میدیا – هەولێر:

مه‌كته‌بی سیاسیی یەکێتى نەتەوەیى دیموکراتى کوردستان YNDK بەبۆنەى (48)ه‌مین ساڵيادى دامه‌زراندنى بزووتنه‌وه‌ى په‌يوه‌ندى ئیسلامی کوردستان په‌یامی پیرۆزباییان ئاڕاسته‌ ده‌كات، له‌ په‌یامه‌كه‌ هیواى سەرکەوتن و پێشڤەچوونيان له‌كاره‌كان بۆ خواستن.

ده‌قی په‌یامی پیرۆزباییه‌كه‌:

بۆ بەڕێز مه‌كته‌بى سياسيى بزووتنه‌وه‌ى په‌يوه‌ندى ئیسلامی کوردستان

بابەت / پیرۆزبایی

سڵاوی سەرخۆبوون‌و ئازادی ...

بەبۆنەی(48)ه‌مین ساڵیادی دامه‌زراندنى (بزووتنه‌وه‌ى په‌يوه‌ندى ئیسلامی کوردستان) بەناوی خۆمان ‌و تەواوی ئەندام ‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین ‌و خوازیارین ساڵیادی دامه‌زراندنى ئەمساڵتان هاندەر بێت بۆ زیاتر پێشڤەچوونتان.

بەڕێزان: بزووتنه‌وه‌ى په‌يوه‌ندى ئیسلامی کوردستان لەماوەی تەمەنی خەبات و تێكۆشانیدا، وەك لایەنێك لە گۆڕەپانی سیاسی باشووری كوردستان جێ‌ پەنجەی لەبه‌رخۆدان و تێكۆشان هەبووە و هەموو كات خەباتی كردووە بۆ بەدیهێنانی مافەكانی گەلی كوردستان، ئەوەی لەم قۆناغەی ئەمڕۆمان گرنگە یەكریزی و يه‌كهه‌ڵوێستى سەرجەم هێز و لایەنە سياسييه‌كانی كوردستانە بۆ بەدیهێنانی تەواوی مافەكانی گەلەكەمان و پاراستنی دەسكەوتەكانمان.

 لەم بۆنەیەتاندا جارێكی ديكه‌ جەخت دەكەینەوە سەر زیاتر توندوتۆڵكردنی پەیوەندی  نێوانمان و سەرجەم هێز و لایەنە سياسييه‌كانی كوردستان .     

            هەر سەركەوتوو بن .... لەگەڵ رێزماندا.

                        مەكتەبی سیاسیی

         یەكێتی نەتەوەیی دیموكراتی كوردستان YNDK

14-9-2026ى زايينى

هه‌ولێر- كوردستان