میدیا - هەولێر

مەكتەبی سیاسیی یەكێتی نەتەوەیی دیموكراتی كوردستانYNDK، سه‌ردانی پارتی رزگاری نه‌ته‌وه‌یی توركمان ده‌كات، له‌دیدارێكی برایانه‌دا گفتوگۆ له‌باره‌ی ره‌وشی سیاسی كوردستان و عێراق و ناوچەكە و پرسی قه‌یرانه‌كان و میكانیزمی ده‌ربازبوون كرا.

كاتژمیر 1:3ی به‌یانی رۆژی چوارشه‌ممه‌ رێكەوتی 8/12/2021، شاندێكی مەكتەبی سیاسی YNDK  كه‌ پێكهاتبوو له‌ هەڤاڵان ( د.شاخەوان خالید كارگێڕی مەكتەبی سیاسی و شاكر هاشم ئه‌ندامی سه‌ركردایه‌تی و جه‌لال سمایل كارگێڕی مه‌كته‌بی ناوه‌ندی په‌یوه‌ندییه‌كان) سه‌ردانی پارتی رزگاری نه‌ته‌وه‌یی توركمانیان له‌ شاری هه‌ولێر كرد، له‌لایه‌ن به‌ڕێزان( بڵند عوزێر ئاغالی سه‌رۆكی پارت و سه‌ركه‌وت ئه‌نوه‌ر ئه‌ندامی مه‌كته‌بی سیاسی و هه‌ڵگورد بارزان به‌رپرسی مه‌كته‌بی په‌یوه‌ندییه‌كان) پێشوازیكران، له ‌دانیشتنه‌كه‌دا گفتوگۆ لە رەوشی سیاسی كوردستان و عێراق و ناوچە كێشه‌ له‌سه‌ره‌كان كرا، هه‌روه‌ها باس له‌ باروگوزه‌رانی خه‌لك و قه‌یرانه‌كان كرا،  بۆ دەرچوون لەم تەنگژانە جەختكرایەوە سەر یەكڕیزی و یەكدەنگی گوتاری سیاسی سه‌رجه‌م لایەنە سیاسییەكان كوردستان، بۆ ئەوەی بەهەموو لایەكمان بە یەكگرتوویی رووبەڕووی ئەم هەڕەشە گەورانەی سەر كوردستان بەتایبەت داعش ببینەوه‌، لەپێناو پاراستنی خه‌ڵك و خاكی كوردستان.

لەدوا تەوەری دیدارەكەشدا باس لە پتەوكردنی پەیوەندی برایانەی نێوان هەردوولا و تەواوی هێزو لایەنە سیاسییەكانی كوردستان لە پێناو زیاتر خزمەتكردنی گەلی كوردستان كرا.