وریا عەلی - میدیا :

  لە كۆنگرەی رەوەندی كوردی رۆژئاوای كوردستان كە لە هەولێر بەڕێوەچوو، پتر لە 15 توێژینەوە لە سەر شۆڕشی ئێستای سوریا و پرس و چۆنیەتی مامەڵەكردنی كورد لەگەڵ ئەو بارودۆخە بۆ بەدەستهێنانی مافەكانی كورد پێشكەش كران. سەرۆكی كوردستانیش جەختی لەوە كردەوە كە زەمانی ئینكاركردنی كورد بەسەرچووە.

 رۆژی 28/1/2012 بە ئامادەبوونی مەسعود بارزانی سەرۆكی كوردستان و بە بەشداری سەدان كەسایەتی سیاسی و رۆشنبیرانی كوردی سوریا لە دەرەوەی وڵات و سەرۆكی ئەنجومەنی نیشتمانی كوردی سوریا، لە هەولێر كۆنگرەی رەوەندی كوردی سوریا لە دەرەوەی وڵات بەڕێوەچوو. كۆنگرەكە ماوەی دوو رۆژی خایەند و پتر لە 15 توێژینەوە لە سەر شۆڕشی ئێستای سوریا و پرس و چۆنیەتی مامەڵەكردنی كورد لەگەڵ ئەم بارودۆخەی ئێستای سوریا و بە دەستهێنانی مافەكانی كورد پێشكەش كران، دوای دوو رۆژ بەردەوام بوون، ئێوارەی 29ی ئەم مانگە بە دەركردنی بەیاننامەیەك كۆنگرەكە كۆتایی بە كارەكانی هێنا

درێژه‌ی ئه‌م راپۆرته‌ له‌ به‌شی سیاسی ماڵپه‌ڕه‌كه‌مان بخوێنه‌وه‌...