yndk
سهرچاوه: مالپهری خەڵك – ئەحمەد خۆشی
هێرشی لایەنگرانی حەشدی شەعبی بۆ سەر باڵوێزخانەی ئەمریكا لە بەغدا بەردەوامی هەیە و باڵوێزخانەكەش چۆڵكرا و بەشێكیشی لە پرسگە و دیوارەكانی سوتێندران.
دوای هێرشەكەی سەر سەربازگەی كەی وەن لە كەركوك و بۆردومانكردنی بارەگاكانی حەشدی شەعبی، ئێران و ئەمریكا لە نێو عیراقدا سەنگەر لە یەكدی دەگرن.
لە هێرشی ڕِۆژی هەینیدا بۆ سەر سەربازگەی كەی وەن لە شاری كەركوك بەڵێندەرێكی ئەمریكایی كوژرا و سێ سەربازیش برینداربوون.
لەكاردانەوەی هێرشەكەدا ئێوارەی یەك شەممە فڕۆكە جەنگییەكانی ئەمریكا بارەگاكانی حەشدی شەعبییان لە سنوورەكانی عیراق و سووریا بۆردومانكرد بەهۆیەوە دەیان چەكدار و فەرماندە كوژران و بریندار بوون.
ئەم تێكهەڵچوونە خوێناویانە لە عیراق لەنێوان كۆمەڵە چەكدارەكانی نزیكی ئێران و ئەمریكا، ئاستی مەترسییەكانی پێكدادانی ڕاستەوخۆی دوو وڵاتی زیادكردووە، بەتایبەت هەردوولایەن هەڕەشە لە یەكدی دەكەن.
كەتیبەكانی حیزبوڵڵای عیراق و فەرماندەكانی حەشدی شەعبی هۆشدارییان دایە ئەمریكا كە خوێنی قوربانییەكانیان بە فیڕۆ نا چێت، وەڵامی توندیان دەبێت.
لای خۆیەوە سوپای پاسدارانی ئێران لە ڕاگەیەندراوێكدا ئەمڕۆ وێڕای شەرمەزاركردنی هێرشەكانی ئەمریكا، ئەو هێرشانەی بە “تیرۆرست”ی ناوبرد.
سوپای پاسداران بە مافی گەل و هێزی چەكداری عیراقیشی زانی كە وەڵامیان بۆ هێرشەكانی ئەمریكا هەبێت و بەرگری لە خۆیان بكەن.
بە ڕای چاودێرانی سیاسی ئەو پەیامەی سوپای پاسداران وەك هەڵكردنی گڵۆپی سەوز دێت بۆ كۆمەڵە چەكدارەكانی حەشدی شەعبی تاكو هێزە ئەمریكاییەكان بە ئامانج بگرن لەعیراقدا.
لەلایەكی دیكەوە كاربەدەستێكی ئەمریكایی بە ئاژانسی هەواڵدەری ڕۆیتەرزی ڕاگەیاند، كە هێزەكانی حەشدی شەعبی وەڵامی هێرشەكەی ئەمریكا دەدەنەوە، ئەوەش مەترسیی و گرژییەكان زۆرتر دەكات.
كاربەدەستە ئەمریكاییەكان دەڵێن” دانمان بەخۆماندا گرتووە لەبەرامبەر هێرشی گرووپەكانی سەر بە ئێران، بەڵام ئێستای كاتی ئەوەیە بەرەوڕووی دووژمنكارییەكانی ئێران ببینەوە”.
لەدوای ئەم پێشهاتانە نیوەڕۆی ئەمڕۆ لایەنگرانی حەشدی شەعبی بە ڕێبەرایەتی هادی عامری، ئەبو مەهدی موهەندیس، قەیس خەزعەلی فەرماندە و سەركردەكانی حەشدی شەعبی هەڵیانكوتایە سەر باڵوێزخانەی ئەمریكا لە ناوچەی سەوز لەنێوەڕاستی بەغدا.
بۆ هێوركردنەوەی ڕەوشەكە وەزیرانی بەرگری و نێوخۆی عیراق و ژمارەیەك لە پەرلەمانتاران گەیشتە باڵوێزخانەی ئەمریكا و هاوكات هێزە ئەمنییەكان هەوڵی بڵاوەپێكردنی خۆپیشاندەران دەدەن.
هاوكات بەهۆی كاردانەوەی پاسەوانانی باڵوێزخانەی ئەمریكا و تێكهەڵچوونی نێوان هێزە ئەمنییەكان و خۆپیشاندەران زیاتر لە 10 خۆپیشاندەر بریندار بوون.
بەپێی هەواڵی ئاژانسی ڕۆیتەرزیش باڵوێزخانەی ئەمریكا چۆڵكراوە و كارمەندەكانی گواستراونەوە بۆ هەولێر.
لەلایەكی دیكەوە بەپێی هەواڵی ئاژانسی مێهری ئێرانی، باڵوێزی ئەمریكا هەڵهاتووە و هەندێك سەرچاوەی دیكەش دەڵێن بۆ شوێنێكی نادیار ڕۆیشتووە، هەندێكی دیكەش باس لەوە دەكەن، باڵوێز پشووی سەری ساڵی وەرگرتووە.
سهرچاوه: خەڵك – بەشی هەواڵ
هاوسەرۆكی دەستەی بەڕێوەبەری كۆما جڤاكێن كوردستان (كەجەكە) پێی وایە، شەڕ و ئاڵۆزییەكان لە سوریا توندتر دەبنەوە.
جەمیل بایك هاوسەرۆكی دەستەی بەڕێوەبەری كۆما جڤاكێن كوردستان (كەجەكە) لە چاوپێكەوتنێكی ڕۆژنامەوانیدا ڕایگەیاند، “لە سوریا بەرامبەر داعش تێكۆشانێكی گەورە ئەنجامدرا، داعش گورزی گەورەی بەركەوت و ئەو ناوچانەی داگیری كردبوو لەدەستیدا، لەبەرئەوە توركیا خۆی دەستی بە شەڕ و هێرش كرد، هەموو كەسێك دەزانێت توركیا چووبێتە هەرشوێنێك لەوێ جێگیربووە و كێشەی دروستكردووە”.
هاوسەرۆكی دەستەی بەڕێوەبەری (كەجەكە) ئاماژەی بەوەشكرد، لەبەرئەوەی لە ڕۆژهەڵاتی ناوەڕاست لەسەر بناغەی دیموكراسی كێشەكان چارەسەر ناكرێن، گروپی وەك داعش دروست دەبن، ئەو دەنگۆیانەش كە لەبارەی كۆتایی هاتنی داعشەوە بڵاودەكرێنەوە ڕاست نین و داعش لە ڕووی سەربازیی و سیاسیی و كۆمەڵایەتییەوە بەردەوامە.
لەبارەی دۆخی سوریا و داهاتووی ناوچەكە و ئاڵۆزییەكان بۆ ساڵی داهاتوو، جەمیل بایك ڕوونیكردەوە:”لە ڕۆژهەڵاتی ناوەڕاست هەر كەس بۆ بەرژەوەندییەكانی شەڕ دەكات، لەبەرئەوە شەڕ بەردەوامە و بەردەوامیش دەبێت، لە سوریاش شەڕ قورستر و تێكەڵتر دەبێت، كاولكارییەكان زیاتر دەبن”.
سەبارەت بە باكووری كوردستانیش، جەمیل بایك پێیوایە كە (ئاكەپە) و (مەهەپە) ناتوانن دەسەڵاتەكەیان لە توركیا بەردەوامی پێبدەن، لەم پێناوەشدا هەوڵی قڕكردنی كورد دەدەن.
سهرچاوه: ڕاچڵهكین-
یهكێك لهو حاڵهتانهی كهزۆر بڵاوه لهناو تهمهنه جیاوازهكان ئازاری بڕبڕهكانی پشته، زۆر جار لهم دۆخهدا یهكهمین ڕێنمایی كه گوێمان لێی دهبێت ئهوهیه"بكهوه و ئیسراحهت بكه"
پسپۆڕانی چارهسهری سروشتی بهم دواییانه باس لهوه دهكهن جوڵان لهكاتی ئازاری پشت باشتره له كهوتن له جێگهدا.
لورا فینۆكین پسپۆڕی چارهسهری سروشتی تایبهت به بڕبڕهی پشت باس لهوه دهكات جوڵه باشترین ڕێگهیه بۆ چارهسهری ئازاری پشته ئهگهر كهمتر له نۆ ههفته بخایهنێت به بهراورد به كهوتن له جێگهدا.
ئهم پسپۆڕه دهڵێت" ئهگهر ههستكردن به ئازار ڕێگر بوو له چالاكیهكانت ئهوه باشتر وایه دهرمانی ئازار شكاندن له جۆری ئیبۆ پرۆفین یان چارهسهر به گهرمی یان ساردی بهكاربهێنیت بۆ كهمكردنهوهی ئازاری جومگه و بڕبڕهكانی پشتت و له چالاكیهكانی ڕۆژانه ئهوهندهی دهتوانیت بهردهوام بیت بهڵام بهو مهرجهی زیان به خۆت نهگهیهنیت، لهگهڵ ئهمانهدا وێنهی تیشكی لهكاتی ئازاری پشتدا پێویست ناكات و ههندێكجار ئازار زیاتر دهكات، ڕهنگه هۆكاری ئازارهكه دیاری بكات بهڵام مهترسی لهسهر تهندروستی زۆر دهبێت .
باشتر وایه ئهگهر ئازاری پشت 6 بۆ 8 ههفته زیاتر بوو نهخۆش سهردانی پزیشك بكات.
ئەمڕۆ بەشێوەیەکی بەردەوام فڕۆکەی جەنگی نەناسراو بەسەر ئاسمانی کامپی پەنابەرانی شەهید ڕۆستەم جودی لە مەخموردا سوڕانەوە، سەرلەبەیانیش بەشێوەیەکی نزم سوڕانەوە، سەرەڕای سوڕانەوەی فڕۆکەی جەنگی، فڕۆکەی کەشف"بێ فڕۆکەوان" بەسەر ئاسمانی ناوچەکەدا دەسوڕێنەوە.
جێگای ئاماژەیە، فڕۆکە جەنگییەکانی دەوڵەتی تورک لە ١٨ی٧ی ئەمساڵ کاتژمێر ١٢:١٠ خولەکی شەو کامپی پەنابەرانی شەهید ڕۆستەم جودیان لە مەخمور بۆردوومان کرد و لە ئەنجامیشدا، ٢ هاوڵاتی کامپەکە برینداربوون.
سهرچاوه: رۆژنیوز
سهرچاوه: ژیان:
كرێكارانی شارەوانی مەریوان ماوەی 8 مانگە مووچەیان وەرنەگرتووەو لە دۆخێكی خراپی ئابووریدا دەژین و بۆیە كرێكارانی شارەوانی ھەڕەشەی بایكۆت و خۆپێشاندان دەكەن.
نوێنەری كرێكارانی شارەوانی مەریوان ئاشكرای كرد، ماوەی ھەشت مانگە كە ژمارەیەكی زۆر لە كرێكارانی شارەوانی مەریوان مووچەیان وەرنەگرتووەلەبەر ئەوەش ھەندێك لەو كرێكارانە نانی وشكیشیان بۆ خواردن نییە.
بەهۆی پێنەدانی موچەكانیشیان وەك نویچنەرەكەیان بۆ میدیاكان ئاشكرای كرد كرێكارانی شارەوانیەكە ھەڕەشەی بایكۆت و خۆپێشاندان دەكەن بۆیە داوای كردووە بە زوترین كات ئەو پارانەیان پێ بدرێت.
س: ئهڤرۆ نيوز:
بارهگايێ بارزانى د رۆهنكرنهكێ دا ئهو دهنگوباسه رهتكر كو ل سهر سكالايا سهرۆك بارزانى، وهلاتيهكێ عيراقى ب تۆمهتا ناڤزراندنێ ل باژێرێ نهجهف هاتبيته گرتن.
د رۆهنكرنا بارهگايێ بارزانى دا هاتيه” ل چهند سايتێن كوردى و عهرهبى دهنگوباسهك هاتيه بهلاڤكرن كو ل سهر سكالايا سهرۆك بارزانى وهلاتيهكێى عيراقى ب تۆمهتا ناڤزراندنێ ل باژێرێ نهجهف هاتيه گرتن”.
دياركر ژى” بۆ ههموو لايهكى رادگههينين كو ڤى بابهتى چو پهيوهندى ب سهرۆك بارزانى ڤه نينه و سهرۆك بارزانى سكالا ل سهر چو كهسهكى تۆمار نهكريه و ب چو شێوهكى ئاگههدارى بابهتهكێ ب ڤى شێوهى نينه و مه پهيوهندى ژى پێڤه نينه”.
سەرۆکی هەرێمی کوردستان راگەیەندراوێک لەبارەی گوشارخستنە سەر سەرکۆماری عێراق، بڵاو دەکاتەوە.
لە راگەیەندراوێکدا، کە وێنەیەکی بۆ (باسنیوز) نێردراوە، نێچیرڤان بارزانی، سەرۆکی هەرێمی کوردستان رایگەیاندووە، ”بە نیگەرانییەکی زۆر و لە نزیکەوە“ چاودێریی خۆپیشاندان و رەوشی عێراق و پێشهاتەکانی، دەکات.
نێچیرڤان بارزانی هەروەها رایگەیاندووە، ”دوور لە میکانیزم و بنەمای دەستووری“، گوشارێکی زۆر خراوەتە سەر بەرهەم ساڵحی سەرکۆمار بۆ راسپاردنی جێگرەوەیەک بۆ عادل عەبدولمەهدی و مەترسیی ئاڵۆزبوونی زیاتری دۆخی عێراق و چووی بەرەو ئایندەیەکی نادیار، هەیە.
سەرۆکی هەرێمی کوردستان بە پێویستی دەزانێ ”داوا رەواکان“ی خۆپیشاندەران لەبەرچاو بگیرێت.
رۆژی پێنج شەممە 26-12-2019، بەرهەم ساڵح هەڕەشەی دەست لەکار کێشانەوەی لە سەرۆکایەتیی کۆماری عێراق کرد. هەڕەشەکەی بەرهەم ساڵح بەهۆی کاندیدکردنی کەسێک بوو لەلایەن کوتلەی بینا لە پەرلەمانی عێراق، کە خۆپیشاندەران رەتی دەکەنەوە و رازی نین بکرێتە جێگرەوەی عادل عەبدولمەهدی.
عادل عەبدولمەهدی (لەدایکبووی 1942 لە بەغدا)، لە مانگی 10ـی 2018 وەک سەرۆک وەزیرانی عێراق دەست بەکار بوو و لە رۆژی 30-11-2019 دەستی لەکار کێشایەوە و رۆژی دواتر پەرلەمانی وڵاتەکەی دەست لەکار کێشانەوەکەی قبوڵ کرد.
دەست لەکار کێشانەوەی عەبدولمەهدی لەسەر داوای مەرجەعی باڵای شیعەکانی عێراق و دوای پەرەسەندنی خۆپیشاندانەکانی وڵاتەکەی، هات.
خۆپیشاندانەکان لە رۆژی 1-10-2019ـەوە لە بەغدا و زۆربەی شارەکانی عێراق دژی گەندەڵی و نەبوونی خزمەتگوزاری، دەستیان پێ کرد.
بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 500 هاووڵاتی و کارمەندی ئەمنی گیانیان لەدەست داوە و زیاتر لە 16 هەزاری دیکەش بریندار بوون، جگە لە کەمئەندامبوونی 700 کەس و ژمارەکانیش بەردەوام لە بەرزبوونەوە دان.
ڕاگهيهنراوێك له سهرۆكى ههرێمى كوردستانهوه
به نيگهرانييهكى زۆر و له نزيكهوه چاودێريى دۆخی عێراق و پێشهاتهكانى دهكهين كه له قهيرانێكى قووڵدايه. له كاتێكدا مهترسيى ناسهقامگيرى و ئاڵۆزبوونى زياترى دۆخهكه، خهريكه وڵات بهرهو داهاتوويهكى ناديار دهبات، ئهركى ههمووانه به لێكگهيشتن و گيانێكى نيشتمانييانهى بهرپرسانه، مامهڵه لهگهڵ دۆخهكهدا بكهن و دوور له فشارى سياسى، به ميكانيزمه دهستوورييهكان قۆناغهكه دهرباز بكرێت.
لە بابەتی ڕاسپاردنى كانديدى سهرۆك وهزيرانى داهاتووى عێراقدا، دیارە سهركۆمار بهڕێز د. بهرههم ساڵح دوور لە میكانیزم و بنەمای دەستووری، كهوتووهته ژێر فشارێكى زۆرهوه. لێرەدا دووپاتى دهكهينهوه كه ههموو چارهسهرێك دهبێ لهسهر بنهماى دهستوور و بهپێى ڕێوشوێنه ياسايييهكان بێت.
بەمەبەستی دەستنیشانكردنی كانديدێكى نيشتمانى بۆ سهرۆك وهزيران كه مايهى مشتومڕ نهبێت و لەلایەن هێزە كاریگەرەكانهوه قبووڵكراو بێت، پێویستە داوا ڕهواكانى خۆپيشاندهران و دۆخ و بهرژهوهندييهكانى وڵات له دهستنيشانكردنيدا ڕهوچاو بكرێن، هاوكاريی حكوومەتی ئایندەش بكرێت بۆ تێپەڕاندنی قۆناغی ئینتیقاليی داهاتوو و خۆئامادەكردن بۆ هەڵبژاردنى تازه.
نێچيرڤان بارزانى
سهرۆكى ههرێمى كوردستان
سهرچاوه: مالپهری باسنیوز
دیمانە/ هۆژین شەوكەت دری-سلێمانی
22 ساڵ بەر لە ئێستا و لە گەڕەكی كانێسكانی شاری سلێمانی، كچێكی شۆخ و جوان لە دایك دەبێت، بەهۆی خۆشەویستیی زۆریان بۆی ناوی لێ دەنێن ئۆسكار، ئەو وەك چۆن ناوەكەی دیارە خۆشی دەبێتە ئەستێرەیەكی دیار و هەر لە سەرەتاوە هێزی بڕوا بەخۆ بوون و خەونی مەزن و رۆئیای گەورەی لێ دەبیندرا.
ئەو ئێستا قۆتابی كۆتا قۆناغی بازرگانییە، یەكێكە لە دیارترین ئەو كچانەی هەمیشە چالاكن لە بوارەكەی خۆیاندا.
ئۆسكار ئیسماعیل، بە هۆی وورد بینی لە رووداوەكانی دەوروو بەری و شێوەی ژیانی هاورێ و هاوشارییەكانی، روودەچووە ناخی پڕ لە ئازاریان، بۆیە وەك خۆی گووتی بڕیاریدا بچێتە بەشی راگەیاندن، ئەو زیاتر بە زاری كرمانجی گووت" بڕیارمدا بچمە راگەیاندن، لەبەر ئەوەی كەسێكی زۆر كۆمەڵایەتی بووم، هەمیشە بەدوای كێشەو ناخۆشی وڵاتەكەمەوە بووم، ویستم پەیامم هەبێت، ئامانجم تەنها هۆشداری و سوود گەیاندن بوو لە راگەیاندن، دەمویست لە قسەكردن ئازاد بم، سەرەتای دەستپێكردنم لەگەڵ كۆمەڵە گەنجێكی زۆر بە ئەزموون بوو، ساڵی 2018 دەستم كرد بە كاری راگەیاندن لە ئازا میدیا، كە پەیامی ئازاد و گەنجانەی هەبوو، توانیم لە رێگەی راگەیاندنەوە لە زۆر شت تێبگەم و وردتر ببمەوە، ناخۆشی راگەیاندن ئەوەیە ناتوانی پەیامێكی ئازادانەت هەبێت و كارەكەت بە فلتەر دەڕوات، خەڵك هەمیشە بۆچوونی خراپ و جیاوازی هەیە، هاورێیەكم دەستی گرتم و هاوكاری كردم بۆ كاری راگەیاندن، پێی گووتم تۆ توانای راگەیاندنت هەیە، تواناكەت دەبینم دەزانم باش دەبیت پێم خۆشە هەوڵی بۆ بدەیت، ئەو دەی گووت ئۆسكار هەمیشە بوێر و ئازا بووە، دەمەوێت لە دەستپێكی میدیایەكی وەها لەگەڵمان بیت و بەیەكەوە كار بكەین".
ئۆسكار ئێستا جگە لە چالاكی مەدەنی، جار جاریش وەك مۆدێل دەردەكەوێت، ئەو گووتی" من مۆدێل نیم تەنها بۆ خۆشی ئەم كارانەم كردووە، حەزێكی زۆرم بۆ ئەكتەری هەیە، لە چەندین ریكلام بەشداریم كردووە خۆم ویستوومە و بە مەرجی خۆم كارم كردووە نەك مەرجم بۆ دابنێن، لە كوردستان كاری مۆدێل بەهای نەماوە ئەوەی دەبێت بە مۆدێل بە قسەی خۆیەتی هیچ فلتەرێك نییە پێدای تێپەرێت، بۆیە پێم باشە لایەنێكی پەیوەندیدار هەبێت لەم بابەتە ببێتە بەرپرس یا چاودێر، لەبەر ئەوەی وردە وردە تەكنەلۆژیا و مرۆڤ تێكەڵی یەكتری دەبن، ئەمەش كاریگەری زۆری هەیە بۆ داهاتوو، هیوای سەركەوتن بۆ گشتیان دەخوازم، دەزانم سۆشیال میدیا چەند ناخۆشە بۆیان بەڵام بە داوای لێبوردنەوە من مۆدێلی نابینم، ئەوەی دەیكەن خولیای خۆیانە بۆ ئەو كارە نەك مۆدێلی بێت، بۆ كاری ریكلام زیاتر دەمەوێت لەگەڵ یەك شوێن كار بكەم و ببمە فەیسی ریكلامی بڕاندێك، نامەوێت لە هەموو بابەتێك ریكلام بكەم، هەندێك شت هەن پەیوەندییان بە كارەكەی منەوە نییە، دەبێت كارێكی وابێت لە بوارەكەم نزیك بێت، گەورەترین خەون كە دەمەوێت لە ژیانمدا بیهێنمە دی هاوكاری كردنی هەژارانە، هەر كارو چالاكییەك ئەنجامی بدەم بۆ ئەوان بێت، كارێكی وابكەم دیاردەی سواڵكردن نەمێنێت، دەمەوێت رێكخراوێكم هەبێت بۆ منداڵانی وڵاتەكەم، مرۆڤایەتییان فێر بكرێت، داب ونەریتی خۆمان پێش رەگەز، زمان و دین بێت، فێر بكرێن لە چ كاتێكدا پێویستە بە بەزەیی بن و لە چ كاتێكدا رەق بن لەگەڵ بەرامبەرەكەیان، دەبێت لە منداڵییەوە ئەمە لە مێشكیاندا بچەسپێندرێت، تا وڵاتێكی جیاوازتر و باشترمان هەبێت".
ئۆسكار گووتیشی " لە هەموو پیشەیەك هەمیشە ئاستەنگ هەیە بە تایبەت بۆ ئافرەت زیاتر، كۆمەڵگەكەمان هێشتا بیر و بۆچوونی جیاوازە بۆ كاركردنی ئافرەت لە هەندێك بواردا، ناخۆشترین شت ئەوەیە پەیامەكانت بە هەڵە وەربگرن، بە پێچەوانە و بە جۆرێكی تر باسی بكەن، رەخنە هەمووكات جوانە، بەڵام بنیاتنەر بن نەك رووخێنەر، كاتێ كارێك ئەنجام دەدەم پێویستە چاوێكی رەخنەگر لەسەر كارەكەم هەبێت و جوانی و ناشرینی جەستە و روخسار بەلایەوە گرنگ نەبێت، جل هیچ پەیوەندی بە كارەكەوە نییە، بەڵام هێندەی رەخنە لەم شتانە دەگرن هێندە رەخنە لە كارەكەت ناگرن هەر چەندیش خراپ بێت، ئەگەر راگەیاندنكار نەبام دەمویست ببم بە نووسەر یا وێنەكێش، حەزم لە بەشداریكردنە لە فیلم، بەڵام سستین لە سیناریۆ و شانۆ، ئەكتەر رۆحی تەواو نادات بە رۆڵەكەی كە بەرجەستەی دەكات، دەرهێنەرەكان كاری باش دەكەن، بەڵام مەوادی پێویست نییە و هیچ بودجەیەك نییە، تا كارەكانی پێ بەڕێ بكات، ئەمەش وایكردووە فیلمەكانمان لە ئاستێكی باشدا نەبن".
سهرچاوه: مالپهری زاری كرمانجی
ئا- شەهلا رەشید: سندی بە هەموو رەنگە جیاكانییەوە چەندین سوودی تەندروستی دەگمەنی هەیە، بۆ كم كردنەوەی برسێتی و دابەزینی كۆلیستڕۆڵا و سەرچاوەی دەوڵەمەندی ریشاڵە.
- سەرچاوەی شلەمەنییە.
- دابەزینی كێش خێرا دەكات، كوپێك ئاوی سندی دوو گرام ریشاڵی تێدایە و هەستی تێربوون دەدات و هانی ئەنزیمەكانی جگەر دەدات لە خواردنی خۆراكی زۆر.
- بەهۆی بوونی ڤیتامین (C و H ) كە دژە ئۆكسانی تێدایە بۆ چارەسەری هەوكردنی قوورگ و كۆكە بە سوودە.
- هاوكاری تووشبووانی كۆلیستڕۆڵا دەكات، زانایان بۆیان دەركەوت پێكهاتەی فلافۆنۆید كە چەوری سروشتی تێدایە هاوكارە لە دابەزاندنی رێژەی كۆلیستڕۆڵا لە خوێندا لەرێی كەمكردنەوەی ئەم كۆلیستڕۆڵە زیانبەخشەی جگەر دەریدەدات.
- سستمی بەرگری بەهێز دەكات، چونكە ڤیتامین c تێدایە و وزەت پێ دەبەخشێت.
- چەوری سیانی (ترای گلیسراید) كەم دەكاتەوە و چەوری وورگ و سمت دادەبەزێنێت.
- نابێت سندیو دەرمانی دڵا و پاڵەپەستۆی خوێن پێكەوە بخۆرێت، لەبەر ئەوەی دەبێتە هۆی كارلێك و زیادبوونی لێدانەكانی دڵا.
- سندی كۆنتڕۆڵی شەكرە دەكات.
- سەرچاوەیەكی دەوڵەمەندە بە ریشاڵا بۆ ئەوانە بەسوودە كە گرفتی هەرسیان هەیە.
- دەتپارێزێت لە دروستبوونی خانە شێرپەنجەییەكان و رێگرە لە بڵاوبوونەوەی لە لەشدا، چارەسەری شێرپەنجەی مەمك دەكات، چونكە هۆرمۆنی ئیسترۆجین كەم دەكاتەوە، لە شێرپەنجەی سییەكان و پەنكریاس دەتپارێزێت.
- خواردنی سندی بەرێژەیەكی باش دەبێتە هۆی جوانی پێست.
- پێكهاتەكانی ئەم میوەیە پارێزەری لە هاوسەنگی بەكتریا دەكات لە دەمدا بۆیە بۆ چارەسەری هەوكردنی پووك بەسوودە.
- بەهۆی بوونی پێكهاتەی فلافۆنۆید كە بۆ چارەسەری وشكبوونی جگەر بە سوودە و بەكار دەهێندرێت و لە نێو سندی بە رێژەیەكی باش بوونی هەیە، خواردنی كاریگەری باشی دەبێت.
سهرچاوه: مالپهری زاری كرمانجی
هەنگاو: چالاکێکی سیاسی کورد لەلایە وڵاتی تورکیاوە هاوڕێ لەگەل ٣٣ پەنابەری دیکە دیپۆرتی ئێران کرایەوە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی پێنج شەممە ٥ی بەفرانباری ٢٧١٩ (٢٦ی دێسامبری ٢٠١٩)، عادڵ بەهرامی، چالاکی سیاسی کورد کە ساڵی ڕابردوو لەکاتی ڕۆشتن بۆ ئەورووپا لە شاری ئانتالیای تورکیا دەستبەسەر کرابوو، لە گەڵ ٣٣ پەنابەری دیکە لە سنووری پارێزگای ئورمیەوە ڕادەستی ئێران کراوەتەوە.
هەنگاو پێشتر بە نیسبەت ڕادەستکردنەوەی عادڵ بەهرامی بە ئێران هوشداری دابوو و لە دوێنێەوە چارەنووسی نادیارە.
عادڵ بەهرامی چالاکی سیاسی خەڵکی کامیاران مانگی سەرماوەزی ساڵی ٢٧١٨ لەلایەن هێزە ئەمنییەکانی تورکیا دەستبەسەر و ئەوە ساڵێکە بەندکراوە.
ڕێکخراوی مافی مرۆڤی هەنگاو ئەم کردەوەی تورکیا شەرمەزار و داوا لە هەموو ڕێکخراوە مافی مرۆڤییەکان دەکات کە بۆ ئاگاداربوون لە چارەنووسی عادڵ بەهرامی هەوڵەکانی خۆیان بخەنە گڕ.-