میدیا – ڤەدان:

گەشەپێدانی نەتەوە یەكگرتووەكان(UNDP) و رێكخراوی  تەندروستی جیهانی (WHO) یەكەم نەخۆشخانەی تایبەت بە نەخۆشی سیل  رادەستی  حكومەتی  عێراقی دەكەن.
بە ئامادەبوونی د. تاهیر هەورامی وەزیری  تەندروستی حكومەتی كوردستان   و  ژمارەیەك لە بەرپرسەكان  لە بەرنامەی  سیلی ناوخۆیی بەغدا، لە ئاهەنگێكدا گەشەپێدانی نەتەوە یەكگرتووەكان(UNDP) و رێكخراوی  تەندروستی جیهانی (WHO) یەكەم نەخۆشخانەی تایبەت بە نەخۆشی سیل  رادەستی  حكومەتی  عێراقی دەكەن. نەخۆشخانەكە دەكەوێتە پارێزگای سلێمانی و هەردوو حكومەتی كوردستان  و فیدراڵی عێراق  هاریكاری دەكەن.
   پرۆژەكە بەمەبەستی نۆژەنكردنەوەی نەخۆشخانەكە بوو لە كانوونی یەكەمی   2011 كۆتایی پێهات كە بەشێكە لە پرۆژەیەكی گەورەتری سیل بۆ عێراق كە لە ڕووی  داراییەوە  لەلایەن   سندوقی هاریكاری جیهانیەوە بۆ  بەرەنگاربوونەوەی ئایدز ،سیل و مەلاریا  پاڵپشتی و هاریكاریدەكرێت  و حكومەتی كوردستانیش ئامێر و ستاف بۆ  نەخۆشخانەكە دابیندەكات.
 پیتەر باچلەر، بەڕێوەبەری  بەرنامەی گەشەپێدانی  نەتەوە یەكگرتووەكان لە عێراق  گوتی "من زَۆر خۆشحاڵم كە   ئەمڕۆ لە سلێمانیم  ئامادەم  بەمەبەستی رادەستكردنەوەی  ئەم نەخۆشخانەیە بە حكومەت ، ئەم   نەخۆشخانەیە  بەشێكی لە پڕۆژەیەكی بەرفراوانتری  پاڵپشتی و هاریكاری كە بەرنامەی گەشەپێدانی نەتەوە یەكگرتووەكانی(UNDP)  و رێكخراوی تەندروستی جیهانی(WHO)   دابینی دەكات  بۆ حكومەت  بەمەبەستی یارمەتیدان بۆ مامەڵەكردن  لەگەڵ كەیسی نەخۆشی سیل  لە عێراق".
ئەم نەخۆشخانەیە توانایی  لەخۆگرتنی 30 شوێنی نووستنی هەیە  و چارەسەری تایبەت  و خزمەتگوزاری پزیشكی بۆ نەخۆشەكان  بەرەنگاربوونەوەی دەرمانی  جۆراووجۆر دابیندەكات.
  د. سەید جافر حوسێن   نوێنەری  رێكخراوی تەندروستی جیهانی(WHO) گوتی: ئەم نەخۆشخانە خزمەتگوزارییەكی بەرچاو دابین دەكات  بۆ عێراقییەكان  كە دەناڵێنن  بەدەست بەرەنگاربوونەوەی دەرمانی  جۆراووجۆر.
 لە هەر 100هەزار  كەسێك لە عێراق 46 كەس  نەخۆشی سیلیان هەیە.