میدیا - هەولێر :

شاندێكی باڵای YNDK ئامادەی رێوڕەسمی حەڤدەهەمین ساڵیادی دامەزراندنی PKRK بوون و پیرۆزبایی YNDK یان بەم بۆنەیەوە پێڕاگەیاندن.
پاشنیوەڕۆی رۆژی پێنجشەممەی 2/2/2012 شاندێكی باڵای یەكێتی نەتەوەیی دیموكراتی كوردستان YNDK كە پێكهاتبوو لە بەڕێزان ( غەفوور مەخمووری سكرتێری گشتیی YNDK، د. عەبدوڵڵا عەدۆ ئەندامی مەكتەبی سیاسی، قەهار تاهیر و خالید مەحموود ئەندامانی كۆمیتەی سەركردایەتی، فاخیر نانەكەلی و شاكر هاشم ئەندامانی مەكتەبی ناوەندی پەیوەندییەكانی YNDK، ئامادەی رێوڕەسمی حەڤدەهەم ساڵیادی دامەزراندنی پارتی كرێكاران و رەنجدەرانی كوردستان PKRK بوون و بەگەرمی لەلایەن بەڕێزان باپیر كامەلا سكرتێری گشتی و ئەندامانی مەكتەبی سیاسی و سەركردایەتی و كادیرانی PKRK پێشوازیكران، شاندی YNDK پیرۆزبایی خۆیان بە بەڕێزان سكرتێرو سەركردایەتی و كادیرو ئەندام و لایەنگرانی PKRK راگەیاندو هیوای پێشڤەچوون و سەركەوتنیان بۆ خواستن.
شایانی باسە رێوڕەسمەكە لە هۆڵی میدیا لە شاری هەولێر بە ئامادەبوونی نوێنەرانی حیزب و لایەنە سیاسییەكان و ئەندام و دۆست و لایەنگرانی PKRK بەڕێوەچوو.