ئا: میدیا :
سەرۆكی پەیمانگەی دادوەری كوردستان، لە كۆنفرانسێكی رۆژنامەیی ئاماری  ساڵی 2011  دەخاتەڕوو كە 7528 بەهۆی رووداوی جۆربەجۆر هاتۆتە لایان.
  یاسین كەریم سەرۆكی پەیمانگەی دادوەری كوردستان، لە كۆنفرانسێكی رۆژنامەیی رایدەگەیەنێـت كە لە ساڵی 2011دا تەرمی 7528 كەس هاتۆتە لایان و گوتی: لەمانەش 983 كەس بە هۆی رووداوی هاتوچۆ گیانیان لە دەستداوە، 35 كەسی دیكەش بە هۆی رووداوی گوللە گیانیان لەدەستدابوو.
لەبارەی ئامارەكانیش سەرۆكی پەیمانگای دادوەری كوردستان ئەوەشی خستەڕوو كە هەر لە ساڵی رابردوو  457 كەس بە هۆی رووداوی سووتان گیانیان لە دەستداوە، لەكۆی ئەمانەش 353 كەسیان ئافرەت بوون، هەروەها 117 كەس بەهۆی خنكانەوە كە 70 پیاو و 31 كەسیشیان ئافرەت بوونە، بە مەبەستی توێكاری بۆ پەیمانگەكەیان هێنراون.