به سهرمووچهو بهرزكردنهوهو خانهنشینی خزمهتی رۆژنامهنووسی ، كه له برگهی 2ی ماددهی 19ی یاسای سهندیكای رۆژنامهنووسانی كوردستاندا جێگیر كراوه.
* تهواوكردنی باڵهخانهی ئهنجوومهنی سهندیكا و پرۆژهی زاری كرمانجی له رواندز، كه چوارساڵه بهردی بناغهیان بۆ دانراوه.
* پرۆژهی دروستكردنی گوندی هاوچهرخی میدیاكاران، كه پێشتر ئاراستهی كابینهی رابردوو كراوه، به هاریكاری كهرتی تایبهت له ههموو پارێزگاكانی ههرێم.
* ئهنجوومهنی سهندیكای رۆژنامهنووسانی كوردستان، وهكو تاقه لایهنی فهرمی میدیا به حوكمی قانون، داوا له پهرلهمانی كوردستان دهكات، هاریكاری سهندیكای رۆژنامهنووسانی كوردستان بكات :-
* كار به پرۆژهی ئهنجوومهنی سهندیكا بكات، كه له دیداری نێودهوڵهتی ههولێردا ئامادهكراوه، بۆ رێكخستنی رۆژنامهگهریی ئهلیكترۆنی و سوسیال میدیا،
*پێكهێنانی ئهنجوومهنی نیشتمانی میدیا
* ریفۆرمكردنی یاسای رۆژنامهگهریی و یاسای خانهنشینی رۆژنامهنووسانی كوردستان، ئهنجوومهنی سهندیكا، به پشت بهستن به بهڵگهنامهی لێكتێگێشتنی ئهنجوومهنی دادوهری و سهندیكا به ئاماژه كردن بۆ كۆنگرهی هاوبهشی ئهنجوومهنی دادوهری عێراق و ههرێمی كوردستان، كه بهدهسپێشخهری سهندیكای رۆژنامهنووسانی له ساڵی 2012 گرێدرا، داوادهكات بریار بدرێت به دروستكردنی دادگایهكی(تایبهت) به رۆژنامهنووسان یان(تایبهتمهند)كردنی دادگایهك له سنوری دادگاكانی پێداچوونهوه.
ئهنجوومهنی سهندیكای رۆژنامهنووسانی كوردستان، وهكو ئهندامی فیدراسیۆنی نێودهوڵهتی رۆژنامهنووسان(IFJ) سهرنجی داوه، ناوه ناوه راپۆرتی جیاواز له نێوهندی جیاوازی نێودهوڵهتیهوه، لهسهر رهوشی رۆژنامهگهری ههرێمی كوردستان بڵاودهكرێتهوه سهندیكا پێی وایه، ههر راپۆرتێك لهسهر رهوشی رۆژنامهگهریی له ههرێمی كوردستان بێ ههماههنگی لهگهڵ سهندیكای رۆژنامهنووسان و لیژنهی داكۆكی له رۆژنامهنووسانی كوردستان، وردو واقیعی نابێت رهههندهكانی ئازادی بیرو را و ئازادی رۆژنامهگهریی له جوغری راستهقینهی خۆی دهرناخات،
ئهنجوومهنی سهندیكا لهسهر ئاستی كوردستان مكوره لهسهر تهواوكردنی پرۆژهی دروستكردنی فیدراسیۆنی رۆژنامهنووسانی كوردستان تا هاوكار و پشتیوانی ئیرادهی دیموكراتیزه بوونی ژیانی سیاسی و ئاشتهوایی كۆمهڵایهتی بێت، وهك بهشداری سهندیكا له ئهركی نیشتمانی خۆی لهسهرتاسهری كوردستاندا.
ئهنجوومهنی سهندیكای رۆژنامهنووسانی كوردستان، وێرای پیرۆزبایی گهرمی خۆی لهسهرجهم رۆژنامهنووس و میدیاكارانی كوردستان، جهخت لهبهردهوامی ههوڵ و كۆششهكانی خۆی له پێناو بههێزتركردنی پایهكانی دیموكراسی و بهرفراونكردنی پانتایی ئازادی رۆژنامهگهریی و ئازادی بیرورا دهكاتهوه.
سڵاو رێزی خۆشی دهنێرێ بۆ رۆژنامهنووسانی پێشرهوی رۆژنامهگهریی كوردی.
ئهنجوومهنی
سهندیكای رۆژنامهنووسانی كوردستان
22ی نیسانی 2021
سەرۆك بارزانی بە بۆنەی ڕۆژی ڕۆژنامەگەریی كوردی له پهیامێكیدا رایگهیاند: پێویستە ڕاگەیاندن و ڕۆژنامەگەریی كوردی چەكێكی بەهێز بێت لە دەستی گەلی كوردستان بۆ بەرگریكردن لە مافە ڕەواكانی میللەتەكەمان و هەورەها ناساندنی دۆزی ڕەوای گەلەكەمان بە هەموو جیهان.
دهقی پهیامهكهی سهرۆك بارزانی ..
بەناوی خودای بەخشندە و میهرەبان
بە بۆنەی سەد و بیست و سێیەمین ساڵیادی دەرچوونی یەكەمین ڕۆژنامەی كوردی كە هاوكات ڕۆژی ڕۆژنامەگەریی كوردی و ساڵیادی دامەزراندنی سەندیكای ڕۆژنامەنووسانی كوردستانە، گەرمترین پیرۆزبایی خۆم ئاراستەی ڕۆژنامەنووس و میدیاكارانی كوردستان دەكەم.
ڕۆژنامەنووس و میدیاكاران ئەركی هۆشیاركردنەوە و گەیاندنی زانیاری بە كۆمەڵگەیان لەسەر شانە كە لە ڕاستیدا ئەركێكی پیرۆز و هەستیارە و، ڕۆژنامەنووسان ڕۆڵێكی گرنگیان لە ئاراستەكردنی ڕای گشتی و پێشخستنی كۆمەڵگەدا هەیە.
پێویستە ڕاگەیاندن و ڕۆژنامەگەریی كوردی چەكێكی بەهێز بێت لە دەستی گەلی كوردستان بۆ بەرگریكردن لە مافە ڕەواكانی میللەتەكەمان و هەورەها ناساندنی دۆزی ڕەوای گەلەكەمان بە هەموو جیهان و، لە هەمانكاتیشدا سەكۆی قووڵتركردنەوەی فەرهەنگی ئاشتیخوازی و پێكەوەژیان و مرۆڤدۆستی بێت.
هەروەها داواشم لە ڕۆژنامەنووسانی خۆشەویست ئەوەیە کە ڕووبەڕووی ئەو تەوژم و هێرشە ڕێکخراوە ئیعلامییە ببنەوە کە بۆ دژایەتیکردنی ئیرادەی گەلی کوردستان لە لایەن ناحەزانی گەلی کوردستان بەڕێوە دەچێت.
لەو یادەدا داوا لە هەموو ڕۆژنامەنووس و میدیاكارانی خۆشەویست و دەزگەكانی ڕاگەیاندن دەكەم كە ئەو ئەركە پیرۆزەیان لە چوارچێوەی پێوەرەكانی ڕۆژنامەگەریی پڕۆفیشناڵ و میسداقییەت و ڕاستگۆیی و بەلەبەرچاوگرتنی بەها و بەرژەوەندییە باڵاكانی وڵات ئەنجام بدەن.
هیوای سەركەوتن بۆ هەموو ڕۆژنامەنووسانی كوردستان دەخوازم.
مسعود بارزانی
22ـی نیسانی 2021