میدیا – هەولێر:

غەفوور مەخموورى سکرتێرى گشتیى یەکێتى نەتەوەیى دیموکراتى کوردستان YNDK ، پەیامێکی پیرۆزبایی ئاراستەى بەڕێز سەرۆک مەسعود بارزانی رێبەرى بزاڤى رزگاریخوازى نیشتمانیى کوردستان کرد، بە بۆنەی وەرگرتنی خەڵاتی ئاستبەرزی ڕێزلێنانی پاپای ڤاتیکان. ئەمەش دەقی پەیامەکەیە:

براى بەڕێزمان جەنابی سەرۆک مەسعود بارزانی

رێبەری بزاڤی رزگاریخوازی نیشتمانی كوردستان

سڵاوێکى برایانەى گەرم ...

بەناوى خۆمان و ئەندامانى مەکتەبى سیاسى و کۆمیتەى سەرکردایەتیى یەکێتى نەتەوەیى دیموکراتى کوردستان YNDK ، پڕ بەدڵ پیرۆزبایی لە جەنابتان دەکەین بە بۆنەی وەرگرتنی خەڵاتی ئاستبەرزی ڕێزلێنانی قەداسەتی پاپای ڤاتیکان.

بێگومان؛ جەنابتان هەمیشە سیمبۆڵی ئاشتی و برایەتى و پێکەوەژیان و داکۆکیکار و پارێزەری مافە ئایینی و نەتەوەییەکانی تەواوى پێکهاتە نەتەوەیى و ئاینییەکانى کوردستان و عێراق و ناوچەکە بوون، مرۆڤدۆستى و ژینگەدۆستى لە پرەنسیپە نەگۆڕەکانى قوتابخانەى بارزان و رێبازى نەمران شێخ ئەحمەد بارزانى و مەلا مستەفا بارزانى نەمرن، جەنابتان درێژەپێدەری ئەو ڕێبازە پیرۆزەى بارزان و بارزانى نەمرن بۆیە شایانی هەموو خەڵات و رێزلێنان و پێزانینێکن.

لە سایەی سیاسەتى حەکیمانە و ڕێبەرایەتی جەنابتان، هەرێمی کوردستان لەناوچەکەدا، بۆتە مێرگى پێکەوەژیانی ئاشیییانەى تەواوى پێکهاتە نەتەوەیى و ئاینییەکانى کوردستان، کە ئەمەش مایەى شانازییەکى گەورەیە بۆ جەنابتان و تەواى گەلى کوردستان.

لەگەڵ رێزو خۆشەویستى دووبارەماندا،

هەر بژین و تەندروست و سەرکەوتووبن بۆ کوردو کوردستان.

براى دڵسۆزتان

غەفوور مەخموورى

سکرتێرى گشتیى

یەکێتى نەتەوەیى دیموکراتى کوردستان YNDK

21 / 8 / 2026