Print this page

شاندێكی YNDKسەردانی كۆمه‌ڵه‌ی لیبراڵی توركمان دەكات

كانون1/ديسمبر 06, 2021

میدیا - هەولێر

مەكتەبی سیاسیی یەكێتی نەتەوەیی دیموكراتی كوردستانYNDK، سه‌ردانی كۆمه‌ڵه‌ی لیبراڵی توركمان له‌شاری هه‌ولێر ده‌كات، له‌دیدارێكی برایانه‌دا گفتوگۆ له‌باره‌ی بارودۆخی سیاسی كوردستان و عێراق و ناوچەكە و پرسی قه‌یرانه‌كان و میكانیزمی ده‌ربازبوون كرا.

كاتژمێر 4ی ئێواره‌ی رۆژی دووشه‌ممه‌ رێكەوتی 6/12/2021، شاندێكی مەكتەبی سیاسی YNDK  كه‌ پێكهاتبوو له‌ هەڤاڵان ( د.شاخەوان خالید كارگێڕی مەكتەبی سیاسی و جه‌لال سمایل كارگێڕی مه‌كته‌بی ناوه‌ندی په‌یوه‌ندییه‌كان) سه‌ردانی كۆمه‌ڵه‌ی لیبراڵی توركمانیان له‌ شاری هه‌ولێر كرد، له‌لایه‌ن به‌ڕێزان( سامی شه‌به‌ك سه‌رۆكی كۆمه‌ڵه‌ و ژماره‌یه‌ك له‌ئه‌ندامانی كۆمه‌ڵه‌ی لیبراڵ) پێشوازیكران، له ‌دانیشتنه‌كه‌دا گفتوگۆ لە رەوشی سیاسی كوردستان و عێراق و ناوچە كێشه‌ له‌سه‌ره‌كان كرا، هه‌روه‌ها باس له‌ باروگوزه‌رانی خه‌لك و قه‌یرانه‌كان كرا،  بۆ دەرچوون لەم تەنگژانە جەختكرایەوە سەر یەكڕیزی و یەكدەنگی گوتاری سیاسی سه‌رجه‌م لایەنە سیاسییەكان كوردستان، بۆ ئەوەی بەهەموو لایەكمان بە یەكگرتوویی رووبەڕووی ئەم هەڕەشە گەورانەی سەر كوردستان بەتایبەت داعش ببینەوه‌، لەپێناو پاراستنی خه‌ڵك و خاكی كوردستان.

لەدوا تەوەری دیدارەكەشدا باس لە پتەوكردنی پەیوەندی برایانەی نێوان هەردوولا و تەواوی هێزو لایەنە سیاسییەكانی كوردستان لە پێناو زیاتر خزمەتكردنی گەلی كوردستان كرا.