yndk
میدیا- تایبهت
شەهید سەربەست مەحموود ناوی تەواوی (سیروان مەحموود فەتاح)ە، ساڵی 1974 لەگوندی (مۆریاس) ی سەر بە قەزای شارباژێری پارێزگای سلێمانی لەدایك بووە. لە بنەماڵەو خێزانێكی شۆڕشگێڕ و وڵاتپارێز پەروەردە كراوە، شەهید سەربەست خوێندنی سەرەتایی لە گوندی ( مۆریاس) و هەردوو قۆناخی ناوەندی و دواناوەندی لە شاری سلێمانی تەواو كردووە.
هەر لە تەمەنی خوێندنی دواناوەندیدا دەست دەكات بە خوێندنەوەی گۆڤار و رۆژنامە و پەرتووكە جیاجیاكان. ساڵی 1991 دەبێـتە قوتابی بەشی كوردی كۆلێژی ئادابی زانكۆی سەلاحەدین و ساڵی 1995 بە پلەیەكی زۆر باش خوێندنی زانكۆ تەواو دەكات. لە ڕۆژانی 17-19/ 3/ 1995 وەك ئەندامێكی چاڵاك و دامەزرێنەر بەشداری كردووە لە یەكەمین كۆنگرەی یەكێتی نەتەوەیی دیموكراتی كوردستانYNDK كە لە شارۆچكەی عەنكاوەی پارێزگای هەولێر بەستراو دوای تەواو بوونی كۆنگرەكە لە ڕۆژی نەورۆزی 1995دا YNDKهاتە راگەیاندن. شەهید سەربەست مەحموود هەر لە یەكەمین رۆژی دامەزراندنی YNDK وە بەگیانێكی نەتەوەییانەوە دەستی بە خەبات و تێكۆشان كرد و لەڕۆژانی 5 - 7/ 1996 لەشارۆچكەی شەقڵاوەدا زۆر چالاكانە بەشداری كرد، لە دووەمین كۆنگرەی YNDKو لە هەڵبژاردنێكی دیموكراتیاندا بە ئەندامی كۆمیتەی سەركردایەتی هەڵبژێردراو و ئینجاش بوو بە ئەندامی مەكتەبی سیاسی و بەرپرسی مەكتەبی ناوەندی رێكخستنی رێكخستنی YNDK.
لە دوای كۆنگره زۆر چالاكانە كاری رێكخستنی لە شاری سلێمانی و ناوچەی شارەزوورو هەوراماندا ئەنجام دەدا، سەرپەرشتی كاروباری رێكخستنی YNDKی دەكرد.
هەروەها لە ڕۆژانی10و11و12/ 1999 لە كۆنگرەی سێیەمی YNDK كە لەشاری هەولێر بەسترا، بە هاوكاری هەڤاڵان توانی كۆنگرەكە بكات بە كۆنگرەیكی نموونەیی بەئەندامی مەكتەبی سیاسی هەڵبژێردرایەوە.
بەهۆی توانا و لێهاتوویی كرا بە سەرنووسەری رۆژنامەی میدیا، وێڕای بینینی رۆڵی سەرەكی لەدەركردنی گۆڤاری (سەرخۆبوون) كە خۆی خاوەنی ئیمتیازی بوو، شەهید سەربەست مەحموود بیرمەندێكی لێهاتووی نەتەوەیی و، وڵاتپارێز و كورد پەروەرێكی دڵگەرم و، مرۆڤێكی رەوشت بەرز و بەوەفا و سەرنج راكێش و بە بەزەیی و بوێرو هەق پەرست بوو.
مخابن دوژمنان تیرۆریستان رێگەیان نەدا شەهید سەربەست مەحموود زیاتر تێبكۆشێ و خزمەتی زیاتر بە نەتەوەكەی بكات لە رۆژی 31/ 5/ 2000 دا زۆر بەنامەردی و دڕندانە و هۆڤییانە لە شاری هەولێر شەهیدیان كرد، تەرمی پیرۆزی شەهید سەربەست رۆژی 1/ 6/ 2000 لە هەولێرەوە برایەوە شارە خۆشەویستەكەی خۆی و لە مەڕاسیمێكی تایبەتیدا لەگۆڕستانی(گردی سەیوان)ی شاری سلێمانی بەخاك سپێردرا. ئەوەی جێگەی داخە تا ئێستا دۆسیەی شەهیدكردنی سەربەست مەحموود بەكراوەیی ماوەتەوەو دەزگاكانی پەیوەندیدار تا ئێستا بكوژانی شەهید سەربەستیان نەدۆزیوەتەوە، بۆیە پێویستە بەزووترین كات بكوژانی بدۆزرێنەوە و ئاشكرا بكرێن و بەسزای خۆیان بگەن.
هەزاران سڵاو لە گیانی پاكی شەهید سەربەست مەحموود و گشت شەهیدانی رێگەی سەربەخۆیی و ئازادی و یەكگرتنەوەی كوردستان.
دانیشتووانی کامپی پەنابەرانی مەخموور، بە ڕێپێوانێکی جەماوەری پشتیوانیی خۆیان لە بەرخۆدانی گەریلا دەربڕی و داوایانکرد لە بەرامبەر داگیرکاریدا تێکۆشان بەرز بکرێتەوە.
ئێوارەی دوێنێ 27/5/2021 بۆ پشتگیری لە بەرخۆدانی گەریلا لەدژی داگیرکارییەکانی دەوڵەتی تورک و پیرۆزکردنی چالاکییەکانی هێزەکانی ئاسمانیی شەهید دەلال ئامەد، هاوڵاتییانی کامپی پەنابەرانی شەهید ڕۆستەم جودی لە مەخموور، بە دەستپێشخەریی کۆمیتەی چالاکییەکان، ڕێپیوانێکی جەماوەرییان ئەنجامدا.
هاوڵاتیان لە بەردەم ڕێکخراوی خانەوادەی شەهیدانی کامپەکە، بە بەرزکردنەوەی پانکارد بە نووسراوەی؛ “سڵاو لە بەرخۆدانی گەریلا، وەرنە جەنگی ئازادی، من ئاڤاشینم، بە ڕۆحی شەڕی گەلی شۆڕشگێری وەرنە جەنگ” و پۆستەرەکانی ڕێبەر ئۆجالان و شەهیدانی مام ڕەشۆ، و هەروەها وتنەوەی دروشمەکانی؛ “شەڕ شەڕ بۆ ئازادی شەڕ، بژی سەرۆک ئاپۆ، کەس ناتوانێت ڕۆژمان تاریک بکات، بژی بەرخۆدانی گەریلا”، تا بەردەم نوسینەگەی نەتەوە یەکگرتووەکان ڕێپێوانیان کرد.
غوربەت ئیشلەک ئەندامی ئەنجومەنی عەشتار لەوێ قسەیکرد و وتی: دەوڵەتی تورک هەبوون و نەبوونی لە بەرامبەر شەڕی گەریلا داناوە، پێویستە ئێمەش هەبوون و نەبوونمان بۆ ئەم شۆڕشە دابنێین و بەو پێیە بەرخۆدانمان بەرز بکەینەوە.
دوای ئەوەش ڕاگەیەندراوێک خوێندرایەوە کە تێدا هاتبوو: ئەمڕۆ پێویستە لە هەموو کاتێکدا زیاتر شەڕی گەلی شۆڕشگێری جێبەجێی بکرێت، لە کوێ و چ کاتێک بژین، تا تێکۆشانی گەل و گەریلا یەکنەگرێتەوە و ئیرادەی ئازاد وەک یەک جەستەی لێی نەیەت، ئازادیش مسۆگەر نابێت، داوا لە هەموو ژنان، گەنجان، پیر، هاوڕێی و دۆستانمان دەکەین؛ کات کاتی ئازادیی ڕێبەر ئاپۆ و ئازادیی گەلانە، بە بەرخۆدان ڕێگە لە هێرش و قڕکردن دەگیرێت، چیا بۆ گەلی کورد ڕۆحی ئازادییە، کە زیندووکردنەوەی ئەم ڕۆحە لە شار، کۆڵان و بیابانەکاندا لە دەستی ئێمە دایە، بە ڕۆحی چیا ئازادەکان و گەریلاکانی ئازادی، تێدەکۆشین و ئازادی مسۆگەر دەکەین.
غەفوور مەخموورى : مانەوەو پێشڤەچوون و سەرکەوتنمان بەندە بە یەکڕیزى و یەکدەنگى و هاوهەڵوێستیمان، بۆیە پێویستە هەموو لایەکمان لەم پێناوەدا کاربکەین
زەینەب موراد : ئامانجمان ئەوەیە کەوا بتوانین رۆڵ بگێڕین بۆ یەکڕیزى و یەکدەنگى نێوان لایەنە سیاسییەکان
میدیا - هەولێر :
ئێوارەى ئەمڕۆ ٢٥ / ٥ / ٢٠٢١، سكرتێری گشتیی YNDK پێشوازی شاندى باڵاى کۆنگرەى نەتەوەیى کوردستان KNK كردو، لەدیدارەكەدا باسیان لە رەوشی سیاسى كوردستان و یەکێتى نەتەوەیى و یەکڕیزى گەلى کوردستان كرد.
ئێوارەى ئەمڕۆ سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسیی YNDK لە شاری هەولێر، بەئامادەبوونى هەڤاڵان (د. شاخەوان خالید کارگێڕى مەکتەبى سیاسى و قههار تاهير سهعيد ئەندامی مەكتەبی سیاسی و فاخیر نانەکەلى كارگێڕى مەکتەبى ناوەندى پەیوەندییەکان و جەلال سمایل ئەندامى مەکتەبى ناوەندى پەیوەندییەکانى YNDK) پێشوازیانكرد لە شاندى باڵاى کۆنگرەى نەتەوەیى کوردستان KNK کە پێکهاتبوو لە بەڕێزان (زەینەب موراد هاوسەرۆکى KNK و، جەمال حاجى و هەڤاڵ عەبدولهادى و چەتۆ بەڕانەتى ئەندامانى KNK)، لەدیدارەكەدا هاوسەرۆکى KNK ئامانجى سەردانەکەیانى بۆ باشوورى کوردستان خستەڕوو وتى : (ئامانجى ئێمە وەکو شاندى KNK لە سەردانمان بۆ باشوورى کوردستان بۆئەوەیە کەوا بتوانین رۆڵ بگێڕین بۆ چەسپاندنى ئاشتى و دوورکەوتنەوە لە شەڕو راوێژێکى نەتەوەیى لەم رووەوە بێنینە ئارا و کاربکەین بۆ یەکڕیزى و یەکدەنگى نێوان لایەنە سیاسییەکان)، سکرتێرى گشتیى YNDK وێڕاى بەخێرهاتنکردنى شاندى میوان دەستخۆشى ئەو سەردان و دەستپێشخەرییەى لە شاندى KNK کردو هیواى سەرکەوتنى بۆ خواستن و وتى : (ئێمە وەکو YNDK باوەڕمان وایە کەوا پێویستە گرژى و ناکۆکى نێوان لایەنە سیاسییەکانى کوردستان لەسەر بنەماى دیالۆگ و لەیەکترگەیشتن چارەسەربکرێن، لەبەرئەوەى شەڕ جگە لە ماڵوێرانى سوودێکى دیکەى نیە و لە ئەنجامدا بە سوودى دوژمن و زیانى گەلى کوردستان تەواو دەبێت، بۆیە پێویستە هەموو لایەکمان هەوڵى یەکریزى و لەهەڤهاتن بدەین.)، هەروەها مەخموورى وتى : (مانەوەو پێشڤەچوون و سەرکەوتنمان بەندە بە یەکڕیزى و یەکدەنگى و هاوهەڵوێستیمان، بۆیە پێویستە هەموو لایەکمان لەم پێناوەدا کاربکەین، بۆئەمەش پێویستیمان بە مامەڵەیەکى تەندروست و یەکسانە لەگەڵ یەکتردا.).
لە تەوەرێکى دیکەى دیدارەکەدا باس لە رەوشی سیاسی هەر چوار بەشى كوردستان و دواپێشڤەچوون و پێشهات و گۆڕانكارییەكانی ناوچەكە كراو, جەختكرایەوە سەر یەكڕیزی و یەكدەنگی گەلی كوردستان بە تەواوی هێزو لایەنە سیاسى و پێكهاتەكانییەوە بۆ پێشوازیكردن لەو ئەگەرو پێشهات و گۆڕانكارییانەی كە كە لەسەر ئاستی ناوچەكەدا دێنە پێشەوەو یەكێتی و یەكدەنگی و هاوهەڵوێستی لەو گۆڕانكارییانەدا بە فاكتەری سەرەكی پاراستن و چەسپاندنی دەسكەوتەكان و وەدەستهێنانی زیاتری مافەكانی گەلی كوردستان وەسفكرا, هەر لە دیدارەكەدا هاوسەرۆکى KNK سوپاس و پێزانینی خۆیانی بە سكرتێری گشتی و سەركردایەتیی YNDK راگەیاند سەبارەت بە هەڵوێستەكانی YNDK لە پرسە نەتەوەیى و نیشتمانییەكاندا. لەدوا تەوەری دیدارەكەشدا, جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.
دواى تەواوبوونى دیدارەکە سکرتێرى گشتیى YNDK و هاوسەرۆکى KNK سەبارەت بە ناوەڕۆکى کۆبوونەوەکە بۆ دەزگاکانى راگەیاندن دوان و روونکردنەوەى زیاتریان خستەڕوو.
محەمەد عەلی
لە ماوەی ڕابردوودا، سەرۆكی ھەرێم كاك (نێچیرڤان بارزانی) ھەوڵەكانی چڕكردەوە بە ئاراستەی دروستكردنی كۆدەنگی لەسەر پرسە جیاوازەكانی پرۆسەی سیاسی لە ھەرێمی كوردستاندا، ھاوكات لەگەڵ نزیكبوونەوەی وادەی ھەڵبژاردنەكانی عێراق و گۆڕانكارییە ھەرێمییەكانیش، كە مەترسییەكانی سەر كوردستانیش زیادیان كردووە، یەكڕیزیی نێوان ھێزە سیاسییەكان، تاكە ڕێگەیە بۆ بەرەنگاربوونەوەی گشت پێشھاتەكان.
لە ئێستادا، مەترسییەكی زۆر ھەیە كە لە پەرلەمانی داھاتووی عێراق گۆڕانكاری لە ھاوكێشەی ھێز لە نێوان ھێزە سیاسییە جیاوازەكاندا ڕووبدات، بە تایبەتی سوننە، بۆیە مەترسییەكی زۆر لەسەر لەدەستدانی پۆستی سەرۆككۆمار ھەیە، بە تایبەتنر كە لە ئێستادا وڵاتانی عەرەبی بە ھێزەوە بەرەو عێراق ھاتوون، لە ئەگەری سەركەوتنی ھێزە سیاسییەكانی نزیك لە وڵاتانی ھەرێمیش، لە ھەر كاتێكدا ئەگەری ئەوە ھەیە ڕووداوەكانی ١٦ ی ئۆكتۆبەر دووبارە ببنەوە بۆ لەباربردنی قەوارەی كوردستان، ئەوەتا توركیا بە ھاندانی گەریلاكانی پەكەكە بەرەو قوڵایی خاكی ھەرێم ھەنگاو دەنێ، لە لایەكی تریشەوە حەشدی شەعبی لەسەر سنووری ھەرێم لەگەڵ عێراق بوونێكی بەھێزی ھەیە و لە ئەگەری بەدەستھێنانی زۆرینە لەلایەن ھێزە شیعە توندڕەوەكانیش لە ھەڵبژاردنەكانی داھاتوودا، لە ھەر كاتێكدا توانایان ھەبێت، ئەم ھێزانە لە دژی كوردستان بەكار دەھێنن.
میدیا- ههولێر
بە مەبەستی پشتیوانی کردن لە بێهزادی مەحمودی و داخوازی چەندین ساڵەی پەنابەرانی رۆژههڵاتی كوردستان لە باشووری كوردستان، گردبوونهوهیهك لهبهردهم نهتهوه یهكگرتووهكان ئهنجامدرا.
کاتژمێر 10ی سەر لەبەیانی ڕۆژی پێنج شەممە 20-5-2021، سەدان كەس لە چالاكان و پەنابەرانی سیاسی كوردی رۆژههڵاتی كوردستان ، بە مەبەستی پشتیوانی لە "بێهزادی مەحمودی" ناوهندی هاوبهشی پارتهكانی رۆژههڵاتی كوردستان و رێكخراوەكانی داكۆكی لە مافی پەنابەرانی كوردی رۆژههڵاتی كوردستان لە هەرێمی كوردستان بانگەوازی بۆ كرابوو، بەرێوەچوو و بەشداربووان بە هەڵگرتنی ئاڵای كوردستان و دروشم، پێداگریان لەسەر داوا و ویستە ئینسانیەكانیان كردەوە. لەو كۆبوونەوە جەماوەریەدا پەیامی پەنابەرانی كوردی ڕۆژهەڵات لە هەرێمی كوردستان خوێندرایەوە.
لە نامەی پەنابەران كە پێشكەش بە نەتەوە یەكگرتووەكان كرا داواكراوە كەیسی پەناخواز و پەنابەری سیاسی لە پەناخوازانی كۆمەڵایەتی جیا بكرێتەوە. كەمپ و شوێنی نیشتەجێبوون بۆ پەنابەرانی سیاسی دابین بكرێ. میكانیزمی دابەشكردنی هاوكاری بە پەنابەران پێداچوونەوەی بۆ بكرێ. چارەسەری كێشەی فۆرمی خۆراك، كێشەی پەنابەرانی نەخۆش، چارەسەری كێشەی پەنابەران بۆ مانەوە لە هەرێم و چەندین داوای دیكە كە پێوەندیان بە ژیان و گوزەرانیانەوە هەیە لە خۆ گرتووە. نوێنەری نەتەوە یەكگرتووەكان بە نوێنەری پەنابەرانی سیاسی ڕاگەیاندووە ڕۆژی یەكشەممە دەتوانن وەڵامیان بدەنەوە.
بڕیار دراوە گربوونەوەكەی بەردەم یوئێن هەتا ڕۆژی یەكشەممە و وەڵامی ئەو ڕێكخراوە بەردەوام بێ. شایانی گوتنە د.شاخهوان خالید كارگێڕی مهكتهبی سیاسی و ژمارهیهك له ئهندامانی یهكێتی نهتهوهیی دیموكراتی كوردستانYNDK بۆ پشتیوانی لهداواكاری پهنابهران بهشداربوون.
میدیا- ههولێر
شاندێكی یهكێتی نهتهوهیی دیموكراتی كوردستانYNDK سهردانی كونسولخانهی فهلهستین لهشاری ههولێر دهكات و لهدانیشتنهكه باس له بارودۆخی سیاسی رۆژههلاتی ناوهڕاست و جیهان كرا.
كاتژمێر 3:30ی ئێوارهی رۆژی دووشهممه رێكهوتی 17-5-2021 شاندێكی یهكێتی نهتهوهیی دیموكراتی كوردستان YNDK كهپێكهاتبوو له ههڤاڵان(د.شاخهوان خالید كارگێڕی مهكتهبی سیاسیYNDK و شاكر هاشم ئهندامی سهركردایهتی و بهرپرسی ههرێمی ههولێریYNDK و جهلال سمایل سارمهمی كارگێڕی مهكتهبی ناوهندی پهیوهندییهكانیYNDK)، سهردانی كونسولخانهی فهلهستینیان لهشاری ههولێر كرد، لهلایهن بهڕێز(نهزمی حزوری كونسولی دهوڵهتی فهلهستین له ههرێمی كوردستان و ئهندامانی بارهگای كونسولخانهكه پێشوازیكران، لهدانشتنهكه باس لهبارودۆخی رۆژههلاتی ناوهڕاست و جیهان و ئهم شهڕهی دوایی له قودس و غهززه كراو جهختكرایهوه سهر ئهوهی دهبێ لهرێگهی دانیشتن و گفتوگۆ چارهسهری كێشهكان بكرێ، لهبهر ئهوهی شهڕ جگه لهكاولكاری و بهركهوتنی خهڵكی سڤیل و زهرهر گهیاندن بهناوچهكه هیچی تری بهدواوه نایهت، لهكۆتایی دانیشتنهكه باس لهپهیوهندی لهمێژیینه و مێژوویی نێوان گهلی كوردستان و گهلی فهلهستین كرا.
گۆڤاری فارین پۆڵسی ئین فەوكس بڵاویكردەوە، دامەزراوەی ئەمریكی ئازادی ئایینی لە ڕاپۆرتی ساڵانەی خۆیدا داوای لە ئیدارەی جۆ بایدن كردووە ئیدارەی خۆسەری كوردی لە باكوری سوریا وەك سیستەمێكی دەسەڵاتی خۆجێی پشتڕاست بكاتەوە.
دامەزراوەكە داواشی لە واشنتن كردووە فشار بخاتەسەر توركیا بۆ ئەوەی لە ناوچەی كوردنشینی عەفرین بكشێتەوە، هەروەها ئەو پێشنیازەشی بۆ ئەمریكا كردووە كە یارمەتی و پشتگیریی خۆی بۆ كورد زیاد بكات و ئاسانكارییان بۆ بكات بۆ ئەوەی وەك لایەنێكی بەشداربووی دانوستانەكانی ئایندەی سوریا لە پڕۆسەكەدا بەشدارییان پێبكرێت.
گۆڤارەكە ئاشكراشیدەكات، ئەمریكا كوردی وەك كارتی فشار دژی ڕوسیا و دەوڵەتی سوریا بەكارهێناوە و چاوەڕوان ناكرێت ئەمریكا پشتگیریی سیاسی بۆ كورد دەرببڕێت و شێوازی ئێستای مامەڵەكردنی ئەمریكاش لەگەڵ كوردانی سوریا سیاسەتێكی ناڕوونە و تەنانەت ژمارەیەك لە بەرپرسانی ئەمریكی داوایان كردووە سەربازە ئەمریكییەكان لە ناوچەی ژێردەسەڵاتی كوردی سوریا بكشێنەوە.
میدیا- ههولێر
وهزارهتی پهروهردهی حكوومهتی ههرێمی كوردستان پێنج بریاری نوێ دهردهكات و رایدهگهێنێت: ئاماژە بەو دەسەڵاتەی لە کۆبوونەوەی 10-3-2021 لیژنەی باڵای ڕوبەڕوبوونەوەی ڤایرۆسی کۆرۆنا پێمان دراوە، لەدوای گفتوگۆکردن لەگەڵ بەڕێزان سەرۆک و ئەندامانی لیژنەی باڵای ڕوبەڕوبونەوەی کۆڕۆنا ، بریارمان دا بە :
1- دەستپێکردنەوەی پرۆسەی خوێندنی ناو پۆل لە یەکشەممە 16-5-2021 بەشێوازی بەنۆرە (تناوب) ، بۆ قۆناغی (یەکەمی بنەڕەتی تا یازدەیەمی ئامادەیی)ی ( حکومی - ناحکومی ) و ئەو قوتابخانانەی گوندەکان، کە پێشتر سێ ڕۆژ لە هەفتەیەکدا دەوامیان کردووە لەسەر یەک، بەهەمان شێواز بەردەوام دەبن .
2- پێویستە هەمو لایەک پابەندبن بە ڕێنماییە تەندروستییەکان. دەسەڵاتی بەدواداچوون بۆ جێبەجێکردنی ڕێنماییە تەندروستییەکان، جگە لە سەرۆکی یەکە کارگێڕییەکان و تیمی تەندروستی، دەدرێت بە بەڕێوەبەرانی پەروەردەی قەزا و سەرپەرشتیاریی هاوڕێی ڕەخنەگر، کە پێویستە چاودێرییەکی وردی جێبەجێکردنی ڕێنماییە تەندروستییەکان بکەن .
3 - لە حاڵەتی توشبون و چارەسەرکردنی کۆرۆنا لە ناوەندەکانی خوێندن بە هەماهەنگی نێوان تەندروستی و پەروەردەی پارێزگاکان ، بەسەرپەرشتی بەڕێز پارێزگار و سەرپەرشتیاری ئیدارە سەربەخۆکان دەبێت.
4- بەخێوکاری قوتابییان و خوێندکاران، ئەگەر ئارەزویان بێت منداڵەکەیان لە ناوپۆل نەخوێنێت، دەتوانن لە هەفتەی یەکەمی دەستپیکردنەوەی خوێندن فۆرمی بەلێننامە پڕبکەنەوە، کە بە خوێندنی ئەلیکترۆنی و پاڵپشتی ماڵەوە بەردەوام دەبن ، بەڵام تاقیکردنەوەکانی کۆتایی ساڵ لە ناوپۆل جێبەجێ دەکرێن.
5- وەزارەتی پەروەردە ، وێڕای سوپاسی بۆ هەمو بەڕێوەبەر و یاریدەدەر و ئەو مامۆستایە بەرێزانەی ڕۆلیان هەبووە لە خوێندنی ئەلیکترۆنی و دروستکردنی گروپەکانی تیلگرام و ڤایبەر و .... هتد ، وا پێویست دەکات بەردەوام بن لە کارەکانیان و لیژنەی خوێندنی ئەلیکترۆنی لە قوتابخانەکان بە کارایی بمێنێتەوە ، لە ڕێگای ئەو شێوازی پەیوەندیکردنانەی، کە بەکارهێنراون. دەتوانرێت ئەو سێ ڕۆژەی قوتابی لە ناوپۆل نییە، ئەرکی ماڵەوەی زیاتر پێبدرێت و پەرە بە تواناکانی فێربوونی بدرێت ، تەنیا لەو بابەتانە کە پێویستە تاقیکردنەوەیان لێبکرێت، لەگەڵ خشتەی بەشەوانەکان، کە لە گشتاندنی بەڕێوەبەرایەتی گشتیی پرۆگرام و چاپەمەنییەکانی وەزارەتدا هاتووە و پێشتر ڕایانگەیاندوە و بۆ دامەزراوەکانی وەزارەت ناردراون، لەم ڕوانگەیەوە کاری لیژنەی خوێندنی ئەلیکترۆنی بەردەوام دەبێت.