Print this page

پەیەدە ئامادەیی بۆ كۆنگرەی نەتەوەیی ڕاگەیاند

كانون1/ديسمبر 26, 2019

سه‌رچاوه‌: مالپه‌ری خەڵك –بەشی هەواڵ

هاوسەرۆكی پارتی یەكێتی دیموكرات پەیەدە ڕایگەیاند ئامادەن بۆ بەستنی كۆنگرەی نەتەوەیی لە ئێستادا.

شاهۆز حەسەن لە كۆنفڕانسێكدا لە شاری ڕمێلانی ڕۆژئاوای كوردستان وێڕای نیشاندانی ئامادەیی حیزبەكەی بۆ بەستنی كۆنگرەی نەتەوەیی، ڕوونیكردەوە، لە ڕێگای یەكڕێزی نەتەوەییەوە دەتوانن پێش بە هێرشەكانی دەوڵەتی توركیا بگرن.

ناوبراو ئاماژەی بەوەشكرد دەوڵەتی توركیا لە هێرشەكانی بۆ سەر هەرێمەكانی باكور و ڕۆژهەڵاتی سووریادا دەیهەوێت دەستكەوتەكانی گەلی كورد لەنێوبەرێت.

دەشڵێت “دوای خۆسەلماندنی كورد توركیا دەیهەوێت دەستكەوتەكانی كورد لەنێوبەرێت یان بەلایەنی كەمەوە لاوازییان بكات، بۆیە یەكڕێزی نەتەوەیی باشترین ئاستەنگ دەبێت بۆ ئامانجەكانی دەوڵەتی توركیا”.